O'Z Res CHQBT

Bugun 10-fevral soat 21:00 da CHQBT fani bo‘yicha test bo‘ladi o‘zingizni sinab ko‘ring. 👇👍👍

#Сўраган_эдингиз Энди мактабларга туман (шаҳар) мактабгача ва мактаб таълими бўлимлари раҳбарлик қилолмайдими? #Савол Яқинда президент Андижонга ташрифи чоғида ХТБ фаолиятини танқид қилиб, директорларга эркинлик бериш кераклигини айтганди. Эшитишимизча, шу сабабли янги ташкил этилаётган бўлинмалардан мактабларга раҳбарлик қилиш функцияси бутунлай олиб ташланибди. Шу гап тўғрими? #Жавоб Ҳақиқатдан ҳам ҳудудий бўлинмалар фаолияти бир неча бор танқид қилинди. Шунингдек, президентнинг ПФ-14-сонли фармони билан барча соҳаларда ихчам бошқариладиган тизимни йўлга қўйиш бўйича вазирликларга топшириқ берилган. Мактабгача ва мактаб таълими вазирлиги ушбу фармон ижросини таъминлаш мақсадида керакли чораларни кўряпти. Шу муносабат билан, вилоят ҳамда туман (шаҳар) мактабгача ва мактаб таълими бўлимларининг вақтинчалик тузилмаси ва низоми тасдиқланди. Аммо, ҳудудий бўлинмаларнинг мактабларга умумий раҳбарлик қилиш функцияси бутунлай олиб ташлангани йўқ. Ҳудудий бўлинмалар тизимига бўлимнинг аппарати, мактабгача таълим ташкилотлари, мактаб ва мактабдан ташқари таълим муассасалари киради. Улар мактабгача таълим ташкилотлари, мактаб ва мактабдан ташқари таълим муассасалари норматив-ҳуқуқий ҳужжатларга риоя қилиниши ҳамда тасарруфидаги таълим ташкилотлари, мактаб ва мактабдан ташқари таълим муассасаларида давлат таълим стандартлари ва давлат талаблари бажарилиши устидан тизимли равишда мониторинг юритади. Шунингдек, ушбу бўлинмалар мактабгача таълим ташкилотлари, мактаб ва мактабдан ташқари таълим муассасалари фаолиятига раҳбарлик қилади, мувофиқлаштиради ва назорат қилади. Уларда мактабларда қатъий назоратдаги ўқув ҳужжатларининг тўғри юритилишини, битирувчиларга шаҳодатнома "олтин” ва "кумуш" медаллар берилишини, ўқувчиларнинг давоматини назорат қилиш ҳамда шунга ўхшаш яна бир қанча функциялар сақланиб қолган. 👉Xalq ta'limi Info

❕Ҳудудий халқ таълими бўлимлари вақтинча сақлаб қолинди, айрим штат бирликларида қисқартишлар мавжуд Кеча хабар берганимиздек, Мактабгача ва мактаб таълими вазирлигининг ҳудудий халқ таълими бошқармаси аппарати, туман (шаҳар) бўлимларининг вақтинчалик штат бирликлари ва тузилмасини тасдиқлаш тўғрисида буйруғи имзоланди. Мазкур буйруқ билан барча ҳудудий бўлинмалар тугатилиб, уларнинг негизида Мактабгача ва мактаб таълими вазирлигининг ҳудудий бўлинмалари ташкил этилмоқда. Буйруқ билан бўлинмаларнинг муваққат низоми ва вақтинчалик намунавий тузилмаси ҳам тасдиқланди. Бунда штат бирликлари қисқартирилмаган ходимлар билан меҳнат муносабатлари давом эттириади, штат бирликлари қисқартирилган ходимларга эса амалдаги меҳнат қонунчилигига кўра огоҳлантириш хатлари берилиши назарда тутилган. Фаолияти тугатилаётган бошқарма таркибида штат бирлиги қисқартирилаётган лавозимларда ишлаб келаётган ходимлар биринчи навбатда қайта ташкил этилаётган Мактабгача ва мактаб таълими бошқармаси таркибий бўлимларига амалда фаолият кўрсатаётган йўналишлари тенг ёки қуйи лавозимларга очиқ танловларсиз ўтказилади. Қайта ташкил этилаётган ҳудудий бўлимда иш ўринлари бўлмаганда, бўшаётган ходимларни малакасига мувофиқ бошқа лавозимларга шу жумладан, таълим муассасаларида вакант раҳбарлик лавозимларига амалдаги қонунчилик ҳужжатларида белгиланган тартибда тайинлаш чоралари кўрилади. 👉Xalq ta'limi Info

Иккита идора бир-бирига қўшилиб қайта ташкил этилганда ким раҳбар бўлади? Жуда оддий, лекин ҳозирги кундаги долзарб савол тўғрими? Хўш, қайси органдан мисол келтирсак экан-а. Келинг, вилоят ХТБ ва вилоят МТБ мисолида кўриб чиқамиз. Бўладими? Вилоят ХТБ ва вилоят МТБ бир-бирига қўшилиб, уларнинг ўрнида вилоят Мактабгача ва мактаб таълим бошқармаси ташкил этиляпти ва бу МК 98-моддада кўрсатилган қайта ташкил этиш ҳисобланади. Бу ҳақида кўп гаплашдик-а? Яъни, бунда ходимлар билан меҳнат муносабатлари уларнинг розилиги билан давом этаверади. Бироооқ... Бироқ, икки ташкилот қўшилиб, уларнинг ўрнида битта ташкилот пайдо бўлса, демакки биринчи раҳбар энди иккита эмас, битта ва яккаю ягона бўлади. Ахир бир қозонда икки қўчқорнинг боши қайнамайдику. Демак, мавжуд вазиятда штат бирлигининг қисқариши бор, яъни вилоят Мактабгача таълим ва мактаб таълими бошқармаси бошлиғи лавозими бир дона бўлганлиги учун ёки вилоят ХТБ бошлиғи, ёки вилоят МТБ бошлиғи ишдан кетиши керак. Иккиси ҳам эмас, улардан бири. МК 100-модда иккинчи қисми 1-банди бўйича ва штат бирлиги қисқариши муносабати билан. Лекинннн... Лекин, МК 92-модда 2-қисмига асосан уларнинг иккисидан бирига янги вилоят Мактабгача таълим ва мактаб таълими бошқарма бошлиғи лавозими таклиф этилиши, яъни топширилиши лозим. Ташқаридан бошқа бир шахсни олиш нотўғри бўлади, чунки бу МК 92-моддаси 2-қисмига зид бўлиб қолади ва эртага бу судда иш берувчига яхшигина ташвиш туғдиради. Мазкур раҳбарлик лавозимини қайси бирига ва айнан кимга таклиф қилган маъқул? Айтинг, кимга? Айни мана шу жойида амалдаги МКнинг 103-моддаси деган "зот" гурсиллаб катта саҳнага чиқиб келади. МК 103-модданинг 1-қисми бўйича юқоридаги икки раҳбардан қайси бирининг малакаси ва меҳнат унумдорлиги юқорироқ бўлса, демак ўша раҳбарда имтиёз юқори бўлади ва ўша шахс янги бошқарма бошлиғи лавозимини эгаллайди. Кейингисига ёки бошқа иш таклиф қилинади, мабодо у рад қилса ёки унга мувофиқ иш бўлмаса, айнан ўша иккинчи раҳбар ишдан кетади. МК 100-модда иккинчи қисм 1-банди билан. Қисқартириш муносабати билан. Агарда ушбу иккисининг ҳам малакаси ва унумдорлиги тенг бўлиб, ким колишини ажратиш имкони бўлмаса, унда МК 103-модданинг 2-қисмидаги критерияларни қўллашга тўғри келади. Хуллас дўстларим, аслида икки ташкилот қўшилиб қайта ташкил этилганда, уларнинг ўрнида пайдо бўлган янги ташкилот раҳбарлигига номзодни ташқаридан ахтариш нафақат мантиқсизлик, балки қонунбузарлик ҳамдир.

Халқ таълими ва мактабгача таълим бошқармалари, туман (шаҳар) мактабгача таълим бўлимлари бирлаштирилиши ҳисобига штатлар сонида кескин қисқаришлар бўлади Демак, Мактабгача ва мактаб таълими вазирлигининг тегишли буйруғи билан Тошкент шаҳар ва вилоятлар халқ таълими ва мактабгача таълим бошқармалари ҳамда туман (шаҳар) бўлимлари, Президент таълим муассасалари агентлигининг ҳудудий бўлинмалари тугатилиб, уларнинг негизида Мактабгача ва мактаб таълими вазирлигининг ҳудудий бўлинмалари ташкил этиляпти. Бундан кўриниб турибдики, ҳозирги кунгача фаолият юритиб келган 3 та бўлинма ягона, 1 та бўлинмага жамланмоқда. Таҳминимизча, бу бўлинмалардаги штатларда 3 баробар қисқариш бўлади дегани. Чунки, штатлар сони ҳам унчалик кўп белгиланмаган. Хулоса ўрнида айтадиган бўлсак, барча бўлинмалар бирлаштирилиши ҳисобига штатлар сонида анчагина қисқаришлар бўлади. Қайта ташкил этилган бўлинмаларда қайси лавозимлар мавжуд эканлиги ҳақида навбатдаги постларимизда маълум қиламиз. 👉Xalq ta'limi Info

⚡️Туман (шаҳар) мактабгача ва мактаб таълими бўлимларида қайси лавозим штат бирликлари бўлади? Хабарингиз бор, Мактабгача ва мактаб таълими вазирлигининг тегишли буйруғи билан ҳудудий бўлинмаларнинг вақтинчалик тузилмаси, штатлар сони ва лавозимлар номи тасдиқланди. ❕Демак, янги ташкил этиладиган туман (шаҳар) мактабгача ва мактаб таълими бўлимида қуйидаги лавозимлар бўлади: 1. Бошлиқ 2. Мактаблар фаолиятини мувофиқлаштириш шўбаси: а) шўба мудири б) бош мутахасис д) методист 3. Дарсликлар бўйича методист 4.АКТни жорий этиш бўйича методист 5.Давлат ва нодавлат мактабгача таълим ташкилотлари фаолиятини ҳамда ўқитишнинг муқобил шаклларини ташкил этиш шўбаси а) шўба мудири б) методист 6.Мактабгача таълим ташкилотларида овқатланишни ташкил этиш бўйича методист 7.Давлат-хусусий шерикчилик асосидаги ва оилавий нодавлат мактабгача таълим ташкилотлари фаолиятини ташкил этиш бўйича бош мутахасис 8.Таълим ташкилотларида тарбиявий ишларни мувофиқлаштириш ишлари бўйича бош мутахасис 9.Болаларни ижтимоий-психологик қўллаб-қувватлаш таълим шўбаси: а) психолог (методист) б) ўқувчиларни касбга йўналтириш бўйича методист 10.Инсон ресурсларини бошқариш шўбаси: а) шўба мудири б) инспектор-методист 11.Ижро интизоми ва мурожаатлар билан ишловчи бош мутахасис 12.Умумий ўрта таълим мактабларида соғлом овқатлантиришни ташкил этиш бўйича методист Маълумот учун: Марказлашган бухгалтерия хизмати ва махсус таъмирлаш эксплуатация хизмати штат бирликлари сони алоҳида меъёрий ҳужжатларга асосан киритилади. 👉Xalq ta'limi Info