منصة سُعداء💙

قال تعالى: (الْآنَ خَفَّفَ اللَّهُ عَنكُمْ وَعَلِمَ أَنَّ فِيكُمْ ضَعْفًا ۚ فَإِن يَكُن مِّنكُم مِّائَةٌ صَابِرَةٌ يَغْلِبُوا مِائَتَيْنِ ۚ وَإِن يَكُن مِّنكُمْ أَلْفٌ يَغْلِبُوا أَلْفَيْنِ بِإِذْنِ اللَّهِ ۗ وَاللَّهُ مَعَ الصَّابِرِينَ). [سوة الأنفال، آية: 66] اللهم اجعل السودان بلداً أمناً، واحفظ أهله في كل بقاعه🙏💙 #Soouda_Platform #Blue_Family💙

إنتَ أيوة إنتَ! في بالك فكرة مشروع ؟؟ أو عندك مشروعك الخاص لكن خبرتك في ريادة الأعمال بسيطة؟؟ و في نفس الوقت عايز تصبح من الناجحين وتنجح في مشروعك وتعرف كيف تستثمر قروشك بالطريقة الصحيحة؟؟ حلك عندنا يا عزيزي 💙 ورشة ريادة الأعمال مع المدرب/البراء محمد عثمان محاور الورشة : 🔰مفهوم ريادة الأعمال 🔰سمات ومهارات رائد الأعمال 🔰خصائص رائد الأعمال 🔰أنماط التفكير 🔰تحويل الأفكار إلى مشاريع 🔰اتخاذ القرارات 🔰التسويق 🔷️ يوم الأربعاء الموافق 6/12/2023 🔷️الساعة 9 مساء بتوقيت السودان 🛑الورشة مجانية 🔹على تطبيق الواتساب رابط القروب: https://chat.whatsapp.com/JvUN15KA8jfEZ9gxu4mrfy

كتير مننا بتمنى يكون عندو بزنس خاص بيهو! وقبل إختيار المشروع لازم نعرف كيف ندير مشروعنا دا ونخليهو من بزنس عادي لمشروع عالمي💙 ويكون عندنا براند عالمي خاص بينا، طيب لو فتحت بزنس وم عرفت تديرو يعني كده فشلت؟ أبداً لانو زي م بقولو (ما تأخر من بدأ) جهزنا عشانك كورس إدارة المشاريع الاحترافية. PMP 🔥🔥 عشان تتعلم كيف تدير مشروعك وتعرف التكاليف والمشتريات، وما كده وبس، دا بخليك تتأهل لإجتياز الامتحان الدولي🔥 مع المدرب/الرشيد عبدالوهاب المحاور: 🔰إطار إدارة المشروع 🔰عمليات إدارة المشاريع 🔰 إدارة التكامل 🔰إدارة النطاق وإدارة الوقت 🔰 إدارة التكاليف وإدارة الجودة 🔰إدارة الموارد البشرية 🔰 إدارة الاتصالات وإدارة أصحاب 🔰 إدارة المخاطر وإدارة المشتريات 🔰دراسة حالة والمسؤوليات المهنية وعملية تقديم الطلبات 🔸اونلاين على الواتساب 🔸يوم الثلاثاء الموافق/12/12/2023 🔸الساعة 9 م بتوقيت السودان 🔸في تمام الساعة التاسعة مساءً لمدة أربعة أيام متتالية 🔸بسعر 3.500 ج.س شامل الشهادة للتسجيل: 0125613139 ألحق وما تفوت الفرصة😉💙 #Soouda_Platform #Blue_Family

We will Never forget .💔 We will NEVER stop sharing ᖴᖇᗴᗴ ᑭᗩᒪᗴSTIᑎᗴ !!🇵🇸 ليسوا مجرد محتوى يشارك وينشر!! بل هم شعب يُقتل هم ضحية!🙏 #Soouda_Platform #Blue_Family💙

شكراً 8K🙏💙 كتير مننا سواء كنا بنات أو اولاد.. بدينا نفكر بشكل مفصل عن حياتنا، كل انواع الحياة ومن كل النواحي.. ودي الحاجة العاجباني جداً جداً 💙 يمكن الميديا عالم منافق لكتير.. ودي حاجة حاصلة ما بكذبها، بس لو جينا نشوف منظور تاني حنلقى انو من مواليد 2006 ولفوق! شباب ساعيين يكونوا مثقفين ويكونوا واعيين شباب عندهم طموح سواء كان بمشاريع أو دراسة أو حتى تعلم الحياة الدينية البتكون أساس الحياة.. الحاجة دي مخلياني مبسوطة جداً بالناس العندي عالتايم لاين.. نزلت البوست عشان عاوزة أنبه على حاجة! اسمها الخوارزميات .. الفيسبوك عموماً هو بالأخير عالم افتراضي لناس واقعيين قد تلقى العاوز يسرد حياتو وقد تلقى العاوز يسرد تفاصيل شغلو والعاوز يطلع الطاقة السلبية بحاجات هزلية وغيره كتير جداً والأمثلة حية قدامكم لانو انتو موجودين داخل العالم دا الآن .. بتبقى الفكرة فيك أنت! انت التايم لاين حقك شايت وين؟ كتير بدخلوا صفحات زي (خديجة امريكا، ماما اميرة، روني صباحي وقروب فسخ وجلخ، وقروب الاستشارات، وشوف صورتك وجيب مرتك الخ..) مع احترامي ليهم بس عارفين انو المحتوى حقهم معروف يعني ودا ضرب مثل ما اكتر.. فببدوا يعلقوا على الصفحات المن النوع دا فبالتالي الفيسبوك حياخدك على منشوراتهم بدون تردد وكل جديد ليهم حينزل ليك لأنك أنت الغصت في صفحاتهم واخترت تدخل تعلق وتضحك وتتبهرج بالاساءات وتقليل شأنهم! في جهة تانية تلقى واحد مباري صفحات كلها هزل وبشير منشوراتهم عشان يضحك الناس الحوليهم، وهنا برضو فيسبوك بدون تردد حيجيب ليهم كل جديد لأنهم هم الاختاروا كدا.. وفي عالم تانية خالص بتختار انها تتبع أساليب التعلم الجديدة الذاتية، وتتعلم الأفكار والأعمال اليدوية وحتى الأحكام الفقهية وهكذا.. مختلف الجوانب المفيييييدة! ركزوا معاي في الكلمة دي.. هنا الفيسبوك حيعمل نفس العملو مع ديلك.. حيجيب ليهم كل شيء جديد من الصفحات المفيدة الهم تابعوها.. طيب الفرق شنو بين ديل وغيرهم! الفرق عقلك.. ركز معاي عقلك الخاص بيك انت والبتتحكم فيو انت.. براك سقتو لحاجة معينة، طيب المشكلة وين؟ المشكلة انو الآن وبدون نفاق الميديا بتاخد 60٪كحد أقصى من زمنا فبالتالي عقلك حيتبرمج على المحتوى الانت غصت فيو .. يمكن العالم الاختارت انها تنوع التايم لاين هم الوحيدين بدون منازع المستمتعين تماماً بحياتهم الافتراضية وبتعرفهم على الشخصيات والأفكار الجديدة والمتنوعة.. اتخيل معاي انك بتقلب عالتايم لاين! اول بوست.. بوريك ما هي النوافل، طُرق لحفظ القرآن الكريم..الخ تاني بوست.. تعلم كيفية إدارة مشروع صغير! تالت بوست.. حاجة ترفيهية سواء كانت نكتة أو موقف..الخ رابع بوست.. وحدة أو واحد بحكوا عن موقف فيو عِبرة ممكن تفيدك خامس بوست.. كيف تتعلم الطبخة الفلانية سادس بوست.. تعلم كيفية إدارة الأموال واستثمارها بشكل صحيح سابع بوست.. كيف تعالج نفسك من الآثار السلبية وغيرو.. وتطول القائمة! حيكون قدامك شخص مثقف ومتجدد فكرياً لانو استغل التايم لاين القدامو وما مضيع قروش النت سدى! لو جينا نعمل مقارنة بالحاجات التانية حتقرفوا شديد بس اكيد خطرت على بالكم بنفس الأسلوب الفوق.. البوست الاول ماما أميرة قالت، البوست التاني انا راجلي طلقني، البوست التالت بتحب السيجارة الإلكترونية ولا العادية!! الفائدة بيغ زيرو🙏💔 وهكذا.. انت كشخص واعي.. اياك ثم اياك ثم اياك تفكر في شخصية داخل العالم الافتراضي لدرجة الهوس! كل العليك انك تكّون شخصيتك انت الافتراضية + تتعرف على شخصيات وتاخد منهم الفائدة لا غير! ابعد الحدود انك تتعظ بكيفية إدارة حياتهم عشان يلهموك.. بس اياك تفكر انو هو احسن منك او انك عاوز بأي طريقة بس تصل مرحلتو لانك وقتها الهوس حيعيمك وحتتبع كل الطرق الغبية وفي الأخير حتطلع واحد عندو نفسيات لانو ما قدر يصل للعاوزو! اصنع نفسك بنفسك، بالحاجة البتشبهك وبأسلوبك الخاص والمميز💙 الكلام كتير في الموضوع دا بس اكيد الفكرة وضحت😉 #Soouda_Platform #Blue_Family💙

📌لسه ما سجلت للدورة التدريبية؟؟؟ "سخر جهودك وطاقتك لتقدير ذاتك وتحسين شخصيتك فيسعى الباقون لجذبك"💙 مرات كثيرة في الحياة بنتلاقى ببعض الناس وبنندهش من الكاريزما والبرستيج والسحر العندهم، في الأماكن العامة، أثناء السلام أو الحوار، أو إلقاء الخطب،سواء رجال أعمال - مدراء - مدربين - معلمين نجوم - ساسة... إلخ!! حتبدأ تكرر الأسئلة دي في ذهنك.. من وين جايبن الهيبة و التميز دا؟ كيف يكون عندي كاريزما شخصية؟ حنجاوب على الأسئلة دي في أقوى الدورات التدريبية "دورة الكاريزما الشخصية وقوة الحضور" 💢حنتعرف على مفهوم الكاريزما وأسرارها الغامضة، والميادين اللي بتلعبها الكاريزما. 💢حتتعرف فيها على 6 فصول:- _الفصل الأول - المكونات الأساسية الأربعة للكاريزما _الفصل الثاني - أنماط الكاريزما لتعرف من أنت منهم _الفصل الثالث - أخطاء قاتلة للكاريزما نفعلها يومياً للأسف _الفصل الرابع - كيف ترد الإهانة _الفصل الخامس - حيل نفسية تجذب الناس _الفصل السادس - طرق علمية ونفسية لإكتساب الكاريزما دورة الكاريزما والحضور رحلة من الإستمتاع والإندهاش ما بين المظهر والجوهر، والبريق، والإطار والسطوة. 🎙️مع المدرب/محمد الغرباوي خبرة في مجال التدريب أكثر من 15سنة🔥 🔸عدد الأيام ثلاثة أيام متتالية 🔸يوم السبت 25/11/2023 🔸الرسوم 3500 ج.س 🔸الساعة 9م بتوقيت السودان 🔸الدورة اونلاين على تطبيق الواتساب 🔸للحجز والاستفسار واتساب: 09960662900 01110863706 #Soouda_Platform #Blue_Family💙

خبر مفرح💙🫂 الشيخ عفيف بالأمس أتم تسجيل القرأن الكريم كاملاً بفضل الله.. وحيكون متوفر قريب في تسجيلات وتطبيقات✨ اللهم توفيقاً يلازمه وبشرى أخرى.. تم تدشين قروبات القسم الديني لمنصة سعداء مع فريقنا المميز "سُقيا لِلفُؤادِ"📌 رابط قناة التيلجرام: https://t.me/soouda رابط قروب الواتساب: https://chat.whatsapp.com/BxDSu2c57TT534J7c3IfxS #Religious_Section #Soouda_Platform #Blue_Family💙

الآن بناء الشخصية بيتطلب منك مجهود جبار، وتركيز على احداثيات كتيرة وتنميتها ومن الاحداثيات دي لابد الواحد يكون ذو شخصية قيادية بتتمتع بالحماس والرغبة القوية لتحقيق الأهداف وكيفية بناء علاقات فعالة وحتى ذو فن معاملة وتأثير سلوك لكسب الثقة والاحترام .. كـورس بناء القائـد المؤثـر مع المدرب/ محمـود المغـربي حنتناول المحاور الآتية: 🔰كيف اكون قائد؟ وما هي الأدوات الأساسية 🔰معوقات تكوين شخصية القائد 🔰مهارات الشخصية القيادية 🔰مهارة حل المشكلات 🔰كيفية اتخاذ القرار وأسباب التردد وعدم اتخاذ القرار 🔰مهارات الاقناع الشخصي واستراتيجيات الاقناع 🔰الاقناع الحديث والأدوات الخفية للإقناع 🔰مصادر التأثير وكسب كاريزما التأثير 🔰طرق الإقناع التسويقي 🔰الوصول للشخصية المؤثرة 🔹يوم السبت الموافق 2/12/2023 🔹الساعة الثامنة م بتوقيت السودان 🔹الرسوم 3500 ج.س شامل الشهادة 🔹اونلاين على تطبيق الواتساب 🔹لمدة ثلاثة أيام متتالية 🔹للتسجيل والاستفسار: 0125613139

شهريّ اكتوبر ونوفمبر مليئان بالحيوية والنشاط الذهني والسلم التصاعدي نحو المعرفة والعلم والتطور!💙✨ ماذا تتوقع منا في شهر ديسمبر المقبل؟ ومن خلال رؤيتك للصورة أدناه ما هو توقعك لأول دورة تدريبية في شهر ديسمبر ومع من ستكون؟ مقعد مجاني لأول صاحب إجابة كاملة صحيحة 👏 #Soouda_Platform #Blue_Family💙

بتمر بينا تساؤلات واستفسارات كتيرة فيما يتعلق بصناعة الكاريزما وبناء الشخصية، ومن أهم وأبرز التساؤلات دي.. _ ماهي الكاريزما..⁉️ _ هل الكاريزما حاجة فطرية ومحصورة على فئة معينه من الناس ولا مكتسبة وقابلة للتعلم..⁉️ _ هل الكاريزما عندها أنواع بتنقسم ليها ولا الكاريزما بس هي الكاريزما..⁉️ في المقال دا ان شاء الله حنحاول نجاوب على التلاتة أسئلة دي ونضرب عليها بعض الأمثلة ان شاء الله ودي حتكون المدخل لعلم الكاريزما الشخصية... 🔹أولاً: كلمة كاريزما وبتعني شنو؟ كلمة كاريزما هي كلمة اغريقية قديمة جداً معناها هبة الرب أو النعمة الربانية، وكان الاغريقيين القدامى بسمو الزول العندو شخصية جذابة مؤثرة بصاحب الكاريزما (يعني الرب اداهو نعمة وهي الشخصية الجذابة دي) ولما العرب بدو يهتمو بجانب الشخصية وتطويرها، لِقو كلمة كاريزما دي وترجموها والترجمة كانت " الحضور الطاغي " يعني صاحب الكاريزما هو صاحب الحضور الطاغي.. وكتير بيلاقونا ناس أصحاب حضور وهيبة في مختلف المجالس، لو اتكلمو كل الناس بتسمع، ولو سكتو كل الناس بتكون مترقبة كلامهم، ولو حضرو في مجلس معين بكونو محط الانتباه والتركيز، وديل هم أصحاب الكاريزما وأصحاب الحضور الطاغي.. _ طيب ي سيدي.. انا كيف ممكن ابقى صاحب كاريزما⁉️ ممتاز.. ✨ودا سؤال جميل وموضوعي جداً.. طيب في موضوع انو هل الكاريزما دي حاجة مكتسبة ولا فطرية حناخد وقفة ونتأمل شوية.. وتعالو قبل ما نبدأ الكلام نتفق انو الكاريزما علم، يعني زيها وزي الإعلام والرياضيات وعندها قواعد ومبادئ، وبيدخل فيها علم النفس وتحليل الشخصيات ولغة الجسد وغيرو من العلوم الانسانية.. طييب هل نحن متفقين انو الكاريزما علم..؟! إذا نحن اتفقنا على النقطة دي حننفي فكرة انو الكاريزما حاجه فطرية ومحصورة على فئة معينة من الناس.. سؤال: لييه..؟! جواب: لأنو العلم عمرو م كان حِكر على زول معين أو فئة معينة من الناس.. طيب في سؤال أكثر منطقية ممكن ينطرح ويخلينا نسترسل شوية في الكلام وهو.. هل اي زول ينفع يكون صاحب كاريزما..؟! يلا السؤال دا حيسوقنا للتساؤل التالت وهو، هل الكاريزما عندها أنواع..؟! والاسئلة دي بتحل بعضها وتعالو اوريكم كيف.. اول حاجه اي زول ممكن يكون صاحب كاريزما وحتى الكاريزما اتقسمت لأنواع لأنو كل الناس م واحد وحتى في الكاريزما في درجات يعني صاحب الكاريزما ممكن عادي يجي صاحب كاريزما تاني ويكون في مرتبة كارزمية أعلى منو وهكذا.. أنواع الكاريزما اربعة حسب تقسيم د. إيهاب فكري في كتابو ( أصحاب الكاريزما).. والانواع الاربعة هي: 1_ كاريزما النجم 2_ كاريزما الزعيم 3_ كاريزما المدير 4_ كاريزما القائد وكلها بتشكل الكاريزما، نحن ما حنشغل فكرنا بالسؤال الصبياني البقول هل انا ممكن اجمع الأربعة أنواع سوى؟! نحن حننشغل اكتر بأنك تعرف انت صاحب اي نوع من انواع الكاريزما ودا الموضوع المهم.. ( يعني انت أساساً صاحب كاريزما لكن ياتو نوع )..؟! في البوست الجاي ان شاء الله حنتكلم اكتر عن الأنواع الأربعة للكاريزما ونعرف خصائص كل نوع والفوارق بيناتهم وحنعرف مفهوم كاريزما الموقف ودرجات ومراحل الكاريزما.. لحدي ما نتلاقى تاني، ابقوا عافية.. #Mozamil_Altayeb #Soouda_Platform #Blue_Family💙

"سخر جهودك وطاقتك لتقدير ذاتك وتحسين شخصيتك فيسعى الباقون لجذبك"💙 مرات كثيرة في الحياة بنتلاقى ببعض الناس وبنندهش من الكاريزما والبرستيج والسحر العندهم، في الأماكن العامة، أثناء السلام أو الحوار، أو إلقاء الخطب،سواء رجال أعمال - مدراء - مدربين - معلمين نجوم - ساسة... إلخ!! حتبدأ تكرر الأسئلة دي في ذهنك.. من وين جايبن الهيبة و التميز دا؟ كيف يكون عندي كاريزما شخصية؟ حنجاوب على الأسئلة دي في أقوى الدورات التدريبية "دورة الكاريزما الشخصية وقوة الحضور" 💢حنتعرف على مفهوم الكاريزما وأسرارها الغامضة، والميادين اللي بتلعبها الكاريزما. 💢حتتعرف فيها على 6 فصول:- _الفصل الأول - المكونات الأساسية الأربعة للكاريزما _الفصل الثاني - أنماط الكاريزما لتعرف من أنت منهم _الفصل الثالث - أخطاء قاتلة للكاريزما نفعلها يومياً للأسف _الفصل الرابع - كيف ترد الإهانة _الفصل الخامس - حيل نفسية تجذب الناس _الفصل السادس - طرق علمية ونفسية لإكتساب الكاريزما دورة الكاريزما والحضور رحلة من الإستمتاع والإندهاش ما بين المظهر والجوهر، والبريق، والإطار والسطوة. 🎙️مع المدرب/محمد الغرباوي خبرة في مجال التدريب أكثر من 15سنة🔥 🔸عدد الأيام ثلاثة أيام متتالية 🔸يوم السبت 25/11/2023 🔸الرسوم 3500 ج.س 🔸الساعة 9م بتوقيت السودان 🔸الدورة اونلاين على تطبيق الواتساب 🔸للحجز والاستفسار واتساب: 09960662900 01110863706 #Soouda_Platform #Blue_Family💙

كلنا بنسمع بالمـوارد البشـرية "HR" 💙 طيب الموارد البشرية دي شنو او وظائفها شنو بالضبط وهل وجودها مهم في المنشأة ولا لأ ؟ 🔹الموارد البشرية "Human Resources" هي القوى العاملة داخل المؤسسة أي " الموظفين" -ادارة الموارد البشرية: الاهتمام بجميع مهام ومتطلبات موظفين الشركة. 🔹طيب نجي نشوف بعملو شنو بالضبط؟ أولاً بيتأكدو من بيئة الشركة هل هي مكان يتيح للموظفين لأداء افضل للعمل. يعني هل البيئة صالحة للعمل فيها أو لا. -ثانياً توظيف المرشحين: البحث عن موظف مناسب لوظيفة شاغرة فبيعملو شنو؟ بيكتبو مواصفات الوظائف وبيتم نشر اعلاناتها وتجهيز موعد لمقابلة العمل للتوظيف -ثالثاً تعيين الموظفين المُختاريين: يلُزم على الشركة تحليل عدد الأشخاص المحتاجين لدعم أهدافهم العادية و تحليل الأهداف المستقبلية لشركتها وب كدا بيقدروا يحددو نوع العمال المحتاجين ليهم ف الشركة حاضراً ومستقبلاً. -رابعاً معالجة كشوف الرواتب: تَتَبُّع ساعات العمل وحساب الرواتب، يتطلب استقطاب ضرائب الدولة والضرائب الفيدرالية والخصومات من شيكات الدفع وطباعة شيكات الدفع واجراءات الايداعات المباشرة لحسابات البنوك الخاصة بالموظفين. 🔹أنواع ادوار الموارد البشرية: -محلل الموارد البشرية: يتحمّل محللو الموارد البشرية مسؤولية تعيين موظفين جدد وتوظيفهم والاتطلاع بهذه المهام بما يتفق مع اللوائح المحلية والفيدرالية. كما يجب عليهم أيضًا الامتثال لسياسات الشركة. يقوم محللو الموارد البشرية بفحص طلبات التقدّم للوظائف والتحقق من المراجع المهنية. كما أنهم سيمثلون الشركة خلال مفاوضات تعيين الموظفين الجدد. -متخصص الموارد البشرية : يتم تدريب متخصصي الموارد البشرية للعمل في مجال محدد من الموارد البشرية. قد تتضمن هذه المجالات إدارة المزايا أو الامتثال لمعايير السلامة. كما يعمل متخصصو الموارد البشرية في مجالات مثل التخطيط التنظيمي أو تخطيط المساحات. -المسؤول العام للموارد البشرية : يساعد المسؤول العام للموارد البشرية في إدارة العمليات اليومية داخل المكتب أو الشركة. المسؤول العام للموارد البشرية يكون مخصصًا عادةً لإدارة سياسات الموارد البشرية وإجراءاتها الخاصة بالشركة. وتتراوح مهامه بين توجيه الموظفين وإدارة الأداء. -مشرف الموارد البشرية : يساعد مشرف الموارد البشرية في إدارة علاقات الموظفين. ويقوم، عند الضرورة، بمعالجة المنازعات بين الموظفين وإجراء التحقيقات. كما يشرف بشكل مباشر على محللي الموارد البشرية ومساعديها وموظفيها الإداريين أيضًا. كما يتحمّل مشرف الموارد البشرية مسؤولية تقييم أداء الموظفين. وهم يعملون مع موظفيهم لتحديد أي مجالات أداء تندرج تحت معايير الشركة وتحسينها. -مديرو الموارد البشرية والمسؤول التنفيذي للموارد البشرية: يختلف مدير الموارد البشرية عن مرشد الموارد البشرية. فمرشد الموارد البشرية يوجِّه أصحاب المصلحة إلى الامتثال للوائح الحالية. ويوصي بمسارات عمل تُسهِّل عقد الجلسات التأديبية. وقد يكون حاضرًا أيضًا كمصدر للدعم الإضافي. يوفر مدير الموارد البشرية الإدارة العامة لجزء من قسم الموارد البشرية. وهو يُقدِّم الدعم والتوجيه إلى مشرفي الموارد البشرية عند ظهور مسائل حساسة. وقد تشمل هذه المسائل التحقيق في ادعاءات ارتكاب المخالفات وإنهاء الخدمة. يختلف دور مدير الموارد البشرية أيضًا عن منصب كبير مديري الموارد البشرية. يتعاون كبار المديرين مع فريق القيادة لتنفيذ استراتيجيات مواهب المؤسسة المتعلقة بالتوظيف والاحتفاظ والتخطيط لتعاقب الموظفين. المسؤول التنفيذي للموارد البشرية يقدِّم تقاريره إلى موظفي المستوى التنفيذي لتنفيذ تغييرات الموارد البشرية على مستوى الشركة فيما يتعلق بمزايا الموظفين والسياسات الأخرى. يختلف دور مدير الموارد البشرية أيضًا عن منصب كبير مديري الموارد البشرية. يتعاون كبار المديرين مع فريق القيادة لتنفيذ استراتيجيات مواهب المؤسسة المتعلقة بالتوظيف والاحتفاظ والتخطيط لتعاقب الموظفين. كما أنه يختلف عن المسؤول التنفيذي للموارد البشرية. يقدِّم المسؤول التنفيذي للموارد البشرية تقارير إلى السلطات العليا لتنفيذ تغييرات الموارد البشرية فيما يتعلق بمزايا الموظفين والسياسات الأخرى. -مسؤول التوظيف بالموارد البشرية : يقوم مسؤول التوظيف بالموارد البشرية بإنشاء خطط التوظيف للشركة. ويشمل ذلك البحث عن مواهب جديدة من خلال شبكة من المؤسسات في المجال. كما يبحث أيضًا عن المواهب من خلال جهات الاتصال المهنية ووسائل التواصل الاجتماعي ومعارض الوظائف وغير ذلك الكثير. #Eptesam_Seddig #Soouda_Platform #Blue_Family💙