Ilm Sahifasi

Канални ёпамиз. Ижтимоий тармоклардан мухумрок ибодатларимиз бор. Вактимиз ижтимоий тармокда куп кетаркан. Аллох тавфик берсин

Zilzila kuzatilayotgan shaharlarning birida, masjid imomi tomonidan bolalar uchun multfilm qo'yib berilibdi. Islomning go'zalligi Insonlarning aksari masjidlarda ham jon saqlamoqda.

​​​​Аллоҳ таоло сари элтувчи ягона саодат ва ҳидоят йўли бор, у ҳам бўлса, Пайғамбаримиз соллаллоҳу алайҳи васаллам кўрсатган йўлдир. Инсоният эриша оладиган энг юксак ахлоқ қандай бўлиши лозимлигини Пайғамбаримиз соллаллоҳу алайҳи васаллам шахсан яшаб кўрсатганлар. Бундан бошқа йўл қидирган кимса бадбахт бўлур. Уни камситган киши дунё ва охиратда хору зор бўлур. Унга қарши чиққанлар алалоқибат балоқазога гирифтор бўлур. У зотга бўлган севги — ибодат, у зотнинг шарафли исмларини зикр этиш — саодат, у кишининг шафоатларидан маҳрум қолиш — фалокатдир. У зоти шарифга, у зотнинг йўлларидан юрганларга, у зотга хос уммат бўлишга ғайрат қилаётганларга саломлар бўлсин. «Инсон севгани билан биргадир» ҳадиси хабар берган саодатга эришганларга салом... «Бугун бир соатгина Расулуллоҳ соллаллоҳу алайҳи васалламни уйимда меҳмон қилсам, қандай бахтиёр бўлардим!» «Дўконимга бораётганимда, олдимда пайғамбаримиз соллаллоҳу алайҳи васаллам юриб бораётганларини кўрсам, мен ўзим қандай юрган бўлардим?» «Мен қатнашаётган мажлисда Набийи Акрам жаноблари соллаллоҳу алайҳи васалламҳам ўтирган бўлсалар, мен ўзимни қандай тутардим?» «Жаноби Расулуллоҳ соллаллоҳу алайҳи васаллам яшаган Саодат даврида яшаганимда, у зотга ҳурматим қандай бўларди?» каби ҳаяжонли саволларни ўзига бера олувчи ва буларни азиз умрида тадбиқ қилиш фурсатини топгувчи, ётарда у кишининг севгиси ёди билан уйқуга кетгувчи, уйғонганида у зотнинг гул бўйларини ҳидлаш фикри ила турадиган мўминларга саломлар бўлсин... Тилим сени сўйласин, қалбим доим сени эсласин, Севгингга тўқнашмаган қалб кўксимда бўлмасин. Мушк таратган тупроғингга юзларимни сурмасам, Исён ила чириган кўзларим юмулмасин. «Саодат асри қиссалари» китобидан

Инсоннинг сукут сақлаши - ҳар доим ҳам, «аломати ризо», дегани эмас. Баъзан инсон, аҳмоқлар билан тортишишни истамайди, шунинг учун ҳам сукут сақлайди. © Алберт Эйнштейн @ilmsahifasi

Alloh rahm qil…

Туркиялик қардошларимиз мусибат устида турганларида, каналимизга бундан ортиқ нарма жойлай олмадим. Аллоҳ таоло қардшларимизга Сабру Жамил берсин. Хозирда Туркияда бўлиб турган ватандошларимизни ва мўмин муслмонларни Аллоҳ ўзи асрасин. Ақл эгалари учун бу воқеалар ибрат ва тафаккур қилишга шоштиради. Аллоҳ гуноҳларимизни кечирсин.

Qardoshlarimiz musibati bizning musibatimiz Kuni kecha bo‘lib o‘tgan zilzilaga doir so‘nggi xabarlarga ko‘ra, Turkiya hududida 3700 ga yaqin inson olamdan ko‘z yumgan. Yaralanganlar soni 22 mingdan ziyod, yiqilgan binolar soni esa 6 mingdan ziyodni tashkil etadi. Turkiyaning janubi-sharqiy hududida sodir bo‘lgan zilzila Suriyaning ayrim shaharlariga ham o‘z ta’sirini ko‘rsatgan. Turkiya rasmiylari bergan ma’lumotga ko‘ra, Suriyadagi marhumlar soni 1600, yaralanganlar soni esa 3500 nafardan oshgan. Insonlar ko‘chalarda va maxsus tayyorlanayotgan yerlarda jon saqlashmoqda. Boz ustiga, havo ham ancha sovuqlashgan. Odamlar har tomonlama bir-birlariga yordam qilishga, maxsus guruhlar tashkil etib, zilzila sodir bo‘lgan yerlarga zaruriy ashyolarni yetkazib berishga urinishyapti. Turkiyadagi masjidlardan esa salavot tovushlari yangrab turibdi. Turkiya va Suriya uchun kelgan bu musibatga butun dunyo ko‘mak uchun oyoqqa turgan. Xususan, yurtimiz tomonidan ham maxsus yordam guruhlari jo‘natildi. Vayrona bo‘lgan uylar tagida qolib ketgan insonlarni qidirish va yordam berish ishlari davom etmoqda. Ammo, afsuski, vafot etgan va yaralanganlarning ham, yiqilgan binolarning ham soni nihoyatda ko‘p. Bunday vaziyatlarda bizning ham zimmamizda ma’lum mas’uliyatlar bor. Xususan, imkoni borlar moddiy yordam berishlari, imkoniyati yo‘qlar esa, xatmi Qur’on va duolar qilishda g‘ayrat ko‘rsatishlari, shuningdek, u yerdagi yaqinlarni ruhan qo‘llab-quvvatlashlari kerak bo‘ladi. Alloh taolo turkiyalik qardoshlarimizga O‘zi yengillik bersin! Yaqinlarini yo‘qotganlar, jabrlanganlar, ko‘chada qolganlar va butun Turkiya hamda Suriya xalqi uchun go‘zal sabr-u toqat ato etsin! Mohinabonu Sayyidafzal @Peshqadam_Karvoni