موغان گوزللیگلر دییاری

من سنی آشکاردا سئومه یه جه یم سنی گیزلی_گیزلی سئوه جه یم من آدینی هئچ کیمه دئمه یه جه یم سنی گیزلی-گیزلی سئوه جه یم من بو گیزلی سئوگیدن دؤنمه یه جه یم هیجرانین آتینا مینمه یه جه یم سنه زنگ ائله ییب دینمه یه جه یم سنی گیزلی-گیزلی سئوه جه یم من داها قالمایاجاق یولوندا گؤزوم حسرته_کدره، اؤیره نیب اوزوم بیر تانری بیله جک بیرده کی اؤزوم سنی گیزلی-گیزلی سئوه جه یم من ووصال داغلارینین دومان دادی وار سیزلایان کؤنلومون کامان دادی وار گیزلیجه سئومه یین یامان دادی وار سنی گیزلی-گیزلی سئوه جه ️یم من سنده "مهران" کیمی گولمه یه جکسن بو عشقی قلبیندن سیلمه یه جکسن دئمه کی بیله رم، بیلمه یه جکسن سنی گیزلی - گیزلی سئوه جه یم من مهران_عباسیان☘🌸🌹🌸☘

کاغیذ قاباغیمدا،قلم اَلیمده گئجه نی یاریدان سووشدورموشام گاهدان گؤرورسن کی آچیلیر گؤزوم گاه دا کیپریکلری قووشدورموشام بیر ایشیق تاپمادیم یازام شعریمی اولمادی یازماغا نه شام نه فنار ائله قارانلیق کی گؤز گؤزو گؤرمور بئله قارانلیقدا شعرمی یازیلار؟ بیردن قولاغیما سس گلدی بئله شاعیر گؤرمه میشم فنار یاندیرا شاعیرلر گرکدیر اؤزلری یانیب قارانلیق عالمین ایشیقلاندیرا محمد علی اوجاقی🌸🌹🌸

محبت گؤزیلن ای باخان گؤزل من اؤلوم بیرده باخ گؤزونه قوربان دوداغین آلتیندا،دیلین اوجوندا نه دئدین بیرده دئه سؤزونه قوربان روحوم بیر باخیشدا دوشدو در به در بیر گونده مین دؤنه اؤلوب دیریلر اللریم الینه داریخیر بتر باشیم یئریکله ییر دیزینه قوربان بیر سؤز"انتصار"ی یاخانا تیکیر باخیشن آلدادیر سؤزلرین اَکیر باشیم آیاغینین تاشاسین چکیر آلنیم سَجده له نیر ایزینه قوربان داوود انتصار☘🌸🌹🌸☘

وئردیم کؤنلومی عشقيمی محببتيمی بيلمه ديم دويمازا قانمازا وئردیم او آتدی داغ لارا سعادتيمی عؤمرومو بير قورو آوازا وئردیم اؤپدوم بير گؤزلين ظريف تئلیندن چوخ یارالار آلديم آجی ديليندن عؤمرون چيچه يينی ناشی أليندن چووغونا بورانا آيازا وئردیم ایناندیم دونیادا هر فیتنه کارا اعتیبار اوستونده چکیلدیم دارا وفاسیز عشقینه یاندیم اودلارا خسته اوره ییمه چوخ جزا وئردیم آزافلي عشقيندن قارا سئچ منی طالع بولاندیردی الهام چشمه نی اؤزوم اؤز جانيمين اولدوم دوشمنی بير نادان يولوندا گودازا وئردیم میکاییل آزافلی☘🌸🌹🌸☘

آخ واییمیز یئنه قوزاندی گویه آخ واییمیز غم کدر اولدو فلکدن پاییمیز قیسمت اولدو بیزه دونیادا کدر پتک ایچره بالیمیز اولدو ز هر بو قارانلیق گئجییه یوخدو سحر چیخا آیدینلیقا هفته آییمیز غم کدر اولدو فلکدن پاییمیز ائله ظولم اولدو دولوب داشدی کاسا شانلی توی بایرامیمیز دؤندو یاسا قورخورام یاردا بیزی داردان آسا آخ وایا دؤندو گؤزل نای ناییمیز غم کدر اولدو فلکدن پاییمیز ائللری چولغالادی غم قوشونو قفسه سالدیلار عئشقین قوشونو اوخودوبلار ائله غم بایقوشونو قورودو سئللی بولاغلی چاییمیز غم کدر اولدو فلکدن پاییمیز قیردی غم ائللری ائل اولدو یاری یارسیدا قاچدی اوروپایا ساری اوندا بیلدیم کی اوتوزدوق قوماری قالماییبدی ایکی اللی ساییمیز غم کدر اولدو فلکدن پاییمیز آییلین آی بالا پیشدی آشیمیز اؤگی اولدو بیزه قان قارداشیمیز بیزی ترک ائیله دی یول یولداشیمیز اؤرپک اؤرتوب خالا چیخدی داییمیز غم کدر اولدو فلکدن پاییمیز بیرعؤمور کال دولانیب کال قالدیق آل اولوب فیرتانادا آل قالدیق بیزه هر نه دئدیلر لال قالدیق بوغولوبدور ایچیمیزده هاییمیز غن کدر اولدو فلکدن پاییمیز اؤلدوروبلر ائلیمین باش بیله نین آلا گؤزلردن آخان یاش سیله نین دئدیلر غمسیزه سیزده دیله نین ازدی آیریلمازیدا از واییمیز غم کدر اولدو فلکدن پاییمیز آیریلماز☘🌸🌹🌸☘

غم ائوی یوزیاشاسان یادا اللی فرقی یوخ غم ائوی دیر بودونیادا نه فایدا گوزون گورور سئوینجی آز دردی چوخ چالیشدیغین گئدیر بادا نه فایدا هرقدر ییغسادا دونیانین مالین اولمور آخیر فرقی شاه لا حاممالین یئدیرده جک بو دولتین منالین اوغول یادا قیزدا یادا نه فایدا اولومدور آخیری شیرین حیاتین بوردا قالمالی دی بارین بساطین سندن سورا وار صاحیبی بو آتین مینن قالیر تئز پیادا نه فایدا یارانانین هئچ بیری کام آلمادی طاماخکارین پول تورباسی دولمادی سئوینج کدر بو دونیادا قالمادی نه شیرینه، نه فرهادا نه فایدا بو تورپاخ باشینا اولمامیش بالیش حیاتدا اینسانا حورمته چالیش یئتیمین یوخسولون دردینه آلیش بیرجه نامازدا اقتدا نه فایدا عربلی☘🌸🌹🌸☘

آزربایجان بایاتیلاری و آشیقلار سیروس قمری☘🌸🌹🌸☘

باشینا دؤندویوم آلا گؤز پریم آپاردین عاغلیمی آی بویاندا دور عاغیل باشدا دئییل  روح دا بدن ده ائیله دین تارومار  آی بویاندا دور حالالداندیر مایام  بولونماز حرام قیرخلار مجلیسینده من اوردا وارام سئیراقیب آداملا هئچ اولماز آرام شیطاندی  فئلیندن  آی بویاندا دور! عابباسام   دؤورانیم آی بئله کئچدی دولاندی روزیگار  آی بئله کئچدی ساللاندی بیر پریم  آی بئله کئچدی او سبب دن دئدیم آی بویاندا دور عابباس توفارقانلی🌸🌹🌸

سیدطالح برادیگاهی🖤🖤🖤🖤 ☘🌸🌹🌸☘

"اؤزومون کو" اوزگه دن  قورخوم یوخ،یاددان گیلئییم اؤزومـون کـو دؤیـور دیـزیـمـه  منیم یـاغـیـلار  مـنـیـم له  آیـاق  لاشانماز تـانـیـش  تیکان سه پیر  دیزیمه منیم. آلـیشیب ، یـانـیرام  اؤزوم -  اؤزومه درد  سینـه مده  یاتیر دوزوم- دوزومه یاقـی  چپ  باخانماز بیر آن اوزومه قـارداشیم  میـل  تاخیر گؤزومه منیم. سـانـکی  دوشمنیم دیر گئیدیییم، گئییم بیـر نـفـر تـاپمـیـرام  دردیـمـی دئییم یـاغی دان، یانکی دان  یوخدور گیلئییم اؤز اوغـلوم  سو تؤکـور کـؤزومه منیم. بیـر گـوله نیـم  وارسـا،مین مه لریم وار اؤزومـده  نـئـچـه مین  اؤزگـه لریم وار بـاخ  ائـله  بیلمـه ین  کیمسـه لریم وار سـؤزومـو  سـاتـیـرلار  اؤزومـه  منیم. سـؤزوم  بـوخـجـادا دیـر ائله یاییلمیر سـسـله یـیـرم  یـاتـانـلاریـم  آییلمیر دئـییرم کـی قـانـان کیمسه ساییلمیر قـانـمـایـانلار  گولور  سؤزومه منیم. نئیله ییم ایچن یوخ  دولو  بیر  جامام حـاقـقیـن  طـرفینـدن  گه لن ایلهامام منـده ائـل بالاسی ده لی«....»ام نـه ائـدیـم  گیـریـرلـر  اوزومه منیم. #خوشنام☘🌸🌹🌸☘