ድንቃ ድንቅ ኢስላማዊ ወጎች👌👌

አደራየን ሸር በማድረግ  አድርሱልኝ!!      #ቲክቶከሯ_እህቴ_!! ----------------------------------- ሰለጠንኩ ብለሽ ሰይጣን የመሰልሽው፡ ከሴትነት ክብር ዝቅዝቅ የወረድሽው፡ እውነት በጤናሽ ነው እንደዚህ የሆንሽው!? የወንጀልን አይነት የምታስተምሪን!? ላይክ ለማገኘት ውሸት የምትነግሪን!? ወንጀል እየጨመርሽ ደጋፊ ለማብዛት፡ ሀያዕሽን ሽጠሽ ርክሰትን መግዛት፡ ክብርሽን አዋርደሽ በሚዲያ መውጣት!? መገላለጥ መረጥሽ እንደ ካ*ፊ*ር ወጣት!? ስሜት አሸንፎሽ ሴትነትሽን ጣልሽው? በረከሰ ዋጋ ውድነትሽን ሸጥሽው? ▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵ በአደባባይ ወጥተሽ ፍርሀት ሳይሰማሽ፡ አይናፋርነትሽን ሸይጧኑ ከቀማሽ፡ የወንጀል አለቃ ከሆንሽ አተራማሽ፡ ወጥተሽ ከተገኘሽ ከኢስላም ቀኖና፡ አሁኑ ተመለሽ ሞት አለብሽና፡ ነይ ንስሀ ግቢ በተውሒድ በሱና፡ ቲክቶክ ኪሳራ እንጁ ጥቅም አያስገኝም፡ በአሉባልታ ነገር ሙስሊም አይመኝም፡ የምትሰሪው ስራ፤ የቀብርን ጨለማ አያበራልሽም፡ ዛሬ እንድህ መሆንሽ ለነገ አይጠቅምሽም፡ ▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾ አስበሽዋል ግን፤ ድርጊትሽን ሁሉ አሏህ እንደሚያውቀው!? አስተውለሻል ግን፤ መጥፎ ቪዲወሽን ማንም እንደናቀው!? ትዝ ብሎሽ ያውቃል፤ በየኮሜንቱ ስር ጠላት ምን እንዳለሽ፡ የዚህ ሁሉ ሰበብ፤ ቲክቶክ እንደሆነ አስበሽ ታውቂያለሽ!? ▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵ ትልቅ ሲሉሽ ትንሽ፤ ከፊት ሲሉሽ ኋላ ሆነሽ ብናደድም፡ ያ የአሏህ ጠላት፤ በሙስሊም እህቴ ሲሳለቅ አሎድም፡ ሀቅን የሚናገር፤ አደብ የሚያስተምር እምነት እንደሌለን፡ እየተገላለጥሽ፤ በምትሰሪው ስራ እኛ እያፈርን አለን!! ▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾ ጥሩ ደረጃ ላይ፤ ትደርሻለሽ ብለን አስበን ወደፊት፡ ምክራችንን ሁሉ፤ የሰማሽን መስለሽ ይዘሽው በወንፊት፡ ቲክቶክ ጣለሽ አሉን፤ በውስን ደቂቃ ልክ እንደ ደም ግፊት፡ እውነቱን ልንገርሽ፤ በምትሰሪው ስራ ጌታሽ ተቆጥቷል፡ የእምነት መገለጫሽ፤ የሴትነት ክብርሽ ቁጥሩ ተፈቷል፡ የእስልምና ዶግማ፤ ቁርዐን ሀዲሱ ፈፅሞ ተረስቷል፡ ያው እንደምታውቂው፤ ጓደኛው ለማድረግ ሸይጧን በኛ ዝቷል፡ ዛሬ እድሉ ቀንቶት፤ ከሙስሊሞች መሀል አንችን አሳስቷል፡ የመንገዱ ተጓዥ፤ ሚሽኑን ፈፃሚ ሙስሊም ሴት አግኝቷል፡ ሙስሊሟ እህቴ ሆይ፤ ከምነግርሽ በላይ በስራሽ አዝነናል፡ የምንለው ጠፍቶን፤ እየተሳቀቅን መላው ጠፍቶብናል፡ የማይበገሩ ጠንካሮች ቢኖሩም፤ በቲክቶኩ ስራሽ በአንች አንገት ደፍተናል፡ ይህ ያላሳፈረው አይገኝም አንድም፡ ቪዲወሽን እይው እውነቱ አይካድም፡ ▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵ ክህደት ስትዘምሪ በቲክቶክ ላይ ቀርበሽ፡ ለምድረ ከሀዲያን ለሸይጧን ተውበሽ፡ በወንጀል መረብ ውስጥ ገባሽ ተተብትበሽ፡ በሙስሊሟ እህቴ፤ ባላንጋራ ቢያዞር ጦርና ጎራዴ፡ በእምነቷ ከመጡ፤ ዛሬም ንግስት ናት መርቋታል አንዴ፡ እያልኩ እንዳልዘመርኩ፤ ብዙ እየተባልኩኝ ብዙ እንዳልፃፍኩ ያኔ፡ ወርደሽ አሳየሽኝ፤ ይህንን ዝቅጠትም ቁሜ አየሁት ባይኔ፡ ታዲያ አንገት ልድፋ እንጂ፤        ምን አፍ አለኝና ምን ልበል ወገኔ፡ ▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵ ሸይጧን ተጎራብቶሽ፤ አሏህን አትፈሪ ታይ ሲሉሽ አትሰሚ፡ ወይም ህመም የለሽ፤           እንደ በሽተኛ እንዳትታመሚ፡ ምን እንበል ሰወች እንደት ይሻለናል፡ ኸረ ሙስሊም ሴቶች ቆሽሸውብናል፡ አንችን ነው የምለው መጥፎ መምህሯ፡ አወ አንችን ራስሽን አንች ቲክቶከሯ፡ ከዕግር እስከ ፀጉርሽ በሸይጧን ተወረሽ!! ሙስሊም ነች ለመባል ምኑ ነው የቀረሽ!? የወንጀል ሽልቻ የቆሻሻ ታንከር፡ ሴቶቻችን ሆኑ የሸይጧኖች አሽከር፡ ሙስሊሞች ራቁት አትሁኑ ቲክቶከር፡ ▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵ ዛሬ ቀልድ መስሎ የፈፀምሽው ስራ፡ ለነገ ህይወትሽ አለው መጥፎ አሻራ፡ ሲብሰለሰል ኑሮ ሆኖ ውስጠ ወይራ፡ ዋጋሽን ታያለሽ ከዱንያ እስከ አኸይራ፡ ዛሬ ላይ ስነግርሽ ቅናት ቢመስልሽም፡ ወደፊት ቅርብ ነው ተይው ግድ የለሽም፡ ይልቁን ተከልከይ እህት ተመከሪ፡ የአለሙን ጌታ ተይ አሏህን ፍሪ፡ ላይክ ለማገኘት ሀራም አትፈፅሚ፡ ከቲክቶከር ተራ ለመውጣት ፈርሚ፡ ▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵▵ ሙስሊም ሴት ቁጥብ ነች በስነ መግባሯ፡ በኒቃብ አጊጦ ያስፈራል ግንባሯ፡ በአንች ግን ተሳቀቅን ምነው ቲክቶከሯ!! ሙስሊም እንዳንልሽ ምላስሽ ቆሻሻ፡ በሌላ እንዳንጠራሽ ስምሽ ፋጡማ አይሻ፡ አደነጋገርሽን ኸረ ያንችስ አሻ፡ አዕምሮ የሌለሽ የጠላት መሳቂያ፡ እምነት አሰዳቢ መጥፎ መሳለቂያ፡ ወንድምሽ ስለሆንኩ ደፍሬ እምናገር፡ ስለሚያስጠላኝ ነው የምትሰሪው ነገር፡ ሆነሽ ቀረሽኮ የሸይጧን ቲፎዞ የጠላቶች ማገር፡ መንፈሴ ታወከ ቁጭ ብዬ ከቤቴ፡ ደስታየን ነጠቅሽኝ ፅልመት ሞላ ፊቴ፡ ፅሁፌ ላንች ነው ይድረስሽ መልዕክቴ፡ ኸረ አሏህን ፍሪው ቲክቶከሯ እህቴ፡ ▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾   ኑረዲን_አል_አረቢ___!! https://t.me/nhwdr https://t.me/nhwdr https://t.me/nhwdr

ከሰለፎች መካከል የዐረፋህ ቀን ሲደርስ ዱዓእ አደርግበታለሁ ብለው ወሳኝ ጉዳያቸውን ቋጥረው የሚይዙ ነበሩ። አላህ ካደረሰን ይህ ድንቅ ቀን የፊታችን ቅዳሜ ነው። በተለይ ከሰዓት በኋላ በተለይም ከዐስር በኋላ ሁሉንም ጉዳያችንን ትተን ከወዲሁ ጊዚያችንን በማመቻቸት ወሳኝ ጉዳዮቻችንን ይዘን ለአላህ «ያ ረብ!» ለማለት እንዘጋጅ። ከአላህ ውጭ ለማንም የማንነግራቸው፣ ብንነግራቸውም ሰዎች በአግባቡ የማይረዱን፣ ውስጣችንን የሚያብሰለስሉን ስንትና ስንት የታፈኑ እምቅ ስሜቶችና ጭንቀቶች አሉብን አይደል! በተለይ ደግሞ ሙእሚን ዱንያን እንደምንም ቢያልፋትም አኺራው ወሳኝ ነውና ሁሉንም ጉዳያችንን ለርሱ ለማመልከት እንዘጋጅ። አላህ ያግራልን።

ከደጋግ ሰለፎቻችን የዱንያ እሳት ሲመለከቱ የኣኺራዉን እሳት አስታዉሶቸዉ እራሳቸዉን ስተዉ የሚወድቁ ነበሩ ይህ እንግዲህ በኢባዳ ትጉ አላህን የሚፈሩ ከመሆናቸዉ ጋር ነዉ እኛ ደግሞ የወንጀል በሀር ዉስጥ እየዋኘን ብዙ ጊዜያችንን በሶሻል ሚድያዉ በሳቅ በጫዋታ በዛዛታ እናሳልፉለን አላህ ይድረስልን ። قال الله تعالى : {اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ} {ለሰዎች እነርሱ በዝንጋቴ ውስጥ (መሰናዳትን) የተው ኾነው ሳሉ ምርመራቸው ቀረበ፡፡} #እኛስ 5 http://t.me/+CL_1nL1UHLFhZjU8

🔪     የኡዱሕያ መስፈርቶች!! 1ኛው, ከቤት እንስሳ መሆን አለበት። እነርሱም            ✅  ግመል              ✅  ከብት              ✅   በግ          እና ✅  ፍየል     2ኛው, በሸሪዐ ለተገደበው እድሜ መድረስ አለበት።          🍖 ግመል ከሆነ   👉👉  5 ዓመት          🍖  ከብት  ከሆነ  👉👉  2 ዓመት           🍖  ፍየል  ከሆነ   👉👉  1 ዓመት            🍖  በግ    ከሆነ   👉👉 6 ወር የሞላው          3ኛው, ከነውር (ከዓይብ) የጠራ መሆን አለበት።        🛑 ግልፅ  ከሆነ መታወር         🛑 ግልፅ  ከሆነ በሽታ          🛑 ግልፅ  ከሆነ አንካሳነት            🛑 መቅኔ የሌለበት ከሆነ ከሲታማነት   አንድ ሰው ኡዱሒያ ማረድ ከፈለገ በሚያርደው እንስሳ ላይ ከተጠቀሱ ነውሮች መጥራት አለበት። 🛖ቅርጫ ማድረግ የፈለገ ሰው……     በግ ወይም  ፍየል ከሆነ ለ1 ሰው ብቻ     በሬ  ለ7ወይም ግመል ከሆነ ለ10 ሰው መካፈል ይቻላል። @yasin_nuru @yasin_nuru

«#በአዛን_ውስጥ_ያሉ_አስደናቂ_ተአምራት» አዛን የተዋቀረበት  የቃላት ብዛት « አላሁ አክበር  ከሚለው መጀመሪያ  እስከ ላ ኢላሀ ኢለሏህ»  እስከሚለው  መጨረሻ    የቃላት  ብዛት 50 ናቸው።         ቁርአን 6:160   እንደሚነግረን በአንድ በጎ ተግባር   አላህ የሰው  ልጅ  አስር ሀሰና ይሰጠዋል።   በአምስት አውቃት ሰላት   ስንሰግድ የአምሳ ሶላት ያህል እንደ የምናገኘው የሀሰናት መጠን ጋር  ቃላቶቹ ጋር እኩል ናቸው። ሌላም  ልቀጥል   የአረበኛ  ፊደላት ብዛታቸው   28 ናቸው ። ከነዚህ ውስጥ አስገራሚው ነገር  አዛን  የሚባልባቸው ፊደላት ብዛት  17 ናቸው ። ከታች ፊደላትን   ቁጠሩ እስኪ ا ل ه ك ب ر ش د ن م ح س و ي ع ص ف እነዚህ 17 ፊደላት  በቀን ውስጥ ከምንፈፅመው  ረከአ ጋር  እኩል ናቸው። ሱብሀነላህ ጥራት ይገባህ ጌታየ! ይቀጥላል ፣ አንድ አመት አስራ ሁለት ወር ነው ቁርአንን ይህን ያረጋግጥልናል  አል_ተውባህ 36 ኛው አንቀፅ ላይ ይናገራል። እዚህ ላይ ምን ያስገርማል ካላችሁ  የአዛን  ንግግሮች 12 አረፍተ ነገር ናቸው ።   الله اكبر الله اكبر1 الله اكبر الله اكبر2 اشهد ان لا اله الا الله3 اشهد ان لا اله الا الله 4 اشهد ان محمد رسول الله 5 اشهد ان محمد رسول الله 6 حى على الصلاة7 حى على الصلاة8 حى على الفلاح9 حى على الفلاح10 الله اكبرالله اكبر11 لا اله الا الله12 12 አረፈተ  ነገር ብቻ መሆናቸው ሳይሆን የአዛን  ድምፅ  በነዚህ  ወሮች  ለደቂቃዎች ለሰከንድ ጥሪው በአለም  አይቁያረጥም። በቅርቡ ሳይንስ ይህን አረጋግጡዋል ። በመሆኑም ምድራችን ዙሪያዋ 360° ሲሆን እያንዳንዱ ዲግሪ ማሐል የ4 ደቂቃ ልዩነት ቢኖርም አዛን ለአንድ ደቂቃ እንኳን ሳይቋረጥ መሰማቱ እጅግ አስገራሚ ነው። የአንድ እለት 24 ሰዓት ማለት ምድር በምድር ወገብ 360 ድግሪ አንዴ የምትዞረበት ጊዜ ማለት ነዉ፡፡ በቅድሚያ ድግሪ ማለት የምድር ወራጅ መስመር እና ገዳሚ መስመር የሚገናኙበት ነጥብ ማለት ነዉ፡፡ በመሆኑም እያንዳንዱ የምድር ወራጅ መስመር እና ገዳሚ መስመር የሚገናኙበት 4 የተለዩ ነጥቦች አላቸዉ፡ በያአንዳንድ ዲግሪ ርቀት መካከል የ4 ደቂቃ ልዩነት አዛን ይደረጋል ይህም 360° × 4 ደቂቃ= 1440 ደቂቃ = 24 ሳአት ይሆናል ። ሱብሃነላህ የመጨረሻው የአዛን  ቃላት  ላኢላሀ ኢለላህ የሚለው አረፍተ ነገርም የፊደሎቹ ብዛት 12 ነው። ሙሐመድ ረሱሉላለህ የሚለውም የፊደል ብዛት እንዲሁ 12 ነው። ሱብሀአነላህ ላ ኢላሃ ኢለ ሏህ" لَا إِلَٰهَ إِلَّا اللَّهُ "ከአሏህ በቀር ሌላ አምላክ የለም" ማለት ነው፣ እነዚህ ቃላቶች الله ከሚለው ሶስት ፊደሎች ብቻ የተዋቀሩ ናቸው ። لا إله إلا الله «ማንኛውም እዚህ ዩንቨርስ  ያለ አካል  የራሱን ስም የተፃፈበትን   ፊደላት  በመጠቀም  ስለማንነቱ መልሶ በነዚያው ፊደላት ለሌላው መግለፅ የሚችል  ከአላህ በቀር ወይም ከዚህ ከላኢላኢለላህ ከሚለው ቃላት በቀር ሌላ ቃላት  የለም ወደፊትም መፍጠር አይቻልም ። እንቀጥል ሌላ ተአምር አዛን  አላህ አክበር  ብሎ  «አላህ»ብሎ  በአላህ ስም ይጀምራል   ላኢላሀኢለላህ ብሎ በ «አላህ» ስም   አዛኑ ያልቃል ።   አዛን  ላይ የሚደጋገመሙ  ብዙ ቃላቶች  አላህ የሚለው ነው። በብዛት የተደጋገሙ ቃላቶችችም እነዚህ   የአላህ  ስም የተገለፀባቸው ቃላቶች ናቸው ። አዛን  ውስጥ ብዛት ያለው ቃል አላህ የሚለው አስር አንድ  ግዜ ተጠቅሱዋል። 11 ቁጥር በባህሪው እኩል  መካፈል የሚችለው  ለአንድ ብቻ እና ብቻ ነው ።     ሱብሀነላህ በአዛን ውስጥ አሊፍ የሚለው ፊደል  47 ጊዜ ተጠቅሱዋል ። ላም የሚለው ፊደል    45 ግዜ ይነሳል ። ሀ የሚለው ፊደል 20 ግዜ ተጠቅሱዋል የነዚህ ፊደላት ድምር = 112 ፊደላት ናቸው። አስገራሚው ነገር   ይህ ቁጥር የአላህ ስም  ከሱረቱል ፋቲሀ እስከ ሱረቱል ኢኽላስ ባለው  ምዕራፍ መካከል ተገልፁዋል ግን በመጨረሻዎቹ  ፈለቅ  እና ናስ በሚባሉ ሁሉት ሱራዎች ላይ  የአላህ ስም  የለም  ። ሱብሀነ አላህ    አዛን በአመት ከ1800 ግዜ በላይ እንሰማለን  ይህ ሁሉ ተአምር እንደያዘ አስተውለን ይሆን? ምንም  አማራጭ የለንም  አልሀምዱሊላህ አላ  ኒእመተል አዛን አልሀምዱሊላህ አላኒዕመተል ኢስላም ከማለት ውጭ አላህ ታላቅ ነው። ኢስላምን ተረድተው ከሚያስረዱት አድርገን ። @yasin_nuru @yasin_nuru

«ኡድሂያ ለማረድ ካቀዱ ከወዲሁ ጥፍርና ጸጉርዎን ከመቁረጥ ይቆጠቡ! ------------------- ☞ እንድ ሙስሊም ሀጅ የማያደርግ ከሆነና በዒድ አል አድሀ እለት ኡድሂያን ለማረድ ካሰበ የዙልሂጃ ወር ከገባበት የምጀመሪያዉ ቀን ጀምሮ ጥፍሩንና ጸጉሩን አይቆርጥም፤ ቆዳውንም አይቀርፍም። ይህም ተከታዩን የኡሙሰለማ ሀዲስ መሰረት ያደረገ ነው። ከኡሙ ሰለማ በተላለፈ ሀዲስ የአላህ መልእክተኛ እንዲህ ብለዋል፤ «የዙልሂጃ ወርን ጨረቃ ካያችሁና ከናንተ መካከል አንዱ ኡድሂያ ለማረድን ካቀደ፤ ፀጉሩንና ጥፍሩን ከመቁረጥ ይቆጠብ» አል ኢማም አህመድ ዘግበውታል። በሌላም ዘገባም «ኡድሂያውን እስኪያርድ ድረስ ከፀጉሩና ከጥፍሩ ምንንም አይቁረጥ» ብለዋል። እንደዚሁ፤ «ከሰውነቱ ቆዳ ወይም ከፀጉሩ ምንንም አይቁረጥ» ብለዋል። ይህ ማንኛውም ሙስሊም እራሱን በሀጅ ላይ ካሉ ሰዎች ጋር የሚያመሳስልበት እና የተወሰኑ የኢህራም ክልከላዎችን ከነሱ ጋር የሚጋራበት ዲናዊ ስርአትና ነብያዊ ትዕዛዝ ነው። ☞ ጸጉርንና ጥፍርን ከመቁረጥ የሚከለከለው ለራሱ ወይም ለሰው በራሱ ገንዘብ የሚያርድ ሰው ብቻ ነው። ህጉ የሚመለከተው የሚያርደዉን ሰው ብቻ ነው ሲባል፤ በወኪልነት ለሌላ ስው የሚያርድን ሰው አይጨምርም። ☞ እያወቀ ጥፍሩን ወይም ጸጉሩን የቆረጠ ወንጀል ፈጽሟልና ወደ አላህ በተውበት ሊመለስ ይገባዋል፤ ኡድሂያው ግን አይበላሽም ማካካሻ ከፋራም የለበትም። አንዳንዶች እንደሚያስቡት ሳይሆን ወንጀሉን ቢፈፅምም ኡድሂያ ማረዱን መተው የለበትም። ☞ በስህተት ወይም በመርሳት ፀጉሩን ወይም ጥፍሩን የቆረጠ ሰው ምንም ወንጀል የለበትም። በተመሳሳይ መልኩ በጣም አስፈላጊ ሲሆን ቢቆርጥ ችግር የለውም። ለምሳሌ የተጎዳን የሰውነት ቆዳ ለማከም ወይም የተሰበረ ጥፍሩን ለማስተካከል መቁረጥ ይፈቀድለታል። ፠ ስለ ኡድሂያ ጥቂት ተጨማሪ ነጥቦች 1 - በዙልሂጃ አስር ቀናት ከተወደዱ ተግባሮች መካከል ኡድሂያን በማረድ ወደ አላህ መቃረብ አንዱ ነው። 2- ኡድሂያ በጣም ከጠነከሩ የነብዩ صلى الله عليه وسلم ሱናዎች መካከል ነው። ኡድሂያ የነብዩ ኢብራሂምን ሱና ህያው ከማድረግ በተጨማሪ ለድሆች እና ችግረኞች መድረስ ነው። 3- ኡድሂያን በተመለከተ አላህ ከኛ የሚፈልገው ለእርሱ ያለንን ፍራቻ ተቅዋና ታዛዥነት ግልጽ ማድረጋችንን ብቻ ነው። አላህ እንዲህ ብሏል፤ {ﻟَﻦ ﻳَﻨَﺎﻝَ اﻟﻠَّﻪَ ﻟُﺤُﻮﻣُﻬَﺎ ﻭَﻻَ ﺩِﻣَﺎﺅُﻫَﺎ ﻭَﻟَٰﻜِﻦ ﻳَﻨَﺎﻟُﻪُ اﻟﺘَّﻘْﻮَﻯٰ ﻣِﻨﻜُﻢْ ۚ ﻛَﺬَٰﻟِﻚَ ﺳَﺨَّﺮَﻫَﺎ ﻟَﻜُﻢْ ﻟِﺘُﻜَﺒِّﺮُﻭا اﻟﻠَّﻪَ ﻋَﻠَﻰٰ ﻣَﺎ ﻫَﺪَاﻛُﻢْ ۗ ﻭَﺑَﺸِّﺮِ اﻟْﻤُﺤْﺴِﻨِﻴﻦَ} الحج 37 አላህን ሥጋዎቿም ደሞቿም ፈጽሞ አይደርሰውም፡፡ ግን ከእናንተ የሆነው ፍራቻ ይደርሰዋል፡፡ እንደዚሁ አላህን በመራችሁ ላይ ልታከብሩት ለእናንተ ገራት፡፡ በጎ ሠሪዎችንም አብስር፡፡» አል ሐጅ 37 4- ኡድሂያ የሚታረደው ከዒድ ሰላት በኋላ ነው። የአላህ መልዕክተኛ صلى الله عليه وسلم ከኢድ ሰላት በፊት ያረደ ሰው እንዲደግም አዘዋል። 5- ሚዛን በሚደፋው የኡለማዎች አቋም መሰረት የዒድ ሰላት ከተጠናቀቀበት ጊዜ ጀምሮ የሶስተኛው ቀን ጸሀይ እስክትጠልቅ ድረስ ኡድሂያን ማረድ ይቻላል። 6- ወንድም ይሁን ሴት ግመል፣ የቀንድ ከብቶች፣ በግና ፍየል ለኡድሂያ ይታረዱሉ። 7- የአላህ መልዕክተኛ صلى الله عليه وسلم እንከን ያለባቸውን እንስሳት እንዳናርድ ከልክለዋል። አንድ አይኑ የታወረ፣ ስብራት ያለበት፣ የከሳና የደከመ ወይም የታመመ እንስሳ ለኡድሂያ አይሆንም። 8- ኡድሂያን ለብቻ ማረድ እንደሚቻለው ሁሉ ለሰባት ሆኖ አንድን ወይፈን ወይም በሬ መጋራትም ይቻላል። 9- አንድ ሰው ኡድሂያ ሲያርድ ለራሱ እና በህይወት ላሉም ይሁን በህይወት ለሌሉ ቤተሰቦቹ አስቦ ሊያርድ ይችላል። 10- የኡድሂያውን ስጋ፣ ለቤት፣ ለስጦታ እና ለሰደቃ አድርጎ ሶስት ቦታ መከፋፈሉ ሱና ነው። ይህ ማለት ግን እንደ አስፈላጊነቱ ለሶስቱም ያውለዋል ማለት እንጂ ሶስት እኩል ቦታዎች ይከፋፍለዋል ማለት አይደለም።» ©: አቡ ጁነይድ ሳላሕ አሕመድ

የዙል-ሒጃ ቀናት ትሩፋቶች [ከዙል-ሒጃ 2/1443 ኹጥባ የተወሰደ] 🎙በሸይኽ ኢልያስ አሕመድ

◾️በአላህ ስም እጅግ በጣም ሩህሩህና አዛኝ በሆነው #አስሩ_የዙልሒጃ_ቀናት ♦️ዙልሒጃ ብሎ ማለት የዐረበኛ 12ኛ ወር ሲሆን የዚህ ወር 10ቀናት ልዩ ትሩፋት እንዳላቸው ነቢያችን - ﷺ - ተናግረዋል። እንደዚሁ ቁርአን ላይም እነዚህ ቀናት ተጠቅሰዋል። አላህ - ሱብሓነሁ ወተዓላ - ከፈጠራቸው ፍጡር ውስጥ አንዱን ከሌላኛው አበላልጧል። የረመዷን ወር ከወሮች ሁሉ በላጭ ነው። የረመዷን የመጨረሻዎቹ 10ቀን ለሊቶች ከለሊቶች ሁሉ በላጭ ናቸው። ምክንያቱም ለይለተል ቀድር በውስጧ ስላለ ነው። ° ♦️የዙልሒጃ አስሩ ቀናት ደግሞ ከቀናቶች ሁሉ በላጭ ናቸው። ለዚህም ነው ሸይኸል ኢስላም ኢብኑተይሚያ - ረሒመሁላህ - ከረመዷን የመጨረሻዎቹ 10 ቀናቶች የዙልሒጃ የመጀመሪያዎቹ 10 ቀናቶች እንደሚበልጡና ከዙልሒጃ10 ለሊቶች ደግሞ የረመዷን 10 የመጨረሻ ለሊቶች እንደሚበልጡ ተናግሯል። 📒(መጅሙዓል ፈታዋ 25/287) ° ♦️አላህ - ሱብሓነሁ ወተዓላ - በተከበረው ቁርአኑ ላይ እንዲህ ይላል ፦ { لِّيَشْهَدُوا مَنَافِعَ لَهُمْ وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَىٰ مَا رَزَقَهُم مِّن بَهِيمَةِ الْأَنْعَامِ ۖ فَكُلُوا مِنْهَا وَأَطْعِمُوا الْبَائِسَ الْفَقِيرَ } [| ለእነሱ የሆኑ ጥቅሞችን ይጣዱ ዘንድ በታወቁ ቀኖችም ውስጥ ከለማዳ እንስሳዎች በሰጣቸው ሲሳይ ላይ የአላህን ስም ያወሱ ዘንድ (ይመጡሃል)፡፡ ከርሷም ብሉ፡፡ ችግረኛ ድሃንም አብሉ፡፡ |] 📒(ሐጅ ፥ 28) ° ♦️እነዚህ ቀናት ብሎ ማለት ዐብደላህ ኢብኑ ዓባስ እንደገለፁት አስሩ የዙልሒጃ ቀናት እንደሆኑና በነሱም ላይ አላህን በጣም ማውሳት እንዳለብን ተናግረዋል። ° ♦️ከዚህም በተረፈ ዐብደላህ ኢብን ዓባስ - ረዲየሏሁ ዐንሁ - ባስተላለፈው ነቢያችን - ﷺ - ሐዲስ እንዲህ ብለዋል ፦ [ ከዙልሒጃህ 10 ቀናት የበለጠ አላህ ዘንድ መልካም ስራዎች ተወዳጅ ሚሆኑባቸው ምንም አይነት ቀናቶች የሉም።] በአላህ መንገድ ላይ ጂሀድ ማድረግም ቢሆን! ተብለው ሲጠየቁ ፦ [ አዎ. በአላህ መንገድ ላይ ጂሀድ ማድረግም ቢሆን , ነገር ግን ንብረቱንና ነፍሱን ይዞ ወጥቶ ከዛ በምንም ነገር ያልተመለሰ ሰው ሲቀር ብለዋል። ] 📒(ቡኻሪ ፥ 969) ° ♦️ኢብኑረጀብ - ረሒመሁላህ - እነዚህ አስር ቀናት ከሌሎቹ ሊበልጡ የቻሉበት ምክንያት ሲናገሩ ፦ | በጣም ዋና የሚባሉት የዒባዳ አይነት በአንድ ላይ ስለሚሰባሰቡበት ነው እነሱም ሰላት ፣ ፆም ፣ ሰደቃ እና ሐጅ ናቸው ብለዋል። | 📒(ፈትሑልባሪ ፥ 2/460) ° ◾️ዋና ዋና በዚህ ወር ልንሰራቸው ከሚገቡ ተግባራቶች ውስጥ ፦ 🔺1️⃣.ፈርድ ሰላትን ወቅት ጠብቆ መስገድ ይኖርብናል። ሱጁድ በማብዛት ወደ አላህ - ሱብሓነሁ ወተዓላ - መቃረብ ተገቢ ነው። ነቢዩም - ﷺ - [ ሱጁድ በማብዛት ላይ አደራ ; አንተ እኮ ምንም ሱጁድ አታደርግም በሰጁዱህ ልክ አላህ ዘንድ ማእረግህ ከፍ ቢል እና ወንጅልህም ቢራገፍልህ እንጂ ብለዋል። ] 📒(ሙስሊም ዘግቦታል). ሱና ሰላቶችንም ማብዛት ይጠበቅብናል። በተለይም 12ቱ "ራቲባ" የሚባሉትን እነሱም ፦ ከሱብሂ በፊት 2ረከዓ ፣ ከዙሁር በፊት 4ረከዓ , በኋላ 2ረከዓ ፣ ከመግሪብ በኋላ 2ረከዓ እና ከዒሻእ በኋላ 2 ረከዓ ናቸው። ° 🔺2️⃣.ፆም መፆምም ተገቢ ነው። አላህ ዘንድ መልካም ስራዎች ተወዳጅ ሚሆንባቸው ቀናቶች የሉም ከነዚህ 10 ቀናቶች የበለጠ ሰለተባለ ፆም ደግሞ ከመልካም ስራ ስለሚገባ መፆም ተገቢ ነው። ኢማሙ ነወዊም አስሩ የዙልሂጃን ቀን መፃም የጠበቀ ሱና ነው ብለዋል። 🔺3️⃣.ሰደቃ በመስጠት ላይም መጠናከር ይኖርብናል። ° 🔺4️⃣.ተክቢር እና ተህሊልልን ማብዛትም ተገቢ ነው። ሰሓባዎችም በነዚህ ቀናት ውስጥ ተክቢርና ተህሊልን ያበዙ ነበር። በአሁን ሰአት ግን በጣም ከተረሳ ሱናዎች ውስጥ አንዱ ነው። ኢማም አል-ቡኻሪም እንዲህ ብለዋል ፦ | ኢብኑ ዑመርና አቡሁረይራ ወደገበያ ቦታ በመውጣት በነዚህ ቀናቶች ውስጥ ተክቢር ይሉ ነበር ሰዎችም በነሱ ተክቢራ ማለት ተነሳስተው ተክቢራ ይሉ ነበር። |. አባባሉም ፦ አሏሁ አክበር , አሏሁ አክበር , ላኢላሀኢለላህ, አሏሁ አክበር አሏሁ አክበር ወሊላሂል ሐምድ. ሌሎችም በትክክለኛ ሐዲስ የተዘገቡ ተክቢራዎችን ማለት ይቻላል። ° 🔺5️⃣.ከአስሩ ቀናት በተለየ መልኩ የ9ኛውን ቀንማለትም የዐረፋን ቀን መፆም ተወዳጅ ነው። ምክንያቱም ነቢዩ - ﷺ -  ስለዐረፋ ቀን ፆም እንዲህ ብለዋል ፦ [ ያለፈውን አመት እና የወደፊቱን አመት ወንጀል ያስምራል ብዬ አላህ ላይ ተስፋ አደርጋለው ] 📒(ሙስሊም ዘግቦታል). በዚህም ቀን ዱአን ማብዛት አስፈላጊ ነው። ° 🔺6️⃣.ሌላኛው 10ኛው ቀን ላይ ሚተገበሩ ተግባሮች ናቸው። እነሱም ፦ ዒድ ሰላት መስገድ ፣ ኡድሂያን ማረድ ... ሐጅ ላይ ያሉ ሰዎች ደግሞ ጀመራት ይወረውራሉ ፣ ፀጉራቸውን ይላጫሉ ፣ ሀድይ የያዙ ሰዎች ሀድያቸውን ያርዳሉ ፣ ወደ መካ ተመልሰው ጠዋፈል ኢፋዷ ያደርጋሉ። በአጠቃላይ 10ኛው ቀን አላህ ዘንድ በጣም ትልቅ ነው። ° ♦️ስለዚህ ጠቅለል ባለ መልኩ እንደዚህ አይነት አጋጣሚዎችን በምናገኝበት ጊዜ ተውበት አድርገን ራሳችንን ለኸይር ስራ ዝግጁ አድርገን ከወንጀላችን ታቅበን ሌሎችንም ከዙሪያችን ያሉ ሰዎችን ይሄን እድል እንዲጠቀሙ መገፋፋት ያስፈልጋል ። እንደዚህ አይነት እድል በሚመጣ ጊዜ ሳናውቀው ስለሚያልፈን መስነፍ አያስፈልግም መጠንከር እና ጥረት ማድረግ ይጠበቅብናል። ° ♦️በመጨረሻም ኡድሂያን ማረድ የፈለገ ሰው ከሰውነቱ ላይ ፀጉሩንም ሆነ ጥፍሩን እስኪያርድ ድረስ መቁረጥ የለበትም። ምክንያቱም ነቢዩ - ﷺ - ኡሙሰለማ ባስተላለፈችው ሀዲስ እንዲህ ስላሉ ፦ [ የዙልሒጃህን ጨረቃ ካያችሁና , ከእናንተ አንድኛችሁ ኡድሂያን ማረድ ከፈለገ ፀጉሩን እና ጥፍሩን ከመቁረጥ ይቆጠብ። ] 📒(ሙስሊም ፥ 1977 ላይ ዘግቦታል). አላህ ተጠቃሚዎች ያድርገን።

የዙልሂጃ ጨረቃ ታይታለች። 🌙 የዙልሂጃ ጨረቃ መታየቷን ተከትሎ ነገ ጁሙዓ ዙልሂጃ 1/1445 ዓ.ሂ ይሆናል። አላህ ከሚጠቀሙበት ባሮች ያድርገን 🤲 @Islamic_picture_wallpaper

አንድ ልጅ አባቱን "የፈጣሪ መጠን ምን ያህል ነው?" ሲል ጠየቀው። ከዚያም አባትየው ወደ ሰማይ አሻቅቦ አውሮፕላን ተመለከተና ልጁን "የዛ አውሮፕላን መጠን ምን ያህል ነው?" ሲል ጠየቀው። ልጁም "በጣም ትንሽ ነው። እምብዛም አይታይም" መለሰ። አባትየው ወደ አውሮፕላን ማረፊያ ወሰደውና እየተጠጉት "እና አሁን የዚህኛው መጠን ምን ያህል ነው?" ጠየቀው። ልጁ "ዋው አባቴ ይህ ግዙፍ ነው" መለሰ። አባቱ "ፈጣሪም እንዲህ ነው። መጠኑ በአንተና በእርሱ መካከል ባለው ርቀት ይወሰናል። ወደ እሱ በቀረብክ መጠን እርሱ በህይወትህ ውስጥ ግዙፍ ይሆናል" አለው ይባላል ። ሰባሀል ኸይር❤️‍🩹 @anbeb_islamic