Toshkent viloyati Kengashi

#Bostonliq_tumani #Davra_suhbati Aholi vakillari bilan davra suhbati o'tkazildi 2026-yil 9-sentabr kuni G‘azalkent shahridagi “Bog‘i Eram” hududida aholi vakillari bilan navbatdagi davra suhbati o‘tkazildi. Uchrashuv davomida rivojlanayotgan Yangi O‘zbekistonda O‘zbekiston Ekologik partiyasining bugungi kundagi o‘rni, ekologik muammolarni hal etish, atrof-muhitni muhofaza qilish hamda aholining ekologik madaniyatini yuksaltirish borasidagi vazifalari haqida fikr-mulohazalar bildirildi. Shuningdek, uchrashuvda tuman Kengashi deputati A. Qulbayev ishtirok etib, partiyaning maqsad va vazifalari, amalga oshirilayotgan ishlar hamda ekologik yo‘nalishdagi tashabbuslar haqida so‘z yuritdi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Ohangaron_shahri #Aksiya Ohangaronda obodonlashtirish aksiyasi o‘tkazildi O‘zbekiston Ekologik partiyasi Ohangaron shahar partiya tashkiloti raisi O‘lmasova Salomat Karimovna hamda Ohangaron shahar “Obodonlashtirish bo‘limi” xodimlari hamkorligida tozalik aksiyasi tashkil etildi. Aksiya davomida hududning sanitariya va obodonlashtirish holati yaxshilanib, atrof-muhitni toza va ozoda saqlash, yashil hududlarni asrash hamda fuqarolarda ekologik madaniyatni yuksaltirishga alohida e’tibor qaratildi. Bunday tadbirlar shahar hududlarini yanada obod va ko‘rkam qilish, ekologik tozalikni ta’minlash hamda jamoatchilikni atrof-muhitni muhofaza qilish ishlariga keng jalb etishda muhim ahamiyat kasb etadi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Bostonliq_tumani #Eko_sana G‘azalkent shahrida yovvoyi tabiatni asrashga bag‘ishlangan tadbir o‘tkazildi 2026-yil 9-sentabr kuni G‘azalkent shahridagi 54-sonli maktab-internatda Butunjahon yovvoyi tabiat jamg‘armasi tashkil topgan kuniga bag‘ishlangan ekologik tadbir o‘tkazildi. Tadbir davomida O‘zbekistonda yovvoyi tabiatni asrash, muhofaza etiladigan tabiiy hududlarning biologik xilma-xillikni saqlashdagi ahamiyati hamda ularni qo‘llab-quvvatlash va moliyalashtirish masalalari yuzasidan fikr almashildi. Shuningdek, yovvoyi tabiatni muhofaza qilishga qaratilgan xalqaro loyihalar, ularning tabiatni asrashdagi o‘rni va mazkur yo‘nalishda xalqaro hamkorlikni rivojlantirishning ahamiyati haqida ma’lumotlar berildi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Ohangaron_shahri #Yosh_ekologlar Ohangaronda yosh ekologlar ishtirokida ekologik tadbir o‘tkazildi O‘zbekiston Ekologik partiyasi Ohangaron shahar partiya tashkiloti raisi Salomat Karimova hamda Ohangaron shahridagi 1-sonli umumiy o‘rta ta’lim maktabining “Yosh ekologlar”i hamkorligida yosh avlodda tabiatga mehr-muhabbat, uni asrab-avaylash va hayvonot dunyosiga g‘amxo‘rlik bilan munosabatda bo‘lish ko‘nikmalarini shakllantirish maqsadida ekologik tadbir o‘tkazildi. Tadbir davomida o‘quvchilar bilan tabiatni asrash, o‘simlik va hayvonot dunyosiga ehtiyotkorona munosabatda bo‘lish, atrof-muhitni muhofaza qilish hamda ekologik madaniyatni yuksaltirish haqida suhbatlar olib borildi. Shuningdek, yoshlarning tabiatga bo‘lgan qiziqishini oshirish va ularni ekologik tashabbuslarda faol ishtirok etishga jalb etish muhimligi ta’kidlandi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Bostonliq_tumani #Yosh_ekologlar Bo‘stonliqda yosh ekologlar bilan uchrashuv o‘tkazildi 2026-yil 8-sentabr kuni Bo‘stonliq tumani “Iskandar” MFY hududida joylashgan bolalar sport maydonchasida navbatdagi “Yosh ekologlar” bilan uchrashuv o‘tkazildi. Uchrashuv davomida o‘simlik va hayvonot dunyosini asrash, tabiatga ehtiyotkorona munosabatda bo‘lish, atrof-muhitni muhofaza qilish hamda ekologik madaniyatni yuksaltirish masalalari yuzasidan fikr almashildi. Shuningdek, bolalarni qiziqtirgan savollarga javoblar berilib, tabiatni asrash har bir insonning muhim vazifasi ekani ta’kidlandi. Bunday uchrashuvlar yosh avlodda tabiatga mehr va ekologik mas’uliyatni shakllantirishga xizmat qiladi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Chirchiq_shahri #Murojaat Kimyogarlar ko‘chasidagi murojaat ijobiy hal etildi O‘zbekiston Ekologik partiyasi Chirchiq shahar Kengashi raisi Zuhriddin Mirzayusupov tomonidan “Kimyogarlar” ko‘chasi fuqarolaridan kelib tushgan murojaat o‘rganilib, ijobiy hal etildi. Murojaatda fuqarolar “Kimyogarlar” ko‘chasi hamda “Kimyogarlar” bog‘i hududida to‘planib qolgan chiqindilar yuzasidan shikoyat bildirganlar. Fuqarolar murojaati inobatga olinib, mas’ul tashkilot vakillari jalb etilgan holda hududdagi chiqindilarni bartaraf etish bo‘yicha amaliy ishlar amalga oshirildi. Mazkur masalaning hal etilishi hududning sanitariya va obodonlashtirish holatini yaxshilash, shuningdek, fuqarolar uchun yanada toza va qulay muhit yaratishga xizmat qildi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Qibray_tumani #Murojaat Qibray tumanida "Ibn Sino" ko‘chasini obodonlashtirish bo‘yicha murojaat o‘rganildi O‘zbekiston Ekologik partiyasi Qibray tumani Kengashi raisi Avloqul Xudoyqulov tomonidan Qibray tumani faollaridan kelib tushgan murojaat o‘rganildi. Murojaatda Ibn Sino ko‘chasini obodonlashtirish, yo‘l chekkalarini ko‘kalamzorlashtirish hamda hududning ekologik jihatdan yaxshilash borasida amaliy yordam va maslahat so‘ralgan. Murojaat yuzasidan Avloqul Xudoyqulov tomonidan fuqarolarga hududni obodonlashtirish va ko‘kalamzorlashtirish bo‘yicha tegishli maslahat va tavsiyalar berildi. Shuningdek, Ibn Sino ko‘chasi hududini hashar yo‘li bilan obodonlashtirish va ko‘kalamzorlashtirish bo‘yicha kelishib olindi. Mazkur tashabbus hududda yashil maydonlarni kengaytirish hamda aholi uchun yanada obod va ekologik toza muhit yaratishga xizmat qiladi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Chirchiq_shahri #Davra_suhbati 21-maktab o‘quvchilari bilan davra suhbati o‘tkazildi O‘zbekiston Ekologik partiyasi Chirchiq shahar Kengashi raisi Zuhriddin Mirzayusupov tomonidan Chirchiq shahridagi 21-sonli umumiy o‘rta ta’lim maktabida o‘quvchilar ishtirokida davra suhbati tashkil etildi. Davra suhbati davomida o‘quvchilarga O‘zbekiston Ekologik partiyasi tomonidan bugungi kunda amalga oshirilayotgan ishlar, ekologik yo‘nalishdagi tashabbuslar hamda kelgusidagi rejalar haqida ma’lumotlar berildi. Shuningdek, atrof-muhitni muhofaza qilish, ekologik madaniyatni yuksaltirish, tabiatga mas’uliyatli munosabatni shakllantirishda yoshlarning o‘rni va faolligi haqida fikr almashildi. Tadbir yakunida o‘quvchilarning ekologik yo‘nalishdagi savollari tinglanib, ularning taklif va fikrlari yuzasidan suhbat olib borildi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Qibray_tumani #Yosh_ekologlar Tabiatga muhabbat bolalikdan boshlanadi O‘zbekiston Ekologik partiyasi Qibray tumani Kengashi raisi Avloqul Xudoyqulov tashabbusi bilan Qibray tumanidagi maktabgacha ta’lim tashkilotida tarbiyalanuvchilar ishtirokida “Yosh ekologlar” yo‘nalishida “Tabiatga muhabbat bolalikdan boshlanadi” mavzusida ekologik tadbir tashkil etildi. Tadbir davomida tarbiyalanuvchilarga tabiatni asrab-avaylash, atrof-muhitni toza saqlash, o‘simlik va hayvonot dunyosiga g‘amxo‘rlik bilan munosabatda bo‘lish haqida sodda va qiziqarli tarzda tushunchalar berildi. Shuningdek, bolajonlarning tabiatga bo‘lgan qiziqishini oshirish, ularda ekologik madaniyat va mas’uliyat tuyg‘usini shakllantirishga alohida e’tibor qaratildi. Tadbir yakunida tabiatga bo‘lgan mehr va uni asrash ko‘nikmalari aynan bolalikdan shakllanishi, ekologik tarbiya esa kelajak avlodning sog‘lom va farovon hayoti uchun muhim omil ekani ta’kidlandi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Qibray_tumani #Murojaat Alisher Navoiy MFY aholisi murojaati o‘rganildi O‘zbekiston Ekologik partiyasi Qibray tumani Kengashi raisi Avloqul Xudoyqulovga Qibray tumanidagi “Alisher Navoiy” MFY aholisi tomonidan murojaat kelib tushdi. Murojaatda mahalla hududida to‘planib qolgan maishiy chiqindilar, ularni o‘z vaqtida olib chiqib ketish hamda hududning sanitariya va obodonlashtirish holatini yaxshilash yuzasidan shikoyat qilingan. Mazkur murojaat yuzasidan holatni o‘rganish, mas’ul tashkilotlar bilan hamkorlikda aniqlangan muammoni bartaraf etish va chiqindilarni o‘z vaqtida olib chiqib ketilishini ta’minlash bo‘yicha tegishli choralar ko‘rilishi belgilandi. Fuqarolar murojaati nazoratga olinib, masalaning ijobiy hal etilishi yuzasidan tegishli ishlar davom ettiriladi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Chirchiq_shahri #Murojaat 21-maktab ma’muriyatining murojaati o‘rganildi O‘zbekiston Ekologik partiyasi Chirchiq shahar Kengashi raisi Zuhriddin Mirzayusupovga 21-sonli umumiy o‘rta ta’lim maktabi ma’muriyatidan murojaat kelib tushdi. Murojaatda maktab hududida to‘planayotgan maishiy chiqindilar o‘z vaqtida olib chiqib ketilmayotgani bayon qilingan. Mazkur murojaat yuzasidan holatni o‘rganish, mas’ul tashkilotlar bilan hamkorlikda muammoni bartaraf etish hamda chiqindilarni o‘z vaqtida olib chiqib ketilishini ta’minlash bo‘yicha tegishli choralar ko‘rilishi belgilandi. Masala nazoratga olinib, hududning sanitariya va obodonlashtirish holatini yaxshilash bo‘yicha ishlar davom ettiriladi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Deputat_faoliyati #Tashabbusli_budget Baxt MFYda kutubxonani ta’mirlash ishlari davom etmoqda Bugun Agrar, qurilish, kommunal soha, ekologiya, transport va sanoat masalalari bo‘yicha doimiy komissiya deputatlari Alisher Abdullayev va Zokir Xalmuhamedov tomonidan Baxt MFYda “Tashabbusli budjet”ning “Deputat tanlovi” doirasida amalga oshirilayotgan kutubxonani ta’mirlash loyihasi bo‘yicha olib borilayotgan ishlar joyiga chiqib o‘rganildi. Ayni paytda ta’mirlash ishlari ishchi loyiha asosida belgilangan tartibda davom etmoqda. Obyektda demontaj ishlari bajarilmoqda, keyingi montaj ishlari uchun tayyorgarlik ko‘rilmoqda hamda tomni yopish ishlariga hozirlik olib borilmoqda. Shuningdek, kutubxonani markaziy kanalizatsiya tizimiga ulash masalasi ham ish jarayonida. “Suv ta’minoti” tashkiloti bilan hamkorlikda ulanish bo‘yicha kelishuvlar olib borilib, zarur texnik shartlarni olish choralari ko‘rilmoqda. Doimiy komissiya tomonidan ta’mirlash ishlarining loyiha asosida va sifatli bajarilishi, shuningdek, muhandislik tarmoqlari bilan bog‘liq masalalarning o‘z vaqtida hal etilishi nazorat qilib borilmoqda. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Angren_shahri #Yosh_ekologlar Yosh sportchilar bilan uchrashuv o‘tkazildi O‘zbekiston Ekologik partiyasi Angren shahar partiya tashkiloti hamda “Kelajak” markazi hamkorligida “Yosh sportchilar” to‘garagida tahsil olayotgan yoshlar bilan ekologik uchrashuv o‘tkazildi. Uchrashuv davomida yoshlar bilan atrof-muhitni asrash, tabiatga ehtiyotkorona munosabatda bo‘lish, ekologik madaniyatni yuksaltirish hamda ekologik tashabbuslarda faol ishtirok etishning ahamiyati haqida suhbatlashildi. Shuningdek, to‘garak maskanida ta’lim olayotgan yosh sportchilarning ijodiy ishlari bilan tanishildi. Yoshlarning tabiatga bo‘lgan qiziqishi va ijodiy yondashuvlari e’tirof etilib, ularni qo‘llab-quvvatlash va rag‘batlantirishga alohida e’tibor qaratildi. Bunday uchrashuvlar yoshlar qalbida tabiatga mehr, ekologik madaniyat va atrof-muhitga mas’uliyatli munosabatni shakllantirishga xizmat qiladi. Mazkur yo‘nalishdagi targ‘ibot-tashviqot tadbirlari Angren shahri bo‘ylab izchil davom ettirilmoqda. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Chirchiq_shahri #Aksiya Chirchiq shahrida tozalik aksiyasi o‘tkazildi O‘zbekiston Ekologik partiyasi Chirchiq shahar Kengashi raisi Zuhriddin Mirzayusupov hamda Chirchiq shahar obodonlashtirish bo‘limi vakillari hamkorligida tozalik aksiyasi o‘tkazildi. Aksiya davomida shahar hududidagi piyodalar yo‘laklari hamda ariq-zovurlar tozalanib, hududning sanitariya va obodonlashtirish holatini yaxshilash bo‘yicha amaliy ishlar amalga oshirildi. Tadbirning asosiy maqsadi shahar hududida tozalik va obodonlikni ta’minlash, fuqarolarda atrof-muhitga mas’uliyatli munosabatni shakllantirish hamda ekologik madaniyatni yuksaltirishdan iborat bo'ldi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Angren_shahri #Ayollar_klubi Ayollar bandligi — oila farovonligi va jamiyat taraqqiyoti garovi Angren shahar ekologik partiyasi shahar Kengashi raisi hamda Aholi bandligiga ko‘maklashish markazi xodimlari hamkorligida “Ayollar bandligi — oila farovonligi garovi” mavzusida Ayollar qanotining navbatdagi yig‘ilishi o‘tkazildi. Tadbir davomida xotin-qizlarni doimiy ish bilan ta’minlash, ularning bandligini oshirish, kasb-hunarga o‘qitish, tadbirkorlik faoliyatini qo‘llab-quvvatlash hamda mavjud bo‘sh ish o‘rinlari haqida batafsil ma’lumotlar berildi. Shuningdek, ayollarning mehnat bozoridagi imkoniyatlarini kengaytirish, munosib mehnat sharoitlarini yaratish, ularning ijtimoiy faolligini oshirish va oilalar farovonligini mustahkamlash masalalari yuzasidan fikr almashildi. Yig‘ilish yakunida ishtirokchilarning savollariga mutaxassislar tomonidan atroflicha javob berilib, ishga joylashish, kasb-hunar egallash hamda kasbiy rivojlanish bo‘yicha amaliy tavsiyalar berildi. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube

#Chirchiq_shahri #Eko_sana Chirchiq shahrida Xalqaro turna kuni munosabati bilan tadbir o‘tkazildi O‘zbekiston Ekologik partiyasi Chirchiq shahar Kengashi raisi Zuhriddin Mirzayusupov tomonidan 8-sentabr — "Xalqaro turnalar kuni" munosabati bilan ekologik targ‘ibot tadbiri o‘tkazildi. Tadbir davomida ishtirokchilarga turnalarning tabiatdagi o‘rni, ularning yashash muhiti va biologik xilma-xillikni saqlashdagi ahamiyati haqida ma’lumotlar berildi. Shuningdek, qushlarni asrab-avaylash, ularning tabiiy yashash hududlarini muhofaza qilish hamda tabiatga ehtiyotkorona munosabatda bo‘lish masalalariga alohida e’tibor qaratildi. Tadbirdan ko‘zlangan asosiy maqsad — aholida, ayniqsa, yosh avlodda qushlar va tabiatga mehr-muhabbatni kuchaytirish, ekologik madaniyatni yuksaltirish hamda atrof-muhitni muhofaza qilishga bo‘lgan mas’uliyatni oshirishdan iborat. Ekopartiya Toshkent viloyat Kengashi matbuot xizmati ✅telegram | 🔍web-sayt | ✅facebook | 📹You Tube