كنار ┋الجانب الديني

ياااااااااااااااااااااااااااااااااااااااااااا رب

وأنا بكتب ليكم الكلام دا حقيقي اتذكرت مقولة بتقول : "لا تعصي الله لأجل من أحببت فإن قلب من أحببت بيد الله" والحاجة دي بستنزف منك طاقة ومشاعر منك لحاجة محرمة.. و تذكري انه نصيبك بيد الله وكل شيء مكتوب .. يعني ربنا مقدر كل شيء وسعادتك بيده تعصيه لييه؟!.. والله العظيم لو اتبعتي أوامره مستحيل يتركك أبداً وممكن يعوضك بنفس الشخص لكن بالحلال ولا يشيلو من قلبك أو يعوضك بالأحسن منه.. و إذا عايزة السعادة والنصيب الحلو اتقي الله في كل شيء والله ربنا ما بيتركك أبداً أبداً قال تعالى { وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ } وآخر جُملة حابة أقولها ليك من القلب للقلب💙 "أنّ المرأة فِي الإسلام ، يُسعى إليهَا ولا تَسعىٰ هي البَتة مرغوبة لا راغبة يُخطَى لها ألف ميل ، ولا تتزحزح هي حتىٰ تَأتيها طالبًا❤️". امشي من دربك دا اديه Block وعلى مسؤوليتي😂❤️ ح تقولي لي طيب نحن بنتكلم يومي ويقول عني شنو ولو سألني أقول شنو والبينا م هين! طيب ربنا يهون عليك؟! سألك عديل م تخجلي م عارفة ليه الناس بقت تخجل تقول حرام قولي ليه حرام عديل وأنا حاجة تغضب ربنا م عايزة اعملها وما عارفه هأموت متين خلي يقول عليك مقعدة أحسن من يتعقد لسانك قدام ربنا وم تعرفي تردي💔 لأنك غالية اتركيه لله يا قمر❤️🌸 حلو يا حلوة ؟!👀❤️ #hala_elnafie

السلامُ عليكم ورحمةُ اللهِ وبَرَكاتُه يا حبيبة سِبْحة💙 عارفين علاقة البنت بالولد علاقة بدون رابط شرعي حكمها شنو طبعاً .. طيب تعالوا نقول ليكم المشكلة وين لما بنت تصاحب ولد أو العكس حتى لو كان الكلام بحدود والنية سليمة وهو زي أخوي وأنا زي أخته ❤️👀.. في قاعدة بتقول : (النية الصالحة لا تُصلح العمل الفاسد) يعنى حتى لو نيتي صالحة فـ دا ما يبرر إني أعمل حاجة ربنا نهى عنها ، وربنا نهى عن انه البنت تصاحب الولد لما قال فى سورة النساء: { وَلَا مُتَّخِذَاتِ أَخْدَانٍ }💙 وهي تعني في تفسير ابن كثير : النساء المتخذات أصدقاء من الرجال وأخلاء ونهى الأولاد عن صحبة البنات لما قال فى سورة المائدة: {وَلَا مُتَّخِذِي أَخْدَانٍ} خليكِ عارفة انه ربنا هو أعلم بينا من نفسنا ، (ربُكم أعلم بكم) ربنا عارف انه البنت هتميل للولد ، والولد هيميل للبنت ، لانه دي الفطرة السليمة الي اتفطرنا عليها _ فعشان كدا ربنا خت لينا قوانين تخلينا نبعد عن الحرام 180 درجة ، و بعدين كونو انه تحكي لولد عن أدق تفاصيل حياتك أو العكس , ولد يفضفض ليك عن أدق تفاصيل حياته وعاوزين ما تتأثرو ببعض ؟! كيف تجي دي بس ؟! نكون واقعيين شوية وننتبه لنفسنا نحن كـ بنات بنتأثر بأقل كلمة وانتو عارفين كدا وم موضوع ففيه نكران .. في اخت ح تقول : أنا من بيت محترم ومتربية كويس وح اعرف بي ياتو طريقة أحمي نفسي لو أي زول تجاوز معاي في التعامل طيب دا كلامك وانا ح اديك مقوله قالها العلماء : ﴿من استشرف الفتنة ، استشرفته﴾ يعني اللي بيمشي للفتنة وكدا عادي بدون حواجز وضوابط كدا الفتنة حتقول ليك : حياك الله أهلاً وسهلاً أسفرت وأنورت واستهلت وأمطرت نورتينا 🤭 انتِ كدا زي اللي بخت بنزين مع نار ومعتقدة انه ما هيولعو _طيب نجي للأخت التانية اللي هتقول أنا أهلي عارفين وأنا ما بعمل حاجة غلط من وراهم ! تعالي طيب أتكلم معاك براحة كدا.. كونو أهلك و قبيلتك كلها عارفة دا ما عذر لفعل الحرام على فكرة انتِ اللي ح تتحاسبي ما هم ، ما ح ينزلوا معاكي قبرك ، ما ح تقيفي قدام ربنا تقولي ليه (أهلي عارفين) وبعدين يا غالية دا أصلاً (جهر بالمعصية) واستهوان بستر الله تعالى علينا ، كيف توري الناس انك مصاحبه فلان وعلان وتاقات وضحك ف التعليقات والاموور دي كلها مجاهره بالفتنه 💔 ربنا سبحانه وتعالى قال في سورة النساء: { لَا يُحِبُّ اللهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِـمَ وَكَانَ اللهُ سَمِيعًا عَلِيمًا } والرسول صلى الله عليه وسلم قال : ( ﻛﻞُّ ﺃُﻣَّﺘﻲ ﻣﻌﺎﻓًﻰ ﺇﻻ ﺍﻟﻤﺠﺎﻫﺮﻳﻦ ) وكونه انك عارفة ومستمرة في الذنب والحرام جاي على هواكِ، وآلفتي المعصية وبقت شيء عادي ومعتاد بالنسبة ليك دي مصيبة والله ، انك تكوني شايفه انه عندك أصحاب والموضوع عادي ليك بزعل ياخ💔.. النبي ﷺ قال في معنى الحديث انه مافي اضر على الرجال من النساء فـ كيف نقعد الفاتن جنب المفتون ونقول لا مافي مشكلة؟! صدقيني حتى لو كان الولد دا كان أصغر منك وبتعتبريه زي أخوك الصغير برضو هيحصل الاعجاب أو حتى انجذاب وتعلّق ، لانه العمر م مقياس ولا بمنعك انه مشاعرك م تتحرك 💔 وربنا قال لـ أطهر البشر اللي هم "الصحابة وزوجات الرسول" اللي أصلاً يُعتبروا أُمّهاتهم انهم يتكلمو من وراء حجاب ، فما بالك بينا نحن و ويين نحن منهم! { ﻭَﺗَﺤْﺴَﺒُﻮﻧَﻪُ ﻫَﻴِّﻨًﺎ ﻭَﻫُﻮَ ﻋِﻨﺪَ ﺍﻟﻠَّﻪِ ﻋَﻈِﻴﻢٌ }💙 اسمعيني يا حبيبه قلبي.. كلمة (بحبك) هي كلمة السر اللي الشاب بيمسك بيها قلب أي بنت وللأسف الشديد البنت هي الخسرانة الأولى في هذه العلاقة .. عايزاك تعرفي يا حبيبتي إنك يوم ما ح توافقي ترخصي نفسك وتسمحي لشاب إنه يكلمك في غير إطار علاقة شرعية يبقى انتِ كدا بتفتحي على نفسك باب فتنة و تعاسة وحزن وغم لا ينتهي لأن العلاقات اللي بداياتها لا ترضي الله نهاياتها لن ترضيكِ والله.. خليكِ عارفة ومتذكرة إنك جوهرة مصونة ربنا تبارك وتعالى حماكِ وأمرك بالحجاب والتعفف صيانة لكِ لأنك غالية ولا يرضى لك المهانة ولا لقلبك الكسر.. إياكِ تكوني هشة تتأثري بأسخف قول وقلبك يتأثر بأدنى لمسة اهتمام تسقطي في أول مصيدة ، عوِّدي قلبك القوة💪🏻💙 صدقيني عمرك ما هتحسي بالسعادة وانتِ مستنية عيد الحب عشان تجيبي هدية للولد اللي بتحبيه.. الحب الحقيقي هو اللي بكون في طاعة الله وداخل إطار علاقة شرعية وما عاداه فهو باطل فانتبهي وانظري أين تضعي خطواتك قبل ما تخسري نفسك وتكوني حطام لعلاقة محكوم عليها بالفشل .. ربنا وجل لما يامرك بشيء فصدقيني هو خير ليك انتِ وحفاظاً على نفسك انتِ وقلبك ، صدقيني لما تعلقي قلبك بشخص وبعلاقة محرمة هتتعبي والله💙 لانها اولاً لا ترضي الله عز وجل وكيف عايزة تشوفي السعادة؟! قال تعالى { وَلا تُلْقُوا بأيْدِيكُمْ الَى التَّهْلُكَةِ.. } صدقيني دا هلاك ليك ممكن تكون سعادة مؤقتة ولكن هتتذكري بعدين انه(أي علاقة لا ترضي الله نهايتها لن ترضيك) وين ماشة نهايتك بيد ربنا؟!

مساء الخير حباً❤️ في ممارسة للبركة وسلامة الصدر لطيفة قاعدة أمارسها ممكن تجربوها.. لمن تكون ماشي في الشارع أو راكب أو أيًا كان لما عينك تيجي على إنسان فكر لثانيتين! -ممكن يبقى إيه الدعاء اللي الشخص ده محتاجه؟!  *(من الظاهر عليه)* وأدعي ليو بيهو❤️. سواء ربنا يزيده بركة أو يشفيه أو يبارك في أولاده، أو يسخر ليه الناس بالخير، أو يوسع رزقه، أو لو عنده نعمة معينة ربنا يزيده منها، وما تكونش فتنة ليه أو ربنا يهديه ويصلح شأنه.. وغيرها من الأدعية. الحاجة دي بتخليك ممتن لله على الرزق اللي رزقه ليك. وبتساعدك تحس بالناس وتودّهم، وتعرف أن الفضل كله لله ومن الله. بيبقى عندك أمل في رحمة الله الواسع، وكمان الملائكة تدعيلك بالمِثل، وربنا يرزقك باللي يدعيلك كمان في ظهر الغيب. ده غير أنه عبادة، وغيرو من الأرزاق والنِّعم اللي ممكن تنعم فيها❤️. *"جربوها وعلمّوها لغيركم"❤️*

في ميزان حسنات كل شخص كتب حرف هنا🥺🥺🥺🥺🥺🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤍!!

﴿وَاصبِر وَما صَبرُكَ إِلّا بِاللَّهِ وَلا تَحزَن عَلَيهِم وَلا تَكُ في ضَيقٍ مِمّا يَمكُرونَ﴾ [النحل: ١٢٧]