TARİX – FUAD ZÜLFÜQAROV 🇦🇿

👨🏻‍🏫

📢 30 suallıq ümumi sınaq

Anım günündə acı xəbər. Allah şəhidlərimizə rəhmət eləsin, yaralılarımıza şəfa versin 🤲

27 sentyabr – Anım günü 27 sentyabr Azərbaycanda Anım günüdür. Bu, bizim üçün şərəfli bir tarixdir.  27 sentyabr uzaq keçmişdən başlayan ədalətsiz tarixi prosesi dəyişdi. 2020-ci il təqviminin bu günündə haqlı davamız uğurla nəticələndi. Torpaqlarımız işğaldan qurtuldu, o münbit torpaqlar əsl sahiblərinə qaytarıldı. Azadlığımızı onlara – şəhidlərimizə borcluyuq. Onları bir an belə unutmayacaq və unutdurmayacağıq! Vətən uğrunda canından keçən şəhidlərimizin ruhu qarşısında baş əyir, qazilərimizə şəfa diləyir, veteranlarımıza təşəkkür edir, ordumuza güc, qüvvət diləyirik. Allah bütün şəhidlərimizə rəhmət eləsin!

🇦🇿

Yeni dərs ili necə keçdi? 🤠

🤔 Adına olan türbə ilə tandığımız Möminə Xatun kimdir? Hansı hökmdarın həyat yoldaşı olub? Möminə Xatun 1175-ci ildə Naxçıvanda anadan olmuşdur. Vəfat etdiyi tarix barədə dəqiq məlumat yoxdur. Möminə Xatun Səlcuq sultanı II Toğrulun həyat yoldaşı olmuşdur. II Toğruldan Arslan adlı bir oğlu olmuşdur. 1135-ci ildə II Toğrulun ölümündən sonra hakimiyyətə keçən Sultan Məsud onu Şəmsəddin Eldəniz ilə evləndirmişdir. 👨‍👩‍👧‍👦 Möminə Xatunun ikinci evlilikdən iki oğlu — Məhəmməd Cahan Pəhləvan və Qızıl Arslan və adı bilinməyən bir qızı olmuşdur. 💡Möminə Xatun türbəsi Möminə Xatun türbəsi XII əsrdə Memar Əcəmi tərəfindən inşa edilib. Atabəy Şəmsəddin Eldəniz öz həyat yoldaşı Möminə Xatunun şərəfinə, onun məzarı üzərində bu türbəni tikdirib. Amma təəssüf ki, Atabəy bu türbənin qoyuluşunu belə, görməyib. Çünki Möminə Xatundan 28 gün sonra özü də vəfat edib. Türbəni oğlu Məhəmməd Cahan Pəhləvan tikib başa çatdırıb. 😮 Türbə haqqında maraqlı faktlar: • Türbə 11 ilə inşa olunub. • Abidənin tikilişində yumurtadan istifadə olunub. • Türbənin özü iki hissədən ibarətdir - alt hissəsi sərdabədir, bir də yerüstü hissədir. • Onların içərisində ornamentlər var, hər birinin də mərkəzində Allah, Məhəmməd və ilk xəlifələrin adları - Əbubəkr, Ömər, Osman, Əli - qeyd olunub. • Rəvayətə görə, Memar Əcəmi bu türbəni tikib, başa çatdırdıqdan sonra Atabəy Məhəmməd Cahan Pəhləvan onu sarayına dəvət edir və deyir ki, belə bir ikinci möhtəşəm abidəni başqa bir yerdə tikə bilərsən? Memar Əcəmi də deyir ki, bundan da gözəlini tikərəm. Məhəmməd Cahan Pəhləvan Əcəmini yola saldıqdan sonra vəzirinə əmr edir ki, onun boynunu vursun - "Mənim anamın məzarından gözəl məzar ola bilməz". Amma vəzir Memar Əcəmiyə dəyər verdiyi üçün ona yaxınlaşır və vəziyyəti başa salır. Memar Əcəmi də bir müddət Naxçıvan şəhərindən uzaqlaşır. Məhəmməd Cahan Pəhləvan öldükdən sonra Naxçıvana qayıda bilir.