Alt-Info News

📍 უკრაინის პრეზიდენტი ვლადიმერ ზელენსკი აცხადებს, რომ უნგრეთის პრემიერ-მინისტრი ვიქტორ ორბანი არ არის საკმარისად გავლენიანი, რომ უკრაინა-რუსეთს შორის შუამავლის როლი შეასრულოს. „არ ვიცოდი, რომ მოსკოვში მიდიოდა. ეს მისი დამოუკიდებელი არჩევანია. რაც შეეხება იმას, შეიძლება თუ არა ის იყოს შუამავალი. რუსეთსა და უკრაინას შორის შუამავლობა არ არსებობს. მხოლოდ სერიოზული, ძლიერი მოკავშირეები შეიძლება იყვნენ შუამავლები“, – განაცხადა ზელენსკიმ. მისივე თქმით, შუამავალი უნდა იყოს ეკონომიკურად ძლიერი და უნდა ჰქონდეს გავლენა რუსეთის ეკონომიკაზე ან უნდა ჰყავდეს უფრო ძლიერი არმია, ვიდრე რუსეთს. „ბევრია ასეთი ქვეყანა მსოფლიოში? ცოტაა. ვფიქრობ, რომ ამერიკის შეერთებული შტატები და ჩინეთია ასეთი ქვეყნები; ვფიქრობ, ევროკავშირი და არა მისი რომელიმე ერთი ქვეყანა, არამედ მთელი ევროკავშირი“, – ამბობს ზელენსკი.

📍 ევროპარლამენტში უნგრეთის პრემიერ-მინისტრის, ვიქტორ ორბანის ალიანსს მარინ ლე პენის „ეროვნული გაერთიანება“ და მატეო სალვინის „ლიგა“ შეუერთდნენ. ევროპარლამენტში ახალი ალიანსი უნგრეთის პრემიერ-მინისტრის, ვიქტორ ორბანის პარტია „ფიდესმა“, ავსტრიის „თავისუფლების პარტიამ“ და ანდრეი ბაბიშის ჩეხურმა პარტია „ანომ“ შექმნეს. ალიანსი საკუთარ ამოცანად უკანონო იმიგრაციის წინააღმდეგ ბრძოლას და ბრიუსელიდან წევრ ქვეყნებზე მეტი უფლებამოსილების გადაცემას ასახელებს.

📍 ახალი პოლიტიკური პლატფორმა „ერთიანობა საქართველოს გადარჩენისთვის“ დაფუძნდა. პლატფორმის პრეზენტაციაზე სიტყვით გამოსვლისას „ნაციონალური მოძრაობის“ თავმჯდომარემ, თინა ბოკუჩავამ გუნდის წევრები წარადგინა: გიორგი ვაშაძე, გია ჯაფარიძე, სოფო ჯაფარიძე, ლაშა ბაქრაძე, ანა მოსაშვილი, თამარ კორძაია, არმაზ ახვლედიანი, ირაკლი ფავლენიშვილი და ლაშა დიაროვი. „ერთიანობის“ საარჩევნო ნომერი - 5 იქნება. „26 ოქტომბრის არჩევნები ბიძინა ივანიშვილმა რეფერენდუმად აქცია - რეფერენდუმად რუსეთსა და ევროპას შორის. 26 ოქტომბრის არჩევნების წინ, ჩვენი ვალია, ვეძებოთ შეხების წერტილები, ის, თუ რა გვაერთიანებს, ახლა არ არის დანაწევრების, დაპირისპირების, ამბიციების ან ეგოების ჭიდილის დრო. ახლა საქართველოსთვის ერთიანობის დროა“, - განაცხადა ბოკუჩავამ პლატფორმის პრეზენტაციისას.

📍 ამერიკელი სენატორი ჯინ შაჰინი, საქართველოში „ღირსეული პარტნიორის“ სწავლების გადადებას გამოეხმაურა. „თავდაცვის დეპარტამენტის რთული, მაგრამ მნიშვნელოვანი გადაწყვეტილება საქართველოში მომავალი სამხედრო წვრთნების გადადების შესახებ. ეს შეფერხება ასახავს იმ ფორმულირებას, რომელიც მე გავამყარე კომიტეტის მიერ მიღებული ეროვნული თავდაცვის ავტორიზაციის აქტში, რომელიც მოითხოვს საქართველოსთან თავდაცვის თანამშრომლობის გადახედვას „უცხოელი აგენტების შესახებ“ კანონის მიღების შემდეგ“, – წერს შაჰინი სოციალურ ქსელში.

📍 „გულწრფელად რომ ვთქვათ, როცა ჩვენ ვხედავთ სამოქალაქო საზოგადოების შევიწროებას, როცა ვხედავთ მიღებულ კანონებს, რომლებიც ზღუდავს ფუნდამენტური თავისუფლებებისთვის სივრცეს საქართველოში, ეს არ შეესაბამება NATO-ს ალიანსის ღირებულებებს და, გულწრფელად რომ ვთქვათ, ვფიქრობთ, რომ ეს არც თქვენს ატლანტიკურ ინტეგრაციასთან არის თავსებადი, მათ შორის, ევროკავშირთან. ჩვენ ვიმედოვნებთ, რომ დავინახავთ მიმართულების, სტრატეგიული მიმართულების ცვლილებას საქართველოს მთავრობის მხრიდან, მაგრამ ახლა ჩვენი ყველა პროგრამა საქართველოსთან განხილვის პროცესშია“, – ამის შესახებ აშშ-ის ეროვნული უშიშროების საბჭოს ევროპის მიმართულების უფროსმა დირექტორმა, მაიკლ კარპენტერმა ბრიფინგზე განაცხადა.

📍„ამჟამად საქართველოსთან ჩვენი თანამშრომლობის დიდი ნაწილი განიხილება, მათ შორის, „ღირსეული პარტნიორის“ წვრთნები და სხვა ჩართულობები, რაც ჩვენ გვაქვს საქართველოს მთავრობასთან. ცხადია, რომ ბოლო რამდენიმე თვის განმავლობაში, სამწუხაროდ, საქართველოს მთავრობა არასწორი მიმართულებით წავიდა ევროატლანტიკური ინტეგრაციის პერსპექტივის თვალსაზრისით. ჩვენ დიდი ხანია, მხარს ვუჭერთ საქართველოს სუვერენიტეტს, ტერიტორიულ მთლიანობას მის საერთაშორისოდ აღიარებულ საზღვრებში. ჩვენ მივიღეთ მონაწილეობა ჟენევის საერთაშორისო დისკუსიების 60-ზე მეტ რაუნდში საქართველოს მხარდასაჭერად, ამიტომ, გულწრფელად რომ ვთქვათ, გარკვეული შეშფოთებითა და მწუხარებით ვუყურებთ ამ გადაადგილებას სხვა მიმართულებით“, - ამის შესახებ აშშ-ის ეროვნული უშიშროების საბჭოს ევროპის მიმართულების უფროსმა დირექტორმა, მაიკლ კარპენტერმა ბრიფინგზე განაცხადა.

2023 წლის 8 ივლისს გეი ფესტივალის ჩაშლამ მთელი პროდასავლური პოლიტიკური სპექტრი შეძრა ))

ომის დაწყების შემდეგ ქართველი სლავაუკრაინშიკების ისტერიის მიზეზი იყო ის, რომ დასავლეთი უკრაინაზე ლაპარაკობდა და საქართველოს არ ახსენებდნენ

კერპის დანგრევა ლისზე კონსერვატორების მიერ - ლიბერალური, გეი დღისწესრიგის დამხობის სიმბოლო

8 ივლისი - კონსერვატიული საქართველოს მორიგი გამარჯვების დღე და მისი საორგანიზაციო პროცესი