Research Services

🤣😝🫢

که ته ځوان یې، نو پوه شه چې وخت تر تلو وروسته نه راګرځي. هره شېبه د راتلونکي تهداب دی، هره پرېکړه ستا لاره ټاکي او هره هڅه تا د بریا یا ناکامۍ خوا ته بیایي.! ځواني غره ته د ختلو په څېر ده، نه سیوري ته د ناستې. اې ځوانه د ژوند سختۍ ته غاړه کېږده، تجربې او زده‌کړه وکړه، بیا بېرته راپورته شه. مه وېرېږه، مه ستړی کېږه او مه د نورو د خوښۍ غلام ځان جوړوه. خپله لاره وپیژنه، خپلې هڅې ته دوام ورکړه او تل یاد ساته چې تر ټولو لویه شتمني ستا هڅه، هوډ، او صداقت دی. خبره مې دا کوله چې، ځواني تېرېږي، خو که ته یې سمه وکاروې، نو ستا نوم، شخصيت او شان به پاتې شي.! فِکر

د رابندر ناته ټیګور څو غوره او ښکلي اقوال: 1. "خپل ځان کمزوری ګڼل تر ټولو ستره ګناه ده." 2. "که ته د لمر په څېر ځلېدل غواړې، نو لومړی د لمر په څېر سوځېدل زده کړه." 3. "کله چې زموږ دعاګانو ته ځواب نه راځي، نو باید په یاد ولرو چې ځیني وختونه څه نه ترلاسه کول هم یو نعمت وي." 4. "مینه د هیڅ شي غوښتنه نه کوي، هغه یوازې وركړه کوي." 5. "پر تیارو باندې د لعنت ویلو پر ځای، یو کوچنی څراغ بل کړئ." 6. "د ژوند حقیقت په الفاظو کې نشي ځای پر ځای کېدای، هغه یوازې محسوسېدای شي." 7. "یوازې ودرېدل لاره نه جوړوي، لارې هغه څوک جوړوي چې د تګ همت لري." 8. "آزادي هغه نه ده چې تا له نورو سره یو ځای کړي، بلکې هغه ده چې ته خپل ځان خپل په دننه کې ومومې."

خره خپل د یاداښت کتاب پرانیست او ویې لیکل: "زه نه پوهېږم چې د زمري د تګ څومره موده کیږي، خو د ژوند په دې وروستیو کې یوې دردناکې او ثابتې پایلې ته ورسېدم هغه دا چې: د زمري واکمني د هغو بیزوګانو او سپیو تر آزادۍ غوره وه چې موږ یې غولولو. زمري موږ غلامان نه کړو، بلکې له هغو بیزوګانو او سپیو څخه یې وژغورلو چې یو د ځنګله نیمه برخه د کیلو او بله نیمه برخه د هډوکو په بدل کې خرڅوي." “علي الوردي”

شمس الدین تبریزي وايي: "انسان د هغه چاسره بندي وي، چې د ده په ژبه او احساس نه پوهېږي." (درک کولی نه شې) جارج اورویل' په خپل یو ناول کې لیکلي: "شاید انسان مینې ته دومره اړتیا و نه لري،لکه څومره چې دا هیله لري چې یو څوک یې درک کړي." احمد خالد توفیق وايي: "زما په اند، د انسان بدبختي له هغو کسانو سره په ناسته ولاړه کې ده، چې نه یوازې دی پیژندلی شي، بلکې تل یې ناسم/غلط درک کوي. د انسان غم دا نه دی چې ملګری نه لري، بلکې دا دی چې مناسب ملګری نه لري. نو که داسې څوک پیدا شي، چې ته ورته د خپل زړه خبرې کولی شې، پرته له دې ویرې چې تا به غلط تعبیر/درک کړي، نو دا تر ټولو لوی نعمت دی چې تا موندلی وي." ژباړه: مِهرِستان