News Of Myanmar

ထီးချိုင့်မြို့နယ်၊ ဇီးကုန်းကျေးရွာရှိ ဘုန်းကြီးကျောင်းဝင်းအတွင်းသို့ PDF အကြမ်းဖက်အဖွဲ့က ပစ်ခတ်လိုက်သည့် လက်နက်ကြီးဗုံးသီးတစ်လုံးကျရောက်ပေါက်ကွဲခဲ့မှုကြောင့် သာသနာ့အနွယ်ဝင် သံဃာတော်တစ်ပါးနှင့် အပြစ်မဲ့အရပ်သားပြည်သူတစ်ဦးတို့ ထိခိုက်ဒဏ်ရာရ NOM မတ် ၁၆၊ ၂၀၂၆ မန္တလေးတိုင်းဒေသကြီး၊ ချမ်းအေးသာစံမြို့နယ်ရှိ မန္တလေးပြည်သူ့ဆေးရုံကြီးသို့ မတ်လ ၁၄ ရက်နေ့ နံနက် ၁၁ နာရီ ၅ မိနစ်အချိန်၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသားတစ်ဦးနှင့် သံဃာတော်တစ်ပါးတို့ရောက်ရှိနေကြောင်းသတင်းအရ လုံခြုံရေးတပ်ဖွဲ့ဝင် များက သွားရောက်စစ်ဆေး၍ ဖြစ်စဉ်အားစိစစ်ခဲ့ရာ မတ်လ ၁၀ ရက်နေ့ မွန်းလွဲ ၁ နာရီအချိန်၌ စစ်ကိုင်းတိုင်းဒေသကြီး၊ ထီးချိုင့်မြို့နယ်၊ ဇီးကုန်းကျေးရွာရှိ ဘုန်းကြီးကျောင်းဝင်းအတွင်းသို့ PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ပစ်ခတ်လိုက်သည့် လက်နက်ကြီးဗုံးသီးတစ်လုံးကျရောက်ပေါက်ကွဲခဲ့မှုကြောင့် အဆိုပါနေရာအနီးရှိနေသည့် ဇီးကုန်းကျေးရွာနေ မောင်ပြည့်စုံထွန်း (၁၉) နှစ်နှင့် ဇီးကုန်းကျေးရွာဘုန်းကြီးကျောင်းမှ ကိုရင်ဖြစ်သူ အရှင်ဝိလာသဂ္ဂ (၁၅) နှစ်တို့တွင် ဗုံးသီးပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ NOM

အီရန်နိုင်ငံ၊ ဟာမဒန်ရှိ ပညာရေးနှင့် ယဉ်ကျေးမှု စင်တာ အား အမေရိကန်/အစ္စရေးတို့က ဒုံးကျည်ဖြင့် တိုက်ခိုက်ခဲ့သည်။ NOM

အကြမ်းဖက်အဖွဲ့များ​၏ ရက်စက်ကြမ်းကြုတ်မှု ဆက်လက်ဖြစ်ပေါ်နေ အပြစ်မဲ့ပြည်သူများ ထပ်မံသေဆုံးဒဏ်ရာရ NOM

ဒူဘိုင်းနိုင်ငံတကာလေဆိပ်အား အသေခံဒရုန်းများဖြင့် တိုက်ခိုက်ခံရပြီးနောက် မီးလောင်ကျွမ်းမှု ဖြစ်ပွားခဲ့သည်။ အာရပ်စော်ဘွားများပြည်ထောင်စု (UAE) အစိုးရက "လောင်စာဆီကန်တစ်ခု ထိမှန်သွားခဲ့ပြီး လက်ရှိတွင် ဒူဘိုင်းမြို့ပြကာကွယ်ရေးအဖွဲ့များက မီးငြှိမ်းသတ်နိုင်ရန် လုပ်ဆောင်နေကြသည်" ဟု ထုတ်ပြန်ထားသည်။ NOM

မြိတ်၊ ဖြူး၊ ထီးချိုင့်နှင့် ဖလမ်းတွင် အကြမ်းဖက်သမားများ​၏ ပစ်ခတ်မှုကြောင့် သံဃာတော်အပါအဝင် အရပ်သား ၅ ဦးဒဏ်ရာရ NOM

အီတလီမီဒီယာများ၏ ဖော်ပြချက်အရ ကူဝိတ်နိုင်ငံရှိ အလီ အယ်လ် ဆာလမ် Ali Al Salem လေတပ်အခြေစိုက်စခန်းရှိ လေယာဉ်ရုံကို ဒရုန်းဖြင့် တိုက်ခိုက်ခံရမှုကြောင့် အမေရိကန်ဒေါ်လာ ၃၀ သန်းမှ ၃၅ သန်းခန့် တန်ဖိုးရှိသော အီတလီပိုင် MQ-9A ပရက်ဒီတာ Predator ကင်းထောက်ဒရုန်းတစ်စင်း ပျက်စီးသွားကြောင်း သိရသည်။ NOM

(၈၁) နှစ်မြောက် တပ်မတော်နေ့စစ်ရေးပြအခမ်းအနားတွင် ပါဝင်ချီတက်ကြမည့် စစ်ရေးပြစစ်ကြောင်းများမှအရာရှိ၊ စစ်သည်များ မာရဝိဇယဗုဒ္ဓရုပ်ပွားတော်မြတ်ကြီးနှင့် နေပြည်တော်ရှိ အထင်ကရနေရာများကို သွားရောက်ဖူးမြော်လေ့လာ မတ် ၁၅၊ ၂၀၂၆ NOM

မဲထော်သလေးကျေးရွာအနီးမှ တရုတ်နှင့် ရုရှားနိုင်ငံသားများအပါအဝင် ပြည်ပနိုင်ငံသား (၆၉) ဦး ဖမ်းဆီးရမိ မတ် ၁၅၊ ၂၀၂၆ ကရင်ပြည်နယ်၊ မြဝတီမြို့နယ်၊ မဲထော်သလေးကျေးရွာအနီး၌ တရုတ်နှင့် ရုရှားနိုင်ငံသားများအပါအဝင် ပြည်ပနိုင်ငံသား (၆၉) ဦးကို မတ်လ ၁၅ ရက်နေ့က ထပ်မံဖမ်းဆီးရမိခဲ့ကြောင်းသိရသည်။ မဲထော်သလေးကျေးရွာ၏ အရှေ့ဘက်မီတာ (၆၅၀) ခန့်အကွာ တောအုပ်အတွင်း ပုန်းအောင်းနေသည့် မြန်မာနိုင်ငံအတွင်းသို့ တရားမဝင်ဝင်ရောက်လာသော တရုတ်နိုင်ငံသား (၆၅) ဦး၊ ဗီယက်နမ်နိုင်ငံသား (၁) ဦး၊ မလေးရှားနိုင်ငံသူ (၁) ဦး၊ ရုရှားနိုင်ငံသူ (၁) ဦး၊ လာအိုနိုင်ငံသူ (၁) ဦးတို့အား ထပ်မံဖမ်းဆီးရမိခဲ့သည်။ ၎င်းတို့အား မြဝတီမြို့၌ ထိန်းသိမ်းထားပြီး ဌာနဆိုင်ရာပူးပေါင်းအဖွဲ့များကလိုအပ်သည့် ကိုယ်ရေးအချက်အလက်များနှင့် မှတ်တမ်းများစာရင်းကောက်ယူလျက်ရှိကာ သက်ဆိုင်ရာနိုင်ငံများသို့ လုပ်ထုံးလုပ်နည်းများနှင့်အညီ ပြန်လည်လွှဲပြောင်းပေးနိုင်ရေးအတွက်လည်း ဆက်လက်ဆောင်ရွက်လျက်ရှိသည်။ NOM

ကရင်ပြည်နယ်နှင့် ဧရာဝတီတိုင်းတို့မှ နယ်/လုံဝန်ကြီးများကို အစားထိုးခန့်အပ် မတ် ၁၅၊ ၂၀၂၆ NOM

🇮🇷🇮🇷- အီရန်သည် 'အပစ်အခတ်ရပ်စဲရေး အဆိုပြုချက်များနှင့် ကြားဝင်စေ့စပ်ပေးသူများကို ငြင်းပယ်လိုက်သည်' — အီရန် လုံခြုံရေးအရာရှိကြီးတစ်ဦးက အာတီနယူးစ်သတင်းဌာန RT News သို့ ပြောကြားလိုက်သည်။ ရိုက်တာစ် Reuters သတင်းဌာန၏ ဖော်ပြချက်မှာ 'လုံးဝမှားယွင်းနေပြီး လက်တွေ့နှင့် များစွာကွာဟနေသည်'။ NOM

ဂြိုဟ်တုဓာတ်ပုံအရ အစ္စရေးနိုသ်ငံ၊ တယ်လ်အဗစ် (Tel Aviv) မြို့ရှိ ဇီယွန်ဝါဒီအစိုးရ စစ်တပ်အရာရှိများ စုဝေးနေသည့် အဆောက်အအုံကို ဒုံးကျည်ဖြင့် တိုက်ခိုက်ဖျက်ဆီးခဲ့ကြောင်း တွေ့ရှိရသည် — Fars News သတင်းဌာန NOM

သရက်ချောင်းမြို့နယ်၊ စုံစင်ကျေးရွာအား PDF အကြမ်းဖက်အဖွဲ့က လက်နက်ကြီးဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့အရပ်သားပြည်သူသုံးဦး ထိခိုက်ဒဏ်ရာရ NOM မတ် ၁၅၊ ၂၀၂၆ တနင်္သာရီတိုင်းဒေသကြီး၊ ထားဝယ်မြို့နယ်ပြည်သူ့ဆေးရုံသို့ မတ်လ ၁၂ ရက်နေ့ နံနက် ၇ နာရီ ၁၅ မိနစ်အချိန်၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသားနှစ်ဦးနှင့် အမျိုးသမီးတစ်ဦးတို့ရောက်ရှိနေကြောင်း သတင်းအရ လုံခြုံရေး တပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ မတ် ၁၁ ရက် မွန်းလွဲ ၃ နာရီ ၃၀ မိနစ်အချိန်၌ တနင်္သာရီတိုင်းဒေသကြီး၊ သရက်ချောင်းမြို့နယ်၊ စုံစင်ကျေးရွာသို့ PDF အကြမ်းဖက်သမားများက အများပြည်သူထိခိုက်စေရန် ရည်ရွယ်၍ လက်နက်ကြီးဖြင့် ပစ်ခတ်တိုက်ခိုက်ခဲ့ရာ ကျေးရွာအတွင်း လက်နက်ကြီးဗုံးသီးများ ကျရောက်ပေါက်ကွဲခဲ့မှုကြောင့် အဆိုပါ ကျေးရွာနေသူများဖြစ်ကြသည့် ဦးလွင် (၆၃) နှစ်၊ ဦးသီဟကျော် (၃၀) နှစ်နှင့် မစုမြတ်သူ (၂၄) နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ NOM

အကြမ်းဖက်တိုက်ခိုက်မှုများ၊ မူးယစ်ဆေးဝါးဖမ်းဆီးရမိမှုများနှင့် ယာဉ်တိုက်မှုများဖြစ်ပွား NOM

မတ် ၈ ရက်၊ ၉ ရက်၊ ၁၀ ရက်၊ ၁၁ ရက်နှင့် ၁၂ ရက်တို့တွင် သိမ်းဆည်းရမိမှု စုစုပေါင်းမှာ အမှုတွဲ ၃၂ မှု (ခန့်မှန်းတန်ဖိုးငွေ ၁၄၇၈၅၂၉၀၁၇ ကျပ်)ကို သိမ်းဆည်းရမိခဲ့သည်။ ထိုကဲ့သို့ တရားမဝင် တင်သွင်းလာမှုများကြောင့် တရားဝင်တင်သွင်းသည့် ကုန်သည်လုပ်ငန်းရှင်များအတွက် စျေးကွက်ယှဉ်ပြိုင်နိုင်မှုစွမ်းအား ကျဆင်းခြင်းနှင့် ထိခိုက်နစ်နာမှုများဖြစ်ပေါ်နိုင်စေပြီး နိုင်ငံတော်အတွက် ရသင့်ရထိုက်သည့် အခွန်ဘဏ္ဍာ ဆုံးရှုံးနစ်နာခြင်းများ ဖြစ်ပေါ်စေနိုင်သည်။ သို့ဖြစ်ပါ၍ တရားမဝင် ကုန်စည်တင်သွင်းမှုများအား သက်ဆိုင်ရာတာဝန်ရှိသူများက ယခုထက်ပိုမိုတားဆီးစစ်ဆေးကြပ်မတ် ဆောင်ရွက်သွားမည်ဖြစ်ကြောင်း တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီမှသိရသည်။ NOM

တရားမဝင်သစ်မျိုးစုံ၊ လုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ လျှပ်စစ်ပစ္စည်းများ၊ လိုင်စင်မဲ့ဆိုင်ကယ်များနှင့် လိုင်စင်မဲ့ယာဉ်များ သိမ်းဆည်းရမိ နေပြည်တော် မတ် ၁၄ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ၏ ကြီးကြပ်ကွပ်ကဲမှုဖြင့် တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာတားဆီးအရေးယူနိုင်ရေး ဆောင်ရွက်လျက်ရှိသည်။ ထိုသို့ဆောင်ရွက်လျက်ရှိရာ ကရင်ပြည်နယ် တရားမဝင်ကုန်သွယ်မှု တိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်း အဖွဲ့များက စစ်ဆေးမှုများ ဆောင်ရွက်ခဲ့ရာ မတ် ၁၁ ရက်နှင့် ၁၂ ရက်တို့တွင် ဘားအံမြို့နယ် သံလွင်တံတား ပူးပေါင်းစစ်ဆေးရေးဂိတ်၌ လိုင်စင်မဲ့ယာဉ် ငါးစီး (ခန့်မှန်းတန်ဖိုးငွေကျပ် ၄၁၅၀၀၀၀၀) ကိုလည်းကောင်း၊ ဘားအံမြို့နယ် ထီးဖိုးကလုံး-မြိုင်ကြီးငူ ကားလမ်းဘေးရှိ ဂိုဒေါင်နှစ်လုံးအတွင်းမှ တရားဝင်စာရွက်စာတမ်း အထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း ၄၆ မျိုး (ခန့်မှန်းတန်ဖိုးငွေကျပ် ၁၁၈၂၁၅၅၀၀၀)ကိုလည်းကောင်း စုစုပေါင်းခန့်မှန်းတန်ဖိုးငွေကျပ် ၁၂၂၃၆၅၅၀၀၀ ကို သိမ်းဆည်းရမိခဲ့ပြီး ပို့ကုန်သွင်းကုန်ဥပဒေနှင့်အညီ အရေးယူဆောင်ရွက်လျက်ရှိသည်။ ထို့ပြင် စစ်ကိုင်းတိုင်းဒေသကြီး တရားမဝင်ကုန်သွယ်မှုတိုက်ဖျက် ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများ ဆောင်ရွက်ခဲ့ရာ မတ် ၁၀ ရက်တွင် စစ်ကိုင်းမြို့နယ် ရတနာပုံတံတားပူးပေါင်းစစ်ဆေးရေးဂိတ်၌ လိုင်စင်မဲ့ယာဉ်တစ်စီး (ခန့်မှန်းတန်ဖိုးငွေကျပ် ၁၆၀၀၀၀၀၀)ကို သိမ်းဆည်းရမိခဲ့ပြီး ပို့ကုန်သွင်းကုန် ဥပဒေနှင့်အညီ အရေးယူဆောင်ရွက်လျက်ရှိသည်။ ထို့အတူ တနင်္သာရီတိုင်းဒေသကြီး တရားမဝင်ကုန်သွယ်မှုတိုက် ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ မတ် ၈ ရက်နှင့် ၉ ရက်တို့တွင် ထားဝယ်မြို့နယ်အတွင်း၌ တရားမဝင်အခြားသစ် ၂ ဒသမ ၃၃၅ တန် (ခန့်မှန်း တန်ဖိုးငွေ ၆၀၇၂၅၆ ကျပ်)ကို သစ်တောဥပဒေအရလည်းကောင်း၊ ထားဝယ်မြို့နယ် ကမြောကင်းတံတားဟောင်း၌ လိုင်စင်မဲ့ဆိုင်ကယ်တစ်စီး (ခန့်မှန်းတန်ဖိုးငွေကျပ် ၆၅၀၀၀၀၀)ကို ပို့ကုန်သွင်း ကုန်ဥပဒေအရလည်းကောင်း စုစုပေါင်းခန့်မှန်းတန်ဖိုးငွေ ၇၁၀၇၂၅၆ ကျပ်ကို သိမ်းဆည်းအရေးယူဆောင်ရွက်လျက်ရှိသည်။ အလားတူ ပဲခူးတိုင်းဒေသကြီး တရားမဝင်ကုန်သွယ်မှုတိုက်ဖျက် ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ မတ် ၁၀ ရက်နှင့် ၁၁ ရက်တို့တွင် အုတ်တွင်းမြို့နယ်၊ သာယာဝတီမြို့နယ်၊ မင်းလှမြို့နယ်နှင့် ရွှေတောင်မြို့နယ်တို့အတွင်း၌ လိုင်စင်မဲ့ယာဉ်တစ်စီးနှင့် လိုင်စင်မဲ့ဆိုင်ကယ်သုံးစီး (ခန့်မှန်းတန်ဖိုးငွေကျပ် ၁၉၁၀၀၀၀၀) ကို ပို့ကုန်သွင်းကုန်ဥပဒေအရလည်းကောင်း၊ အုတ်တွင်းမြို့နယ်၊ ဒိုက်ဦးမြို့နယ်၊ ညောင်လေးပင်မြို့နယ်နှင့် ကျောက်တံခါးမြို့နယ်တို့အတွင်း၌ တရားမဝင် ကျွန်းသစ် ၁ ဒသမ ၀၂၂ တန်၊ အခြားသစ် ၄ ဒသမ ၂၂၆ တန် (ခန့်မှန်းတန်ဖိုးငွေ ၁၁၄၁၈၈၄ ကျပ်)ကို သစ်တောဥပဒေအရလည်းကောင်း စုစုပေါင်းခန့်မှန်းတန်ဖိုးငွေ ၂၀၂၄၁၈၈၄ ကျပ်ကို သိမ်းဆည်းအရေးယူဆောင်ရွက်လျက်ရှိသည်။ ထို့ပြင် အကောက်ခွန်ဦးစီးဌာန၏ စီမံခန့်ခွဲမှုဖြင့် စစ်ဆေးမှုများဆောင်ရွက်ခဲ့ရာ မတ် ၁၁ ရက်တွင် ကော့သောင်းမြို့နယ် ငွေပင်လယ်ဆိပ်ကမ်း၌ ရေယာဉ်တစ်စင်းပေါ်မှ တရားဝင်စာရွက်စာတမ်းအထောက် အထားတင်ပြနိုင်ခြင်းမရှိသည့် လျှပ်စစ်ပစ္စည်းခြောက်မျိုး၊ လူသုံးကုန်ပစ္စည်းတစ်မျိုး (ခန့်မှန်းတန်ဖိုးငွေ ၁၁၇၇၀၁၀၇၇ ကျပ်)ကိုလည်းကောင်း၊ သီလဝါဆိပ်ကမ်း၌ ကုန်သေတ္တာတစ်လုံးအတွင်းမှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်းတစ်မျိုး (ခန့်မှန်းတန်ဖိုးငွေကျပ် ၁၃၀၂၀၀၀၀)ကိုလည်းကောင်း၊ မြန်မာ့စက်မှုဆိပ်ကမ်း၌ ကုန်သေတ္တာတစ်လုံးအတွင်းမှ တရားဝင် စာရွက်စာတမ်းအထောက်အထား တင်ပြနိုင်ခြင်းမရှိသည့် လျှပ်စစ်ပစ္စည်းတစ်မျိုး (ခန့်မှန်းတန်ဖိုးငွေကျပ် ၈၀၈၀၃၈၀၀)ကိုလည်းကောင်း စုစုပေါင်းခန့်မှန်းတန်ဖိုးငွေ ၂၁၁၅၂၄၈၇၇ ကျပ်ကို သိမ်းဆည်းရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အမှုတွဲဖွင့်လှစ်ထားရှိသည်။

တရားမဝင်သစ်မျိုးစုံ၊ လုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ လျှပ်စစ်ပစ္စည်းများ၊ လိုင်စင်မဲ့ဆိုင်ကယ်များနှင့် လိုင်စင်မဲ့ယာဉ်များ သိမ်းဆည်းရမိ

MNDAA အကြမ်းဖက်အဖွဲ့က ၎င်းတို့ဖမ်းဆီးရမိသည့် TNLA အကြမ်းဖက်အဖွဲ့မှ စစ်သုံ့ပန်းများကို ရက်စက်စွာသတ်ဖြတ် NOM

အမေရိကန်ထောက်လှမ်းရေး CIA က သူ့နောက်ကို လိုက်နေပြီဟု အမေရိကန်နိုင်ငံ၏ သြဇာညောင်းသော ကွန်ဆာဗေးတစ် နိုင်ငံရေး ဝေဖန်သုံးသပ်သူနှင့် သတင်းထောက်တစ်ဦးဖြစ်သူ တပ်ကာ ကားလ်ဆင် (Tucker Carlson) ပြောကြား စစ်ပွဲမစတင်မီ အီရန်ခေါင်းဆောင်များနှင့် စကားပြောဆိုခဲ့မှုကြောင့် အစိုးရက သူ့အပေါ် ရာဇဝတ်မှုဖြင့် တရားစွဲဆိုရန် ပြင်ဆင်နေကြောင်း တပ်ကာ ကားလ်ဆင် က ကြေညာခဲ့သည်။ "ကျွန်တော်ဟာ ပြည်ပအင်အားစုတစ်ခုရဲ့ သူလျှို (အေးဂျင့်) မဟုတ်ပါဘူး။ အမေရိကန် နိုင်ငံရေးနဲ့ ကမ္ဘာ့ရေးရာတွေကို ဝေဖန်သုံးသပ်နေကြတဲ့ လူအတော်များများနဲ့မတူဘဲ ကျွန်တော့်မှာ သစ္စာစောင့်သိမှု တစ်ခုပဲရှိတယ်။ အဲဒါကတော့ အမေရိကန်ပြည်ထောင်စုပါပဲ" ဟု ၎င်းက ဆိုသည်။ NOM

ကျောက်ဆည်တွင်အလှူပွဲတစ်ခု လှည့်လည်စဉ်ဆင် တစ်ကေါင်ဓါတ်လိုက်သေ ဆုံးမှုဖြစ် NOM၊မတ်၁၅၊၂၀၂၆ မန္တလေးတိုင်းဒေသကြီး၊ကျောက်ဆည်မြို့နယ်၊လက်ဝဲစုကျေးရွာတွင် အလှူပွဲလှည့်လည်စဉ်ပါဝင်သောဆင် တစ်ကေါင်ဓာတ်လိုက်သေဆုံးခဲ့ကြောင်းသိရသည်။ ဖြစ်စဉ်မှာမတ်လ၁၄ရက်မနက်ပိုင်းကအလှူလှည့်ချိန်၌ဓါတ်ကြိုးဖြင့်ညှိပြီး ဆင်ဓါတ်လိုက် သေဆုံးသွားခဲ့ကြောင်း၊ ဆင်ပေါ်လိုက်ပါစီးနင်းလာသော ဆင်ဦးစီး၊အလှူ့အမနှင့်သမီးတို့လည်းဆင်လဲကျသွားသဖြင့်ထိခိုက်ဒဏ်ရာရရှိသွားခဲ့‌ ကြောင်းသိရသည်။