ڤِينْكَا

هنقدر نتخطى الخوف اللي جوانا طول ما إحنا عايزين نكسر الحاجز دا وبجدارة! بسنت سيد .

كل القلوب عمرانة إلا قلبي؛ فلم يعُد الحبيب يسكُن بداخلهِ . بسنت سيد .

لا يهم إن كنت مرغوبًا بين الجميع، الأهم أن تكن مرغوبًا بنفسك . بسنت سيد .

حقيقي الراجل هو اللي يستاهل ياخد أوسكار الأقوى في العالم . - الشاب أول ما يبدأ يفهم الدنيا ويفتح عينه يلاقي نفسي بيشتغل علشان لما يكبر يبقى بنى حاجة لنفسه ويفضل طول حياتي ماشي على النمط دا . - ولما يقرر يتجوز يلاقي نفسه مطلوب منه حاجات تخليه يعافر أكتر وأكتر وفي الآخر يا الأهل يوافقوا أو ميوافقوش . - ولما يتجوز يلاقي نفسه بيكمل كل يوم مسيرة الشغل في كل أحوال الجو اللي إحنا في بيتنا مش بنقدر نستحملها علشان البيت يفضل عامر والمسؤولية تفضل تزيد . - مطلوب منه يشتغل ويكافح ويبني أسرة ويهتم بالست اللي معاه وبتقلباتها، ويفرق بين قرفه في الشغل وبين البيت علشان الأمور متبوظش من كل النواحي . - وكل العك دا ومبيشتكيش ولا بيصيح!! - وإحنا كبنات لو تخطينا فترة زعل في حياتنا بس بنقول دا أعظم انتصارنا!!

لا أريد أن يُغرم بي رجلٌ ليستعمل مشاعر الأبوبة المُبكرة معي؛ فأنا لست الفتاة الطفلة المدللة . - أنا أريد أن يُغرم بي رجلٌ لذاتي؛ كوني إمرأة ناضجة تتحمل المسؤولية وتستطِع أن تكون كل شيء القوية والضعيفة والجادة والمدللة الحادة والرومانسية إن تطلب الأمر . - أريد رجلًا يشعرني بالأمان كوني معه لآخر عمري ليس لأنني الطفلة البريئة التي تخشى مواجهة البشر . - أريد أن أتحب كوني فتاة حرة مستقلة تأمل أن تبني حياة هادئة، ليس كوني الطفلة التي سيُفرض عليها الرأي كونها لا تصلح لعمل أي شيء . - لست طفلة ولست صغيرة ولا يعجبني تلك الأشياء السخيفة التي تبهر الصغار، أنا فتاة تلتفت للأشياء التي تشعرها بذاتها كونها إمرأة ناضجة . بسنت سيد .

دائمًا أطل بالوجه الذي يريد أن يراه الجميع، أمّا عني بمفردي أطل بالوجه الذي يوصف ما بداخلي . بسنت سيد .

!🤍

أكتر حاجة رؤيتها بالنسبالي محزنة بشكل غير طبيعي إني بقيت أقابل بنات بتلبس الخمار والنقاب للفشخرة الظاهرية وألوانهم المبهجة والأحاديث الطيبة عليهم مش علشان السترة فرض علينا ولكل زي ضوابطه لأ ...

مفيش غير الراجل السوي اللي عنده ثقة في نفسه بس اللي يقدر يقف جمبك علشان تحققي أهدافك . - غير كدا فسلامًا عليكِ وعلى أهدافك يا حلوة 😂 بسنت سيد .

الإنسان الضعيف عامل زي الكورة الناس بتستغله لممارسة هوايتها فيه وهي التسلط شوية توديه هناك تجيبه هنا تحدفه لده ولده ترفعه السماء تنزله عالأرض كل دا علشان مش قادر يقول لأ . - بس هما مش واخدين بالهم إنهم من غيره ولا حاجة زي اللاعبين اللي من غير الكورة ولا أي حاجة . بسنت سيد .

صحيت بدري علشان أنام بدري، بنام متأخر . صحيت متأخر وأطبق علشان أنام بدري، بنام متأخر . صحيت بدري وطبقت علشان أنام بدري، بنام متأخر . صحيت بدري أو متأخر وهلكت نفسي طول اليوم علشان أتعب وأنام بدري، برضو بنام متأخر . حد زيي ولا أنا بس 🥲😢

لما أقرأ تحليل أنواع الشخصيات وألاقي كل اللي في حياتي نرجسية وسايكوباتيين وعندهم شيزوفرينيا أنا= ...... بسنت سيد .

عايز ألم كل الناس اللي مزعلاني وأحطهم في شوال وأرميه من برج القاهرة . بسنت سيد .

الحياة حلوة بس إحنا اللي مش معانا فلوس تودينا الجونة . بسنت سيد .

أنا كمان زيكوا بلوم نفسي كتير على كل حاجة عديتها في حياتي ومكنش ينفع أعديها . - يا ترى اللوم هيعيد المواقف علشان نصون كرامتنا! - يا ترى اللوم هيرجع الأيام اللي عدت علشان نحذر الوقوع في الغلط! - يا ترى اللوم هيخلينا كويسين؟! بسنت سيد .

التجاهل ليس أمرٌ سهلٌ بل أصبح سهلًا حينما جعلته أنت سهل بِأفعالك . بسنت سيد .

أيها الكراش الصامت . - لما لا تأخذني إلى السينما لنشاهد فيلم بحبك حتى أعلم بما لا ينطقه لسانك! لو معاكش فلوس قولي عايزين ننجز موسم الجواز قرب يخلص يخربيتك . بسنت سيد .

كونك شخص ناقد دا مش معناه إنك نرجسي أو غيور أو مغرور . في فرق كبير بين النقد البناء والهدام . - إنك تقلل من شأني وتئذيني بالقول أو الفعل تحت باند النقد لمصلحتي دا مش نقد دا حقد ونرجسة وتسلط . - النقد الصحيح هو اللي هيخليني أجيلك لحد عندك وأقولك عرفني إيه المفروض يتغير فيا وأبقى أحسن علشان أنت عايزني أحسن! - النقد الصحيح الغرض منه الإصلاح مش التحطم . بسنت سيد .

في فرق بين شخص مش مركز غير في حاجة معينة عايز يوصلها فيعزل نفسه عن أي حاجة تانية علشان يطلع إنتاج كويس . وما بين شخص عازل نفسه عن كل حاجة وعايش كدا وخلاص . الشخص الاولاني مش جاهل كونه مفتقر معرفة التطورات اللي بتحصل لأنه مركز في تطوره مع نفسه أكتر . أما الشخص التاني فهو دا فعلا الجاهل لأنه مش بس مفتقر تطورات العالم وكمان تطورات نفسه . لازم نفرق بين الشخص اللي بيسيب كل حاجة علشان يركز مع حاجة واحدة وبين الشخص اللي مش مركز مع أي حاجة حتى لنفسه وبايع الدنيا . بسنت سيد .

بداخلي شعورٌ ما مؤلمٍ أعجز عن وصفه ولكني أعلم أنه سيذول يومًا ما . حقًا أنا أعلم . - أم لا أعلم! بسنت سيد .