نـچـمـه'🤎🦅

{سَیَقُولُ ٱلسُّفَهَاۤءُ مِنَ ٱلنَّاسِ مَا وَلَّىٰهُمۡ عَن قِبۡلَتِهِمُ ٱلَّتِی كَانُوا۟ عَلَیۡهَاۚ قُل لِّلَّهِ ٱلۡمَشۡرِقُ وَٱلۡمَغۡرِبُۚ یَهۡدِی مَن یَشَاۤءُ إِلَىٰ صِرَ ٰ⁠طࣲ مُّسۡتَقِیمࣲ}

{وَكَذَ ٰ⁠لِكَ جَعَلۡنَـٰكُمۡ أُمَّةࣰ وَسَطࣰا لِّتَكُونُوا۟ شُهَدَاۤءَ عَلَى ٱلنَّاسِ وَیَكُونَ ٱلرَّسُولُ عَلَیۡكُمۡ شَهِیدࣰا}

حقك عليا عشان اتاخرت في الرد بس لسة شايفة المسدجات بتاعة صراحة عشان مبقتش تيجي ليا بنوتفكيشن فأنا اللي لازم ادخل الابلكيشن، المهم يعني بلاش تصالحي المرة ديه واستني وشوفي هي هتعمل إيه وروحي مع أختها عادي واتعاملي مع اختها عادي وخليكِ أنتِ طبيعية حتى لو وجهت ليكِ كلام ردي رد بارد ومختصر في نفس الوقت بس كويس يعني مش يبين إنك مضايقة لا يبين إنك هي مش فارقة معاكِ وهي واحدة واحدة هتبدأ تفهم إن الموضوع بيضايق فعلًا وهتلاقيها جت وكلمتك ولو فضلت زي ماهي يبقى متفضليش زي مانتِ وابعدي لأن عاتبتي كتير والعتاب لما بيكتر بيبقى مش لطيف، بس أختها ملهاش ذنب أكيد، حاولي تقفي واقفة جد كدا بحيث إنك مش تفضلي تزعلي كل شوية، فيه ناس قاسية في الكلام والتصرفات بس الفكرة إن مش توصل للدرجة ديه، وربنا يريح قلبك وبالك ياجميلة.🤎

التوهان والإحساس الوحش دا يبقى نراجع علاقتنا بربنا عاملة إزاي وإيه اللي مش منتظمين فيه ونبدأ ننتظم ونقرب أكتر و أكتر؛ لأن الشيطان دايمًا بيخليك في حالة الحزن والإحساس إن كل حاجة وحشة ومفيش حاجة مظبوطة، كل ما تفكري في أي حاجة بتزعلك تجاهليها وقومي اشغلي نفسك بأي حاجة تانية وتشغل تفكيرك بحيث إنك متفكريش بشكل وحش أو مش كويس ليكِ ويربي جواكِ الإحساس دا لحد ما يفضل دايم، أنتِ جميلة قلبًا وقالبًا وأكيد تستحقي الخير فبلاش تسيبي الشيطان يدخلك من الثغرات ديه واجري منه بقربك لربنا وخليكِ دايمًا مقتنعة إنك طول الوقت راحتك في قرب ربنا وكل ما بتقربي كل ما بترتاحي أكتر والسكينة بتدخل لقلبك وأكيد هيعوضك خير عن كل حاجة بإذن الله.🤎

صلاة المغرب ياكتاكيت.💛🫶🏻

💕

صلاة العصر ياكتاكيت.💛🫶🏻

يَقتُلني غيابك الذي يستمر ويطول عَن كُلّ مرة اعتقد فيها أنكَ تشتاق، وَلكن مع الوقت تأكدت أنَّي مَن أنتظر وَلست أنت. #نادية_حمدي.

لَستُ مِثلهُنَ، فأنا أُؤمن بالقوة والعِند الذي يجعلاني أصِل إلى مَا أُريد، فأنا امرأة وَجدت نَفسِها فِي أرض السِباق؛ لتُنافِس الجميع على انتصاراتها وَإنجازاتها، امرأة لَاَ تَعرِف طريق للهزيمة، لاَ تَعرِف أين اليأس يَكمن، تَشُق طَريقها دائمًا وَتَضع يَدها فِي فَم الأسد، وَلَو تَوَصل الأمر، فَهي سَتشُق الجَبِل نِصفَين؛ لِكَي تَجتَاز الصِعَاب، وَتَصِل إلى أهدافها، فَلاَ تُراهن على فَشلي فِي يوم. #نادية_حمدي.

بحر كبير ملهوش آخر، يا أب يا أُم حبوا عيالكم ولو مش هتحبوهم ولا تهتموا بيهم يبقى بلاش خلفة من الأول، بلاش تفضلوا تطلعوا ناس شبه فاطمة كتير في المجتمع، بلاش تخلوا نسخ كتير زي اللي أنا قابلتهم في حياتي، بلاش تخلوا عيالكم عُرضة لكُلّ حاجة حصلت ليا، أنا مش ملاك ومش شيطان، أنا حاولت كتير أرجع عن كل دا بس مرجعتش، الظاهر إن اللي مكتوبلي أفضل عايشة في غلط وبس، وآخر حاجة لبابا وماما لو أنتوا شوفتوني، أنا مش وحـ ـشة ياماما عشان أعمل حاجة زي كدا واتبلى على بابا! وأنتَ يابابا أنا بحبك أنتَ وماما ومكنتش عايزة اوكي راسكوا في الأرض بس أنا الحياة داست عليا ومرحمتنيش وانتوا سيبوتوني ليها ومحدش فيكوا كان بيطبطب عليا ولا ليدافع عني، أنا آسفة لكل شخص شرب السـ ـم دا بسببي واسفة لكل أم اتـ ـحـ ـرق قلبها على ابنها بسببي، أنا اللي حصلي مش كان بايدي ولا بايد حد يحرجني مني، فضلت في الدوامة ديه كتير لحد ما خلصت عليا، ياريت كان اتحكم عليا بالاعـ ـدام، بدل اللي أنا فيه دا هفضل اتعذب في الدنيا وبردو في الآخرة، بس يمكن ديه فرصة عشان ارجع لربنا في الوقت دا ويمكن المرة ديه ارجع بجد! - حاجة تاني يافاطمة؟ - لا شكرًا ليك ياريس. بعد ما الجلسة خلصت والدنيا اتقلبت على فاطمة وبقت الناس كلها بتتكلم عن القضية، فاطمة رجعت لربنا وبدأت فعلًا تسأل وتعرف عن دينها اللي مكانتش تعرف عنه حاجة، غير طبعًا إنها منتظمة على الصلاة، لحد ما في يوم الدنيا اتقلبت مقعدتش لما انتشر خبر قتـ ـل فاطمة في السجن الانفرادي اللي كانت فيه بدون سبب وبيدخلوا عليها لقوها ميتة بمواد كيميائية كانت مخلوطة بالاكل اللي بتاكله فِي السـ ـجن، ولما القضية التحقق فيها لقوا إن الموضوع أكبر من فاطمة وقضيتها وكل حاجة حصلت فقفلوا القضية ضد مجهول عشان في ناس تقيلة هتتكشف وكدا مرجعش حق فاطمة ولا حق أي حد كان ضحية من قصة فاطمة وغيرها، العيلة هما الأساس، لو الأساس دا مش موجود يبقى مفيش حياة، وقصة فاطمة هتفضل تتعاد مع الكل، متبقاش زي فاطمة وقرب من أهلك ولو مش بيوعوك أعرف أنتَ ووعي نفسك عشان متبقاش زي فاطمة اللي حياتها كانت دايمًا سودا. "الحياة أصعب مما تتخيل، ولا تكون كالجـ ـحيم إلا بعدم وجود العائلة، فلا تخسرهم، أو تجعلهم يتركوك تتخبط في الحياة وحدك." #نادية_حمدي. #حواديت_نود.