News Of Myanmar

အိန္ဒိယသမ္မတနိုင်ငံမှ မြန်မာနိုင်ငံအင်ဂျင်နီယာအသင်းချုပ်သို့ ပေးပို့လှူဒါန်းသည့် ငလျင်အပြီး အဆောက်အအုံများစစ်ဆေးရန် အသုံးပြုမည့်ကိရိယာများ လွှဲပြောင်းပေးအပ် မတ် ၃၀၊ ၂၀၂၆ အိန္ဒိယသမ္မတနိုင်ငံမှ မြန်မာနိုင်ငံအင်ဂျင်နီယာအသင်းချုပ်သို့ ပေးပို့လှူဒါန်းသည့် ငလျင်အပြီး အဆောက်အအုံများ စစ်ဆေးရန် အသုံးပြုမည့် ကိရိယာများ လွှဲပြောင်းပေးအပ်ပွဲကို ယနေ့ နံနက် ၁၁ နာရီက ရန်ကုန်မြို့ လှိုင်မြို့နယ် မြန်မာနိုင်ငံအင်ဂျင်နီယာအသင်းချုပ်ရှိ Function Hall၌ ကျင်းပသည်။ ဦးစွာ မြန်မာနိုင်ငံအင်ဂျင်နီယာအသင်းချုပ်ဥက္ကဋ္ဌ ဦးခင်မောင်ဌေးက ကြိုဆိုနှုတ်ခွန်းဆက်စကားပြောကြားပြီး မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီး H.E. Abhay Thakurက အမှာစကား ပြောကြားသည်။ ထို့နောက် ဗဟိုအလုပ်အမှုဆောင်ကော်မတီဝင် ဦးဆန်းကြူက လှူဒါန်းသည့် အဆောက်အအုံစစ်ဆေးခြင်းအတွက် စက်ပစ္စည်းအသုံးပြုမှုနည်းပညာဆိုင်ရာများကို ရှင်းလင်းတင်ပြပြီး ပစ္စည်းကိရိယာများနှင့် စာရွက်စာတမ်းများကို မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီးက မြန်မာနိုင်ငံ အင်ဂျင်နီယာအသင်းချုပ်ဥက္ကဋ္ဌထံ လွှဲပြောင်းပေးအပ်ကာ မြန်မာနိုင်ငံအင်ဂျင်နီယာအသင်းချုပ်ရှိ မြန်မာနိုင်ငံငလျင်ကော်မတီဥက္ကဋ္ဌ ဦးညွန့်မောင်ဆန်းက နိဂုံးချုပ်အမှာစကားပြောကြားသည်။ မြန်မာနိုင်ငံအင်ဂျင်နီယာအသင်းဥက္ကဋ္ဌ ဦးခင်မောင်ဌေးက “ဒီနေ့လှူဒါန်းတဲ့ပစ္စည်းတွေကို အိန္ဒိယကနေ ရန်ကုန်ဆိပ်ကမ်းရောက်အောင် သံရုံးအစီအစဉ်နဲ့ ဆောင်ရွက်ပေးခဲ့တာပါ။ မတ် ၂၄ ရက်မှာ ကျွန်တော်တို့ အင်ဂျင်နီယာအသင်းချုပ်ရုံးကို ရောက်ပါတယ်။ လှူဒါန်းတဲ့ပစ္စည်းက ၁၁ မျိုးပါဝင်ပြီး တန်ဖိုးက အိန္ဒိယရူပီး သန်းပေါင်း ၂၀ ကျော်ဖြစ်ပြီး မြန်မာငွေတန်ဖိုးအနေနဲ့ ကျပ်သိန်းပေါင်း တစ်သောင်းကျော် တန်ဖိုးရှိပါတယ်။ အခုလိုလှူဒါန်းပေးတဲ့အတွက် အိန္ဒိယသမ္မတ နိုင်ငံနဲ့ အိန္ဒိယပြည်သူပြည်သားတွေ၊ သံအမတ်ကြီးနဲ့တကွ သံရုံးက တာဝန်ရှိသူအားလုံးကို ကျေးဇူးတင်ပါတယ်။ အဓိပ္ပာယ်ရှိတဲ့ ပံ့ပိုးကူညီမှုဟာ စေတနာကောင်းကိုသာမက မြန်မာနိုင်ငံနဲ့ အိန္ဒိယနှစ်နိုင်ငံအကြား ချစ်ကြည်ရင်းနှီးမှု ခိုင်မာပြီး ရေရှည်တည်တံ့တဲ့ မိတ်ဖက်ဆက်ဆံရေးကိုလည်း ထင်ဟပ်စေပါတယ်” ဟု ပြောသည်။ ယနေ့ လှူဒါန်းသည့် စက်ယန္တရားနှင့် ပစ္စည်းကိရိယာများတွင် မြေကြီးထိုးဖောက်စစ်ဆေး ရေး ရေဒါစက် (Ground Penetr-ation Radar)၊ Lidar စကန်နာပါသော တက်ပလက် (Tablet / iPad with Lidar Scanner)၊ လေဗယ်တိုင်းတာရေး လေဆာစက် (Levelling Laser)၊ ဒစ်ဂျစ်တယ်ရေညှိတန်းတိုင်းကိရိယာ (၁ မီတာ) ( Digital Spirit Level 1M Length)၊ အတိုင်းအတာတိုင်း ကိရိယာ (Vernier Clipper)၊ အကွာအဝေးတိုင်းတာရေး လေဆာစက် အများဆုံးအကွာအဝေး(Distance Laser Max)၊ ကွန်ကရစ်ခိုင်ခံ့မှုစမ်းသပ်ဟမ်မာ (Rebound Hammer)၊ တိုင်းတာရေးစက် (Total Station)၊ ကွန်ပျူတာ (Computer)နှင့် ဆက်စပ်ပစ္စည်းများ ပါဝင်ပြီး ဘေးအန္တရာယ်မတိုင်မီနှင့် ဘေးအန္တရာယ်ဖြစ်ပွားပြီးနောက် အဆောက်အအုံအကဲဖြတ်ခြင်းများအတွက် အသုံးပြုနိုင်သည့် စက်ယန္တရားနှင့် ပစ္စည်းကိရိယာများဖြစ်ကြောင်း သိရသည်။ NOM

တရုတ်ဇနီးမယားအဖြစ် လက်ထပ်ပေါင်းသင်းစေကာ ငွေကြေးအကျိုးအမြတ်ခေါင်းပုံဖြတ် ရယူဆောင်ရွက်ကြသူများကို လူကုန်ကူးမှုဖြင့် အလုပ်နှင့် ထောင်ဒဏ်ချမှတ် မတ် ၃၀၊ ၂၀၂၆ အမျိုးသမီးကို တရုတ်ဇနီးမယားအဖြစ် လက်ထပ်ပေါင်းသင်းစေကာ ရရှိသော ငွေကြေးအကျိုးအမြတ် ခေါင်းပုံဖြတ်ရယူ ဆောင်ရွက်ကြသူများကို လူကုန်ကူးမှုဖြင့် အလုပ်နှင့် ထောင်ဒဏ် ၁၅ နှစ် ချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။ ဖြစ်စဉ်မှာ မန္တလေးတိုင်းဒေသကြီး ပုသိမ်ကြီးမြို့နယ် မကျီးပင်စောက်ကျေးရွာနေ အမျိုးသမီးတစ်ဦးသည် ခင်ပွန်းဖြစ်သူနှင့် စကားများရန်ဖြစ်ပြီး အလုပ်လုပ်ကိုင်ရန် လေယာဉ်ဖြင့် ကျိုင်းတုံမြို့သို့ ရောက်ရှိနေစဉ် ရှမ်းပြည်နယ် ကျိုင်းတုံမြို့ ယန်းခမ်းကားကြီးဝင်းနေ မအိမူမူအောင် (ခ) မသဲသဲက မိုင်းပေါက်မြို့ရှိ ပွဲစားဒေါ်အိနှင့် ချိတ်ဆက်ပေးမည်၊ တရုတ်အငှားမယားလုပ်မည်ဆိုပါက မိုင်းပေါက်မြို့သို့ သွားရောက်ရမည်၊ တင်တောင်းငွေ ယွမ် ၁၅၀၀၀ ရရှိမည်ဖြစ် ကြောင်း ပြောဆိုစည်းရုံးခဲ့သဖြင့် သဘောတူပြီး ၂၀၂၅ ခုနှစ် ဇူလိုင်လတွင် မအိမူမူအောင် (ခ) မသဲသဲက ကျိုင်းတုံမှ မိုင်းပေါက်မြို့သို့ ပို့ဆောင်ခဲ့ရာ ပွဲစား ဒေါ်အိထံသို့ ရောက်ရှိ ခဲ့ကြောင်း။ ဒေါ်အိက တရုတ်ပွဲစားများထံ ၎င်း၏ ဓာတ်ပုံများ ပို့ပေးခဲ့ရာမှ လာရောက်ကြည့်ရှုကြပြီး တရုတ်ပွဲစားများက ဒေါ်အိကို တရုတ်ငွေများပေးနေသည်ကို တွေ့ရှိရ ကြောင်း၊ မည်မျှပေးသည်ကို မသိရှိကြောင်း၊ တရုတ်ပြည်ရှိ တရုတ်အမျိုးသားနှင့် လက်ထပ်ပြီးပါက တင်တောင်းငွေ တရုတ်ယွမ် ၁၅၀၀၀ ရရှိမည်ဟု ဒေါ်အိ နှင့် မအိမူမူအောင် (ခ) မသဲသဲတို့က ပြောဆိုခဲ့ကြကြောင်း။ ယင်းနောက် တရုတ်ပွဲစားများနှင့်အတူ တောလမ်းများမှ သွားရောက်ခဲ့ရာ တရုတ်ပြည်ရှိ အမည်မသိရွာတစ်ရွာသို့ ရောက်ရှိခဲ့ပြီး ထိုရွာရှိ တရုတ်နိုင်ငံသား “ဝ”အမျိုးသား အဲကားဆိုသူနှင့် လက်ထပ်ခဲ့ရကြောင်း၊ တင်တောင်းငွေမရသဖြင့် သားမယားအဖြစ် နေထိုင်ရန်ပြောဆိုမှုကို ငြင်းဆန်ခဲ့ရာ ပွဲစားများထံမှ ဝယ်ယူပြီးဖြစ်၍ ကလေးမွေးပြီးမှသာ ပြန်ခိုင်းမည်ဖြစ်ကြောင်း ပြောဆို၍ သားမယားအဖြစ် နေထိုင်ခဲ့ကြောင်း၊ သားမယားအဖြစ်နေထိုင်ရန် ငြင်းဆန်သည့်နေ့များတွင် အခန်းတွင်း တံခါးပိတ်ပြီး ခြေဖြင့်ကန်ခြင်း၊ ကြိုးဖြင့် ရိုက်နှက်ခြင်းများ ပြုလုပ်ခဲ့သဖြင့် အဲကားတောင်ယာသို့သွားစဉ် နေအိမ်မှ ထွက်ပြေးပြီး လျန်စန်းရဲစခန်းသို့ ရောက်ရှိကာ တရားမဝင် ဝင်ရောက်မှုအတွက် ထောင်ဒဏ် နှစ်လနှင့် နှစ်ရက် ချမှတ်ခံခဲ့ရပြီး မြန်မာနိုင်ငံနယ်စပ်သို့ ပြန်လည်လွှဲပြောင်းပေးခဲ့ကြောင်း စိစစ်ပေါ်ပေါက်သဖြင့် အမှတ် (၁၈) လူကုန်ကူးမှုတားဆီး နှိမ်နင်းရေး ရဲတပ်ဖွဲ့စု (ကျိုင်းတုံ) မှ တရားလိုပြုလုပ်တိုင်တန်းခဲ့ရာ ကျိုင်းတုံမြို့မရဲစခန်း(ပ) ၁၆၇/၂၀၂၅၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ ဖြင့် အမှုရေးဖွင့်တရား စွဲတင်ခဲ့ပြီး ၂၀၂၆ ခုနှစ် မတ် ၂၆ ရက်တွင် ကျိုင်းတုံခရိုင် တရားရုံးမှ မအိမူမူအောင် (ခ) မသဲသဲကို လူကုန်ကူးမှု တားဆီးနှိမ်နင်းရေးဥပဒေပုဒ်မ ၃၅ ဖြင့် အလုပ်နှင့် ထောင်ဒဏ် ၁၅ နှစ် ကျခံစေရန် အမိန့်ချမှတ်ခဲ့ပြီး တိမ်းရှောင်တရားခံ ဒေါ်အိကို လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅/ကျင့် ၅၁၂ အရ ကျင့် ၈၇/၈၈ ထုတ်ဆင့်ခဲ့ကြောင်း သိရသည်။ NOM

အီရန်အား တိုက်ခိုက်မှုမတိုင်မီ စစ်ရေးဆိုင်ရာ ရန်ပုံငွေများ ဝယ်ယူရန် စစ်ဝန်ကြီး ဟက်ဂ်ဆက်သ်၏ ပွဲစားက ကြိုးပမ်းခဲ့ကြောင်း FT သတင်းဌာနဖော်ပြ အီရန်အား တိုက်ခိုက်မှု မဖြစ်ပွားခင်လေးမှာပဲ အမေရိကန် စစ်ဝန်ကြီး (Secretary of War) ဟက်ဂ်ဆက်သ် (Hegseth) ရဲ့ ပွဲစားဟာ ကာကွယ်ရေးဆိုင်ရာ ရန်ပုံငွေတွေကို ဝယ်ယူဖို့ ကြိုးစားခဲ့တယ်လို့ ဖိုင်နန်ရှယ်တိုင်းမ် (Financial Times - FT) သတင်းဌာနက ဖော်ပြလိုက်ပါတယ်။ ဒေါ်လာသန်းပေါင်းများစွာ ရင်းနှီးမြှုပ်နှံဖို့အတွက် ဘလက်ရော့ခ် (BlackRock) ရင်းနှီးမြှုပ်နှံမှု ကုမ္ပဏီကို ချဉ်းကပ်ခဲ့ပေမဲ့ အကောင်အထည်ဖော်ခြင်းတော့ မရှိခဲ့ပါဘူး။ ဒီသတင်းနဲ့ပတ်သက်ပြီး ပန်တဂွန် (Pentagon) စစ်ဌာနချုပ် ပြောရေးဆိုခွင့်ရှိသူ ရှောင်ပါနဲလ် (Sean Parnell) ကတော့ ဒီသတင်းဟာ "မှားယွင်းနေတယ်" လို့ ငြင်းဆိုလိုက်ပြီး သတင်းကို ပြန်လည်ရုပ်သိမ်းပေးဖို့ တောင်းဆိုထားပါတယ်။ NOM

ပြည်ထောင်စုဝန်ကြီး ဦးသန်းဆွေထံ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) ၏ မြန်မာနိုင်ငံဆိုင်ရာ ကိုယ်စားလှယ်အသစ် ခန့်အပ်လွှာ လာရောက်ပေးအပ် မတ် ၃၀၊ ၂၀၂၆ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေအား ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) ၏ မြန်မာနိုင်ငံဆိုင်ရာ ကိုယ်စားလှယ်အသစ် Mr. Barnaby Jones သည် ယနေ့မွန်းလွဲ ၁ နာရီခွဲတွင် နေပြည်တော်ရှိ နိုင်ငံခြားရေးဝန်ကြီးဌာန၌ လာရောက်ဂါရဝပြုတွေ့ဆုံပြီး ၎င်း၏ ခန့်အပ်လွှာကို ပေးအပ်သည်။ ခန့်အပ်လွှာပေးအပ်သည့် အခမ်းအနားသို့ နိုင်ငံခြားရေးဝန်ကြီးဌာနမှ သက်ဆိုင်ရာ တာဝန်ရှိသူများ တက်ရောက်ကြသည်။ NOM

🚨 ဟော်မုဇ်ရေလက်ကြားကို စီမံခန့်ခွဲမည့် စီမံချက်ကို အတည်ပြုလိုက် ကြောင်း အီရန်အမျိုးသားလုံခြုံရေးကော်မရှင် အဖွဲ့ဝင်တစ်ဦး ပြောကြား အီရန်နိုင်ငံရဲ့ အမျိုးသားလုံခြုံရေးကော်မရှင် (National Security Commission) အဖွဲ့ဝင်တစ်ဦးက ဟော်မုဇ်ရေလက်ကြား ကို စီမံခန့်ခွဲမယ့် စီမံချက်တစ်ခုကို အတည်ပြုလိုက်ပြီလို့ ကြေညာခဲ့ပါတယ်။ အဲဒီစီမံချက်ရဲ့ အဓိကအချက်တွေကတော့ - * ရေလက်ကြားအတွင်း လုံခြုံရေးအစီအမံတွေကို တိုးမြှင့်ဆောင်ရွက်ရန်။ * သင်္ဘောတွေအတွက် ဘေးကင်းလုံခြုံရေးဆိုင်ရာ လုပ်ထုံးလုပ်နည်းများ ချမှတ်ရန်။ * ပတ်ဝန်းကျင်ထိန်းသိမ်းရေးဆိုင်ရာ ထည့်သွင်းစဉ်းစားမှုများ။ * ဘဏ္ဍာရေးနှင့် အခကြေးငွေဆိုင်ရာ စည်းမျဉ်းစည်းကမ်းများ။ * အမေရိကန်နှင့် အစ္စရေး သင်္ဘောများ ဖြတ်သန်းသွားလာခွင့် ပိတ်ပင်ရန်။ * အီရန်ရဲ့ အချုပ်အခြာအာဏာနဲ့ လက်နက်ကိုင်တပ်ဖွဲ့တွေရဲ့ အခန်းကဏ္ဍကို ပိုမိုခိုင်မာအောင် လုပ်ဆောင်ရန်။ * ဥပဒေရေးရာမူဘောင်များအတွက် အိုမန် (Oman) နိုင်ငံနဲ့ ပူးပေါင်းဆောင်ရွက်ရန်။ * အီရန်အပေါ် တစ်ဖက်သတ် ပိတ်ဆို့အရေးယူမှုတွေ လုပ်ဆောင်နေတဲ့ နိုင်ငံတွေရဲ့ ဖြတ်သန်းခွင့်ကို ကန့်သတ်ရန်။ NOM

အမေရိကန်နိုင်ငံ ကယ်လီဖိုးနီးယားရှိ Whole Foods စျေးဝယ်စင်တာတွင် အမျိုးသားတစ်ဦးက ၎င်း၏ လိင်အင်္ဂါဖြင့် အမျိုးသမီးစျေးဝယ်သူ၏ နားကို ပွတ်တိုက်ခဲ့မှုဖြစ်ပွား ကယ်လီဖိုးနီးယား (California) ပြည်နယ်ရှိ ဟိုးလ်ဖုဒ်စ် (Whole Foods) စျေးဝယ်စင်တာမှာ အမျိုးသားတစ်ဦးဟာ အမျိုးသမီးစျေးဝယ်သူတစ်ဦးရဲ့ နားကို သူ့ရဲ့ လိင်အင်္ဂါနဲ့ လာရောက်ပွတ်ခဲ့ပါတယ်။ အဲဒီအမျိုးသားဟာ လက်ထဲမှာ လက်ကိုင်ဖုန်းတစ်လုံးကိုလည်း ကိုင်ထားပြီး အဆိုပါစော်ကားမှုကို "ဗီဒီယိုမှတ်တမ်းတင်ဖို့ ဖြစ်နိုင်ခြေရှိတယ်" လို့ ယူဆရပါတယ်။ NOM

အီရန်အလယ်ပိုင်း အစ္စဖာဟန်မြို့ကို အမေရိကန်နဲ့ အစ္စရေးတို့ တိုက်ခိုက်မှုအတွင်း ကျောင်းသား ၉ ဦးနဲ့ ဆရာ ၁ ဦး သေဆုံး အီရန်နိုင်ငံအလယ်ပိုင်းက အစ္စဖာဟန် (Isfahan) မြို့ကို အမေရိကန်နဲ့ အစ္စရေးတို့ရဲ့ ကျူးကျော်တိုက်ခိုက်မှုကြောင့် ကျောင်းသား ၉ ဦးနဲ့ ဆရာ ၁ ဦးတို့ အသက်ဆုံးရှုံး ခဲ့ရပါတယ်။ NOM

အာရပ်နိုင်ငံတွေအနေနဲ့ စစ်ရေးအသုံးစရိတ်တွေကို ကူညီကျခံပေးဖို့ သမ္မတ ထရမ့် တိုက်တွန်းလိုကြောင်း အိမ်ဖြူတော်ပြောရေးဆိုခွင့်ရှိသူ လီဗစ် ပြောကြား အာရပ်နိုင်ငံတွေအနေနဲ့ စစ်ရေးဆိုင်ရာ ကုန်ကျစရိတ်တွေကို မျှဝေကျခံပေးဖို့ တိုက်တွန်းလိုကြောင်း အိမ်ဖြူတော် သတင်းပြန်ကြားရေးအတွင်းဝန် လိဗစ် (Leavitt) က ပြောကြားလိုက်ပါတယ်။ NOM

ဒူဘိုင်းကမ်းလွန်တွင် တိုက်ခိုက်ခံရသည့် ရေနံတင်သင်္ဘောကြီးမှာ ကူဝိတ်ပိုင် အယ်လ်ဆာလ်မီ Al-Salmi ဖြစ်ကြောင်း အတည်ပြု ဒူဘိုင်း ကမ်းလွန်မှာ တိုက်ခိုက်ခံရတဲ့ ရေနံတင်သင်္ဘောဟာ အယ်လ်ဆာလ်မီ (Al-Salmi) ဖြစ်တယ်လို့ သိရပါတယ်။ သူက အလွန်ကြီးမားတဲ့ ရေနံတင်သင်္ဘောကြီး (VLCC) အမျိုးအစားဖြစ်ပြီး အလျား ၃၃၃ မီတာရှိကာ တန်ချိန် ၃၁၉,၆၆၀ အထိ တင်ဆောင်နိုင်စွမ်းရှိပါတယ်။ ဒီသင်္ဘောကို ကူဝိတ်ရေနံကော်ပိုရေးရှင်း (Kuwait Petroleum Corporation) ရဲ့ လက်အောက်ခံကုမ္ပဏီဖြစ်တဲ့ ကူဝိတ် ရေနံတင်သင်္ဘောကုမ္ပဏီ (Kuwait Oil Tanker Company) က မောင်းနှင်လုပ်ကိုင်နေတာပါ။ တိုက်ခိုက်ခံရချိန်မှာ သင်္ဘောပေါ်မှာ ရေနံတွေ အပြည့်တင်ဆောင်ထားတာဖြစ်ပြီး သင်္ဘောရဲ့ ညာဘက်အခြမ်း (Starboard) မှာ မီးလောင်မှုဖြစ်ပွားခဲ့ပါတယ်။ ဒါ့အပြင် ပတ်ဝန်းကျင်ရေပြင်ထဲကို ရေနံတွေ ယိုစိမ့်ထွက်လာနိုင်ခြေလည်း ရှိနေပါတယ်။ ကမ္ဘာ့အကြီးဆုံး ရေနံတင်သင်္ဘောကြီးတွေထဲက တစ်စီးဖြစ်တဲ့ ဒီသင်္ဘောဟာ ဒူဘိုင်းကမ်းလွန် ၃၁ ရေမိုင်အကွာမှာ မီးလောင်နေဆဲ ဖြစ်ပါတယ်။ ဒီကြေညာချက်ထွက်ပေါ်လာပြီးနောက်မှာတော့ အမေရိကန်ရဲ့ ရေနံစိမ်းကြိုတင်ရောင်းဝယ်မှု ဈေးနှုန်းတွေဟာ ၃ ဒေါ်လာကျော် မြင့်တက်သွားပြီး တစ်စည်ကို ၁၀၅.၉၁ ဒေါ်လာအထိ စံချိန်တင် မြင့်တက်သွားခဲ့ပါတယ်။ NOM

ယူအေအီးနိုင်ငံ၊ ရှာဂျာမြို့ရှိ ဆက်သွယ်ရေးကုမ္ပဏီ ဒရုန်းဖြင့် တိုက်ခိုက်ခံရ ယူအေအီးနိုင်ငံ၊ ရှာဂျာ (Sharjah) မြို့မှာရှိတဲ့ သူရယာ (Thuraya) ဆက်သွယ်ရေးကုမ္ပဏီရဲ့ ရုံးချုပ်အဆောက်အအုံဟာ ဒရုန်းနဲ့ တိုက်ခိုက်ခြင်း ခံခဲ့ရပါတယ်။ သတင်းရင်းမြစ် - တက်စနင်း NOM

အီရတ်နိုင်ငံ၊ ဆူလေမန်နီယာရှိ အမေရိကန်တက္ကသိုလ် တိုက်ခိုက်ခံရ 🤔 အီရတ်နိုင်ငံ၊ ဆူလေမန်နီယာ (Sulaymaniyah) မြို့ရှိ အမေရိကန် တက္ကသိုလ် (American University) တိုက်ခိုက်ခံခဲ့ရကြောင်း အီရတ်သတင်းရင်းမြစ်များက ဖော်ပြထားသည်။ အယ်လ်အာဟတ် ဧရာတ် (Al-Ahed Iraq) သတင်းဌာနက အဆိုပါတိုက်ခိုက်မှုနှင့် သက်ဆိုင်သည်ဆိုသော ဗီဒီယိုဖိုင်တစ်ခုကို ထုတ်ပြန် ထားသည်။ သတင်းရင်းမြစ် - တက်စနင်း NOM

ဘင်္ဂလားဒေ့ရှ် စွမ်းအင်အကျပ်အတည်းကြောင့် လျှပ်စစ်ဓာတ်အားဖြတ်တောက်ရန် အမိန့်ထုတ် NOM ဘင်္ဂလားဒေ့ရှ် ပြည်သူ့အုပ်ချုပ်ရေးဝန်ကြီးဌာနသည် မတ်လ ၂၉ ရက်နေ့တွင် လျှပ်စစ်ဓာတ်အားအသုံးပြုမှုဆိုင်ရာ ညွှန်ကြားချက်များ ထုတ်ပြန်ခဲ့ပြီး အရပ်ဘက်ဝန်ထမ်းများအား မီးကို ကန့်သတ်သုံးစွဲရန်၊ အဲယားကွန်းကို ၂၅ ဒီဂရီစင်တီဂရိတ် သို့မဟုတ် ပိုမြင့်သောအပူချိန်တွင် ထားရန်နှင့် ရုံးမှထွက်ခွာသည့်အခါ မီးများကို ပိတ်ရန် အမိန့်ထုတ်ခဲ့သည်။ အရှေ့အလယ်ပိုင်းစစ်ပွဲနှင့် ဆက်စပ်၍ စွမ်းအင်ပြတ်လပ်မှု ပိုမိုနက်ရှိုင်းလာပြီးနောက် ယင်းအစီအမံများ ချမှတ်ခဲ့ခြင်းဖြစ်သည်။ ဘင်္ဂလားဒေ့ရှ်သည် ၎င်း၏ ရေနံနှင့် သဘာဝဓာတ်ငွေ့ လိုအပ်ချက်၏ ၉၅ ရာခိုင်နှုန်းကို ပြည်ပမှတင်သွင်းနေပြီး ပဋိပက္ခကြောင့် ထောက်ပံ့ရေးပြတ်တောက်မှုများကို ခံရနိုင်သည်။ အစိုးရသည် လောင်စာဆီဝယ်ယူမှုကို ကန့်သတ်ခြင်း၊ဓာတ်မြေဩဇာစက်ရုံအများစုတွင် ထုတ်လုပ်မှုကို ရပ်ဆိုင်းထားခြင်းနှင့်ဓာတ်ဆီဆိုင်များတွင်ရဲများ အစောင့်ချခြင်းတို့လုပ်ဆောင်ထားသည်။

ပါလက်စတိုင်းအကျဉ်းသားများကိုသေဒဏ်ပေးမည့်ဥပဒေအစ္စရေးလွှတ်တော်ကအတည်ပြု NOM ပါလက်စတိုင်းအကျဉ်းသားများအတွက် သေဒဏ်ပေးမည့်ဥပဒေတစ်ရပ်ကို အစ္စရေးနက်ဆက်လွှတ်တော်က ၆၂ မဲ-၄၈ မဲဖြင့်အတည်ပြုခဲ့သည်။ လက်ယာစွန်း အမျိုးသားကာကွယ်ရေးဝန်ကြီး ဘင်ဂ်ဗီယာသည် ဥပဒေပြုလွှတ်တော်တွင် ရှန်ပိန်ပုလင်းတစ်လုံးကို ဖွင့်၍ အောင်ပွဲခံရန် ကြိုးစားခဲ့သော်လည်း ဘေးမှတစ်ဦးကတားဆီးခဲ့သည်။

ဟဇ်ဘိုလာတို့ကအစ္စရေးတင့်ကါးများကိုဖျက်ဆီးသည့်မှတ်တမ်းထုတ်ဖော်ပြသ NOM ဟဇ်ဘိုလာတို့သည်လက်ဘနွန်တောင်ပိုင်းကိုကျူးကျော်လာသည့်အစ္စရေးတင့်ကါးတပ်ကိုပဲ့ထိန်းတင့်ဖျက်ဒုံးများဖြင့်ပစ်ခတ်တိုက်ခိုက်လျက်ရှိရာယခုအချိန်အထိအစ္စရေး၏ပင်မတိုက်ပွဲဝင်မာကာဗာတင့်ကါး၇၁စီးအထိဆုံးရှုံးပြီဖြစ်သည်။ယခုနှုန်းဖြင့်ဖျက်ဆီးခံနေရပါကမကြာမီတင့်ကါးအစီးရေတစ်ရာကျော်အထိအပျက်အစီးရှိမည်ဟုခန့်မှန်းထားသည်။

ဟော်မုဇ်ရေလက်ကြား ကို ရှောင်ကွင်းပြီး သွယ်တန်းထားတဲ့ ယူအေအီး နိုင်ငံရဲ့ အဓိက ရေနံပိုက်လိုင်းပေါ်က ပန့်စတေရှင် (Pump stations) နှစ်ခုမှာ မီးလောင်မှုတွေ ဖြစ်ပွားနေတာကို ဂြိုဟ်တုဓာတ်ပုံတွေအရ တွေ့ရှိရပါတယ်။ ဟတ်ဘ်ရှန်-ဖူဂျေရာ (Habshan–Fujairah) ပိုက်လိုင်းဟာ အဘူဒါဘီ (Abu Dhabi) ကနေ ဖူဂျေရာ (Fujairah) ဆိပ်ကမ်းအထိ ရေနံစိမ်းတွေကို သယ်ယူပို့ဆောင်ပေးနေတာ ဖြစ်ပါတယ်။ အီရန်နိုင်ငံဟာ ဟော်မုဇ်ရေလက်ကြားကို အသုံးမပြုဘဲ အစားထိုး တင်ပို့နေတဲ့ အမေရိကန်ရဲ့ မဟာမိတ်နိုင်ငံတွေရဲ့ ရေနံလမ်းကြောင်းတွေကို ပစ်မှတ်ထား တိုက်ခိုက်နေတာလည်း ဖြစ်နိုင်ပါတယ်။ NOM

အီရန်နှင့်စစ်ပွဲအပေါ် အီတလီကာကွယ်ရေးဝန်ကြီး Guido Crosetto က"ဒီစစ်ပွဲကို ကျွန်တော်တို့ မထောက်ခံခဲ့ပါဘူး၊ ဘယ်သူမှလည်း ကျွန်တော်တို့ရဲ့အမြင်ကို မတောင်းဆိုခဲ့ပါဘူး။ စစ်ပွဲတွေရဲ့ကြာချိန်ဟာ အင်အားကြီးသူရဲ့စစ်အင်အားပေါ်မှာ မူတည်တာမဟုတ်ဘဲ အင်အားနည်းသူရဲ့ ခုခံမှုပေါ်မှာ မူတည်ပါတယ်။ အီရန်ဟာ ယူကရိန်းထက် ပိုကြီးတယ်၊လူဦးရေပိုများပြီး ထောင်စုနှစ်များစွာကြာရှည်တဲ့သမိုင်းကြောင်းရှိပါတယ်။"ဟုပြောသည်။

လှိုင်သာယာတွင် နာရေး အိမ်စောင့်ဖဲဝိုင်း၌ လူသတ်မှုဖြစ်ပွား NOM၊မတ်၃၀၊၂၀၂၆ ရန်ကုန်တိုင်း‌ ဒေသကြီး၊ လှိုင်သာယာ(အနောက်ပိုင်း)မြို့နယ်၊ အမှတ် (၁၆) ရပ်ကွက်၊ သာစည်လမ်းရှိ နာရေးအိမ်စောင့် ဖဲဝိုင်းတွင် ယမန်‌ နေ့၁၂နာရီခန့်က လူသတ်မှုဖြစ်ပွားကြောင်း သိရသည်။ "အမှတ် (၁၆) ရပ်ကွက်၊ သာစည်လမ်းကနာရေးအိမ်စောင့် ဖဲဝိုင်းမှာ လူသတ်မှု ဖြစ်တာပါ။ ဖဲဝိုင်းကစားနေတာကို ဓါးကိုင်ပြီး လာသတ်သွားတာ။ ဓါးခုတ်သူက အကြွေးရှင်တွေမသိအောင် ပုန်းရှောင်နေတာကို အကြွေးရှင်တွေကို ပြောတယ်ဆိုပြီးအသားထဲက လောက်ထွက်တဲ့ကောင်လို့ပြောဆိုပြီး ဖဲစကားနေတဲ့ဖြိုးကိုဇော်ကို ခုတ်တယ်။ ဇက်ပိုးထိပြီး လှဲကျသွားချိန် ထပ်မံ ပြီးလေးချက် ထိုးသတ်တယ်။ အခင်းဖြစ်နေရာမှာပဲ အခုတ်၊ခံရတဲ့ဖြိုးကိုဇော်က သေဆုံးတယ်။ ကျူးလွန်သူ ထွန်းထွန်းဝင်း(ခ)ငထွန်းက ထွက်ပြေးသွားတယ်"ဟု ရပ်ကွက်နေ ပြည်သူတစ်ဦးက ပြောသည်။ ပြစ်မှုကျူးလွန်သူ ထွန်းထွန်းဝင်း(ခ)ငထွန်း (၄၆နှစ်)၊ တကောင်းလမ်း၊ အမှတ် (၁၆)ရပ်ကွက်နေသူအား လှိုင်သာယာ(အနောက်ပိုင်း)မြို့နယ်၊ သောင်ကြီးနယ်မြေရဲစခန်းမှ (ပ) ၂၄၆/၂၀၂၆၊ ရာဇသတ်ကြီးပုဒ်မ ၃၀၂ဖြင့် အမှုဖွင့် အရေးယူဆောင်ရွက်နေကြောင်း သိရှိသည်။

သရက်ချောင်းမြို့နယ်၌ PDF အကြမ်းဖက်အဖွဲ့က လက်နက်ကြီးဖြင့် ပစ်ခတ်မှုကြောင့် အပြစ်မဲ့အရပ်သားပြည်သူ ထိခိုက်ဒဏ်ရာရရှိ NOM

အွန်လိုင်းလိမ်လည်မှု (Telecom Fraud) နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့် ပြည်ပနိုင်ငံသား ၆၅ ဦး မြန်မာ - ထိုင်း အမှတ်(၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများသို့ ထပ်မံလွှဲပြောင်းပေးအပ် မတ် ၃၀၊ ၂၀၂၆ NOM

ဟော်မုဇ်ရေလက်ကြားကို အီရန်ကဖွင့်ပေးလိုက်ပြီ အီရန်နိုင်ငံဟာ ထရန့် (Trump) ရဲ့ ခြိမ်းခြောက်မှုတွေကို အပြုသဘောဆောင်တဲ့ တုံ့ပြန်မှုပေးခဲ့ပြီး ဟော်မုဇ်ရေလက်ကြား (Strait of Hormuz) ကို ပြန်ဖွင့်ပေးလိုက်ပြီဖြစ်ပါတယ်။ ဒါပေမဲ့ တရုတ်နိုင်ငံပိုင် ရေနံတင်သင်္ဘောနှစ်စင်းအတွက်သာ (ကန့်သတ်ပြီး) ဖွင့်ပေးခဲ့တာဖြစ်ပါတယ်။ NOM