News Of Myanmar

ပဲခူးတိုင်းဒေသကြီး၊ အုတ်တွင်းမြို့နယ်၊ လမ်းမကြီးပေါ်တွင် ဖြတ်သန်းသွားလာလျက်ရှိသည့် မော်တော်ယာဉ်များအား PDF အကြမ်းဖက်အဖွဲ့က လက်နက်ငယ်များဖြင့် ပစ်ခတ်တိုက်ခိုက်၍ မီးရှို့ဖျက်ဆီးခြင်းများလုပ်ဆောင်၊ အပြစ်မဲ့ယာဉ်မောင်းတစ်ဦးသေဆုံး NOM ဇန်နဝါရီ ၁၀၊ ၂၀၂၆ ပဲခူးတိုင်းဒေသကြီး၊ အုတ်တွင်းမြို့နယ်၊ ဘုရားနှစ်ဆူကျေးရွာအနီး ရန်ကုန်-မန္တလေးကားလမ်းမိုင်တိုင် အမှတ် ၁၃၈ မိုင် ၄ ဖာလုံနှင့် ၅ ဖာလုံအကြား Diamond စက်သုံးဆီဆိုင်ရှေ့တွင် ဇန်နဝါရီလ ၉ ရက်နေ့ နံနက် ၇ နာရီခွဲအချိန်၌ PDF အကြမ်းဖက်အဖွဲ့က ကားလမ်းပေါ်တွင် ဖြတ်သန်းသွားလာလျက်ရှိသည့် မော်တော်ယာဉ်များအား ပစ်ခတ်တိုက်ခိုက်၍ မီးရှို့ဖျက်ဆီးခြင်းများအား ဆင်ခြင်တုံတရားကင်းမဲ့စွာ လုပ်ဆောင်ခဲ့မှုကြောင့် အုတ်တွင်းမြို့မှ ဖြူးမြို့ဘက်သို့ မောင်းနှင်လာသော ယာဉ်အမှတ် MDY-17 8J/9309 I-ZONE Light Truck အဖြူရောင်မော်တော်ယာဉ်အား လက်နက်ငယ်ကျည်ထိမှန်ကာ ယာဉ်မောင်းဖြစ်သူ မန္တလေးတိုင်းဒေသကြီး၊ အောင်မြေသာစံမြို့နယ်၊ ဒေါနဘွားရပ်ကွက်နေ ဦးဇော်မိုးလွင် (၄၅) နှစ်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ပြီး ၎င်းနေရာနှင့် ကိုက် ၁၀၀ ခန့်အကွာ လမ်းမပေါ်တွင် ရန်ကုန်တိုင်းဒေသကြီး၊ ရွှေပြည်သာမြို့နယ်နေ ကိုဆန်းမင်းထွန်း (၃၂) နှစ်မောင်းနှင်သည့် ယာဉ်အမှတ် YGN-45 5N/1145 SINO TRUCK ခဲရောင်ဆီဘောက်ဆာတွဲယာဉ်အား ကန့်လန့် အနေအထားဖြင့် မီးရှို့ဖျက်ဆီးသွားခဲ့သဖြင့် မီးလောင်ပျက်စီးဆုံးရှုံးခဲ့ကြောင်း သိရသည်။ News Of Myanmar NOM

ဇန်နဝါရီလ၁၀ရက်နိုင်ငံတကာသတင်းတိုများ NOM ၁။အီရန်နိုင်ငံ မြို့ကြီးများတွင်မြို့သူမြို့သားများသည်လမ်းများပေါ်ထွက်လာပြီးဘာသာရေးခေါင်းဆောင်ကြီးခါမေနီကိုထောက်ခံကြောင်းတန်ပြန်ဆန္ဒပြခဲ့ကြသည်။(ဗီဒီယို)) ၂ ။အီရန်ရှေ့နေချုပ်ကဆန္ဒပြသူများသည်နိုင်ငံတော်ကိုပုန်ကန်သူများဖြစ်သဖြင့်ထိုသူတို့အတွက်ပြစ်ဒဏ်မှာသေဒဏ်ဖြစ်သည်ဟုပြောလိုက်သည်။ ၃။ယူကရိန်းနိုင်ငံလစ်ဗ်မြို့အားရုရှား၏အိုရီရှက်နစ်ဒုံးပျံဖြင့်တိုက်ခိုက်ခံရမှုကိုယူကရိန်းကဗီဒီယိုမှတမ်းရိုက်ကူးထားပြီးအဆိုပါဒုံးပျံသည်တစ်နာရီလျင်ကီလိုမီတာ ၁၃၀၀၀(၈၁၂၅မိုင်)အမြန်နှုန်းရှိကြောင်းကြေညာသည်။(ဗီဒီယို) ၄။ဖိလစ်ပိုင်နိုင်ငံစီဘူးမြို့တွင်တိုက်အထပ်၂၀ခန့်အမြင့်ပေရှိသောအမှိုက်ပုံကြီးပြိုကျရာအမှိုက်သိမ်းလုပ်သား၅၀ဦးသည်အမှိုက်ပုံအောက်တွင်ပိနေပြီးကယ်ဆယ်ရေးလုပ်ငန်းအပူတပြင်းလုပ်ဆောင်လျက်ရှိသည်။(ဓါတ်ပုံ) ၅။မြောက်ကိုးရီးယားအစိုးရပိုင်သတင်းဌာနကတောင်ကိုးရီးယားဒရုန်းများသည်မြောက်ကိုးရီးယားလေပိုင်နက်ကိုချိုးဖောက်ဝင်ရောက်ပြီးကေဆောင်းမြို့ကိုဓါတ်ပုံနှင့်ဗီဒီယိုများရိုက်ယူသွားသည်ဟုကြေညာသည်။(ဓါတ်ပုံ)

KIA အကြမ်းဖက်အဖွဲ့များကို ချေမှုန်းနေသည့် ဝါရာဇွပ်ပြည်သူ့စစ်တပ်ဖွဲ့ဝင်များ။ NOM

၇၈နှစ်မြောက်ကချင်ပြည်နယ်နေ့မနောပွဲကိုဇန်နဝါရီလ၁၀ရက်ယနေ့ဆင်နွှဲကျင်းပ

မြန်မာ့ပင်လယ်ပြင်အတွင်း ရေဝင်နစ်မြုပ်နေသည့် လှေ ၁ စင်းပေါ်တွင် လိုက်ပါလာသူများအား တပ်မတော်(ရေ)နှင့် မြန်မာနိုင်ငံကမ်းခြေစောင့်တပ်ဖွဲ့မှ လုံခြုံရေးတပ်ဖွဲ့ဝင်များက ကူညီကယ်ဆယ် နေပြည်တော်၊ ၂၀၂၆ ဇန်နဝါရီ ၁၀

၇၈နှစ်မြာက်ကချင်ပြည်နယ်နေ့ကျင်းပ NOM၊ဇန်နဝါရီ၁၀၊၂၀၂၆ ဒီဇင်ဘာလ၁၀ရက်နေ့ယနေ့ကျ ရောက်သော ၇၈နှစ်မြောက်ကချင်ပြည်နယ်နေ့အခမ်းအနားကိုကချင်ပြည်နယ်အစိုးရဝန်းအတွင်းကျင်းပရာနိုင်ငံတော်ယာယီသမ္မတ၏သဝဏ်လွှာကိုသမ္မတရုံးဝန်ကြီးဦးတင်အောင်စန်းကဖတ်ကြားကါကချင်ပြည်နယ်ဝန်ကြီးချုပ်ဦးခက်ထိန်နန်ကကြိုဆိုစကါးပြောကြားသည်။ထို့နောက်ပြန်ကြားရေးဝန်ကြီးကပြည်နယ်ဝန်ကြီးချုပ်ထံရုပ်သံဖမ်းစက်များလှူဒါန်းပြီးအမှတ်တရဓာတ်ပုံရိုက်ကူးကြသည်။အစီအစဉ်အရမနောအကကိုစုပေါင်းကကြကြောင်းသိရသည်။

ဒလမြို့နယ်နှင့် သပိတ်ကျင်းမြို့နယ်တို့ရှိ သံဃာတော်များနှင့် ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများ ဆောင်ရွက် ဇန်နဝါရီ ၉၊ ၂၀၂၆ ရန်ကုန်တိုင်းဒေသကြီး ဒလမြို့နယ် မှော်စက်ရပ်ကွက်နှင့် ပတ်ဝန်းကျင်ရပ်ကွက်များရှိ သံဃာတော်များနှင့် ဒေသခံပြည်သူများအား ယနေ့တွင် ရန်ကုန်တိုင်းစစ်ဌာနချုပ် နယ်လှည့်ဆေးကုသရေးအဖွဲ့က အဆိုပါရပ်ကွက်ရှိ မှော်စက်ကျောင်းတိုက်၌အခြေပြု၍ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးသည်။ ထိုသို့ ဆောင်ရွက်ပေးရာတွင် ဆေးကုသရေးအဖွဲ့က သံဃာတော် ၁၂ ပါးနှင့် ဒေသခံပြည်သူ ၁၅၇ ဦးတို့အား အရိုးအကြောရောဂါ၊ ခွဲစိတ်ကုသမှုဆိုင်ရာ ရောဂါ၊ ကလေးရောဂါ၊ မျက်စိရောဂါ၊ နား/ နှာခေါင်း/ လည်ချောင်းရောဂါ၊ သွားနှင့်ခံတွင်းရောဂါ၊ သားဖွားမီးယပ်ရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့် ကျန်းမာရေးစောင့်ရှောက်မှု လုပ်ငန်းများ ဆောင်ရွက်ပေးသည်။ ယင်းသို့ ဆောင်ရွက်နေမှုများကို ဒလတပ်နယ်မှ တာဝန်ရှိသူများက သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးကာ အဆိုပါကျောင်းတိုက်ဆရာတော်အား လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြသည်။ အလားတူ အလယ်ပိုင်းတိုင်းစစ်ဌာနချုပ် နယ်မြေခံဆေးကုသရေးအဖွဲ့က မန္တလေးတိုင်းဒေသကြီး သပိတ်ကျင်းမြို့နယ် ကျောက်ဖျာကျေးရွာရှိ ဒေသခံပြည်သူ ၁၃၅ ဦးတို့ကို အဆိုပါကျေးရွာရှိ ကျေးလက်ကျန်းမာရေးဌာနခွဲ၌ သွေးတိုးရောဂါ၊ အဆစ်အမျက် ရောင်ရောဂါ၊ ဆီးချိုရောဂါ၊ သားဖွားမီးယပ်ရောဂါ၊ အသက်ရှူလမ်းကြောင်းဆိုင်ရာရောဂါ၊ မျက်စိ ရောဂါ၊ သွားနှင့်ခံတွင်းရောဂါ၊ ခွဲစိတ်ကုသမှုဆိုင်ရာရောဂါ၊ ကလေးရောဂါ၊ အထွေထွေရောဂါတို့နှင့် ပတ်သက်၍လိုအပ်သည့် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးပြီး ကျန်းမာရေးဆိုင်ရာ အသိပညာပေးခြင်းများ ဟောပြောဆွေးနွေးကာ ဆေးရုံတက်ရောက်ကုသရန်လိုအပ်သည့် လူနာများအား နယ်မြေခံတပ်မတော်ဆေးရုံသို့ တက်ရောက်ကုသနိုင်ရေး စီစဉ်ဆောင်ရွက်ပေးသည်။ ယင်းသို့ ဆောင်ရွက်နေမှုများကို သပိတ်ကျင်းတပ်နယ်မှ တာဝန်ရှိသူများက သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိသည်။

ပြည်ထောင်စုသမ္မတမြန်မာနိုင်ငံတော်နှင့် ဆိုမာလီယာဖက်ဒရယ်သမ္မတနိုင်ငံတို့အကြား သံတမန်အဆက်အသွယ်ထူထောင် ဇန်နဝါရီ ၉၊ ၂၀၂၆ ပြည်ထောင်စုသမ္မတမြန်မာနိုင်ငံတော်နှင့် ဆိုမာလီယာဖက်ဒရယ် သမ္မတနိုင်ငံတို့သည် ကုလသမဂ္ဂပဋိညာဉ်စာတမ်းပါမူကြီးများနှင့် အပြည်ပြည်ဆိုင်ရာ ဥပဒေတို့ကိုအခြေခံပြီး သံတမန်ဆက်ဆံရေးနှင့် ကောင်စစ်ဆက်ဆံရေးဆိုင်ရာ ဗီယင်နာကွန်ဗင်းရှင်းတို့နှင့်အညီ နှစ်နိုင်ငံချစ်ကြည်ရင်းနှီးမှုနှင့် ပူး‌ပေါင်းဆောင်ရွက်မှုတိုးတက်ခိုင်မာစေရန် ဆန္ဒရှိကြသည့် အားလျော်စွာ ၂၀၂၆ ခုနှစ် ဇန်နဝါရီ ၉ ရက်မှစတင်၍ နှစ်နိုင်ငံအကြား သံအမတ်ကြီးအဆင့်ဖြင့် သံတမန်အဆက်အသွယ်ထူထောင်ကြသည်။ ပြည်ထောင်စုသမ္မတ မြန်မာနိုင်ငံတော်နှင့် ဆိုမာလီယာ ဖက်ဒရယ်သမ္မတနိုင်ငံတို့အကြား သံတမန်အဆက်အသွယ် ထူထောင်ခြင်းဆိုင်ရာ ပူးတွဲကြေညာချက်ကို မလေးရှားနိုင်ငံဆိုင်ရာ မြန်မာသံရုံးယာယီတာဝန်ခံ/သံအမတ်ကြီး ဦးအောင်ကျော်မိုးနှင့် မလေးရှားနိုင်ငံဆိုင်ရာ ဆိုမာလီယာ သံအမတ် ကြီး Mr. Ali Mohamed Abukar တို့က ၂၀၂၆ ခုနှစ် ဇန်နဝါရီ ၉ ရက်တွင် ကွာလာလမ်ပူမြို့ မြန်မာသံရုံး၌ လက်မှတ်ရေးထိုးခဲ့ကြသည်။ ဆိုမာလီယာဖက်ဒရယ်သမ္မတနိုင်ငံသည် မြန်မာနိုင်ငံ၏ ၁၂၇ နိုင်ငံမြောက် သံတမန်အဆက်အသွယ် ထူထောင်သည့်နိုင်ငံဖြစ်သည်။

ယူကရိန်းဟာ Dobra လီသီယမ်သိုက်ကို ထရမ့်နဲ့ နီးစပ်တဲ့ ရင်းနှီးမြုပ်နှံသူတွေဆီ လွှဲပြောင်းပေးလိုက်ပါတယ်။ နိုင်ငံအာဏာပိုင်တွေဟာ ထရမ့်ရဲ့ မိတ်ဆွေဖြစ်တဲ့ ဘီလျံနာ Ronald Lauder ဆီ တင်ဒါပေးအပ်နေတယ်လို့ New York Times က သတင်းရင်းမြစ်တွေကို ကိုးကားဖော်ပြခဲ့ပါတယ်။ နောက်ထပ် ရင်းနှီးမြုပ်နှံသူ တဦးကတော့ ထရမ့်ရဲ့ ပထမသမ္မတသက်တမ်းအတွင်း ဖန်တီးခဲ့တဲ့ အမေရိကန်အစိုးရဲ့ ရင်းနှီးမြုပ်နှံမှုအေဂျင်စီက တစိတ်တပိုင်းပိုင်ဆိုင်တဲ့ စွမ်းအင်ကုမ္ပဏီ TechMet ဖြစ်တယ်လို့လည်း ဆိုပါတယ်။ NOM

“လွန်ခဲ့တဲ့ နှစ်ပေါင်း ၅၀၀ တုန်းက ဒိန်းမတ်လူမျိုးတွေက လှေတွေနဲ့ ရောက်ရှိပြီး ဂရင်းလန်းကျွန်းကို တွေ့ခဲ့တယ်ဆိုတာနဲ့ ဒီကျွန်းက သူတို့ပိုင်ဆိုင်တယ်လို့ ပြောလို့မရပါဘူး” “အမေရိကန်အတွက် ဂရင်းလန်းကို ငှားထားရုံနဲ့ မလုံလောက်ပါဘူး၊ နိုင်ငံတော်လုံခြုံရေးကို ပိုပြီး သေချာခိုင်မာစေဖို့အတွက် ပိုင်ဆိုင်မှ ဖြစ်ပါလိမ့်မယ်” “ကျနော်တို့ ပိုင်ဆိုင်တဲ့အရာဆို အဲဒါကို ကျနော်တို့က ကာကွယ်နိုင်ပါတယ်၊ ငှားရမ်းထားတဲ့အရာကိုတော့ ကာကွယ်ဖို့က မဖြစ်နိုင်ပါဘူး၊ ခင်ဗျားအနေနဲ့ ပိုင်ဆိုင်ဖို့ လိုအပ်ပါတယ်” - ဒေါ်နယ်ထရမ့် NOM

တိုက်ရိုက်သတင်းတင်ဆက်နေချိန်အတွင်း ဆီးရီးယားသတင်းထောက်တဦးဟာ တင့်ကားနဲ့ တိုက်မိခဲ့ပြီး ကံကောင်းထောက်မစွာနဲ့ အသက်ရှင်သန်နေခဲ့တဲ့ ရုပ်သံဖိုင်ဖြစ်ပါတယ်။ NOM

“အီရန်ရဲ့ ကြီးမြတ်တဲ့ အချုပ်အခြာအာဏာကို ပြည်ပကျောထောက်နောက်ခံပေးထားတဲ့ လူဆိုးလူမိုက်တွေနဲ့ ရာဇဝတ်သားတွေက ချိုးဖောက်နေတာာကို တရုတ်က လက်ပိုက်ကြည့်နေမှာမဟုတ်ပါဘူး၊ အီရန်အစိုးရအနေနဲ့ ဘဏ္ဍာရေး၊ နည်းပညာ၊ ထောက်လှမ်းရေး ဒါမှမဟုတ် စစ်ရေးကဏ္ဍတွေမှာ ဘယ်လိုမျိုး လိုအပ်ချက်တွေ ရှိနေပါစေ၊ တရုတ်က ပံ့ပိုးပေးဖို့ အသင့်ရှိပါတယ်” - တရုတ်နိုင်ငံခြားရေးဝန်ကြီးဌာနက ထုတ်ပြန်ခဲ့တာဖြစ်ပါတယ်။ NOM

AA လော်ဘီတွေနဲ့ မီဒီညာတွေက သတင်းအတုတွေ ထုတ်နေပြန်ပြီ။ - ဆေးကြောင် AA သူပုန်ဆိုသည်မှာလည်း သေးခံခွက်ကြီးပေါ်လာပြီးနောက်ပိုင်း သေလိုက်တာ သောက်သောက်လဲ.. -

စစ်တွေမှာ ဘာတိုက်ပွဲဖြစ်စဉ်မှ မရှိပါဘူးခင်ဗျာ။

- သူပုန်တွေ ဂျင်းထည့်နေသည်.. ပြည်သူတွေ သတိထားယုံကြ - တိုက်ပွဲသတင်းစုံ

မကွေးတိုင်းဒေသကြီး၊ မင်းဘူးမြို့နယ်တွင် ဆိုင်ကယ်မောင်းနှင်လာသည့် အပြစ်မဲ့အရပ်သားပြည်သူတစ်ဦးကို PDF အကြမ်းဖက်သမားများက အကြမ်းဖက်ခြိမ်းခြောက်၍ ဆိုင်ကယ်တစ်စီး၊ လက်ကိုင်ဖုန်းတစ်လုံးနှင့်အတူ ဖမ်းဆီးခေါ်ဆောင်သွား NOM ဇန်နဝါရီ ၉၊ ၂၀၂၆ မကွေးတိုင်းဒေသကြီး၊ မင်းဘူးမြို့နယ်၊ ဇီးအိုင်းကျေးရွာနေ ဦးမင်းဇော် (၅၃) နှစ်သည် ဇန်နဝါရီလ ၈ ရက်နေ့ မွန်းလွဲ ၃ နာရီခွဲအချိန်၌ ပင်းတလဲကျေးရွာအနီးရှိ ၎င်းပိုင်စိုက်ခင်းမှ ဇီးအိုင်းကျေးရွာဘက်သို့ ဆိုင်ကယ်ဖြင့်ပြန်လာစဉ် မင်းဘူး-ပဒါန်းသွားကားလမ်းအနီး တောလမ်းထိပ်အရောက်တွင် PDF အကြမ်းဖက်သမားလေးဦးက ဆိုင်ကယ်နှစ်စီးဖြင့် မောင်းနှင်ရောက်ရှိလာပြီး အကြမ်းဖက်ခြိမ်းခြောက်၍ ၎င်းစီးနင်းလာသည့် ဆိုင်ကယ်တစ်စီး၊ လက်ကိုင်ဖုန်းတစ်လုံးနှင့်အတူ ဖမ်းဆီးခေါ်ဆောင်သွားခဲ့ကြောင်းသိရသည်။ News Of Myanmar NOM

မန္တလေးတိုင်းဒေသကြီး၊ မလှိုင်မြို့နယ်တွင် PDF အကြမ်းဖက်သမား ၁၅ ဦးခန့်က ကျောင်းထိုင်ဆရာတော်တစ်ပါးအား မော်တော်ယာဉ်တစ်စီးနှင့်အတူ အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွား NOM ဇန်နဝါရီ ၉၊ ၂၀၂၆ မန္တလေးတိုင်းဒေသကြီး၊ မလှိုင်မြို့နယ်၊ အမှတ် (၄) ရပ်ကွက်ရှိ ရတနာဦးဘုန်းကြီးကျောင်းမှ ကျောင်းထိုင်ဆရာတော် ဥူးဏိပုန (၆၀) နှစ် (၄၀) ဝါနှင့် ခန်းနေဆရာတော် ဥူးနရိန္ဒ (၅၂) နှစ် (၃၂) ဝါတို့သည် ၂၀၂၅ ခုနှစ် ဒီဇင်ဘာလ ၂၅ ရက်နေ့ မွန်းလွဲ ၁ နာရီအချိန်၌ ထနောင်းကျင်ကျေးရွာနေ ဦးအေးကောင်း (၆၃) နှစ်မောင်းနှင်သည့် ကျောင်းပိုင်အဖြူရောင် မော်တော်ယာဉ်ဖြင့် ချင်းလျား (အနောက်) ကျေးရွာမှ မလှိုင်မြို့သို့ နှောကန်-မကျီးပင်ပု-ဆုံတွင်း-မလှိုင်လမ်းအတိုင်း မောင်းနှင်ထွက်ခွာလာစဉ် ဆုံတွင်းကျေးရွာအနီး လမ်းခွဲအရောက် PDF အကြမ်းဖက်သမား ၁၅ ဦးခန့်က မော်တော် ယာဉ်အား တားဆီးရပ်တန့်ခိုင်းကာ ယာဉ်ပေါ်ပါလာသူများအနက် ကျောင်းထိုင်ဆရာတော် ဥူးဏိပုန အား အဆိုပါမော်တော်ယာဉ်နှင့်အတူ အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ပြီး ဆရာတော် ဥူးနရိန္ဒနှင့် ဦးအေးကောင်းတို့အား ပြန်လည်စေလွှတ်ခဲ့ကြောင်းသိရသည်။ News Of Myanmar NOM

မကွေးတိုင်းဒေသကြီး၊ ပွင့်ဖြူမြို့နယ်၊ ဆံဖြူခင်ကျေးရွာတွင် နေအိမ်၌ရှိနေသော ရာအိမ်မှူးကို PDF အကြမ်းဖက်သမားရှစ်ဦးခန့်က သေနတ်ဖြင့်ပစ်ခတ်သတ်ဖြတ်သွား NOM ဇန်နဝါရီ ၉၊ ၂၀၂၆ မကွေးတိုင်းဒေသကြီး၊ ပွင့်ဖြူမြို့နယ်၊ ဆံဖြူခင်ကျေးရွာနေ ရာအိမ်မှူး ဦးတင်မြင့် (၆၅) နှစ်သည် ဇန်နဝါရီလ ၈ ရက်နေ့ ည ၁၀ နာ ရီ ၄၀ မိနစ်အချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားရှစ်ဦးခန့်က ဆိုင်ကယ်လေးစီးဖြင့် ရောက်လာပြီး သေနတ်ဖြင့်ပစ်ခတ်သတ်ဖြတ်သွားခဲ့သဖြင့် ဦးတင်မြင့်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်းသိရသည်။ News Of Myanmar NOM

မုံရွာမြို့နယ်၊ ဘုန်းစိုးရပ်ကွက်နေ နီလာခေါက်ဆွဲစက်ပိုင်ရှင် အမျိုးသမီးကို PDF အကြမ်းဖက်သမားသုံးဦးက အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွား NOM ဇန်နဝါရီ ၉၊ ၂၀၂၆ စစ်ကိုင်းတိုင်းဒေသကြီး၊ မုံရွာမြို့နယ်၊ ဘုန်းစိုးရပ်ကွက်နေ နီလာခေါက်ဆွဲစက်ပိုင်ရှင် ဒေါ်ဝင်းကြည် (၇၄) နှစ်သည် ဇန်နဝါရီလ ၈ ရက်နေ့ နေ့လယ် ၁၂ နာရီ ၄၅ မိနစ်အချိန်၌ ၎င်း၏နေအိမ်တွင်ရှိနေစဉ် PDF အကြမ်းဖက်သမားသုံးဦးရောက်လာပြီး အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။ News Of Myanmar NOM

KK Park နယ်မြေအတွင်း အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် တရားမဝင်အဆောက်အအုံအားလုံး စနစ်တကျဖြိုချဖျက်ဆီးပြီးဖြစ် နေပြည်တော်၊ ၂၀၂၆ ဇန်နဝါရီ ၉

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် စက္ကူစက်ရုံ(သာပေါင်း)သို့ သွားရောက်ကြည့်ရှုစစ်ဆေး နေပြည်တော်၊ ဇန်နဝါရီ - ၉

ပြည်ထောင်စုသမ္မတမြန်မာနိုင်ငံတော် ယာယီသမ္မတနိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် သာပေါင်းမြို့ရှိ မြို့နယ်အဆင့်ဌာနဆိုင်ရာတာဝန်ရှိသူများ၊ မြို့မိမြို့ဖများနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများဆွေးနွေး နေပြည်တော်၊ ဇန်နဝါရီ - ၉