Ummatu Muhammadiy

Қуръони карим 📖 Қуръон ўқиган банда ҳеч қўполлик қилмайди, Жами ёмон феълини ҳалимликка боғлайди. 📖 Қуръон ўқиган банда ҳақиқатни англайди, Юрган ёмон йўлларин ҳидоятга боғлайди. 📖 Қуръон ўқиган ўғил ота-онасин сийлайди, Таъзим ила доимо хизматига бел боғлайди. 📖 Онам - жаннатим дейди, отам - давлатим дейди, Инжиқланса гар улар, меҳр билан сийлайди. 📖 Қуръон ўқиган она фарзандларин ўйлайди, Гўзал тарбия билан нур-Исломга йуллайди. 📖 Қуръон ўқиган ота дуо қилиб тўймайди, Хидоят сўраб Ҳақдан, қўли сира толмайди. 📖 Қуръон ўқиган эрлар номусини ўйлайди, Аёлларин ҳаққини бурчим, дея қўллайди. 📖 Қуръон ўқиган аёл оиласин ўйлайди, Яхши - ёмон кунларин сабр билан боғлайди. 📖 Қуръон ўқиган эрлар касбу корин поклайди, Ризқини ҳалоллигин ибодатга йўллайди. 📖 Қуръон ўқиган аёл торликда "дод" демайди, Ризқини Аллоҳдан деб, шукурга бел боғлайди. 📖 Қуръон ўқиган аёл кенгликда ховлиқмайди, Сармоя сарфлашда исрофга йўл қўймайди. 📖 Қуръон ўқиган келин бахтини кўп ўйлайди, Келин бўлган уйини ўз уйим, деб уйлайди. 📖 Қуръон ўқиган келин қайсарлик ҳеч қилмайди, Чақимчилаб ҳаммани душман қилиб қўймайди. 📖 Қуръон ўқиган қайнона ёшлигини ўйлайди, Насиҳатни Қуръону, ҳадис билан қўллайди. 📖 Қуръон ўқиган она қизим омонат, дейди, Омонат эгасини вафо билан сийлайди. 📖 Қуръон ўқиган олим илмин риё қилмайди, Бидъату хурофотга ҳалқини йўлламайди. 📖 Қуръон ўқиган олим ҳидоятдан тоймайди, Намозда қоим туриб, ҳалқин дуо айлайди. 📖 Қуръон ўқиган қўшни муросани ўйлайди, Жанжал қилиб ҳар ишда ғийбат қилиб юрмайди. 📖 Қуръон ўқиган қуда таъмагирлик қилмайди, Қудачилик ишларин Ислом билан боғлайди. 📖 Қуръон ўқиган шогирд устозини сийлайди, Роббига дуо қилиб мағфиратин сўрайди. 📖 Қуръон ўқиган банда жигарларин ўйлайди, Алоқани Аллоҳнинг арқонига боғлайди. 📖 Қуръон ўқиган банда қабрни кўп ўйлайди, Ҳар амалин зўр қилиб, қабрини зийнатлайди. 📖 Қуръон ўқиган банда Қиёматни ўйлайди, Гувоҳ бўлур Қуръон деб, амалга бел боғлайди. 📖 Қуръон ўқиган банда тинчликни кўп ўйлайди, Ҳар ҳолатда ақлини ҳадис билан боғлайди. 📖 Қуръон ўқиб муслима тавфиқ сўраб йиғлайди, Қабул қилар Аллоҳ деб кўп умидлар айлайди. ➥ 𝐄𝐒𝐋𝐀𝐓𝐃𝐈𝐊

Солиҳ инсонларнинг биридан: - кунига қанчадан Қуръон ўқийлик? деб, сўрашди, У: - бахт, саодатдан қанча истасанг шунча, деб жавоб берди. Ҳақиқий бахтиёр оила бу, эр аёлидан "бугун нима пиширдинг?", деб эмас "бугун Қуръондан неча пора ўқидинг?", деб сўрайдиган оиладир. Бахтли бўлишни истаганингизча Қуръонни ўқинг. Иймон келтирган китобимиз Қуръонни тушуниб ўқийлик!!!!! t.me/quron_haus ✍️

#Рамазон #Солиҳлар 📝 Имом Термизий Расулуллоҳ соллаллоҳу алайҳи васалламнинг: “Рўза сабрнинг ярмидир”, мазмунида айтган ҳадисларини ривоят қилган. Ибн Хузайма Салмон розияллоҳу анҳудан ривоят қилган ҳадисда эса рамазоннинг фазли ҳақида шундай дейилади: “У сабр ойидир. Сабрнинг мукофоти эса жаннатдир”. 📚 Аллома Ибн Ражаб Ҳанбалий роҳимаҳуллоҳнинг сўзига кўра, сабр уч хил бўлади: 1️⃣ Аллоҳга итоат қилишда сабр қилиш; 2️⃣ Аллоҳ ҳаром қилган нарсалардан сабр қилиш; 3️⃣ Аллоҳ тақдир қилган алам – оғриққа сабр қилиш. ✅ Мазкур сабр турларининг барчаси рўзада топилади. Чунки рўза тутишда Аллоҳга итоат – ибодат қилишдаги сабр ҳам, Аллоҳ рўзадорга ҳаром қилган истак-хоҳишлардан тийилишга сабр қилиш ҳам, рўзадорга етадиган очлик, чанқоқ ва заифҳолликнинг алами – оғриғига сабр қилиш ҳам мавжуд. Тоат-ибодат сабабли келиб чиққан алам – оғриқ учун ҳам савоб олинади... 🤲 Аллоҳ таъоло тутилаётган рўзаларни қабул қилсин! Юқорида айтилган мукофотларга эришишни насиб айласин! 📌 Зарварақ — тарихнинг олтин саҳифалари

Манфаатли саволлар Савол: Ким биринчи бўлиб ўлимни орзу қилган? Жавоб: Юсуф (алайҳиссалом). Савол: Умматнинг биринчи бўлиб қайси амаллари кўтарилади? Жавоб: Беш вақт намоз. Савол: Муҳаммад (соллаллоҳу алайҳи ва саллам)нинг биринчи бўлиб ўқиган намози қайси? Жавоб: Пешин намози. Савол: Қиёматда биринчи бўлиб кимнинг устидан ер очилади? Жавоб: Муҳаммад соллаллоҳу алайҳи васаллам. Савол: Ким биринчи бўлиб жаннат эшигини тақиллатган? Жавоб: Муҳаммад соллаллоҳу алайҳи васаллам. Савол: Ким биринчи бўлиб шафоат қилади? Жавоб: Муҳаммад (соллаллоҳу алайҳи ва саллам). Савол: Қайси уммат биринчи бўлиб жаннатга киради? Жавоб: Муҳаммад (соллаллоҳу алайҳи ва саллам)нинг уммати. Савол: Ким биринчи бўлиб осмонда азон айтганини биласизми? Жавоб: Жаброил (алайҳиссалом). Савол: Ким соатни 12 соатлилигини биринчи бўлиб аниқлаган? Жавоб: Нуҳ (алайҳиссалом) кемаларида аниқлаганлар. Савол: Ким биринчи бўлиб отга минган? Жавоб: Исмоил (алайҳиссалом). Савол: Ким жума кунини “жума” деб ном берган? Жавоб: Каъб ибн Луай. Савол: Ким бириничи бўлиб “Субҳана Раббиял аъла” деб айтган? Жавоб: Исрофил (алайҳиссалом). Савол: Қайси оят Қуръони каримдан биринчи бўлиб тушган? Жавоб: Алақ сурасининг “Яратган Раббинг номи билан ўқи” ояти. Савол: Ким биринчи бўлиб қаламда ёзган? Жавоб: Идрис (алайҳиссалом). Савол: Тавротдан биринчи бўлиб нима тушган? Жавоб: Бисмиллаҳир роҳманир роҳим. Савол: Ким биринчи бўлиб Аллоҳ йўлида жиҳод қилган? Жавоб: Идрис (алайҳиссалом). Савол: Қуръони каримдаги энг буюк оят қайси? Жавоб: Бақара сурасининг 255-ояти – оятал курсий ➥ 𝐄𝐒𝐋𝐀𝐓𝐃𝐈𝐊

#Ramazon Imom Buxoriy Abu Hurayra roźiallohu anhudan rivoyat qilgan quyidagi hadis Ramazonni zoye qilgan insonlarga tahdid kelgan: «Rasululloh sollallohu alayhi vasallam minbarga ko‘tarildilar-da, «Amin», dedilar. Keying ikkinchisiga ko‘tarildilar-da, «Amin», dedilar. So‘ng tik turdilar-da, «Amin», dedilar. Shunda u zotning ashoblari: «Nimaga «Amin» dedingiz, ey Allohning Rasuli?» deyishdi. U zot dedilar: «Jabroil alayhissalom kelib, menga: «Ey Muhammad, huzurida siz zikr qilinsangiz-u, sizga salovat aytmagan kishining burni yerga ishqalsin», – dedi. Men: «Amin», – dedim. Keyin: «Ota-onasini yoki ulardan birini topgan, biroq ular uni jannatga kirgiza olmagan kishining burni yerga ishqalsin», – dedi. Men: «Amin», – dedim. So‘ng: «Ramazon oyini topib, mag‘firat qilinmagan kishining burni yerga ishqalsin», – dedi. Men: «Amin», – dedim» *Burni yerga ishqalsin=xor bo‘lsin; @Islah_madrosah_nisa

Рамазон ёмон ахлоқлардан воз кечиш учундир. Уларни вақтинча тўхтатиш учун эмас. t.me/quron_haus ✍️

САДАҚАНИНГ ФОЙДАЛАРИ… САДАҚА — жаннат эшикларидан биридир.. САДАҚА — қилинадиган солиҳ амаллардан энг афзалидир. Таом билан сийлаш эса энг афзал садақадир. САДАҚА — қиёматда соҳибига соябондир. САДАҚА — соҳибини оловдан озод этувчидир. САДАҚА — Роббининг ғазабини ва қабр оловини сўндирувчидир. САДАҚА — маййитга бериладиган яхшиликдир. Ва энг фойдалиси ҳамдир. САДАҚА — нафсни покловчи ва ҳасанотларни икки ҳиссага кўпайтирувчидир. САДАҚА — садақа берувчининг қувончига сабабчидир ва Қиёмат қоимда юзининг жилосидир. САДАҚА — энг ваҳимали кунда қўрқинчдан омон сақловчидир. Ва қайғудан асровчидир. САДАҚА — гуноҳларнинг мағфирати ва ёмонликларни даф этиш учун сабабдир. САДАҚА — бу гўзал хотима ва фаришталарнинг дуосига сабабчидир. САДАҚА — берувчи шахс инсонларнинг энг яхшисидир. Ва садақанинг савоби унга шерик бўлганлар ҳам учундир. САДАҚА — берувчига жуда буюк яхшилик ва катта мукофот ваъда қилинган. САДАҚА — дуонинг ижобат бўлишига сабабчи ва ғам андуҳдан холи этувчидир. САДАҚА — бало ва қазолардан ҳимояловчи ва дунёдаги 70 хил ёмонлик эшикларини қулфловчидир. САДАҚА — умр, молу-давлат, ризқ ва нусратни зиёда этувчидир. САДАҚА — хоҳ у ҳайвонларга бўлсин, хоҳ қушларга унинг мукофоти собитдир.

#Hayotdan Қўлингиздан кетган бойликка, нарсаларга ачинманг, демак насибангиз эмас экан.. Ҳаётингиздан чиқиб кетган ва чиқиб кетмоқчи бўлган инсонларни қайтаришга уринманг, демак улар сизни ҳаётингизда ўз ролларини ижро этиб бўлибдилар... Йўқотган соғлиғингизга сизга берилаётган ғам - қайғулардан асло тушкунликка тушманг, демак сизни Аллоҳ севади... Гунохларингизга каффолатни ва қиёматда мукофот бермоқни хоҳлабди.. Йўқотганларимиз яхши эди, демак Аллоҳ унданда яхшисини беради. Аллоҳдан асло умидингизни узманг!