ص

‏على الله يا قلبي تزهَد بنصفك الحسَّاس ‏ما تصفى لك الأيَّام ما لم تصارعها ‏الأحلام كانت قوت نفس ومَرَدّ أنفاس ‏قبل يختلف في نظرة الوقت طابعها

‏"كل حبٍ غير حبك ينكشف لي زيفه ‏وكل طيفٍ غير طيفك مايهزّ إحساسي ‏وكل وجهٍ غير وجهك فالوجيه أعيفه ‏وكل صوتٍ غير صوتك ما يقنّد راسي"

‏عَدا طواريك ما مر السهر سيرة ‏ترقا لـ بالي و طاري غيرك يْحوّل ‏من ساعة لساعة و من ديرة لديرة ‏يجوْل قلبي و حبك فيه متجوّل ‏والله ما أرضى البدايل فيك و الخِيرة ‏لو العَوَض فيك رزقٍ كثره يْهوّل ‏وإن مر طاري المفارق شوف لي غيره ‏أنا مطوّل و حبك شكله مطوّل ‏-سلطان الحوالي

‏ياصاحبي حبك لقلبي عواقيب ‏ارفق علي شوي قبل استلجي ‏يا اللي عليك عيون الامه مراقيب ‏تقول بين شفاك درٍ يمجي ‏والخد براق المزون المهاضيب ‏اللي رعوده رجت القاع رجي ‏يامنوتي مافيه شك ولاريب ‏منساك كود انسى صيامي وحجي

هلا يا أعز و أغلى كل من ودّا الزمان و جاب ‏هلابك في خفوقٍ فرّغ الخـلان مـن شانك

ياصباح الخير يانور الاعياني ‏ياغرامي وانت راعي الغلا كله

تمرّ السنين ولاتغيّر معاه إحساس ولا الضحكة اللي من شفاياه مملوله

‏على وين ما أسج القدم شرق ولا غرب ‏أشوف الليالي ما تشابه سنا .. ليلك ‏أنا وين ألد العين منّك وأدور درب ‏وكل الدروب اللي تودي ..«تودي لك»

‏«يا كثر صوّرك .. اللي ما نساها بالي النسّاي ‏لو ان عمري معك مرت سنينه مثل أسابيعه»

‏عَفى الله عن كلامٍ في حنايا الصدر ماينقال ‏تركته لـ الزمن لو هو ثقيل و جمرته حيّه ‏وعَفى الله عن همومٍ ما تخلي مستريح البال ‏يعيش أيام عمره في صفا ذهن وصفا نيّه ‏وعَفى الله هواجيسٍ توقف بي على الإطلال ‏تعيد الذكريات اللي مع الأيام منسيه ‏وعَفى الله عن عيونٍ كل ماشافت سَراب الال ‏يعلقّها الأمل عقب الظمأ بِحبْال وهميه ‏وعَفى الله عن غيابٍ كل ماليله بعيني طال ‏عرفت إن الليال السود ما فيها محنيّه ‏وعَفى الله عن وليفٍ فارقٍ زوله عن الأزوال ‏أحن لجيته ويضيق صدري لاحتجب ضيّه ‏وعَفى الله عن حروفٍ نبضها بأحلى الشعر يختال ‏تسافر بي من الواقع للأجواء الخياليه ‏وعَفى الله عن شموخٍ في عيوني يذبح العذّال ‏خذاني لـ السماء مابين الأفلاك السماويه

يارفيق الذكريات وياشريك فؤادي كل ظنٍ فيك ظنيته تجي من فوقه يتسلل صوتك من الذاكره وينادي لين يفتق جوفي اللي كنت أخيط فتونه إيه يالبيه يا موتي ويا ميلادي جعل حزنٍ مرّني ماتونسه وتذوقه يا وقودي واندفاعي بالحياه وزادي يا حشاشة جوفي وقلبي ودم عروقه

‏شحَّت بروق اسمك، وجفَّت مرابيك ‏واِجتاحني عقب الزعل ما تهيَّا ‏أعْرِفك وأجهَل ما بقَى من مشاهيْك ‏وأقوْل -يا كلّ المشاوِيْر-: هيَّا ‏عذب المحيَّا، لو تباعَد حراويْك ‏أنْسِج لك دروب السفر في يديَّا ‏قلبٍ تعلَّق في هَواك، ومسارِيك ‏حاوَلت فيه يحبّ غيرك.. وعيَّا

‏شرعت بيبان صدري هبوب الذكريات ‏كل ماكني تشاليت منك تهبني ‏وكل ماقلت اتماسك واحاول فـ الثبات ‏مرني طيفك ودنق علي يحبني

‏يمكن تموت الأرض لو ما ضحكتي ‏و تظما البساتين الندّيه والأشجار

‏زرعت لك زرعٍ له ثمار وعروق ‏وقدمت لك من زهرة العمر باقه

‏أشـوفك سحابٍ في مجيّه ‏حيا وأمـطار ‏وأشوفك مجي القوم والحرب والسله ‏وأشوفك نهارٍ ماتوارى ‏ . . عـن الأنظار ‏ياعنّك إني أفضّل شموسه على ظلّه ‏تعال إن بدأ لك في دروبي ضحى وديار ‏هذا الـصدر مـرتع وأنت خابره وتدلّه ‏وخذ أول شبابي عمر لاشحت الاعمار ‏وإذا كان مـايكفي ؟ فداك العمر كله

‏على غيرك عمى عين وجفا قلب ‏وثقيل لسان ‏ومعاك أنت النسانيس الخفيفة . . تمرجحني

‏يامرحبا وانت مالك بالقصايد خشير ‏تقل كنك بين النجوم الشهب قمري ‏تجبر البيت الركيك واللي عاده كسير ‏وتخضع حروفٍ لحكمك غصبٍ وجبري ‏أكتب تواصيفك على القاف المستثير ‏واجرّي شان المعاني بك، لو حيثه بري

‏وإن شرّدت سود السنين المعاذير ‏أنا على [عنق الحقايق] مْسيّر ‏جفّ الكلام.. ولوّحتك المقادير ‏واِستاذنك جفن المساء يا صغيّر ‏وعطيتك أيّام، وقصيد، ومشاوير ‏عاد أنت -يا مِلْح الليالي- تخيّر