PARANOIA.KZ

БАҚ: Венгрия премьері Орбан Украинаға Ресеймен келіссөз бастау үшін ұрыс қимылдарын тоқтатуды ұсынды.

Сандарды сөйлетіпті. Соғыстан кейін не болмақ? Ресей экономикасына қалай әсер етеді? Толығырақ⬇️ https://mezgil.kz/e/action/ShowInfo.php?classid=1&id=5520

Қырғызстанға БҰҰ Бас Хатшысы Антонио Гуттериш келді. Ол Орталық Азияға ШЫҰ саммитіне келген болатын. Садыр Жапаров Гуттеришпен кездесу барысында БҰҰ Қауіпсіздік кеңесінің тұрақты емес мүшелері қатарына Қырғызстанды алуда қолдау күтетінін айтты. БҰҰ Қауіпсіздік кеңесінің тұрақты емес мүшелігіне сайлануда Қырғызстанға басты қарсылас Филиппин елі болуы мүмкін.

Қазақстанға Қытай төрағасы Си Цзиньпин келді. Ол ШЫҰ саммитіне және Қазақстан-Қытай арасындағы келіссөзге қатысады. Қытай өткен жылы Қазақстанның басты сауда серіктесіне айналды. Осылайша Бейжің бұл көрсеткіште Ресейді екінші орынға ысырып тастаған. 2023-те 41 млрд долларға жуық тауар айналымы болыпты. Қытайдың басты қызығушылығы Қазақстан арқылы ЕО-ға тауар тасу дейді мамандар. Теңіз арқылы тауар тасу қиындай түскен, ол оңтүстік-шығыс Азиядағы геосаяси жағдайларға және Қызыл теңіздегі хуситтер әрекетіне байланысты болып отыр. Сол себепті құрлық жолына көбірек акцент беруге ниетті екені айтылуда. Ол Орталық Азия арқылы өтеді, оның ішінде Қазақстан басымдыққа ие. Теңіз жолы Қытай саудасында әлі де 90 пайыздан асады, ал құрлық жолы арқылы тауар тасу ақырындап, мысықтабандап алға жылжуда. Қытай Қазақстандағы теміржолдар мен көлік жолдарының дамуына инвестиция құюға ниетті екенін айтуда. Ал халықаралық негізде Транскаспий бағытына серпін беретін Зангезур дәлізінің ашылуын құп көретінін білдіруде.

Ресей Қорғаныс министрлігі Украинаның “Миргород” әуежайына “Искандер-М” зымыран кешенімен соққы жасаған видеоны жария етті. Ресейлік тарап соққыдан Украина кемі 5 ұшағын жоғалтты дейді. Украина ақпарат көздері соққыдан бір ұшақ жойылып, бір ұшақтың зақымданғанын, ал қалған ұшақтар әскери макет екенін жазуда. Киев АҚШ-тан Ресейдің аумағындағы ATACMS жететін әскери әуежайларды атқылауға рұқсат сұрауда.

Ресей ұшақтары тонналаған бомбаларды өз территориясына тастауды жиілетті. Толығырақ⬇️ https://mezgil.kz/e/action/ShowInfo.php?classid=1&id=5515

Иран: Израиль “Хезболлаға” қарсы жаппай соғыс бастайтын болса, біз “Хезболланы” барынша қолдайтын боламыз. BILD: Израиль билігі Хезболлаға қарсы операцияны шілденің екінші жартысында бастамақ. Оған қатысты тиісті дайындықты жүргізуде.

Украинаға араға 12 жыл уақыт салып Венгрия премьері Орбан келді. Ол Зеленскиймен кездесіп, ашық және жабық форматта кездесу өткізбек. Сарапшылар Орбан Украинадағы санкция салынған Венгрия банктері мен компаниялары және соғысты тоқтату жолдары жайлы айтады деп болжауда. Венгрия Украинаға Еуропалық бейбітшілік қоры тарапынан берілуі тиіс 6,5 млрд еуроны бұғаттап келеді. Аталмыш кездесуден кейін Орбан ойын өзгертуі мүмкін дейді сарапшылар.

WSJ: НАТО елдері Украинаға көмек көрсетуге қатысты жаңа жоспарларды жасауда. Жоспардың бірі Трамп билікке келсе де көмекті жалғастыруды қарастырады. Сонымен бірге НАТО Германияның Висбаден қаласында тағы бір басқару штабын құрып, Киевке берілетін көмекті координациялау жұмысымен айналысады. Ал НАТО саммитінен кейін Украинаға арнайы шенеунікті жөнелтіп, оған Украинаға берілетін көмекті бақылаумен айналысу міндетін жүктемек.