Hodiy_uz | Расмий канал

#ҳикмат Тафаккур Кунларнинг бирида баъзи кимсалар Имом Шофеъийнинг ҳузурларига келиб, у кишидан Аллоҳ азза ва жалланинг борлигига битта далил айтишни сўрашди. У киши бироз ўйга чўмиб, сўнгра: «Аллоҳнинг борлигига тутнинг барги далилдир», дедилар. Одамлар бу жавобдан таажжубга тушиб, «Қандай қилиб тутнинг барги Аллоҳнинг борлигига далил бўлади?» дейишди. Имом шундай дедилар: «Тут баргининг таъми бир хил. Лекин уни ипак қурти еса, ипак чиқади. Асалари еса, асал чиқади. Кийик еса, хушбўй мушку анбар чиқади. Ахир бу нарсаларнинг аслини бир, чиқишини ҳар хил қилган ким? Аниқки, унинг яратувчиси ушбу улкан коинотни яратган Аллоҳ таолодир!» 👉 https://t.me/hodiy_uz

Пайғамбаримиз алайҳиссаломни тушда кўриш ҳақида «Шайх Муҳаммад Содиқ Муҳаммад Юсуф» жоме масжиди имом ноиби Ҳасанхон Яҳё Абдулмажид 👇 @hodiy_uz

Ҳотам ал-Асомдан ривоят қилинади: “Шошилиш шайтондандир, фақат беш ўринда ундай эмас. Чунки улар Расулуллоҳ соллаллоҳу алайҳи ва салламнинг суннатларидандир. ✅1. Меҳмон ташриф буюрганда овқат тортиқ қилиш. ✅2. Ўлим содир бўлса, маййитни (кўмишга) тайёрлаш. ✅3. Қиз балоғатга етса, турмушга узатиш. ✅4. Қарздор бўлиб қолинганида уни тўлаш. ✅5. Қачон гуноҳ содир этилса, гуноҳдан тавба қилиш”. @hodiy_uz

#Дуо Усмон ибн Аффон розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Қайси бир банда ҳар куни эрталаб ва кечқурун уч марта: “Бисмиллааҳиллазий лаа язурру маъасмиҳи шай’ун фил-арзи ва лаа фис-самаа’и ва ҳувас-самийъул-ъалийм”, деса, унга ҳеч нарса зарар қила олмайди”, дедилар”. Имом Абу Довуд ва Термизий ривоят қилган. Дуонинг маъноси: “Унинг исми (зикр қилиниши) ила еру осмонда ҳеч нарса зарар қила олмайдиган Аллоҳ номи ила (паноҳ сўрайман). У ўта эшитувчи ва билувчи Зотдир”. @hodiy_uz

Шайх Муҳаммад Мутавалли Шаъровийнинг нозик ишларидан Шайх Шаъровий Расулуллоҳ алайҳиссаломнинг равзаларини Зиёрат қилишга борадилар. Зиёрат асносида қабрларининг рўпарасидаги темир панжарани ўпмоқчи бўладилар. Лекин ўша ерда турган қўриқчи зобит шайхни итариб ташлайди ва: бундай қилиш мумкин эмас, бу бидъат, ҳаром, дейди. Шайх: нима учун?-дейдилар. Қўриқчи: СИЗ Ўзингиз яхши биласизку, шайхсиз. Бу Оддий темирку, шуни ўпасизми?-дейди. Шайх Шаъровий зобитга: раҳмат сенга, менга тўғри танбеҳ бердинг. Бўлмаса, мен Расулуллоҳни ўпяпман деб ўйлаб юрган эканман, аслида темирни ўпаётган эканман. Аллоҳга қасамки, менга қилган бу яхшилигинг учун сени пешонангдан бир ўпмасам кетмайман, дедилар. Зобит ҳар қанча қаршилик қилмасин, Шайх унинг пешонасини ёпиб турган шапкасини устидан ўпдилар. Шундан кейин Шайх зобитга қараб истеҳзоли кулдилар. Зобит: нимага келяпсиз?-деб сўради. Шайх: мен сени пешонангдан ўпдим, деб ўйлаяпсанми?-дедилар. Зобит: Ҳа, ҳозиргина ўпдингизку, сиздай УЛУҒ Шайх Аллоҳнинг уйида туриб, ўзининг қилган ишидан тонадими, деди. Шайх: Йўқ, мен сени бош кийимингни ўпдим, дедилар. Зобит: шапкам пешонамни ёпиб турганидан кейин, уни устидан ўпасизда, деди. Шунда Шайх: Демак, темир панжара Расулуллоҳнинг қабрларини тўсиб тургани учун уни ўпсам, Расулуллоҳнинг қабрларини ўпган бўламанми, дедилар. Бу гапни эшитиб зобитнинг кўзига ёш келди, Шайхдан узр сўради ва ўзи ҳам панжарани қучоқлаб ўпа бошлади. Шайх Шаъровийни Аллоҳ раҳмат қилсин, қандай ҳалим, қандай олим ва кучли мантиқ ҳамда ҳужжат эгаси эдилар. @hodiy_uz

#ҲАДИС Усайд ибн Али ибн Убайддан, унинг отасидан ривоят қилинади: У Абу Усайднинг одамларга шундай деяётганини эшитди: “Биз Набий соллаллоҳу алайҳи васалламнинг ҳузурида эдик. Шунда бир киши: “Эй, Расулуллоҳ! Ота-онам вафотларидан кейин, уларга яхшилик қилишимдан бирор нарса қолдими?”- деб айтди. У зот: “Ҳа, тўртта хислат бор; улар учун дуо қилиш ва уларга истиғфор айтиш ва уларнинг аҳдига вафо қилиш ва уларнинг дўстларини ҳурмат қилиш ва сенга икковлари тарафидан яқинлиги бўлган қариндошларга силаи раҳм қилиш”, деб айтдилар”. Бухорий “Адабул муфрад” китобида ривоят қилган. Дўстларингизга ҳам улашинг: https://t.me/hodiy_uz

Дуоларнинг жамланмаси: Оиша разияллоҳу анҳодан ривоят қилинади, у киши айтадилар: Мен намоз ўқиб турган эдим, шу он Расулуллоҳ саллаллоҳу алайҳи васаллам ҳузуримга кириб келдилар. Менда ишлари бор экан, намозимни тугатгунимча кутиб қолдилар ва: Эй, Оиша! Дуони қисқароқ қил ва дуоларнинг жамланмасини қил, дедилар. Намозни тугатиб бўлиб: Эй, Расулуллоҳ! Дуоларнинг жамланмаси қайси? - деб сўрадим. У зот: Шундай дуо қилгин: Аллоҳим, мен Сендан яхшиликларнинг барчасини, бу дунёдагисини ҳам, у дунёдагисини ҳам, билганларимни ҳам, билмаганларимни ҳам ато этишингни сўрайман. Мен Сендан ёмонликларнинг ҳаммасидан, бу дунёдагисидан ҳам, у дунёдагисидан ҳам, билганларимдан ҳам, билмаганларимдан ҳам поноҳ беришингни сўрайман. Сендан жаннатни ва унга яқинлаштирадиган сўз ёки амални сўрайман. Сендан дўзахдан ва унга яқинлаштирадиган сўз ва амалдан паноҳ беришингни сўрайман. Сендан Қулинг ва Пайғамбаринг Муҳаммад алайҳиссалом сўраган нарсани сўрайман. Сендан Қулинг ва Пайғамбаринг Муҳаммад алайҳиссалом паноҳ сўраган нарсадан паноҳ беришингни сўрайман. Аллоҳим менга ёзган қазойингни оқибатини яхши қилгин, деб ўргатдилар. (Имом Бухорий Адабул муфрадда ривоят қилганлар) @hodiy_uz

#ҲАДИС Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Ким қўлида ёғнинг асари бўла-туриб, уни ювсмасдан ухласа ва унга бирор нарса бўлса, ўзидан бошқани маломат қилмасин”, дедилар”. Абу Довуд ривоят қилган. Дўстларингизга ҳам улашинг: https://t.me/hodiy_uz

#Оят Аллоҳ таоло марҳамат қилади: «Эй, Раббимиз! (ўзингга) имон келтирдик. Бас, бизларни мағфират қилгин ва бизларга раҳм айла! Сен ўзинг раҳм қилувчиларнинг яхшисидирсан» (Мўъминун сураси 109-оят). @hodiy_uz