ከፍልስፍና ዓለም ™

ከበደ ሚካኤል ቀለል ባሉት ተራኪ ግጥሞቻቸው ከአገር በቀል እውቀት እስከ ፈረንጆቹ ፍልስፍና አንድም ሳይቀራቸው እውቀት ለማስተላለፍ ሞክረዋል። ‘ብርሃነ ሕሊና’ በሚል ርዕስ በ1933ዓም ከዛሬ ስምንት አስርት ዓመታት በፊት ባሳተሙት መጽሃፍ በአርስቶትል አንደበት እንዲህ ብለው ነበር፥ አሪስቶት አሪስቶት የሚባል ፈላስፋው መምህር ከሊቆች መካከል ቆሞ ሲያስተምር የወዳጅን ነገር ጠቅሶ ሲነግራቸው እንዲህ ሲል በምክሩ አስጠነቀቃቸው። ስሙኝ ልንገራችሁ ወዳጆቼ ሆይ ምንም ወዳጅ የለም በዚህ ዓለም ላይ። ለዚህ ላርስቶት ለትልቁ ሊቅ ወዳጆችህ ያንተን እውቀት በመናቅ ሲያሙህ ሰማናቸው ብለው ቢነግሩት እንኳን ማማት እና እሌለሁበት ቢደበድቡኝም አልቀየማቸው አሚታ አይጎዳኝም ሲል መለሰላቸው። እኛም እንደ አሪስቶት ምንም ባንሆን ሊቅ ይገባናል ዞትር አሚታን መናቅ አርስቶት= አርስቶትል ወይም ኤርስቶትል አሚታ= ሃሜት ስለሰው ክፉ ወሬ

For those interested

ከሀሳብ አይደለም ከስልቱ ነው

አያን ሂርሲ አሊ ትባላለች። ከአራቱ ሞገደኛ ኢአማንያን ከዶዊክንስ ከሂችንስ ካሃሪስ እና ዴኔት ጋር በአቻነት የምትወሳ ነበረች። ወዳጃችን ሂችንስ ነፍሱ በአፀደ ገነት ትረፍና በሞት ከተለየን ቆየ። አያን ደግሞ ባሳለፍነው የፈረንጆቹ ዓመት መጨረሻ ገደማ ጥላን ላሽ ብላለች። ከኢአማኝነት ወደ ሐይማኖተኝነት የተቀየሩ ምሁራኖች ጥቂት አይባሉም። ግን "ለምን? ለምን? ለምን?" አለ በስንቱ። እኔ ደግሞ እዚህ ተጎልቼ "እንዴት ነው አንድ የተማረ የተመራመረ የሚባል ሰው በአንድ ወቅት ያለምንም ጥርጣሬ ሽንጡን ገትሮ ሲሟገትለት የነበረን አመለካከት በአንዴ አሽቀንጥሮ በተቃራኒው ጎራ መሰለፍ የሚችለው?" እያልኩ እጠይቃለሁ። መጨረሻዬን አሳምርልኝ እንጂ ሌላ ምን ይባላል።

የዛሬውን አለምአቀፍ የመፅሀፍት ቀን በማስመልከት ማንኛውንም አይነት classic የልቦለድ፣የፍልስፍና፣የታሪክ ወይም የግጥም (ቧለቲካም ቢሆን)መፅሐፍት በስጦታ ልታበረክቱልኝ የምትሹ ካላችሁ አጋጣሚው እንዳያመልጣችሁ ስል በአክብሮት አሳስባለሁ። "10 መፅሃፍ ለሚሰጠኝ ሰው መንግስተ ሰማይ ስገባ ከሚኖረኝ የወይን እርሻ እኩሌታውን ልሰጠው ቃል እገባለሁ"ብሏል አንዱ😁..... #ማሳሰቢያ—self-help እና መሰል መፅሀፍትን አያካትትም።

For those of you interested

ገጣሚ በዕውቀቱ ስዩም የክብር የእንግዳ የሆነበት አንጋፋው የኪነጥበብ ምሽት አርብ ይካሄዳል! ~   ~   ~   ~   ~   ~   ~   ~   ~ በታላቁ የአዲስ አበባ ዩኒቨርሲቲ ባህል ማዕከል የሚዘጋጀው የኪነ-ጥበብ መርሃ ግብር የወሩን ድንቅ የኪነጥበብ ምሽቱን ከፍ ባለ ዝግጅት አርብ ሚያዚያ 18/2016 ዓ.ም ያካሂዳል። በዕለቱም ደራሲና ገጣሚ በውቀቱ ስዩም የክብር እንግዳ ሆኖይገኛል። እንዲሁም በአራት ሳምንታት የኪነጥበብ ዝግጅቶች ቀርበው የተመረጡ ልዪ ግጥሞች ፣ ወግ ፣ ሙዚቃና ሞኖሎግ ተሰናድተው እናንተ ውድ ታዳሚዎቻችንን በባህል ማዕከል አዳራሽ ከቀኑ በ 11: 30 ጀምሮ ይጠብቃችኃል ። በተጨማሪም ባህል ማዕከሉ ከኢንፊኒክስ ሞባይል ጋር በመተባበር በቀኑ የታለንት ውድድር በማካሄድ አሸናፊዎችን አጓጊ ሽልማቶችን ይሸልማል። #ማስታወሻ :- ፕሮግራሙ ላይ ለመታደም የምትፈልጉ በአሁን ሰዓት የዩኒቨርስቲው ተማሪ ያልሆናችሁ የስነ ጽሑፍ አፍቃሪያን መግቢያው በ5ተኛ በር በኩል ነው ።