باك 2024 اداب وفلسفة ولغات الاجنبية

اللّهم في هذه الجمعة المباركة أنزل على أبنائنا السّكينة واربط على قلوبهم ووفّقهم في الامتحان يا ربّ العالمين

هذي ايامات باكالوريا دايرة هكا اقرا وشوف ومتقلقش نبداو باليومين قبل الباك *نهار جمعة - اكيد تدوش وتحمم وترتاح وتنظم صوالحك واوراقك وتوجد بطاقة تعريف وطنية + استدعاء * نهار السبت تحكمكم شويا خلعة شويا خوف كاين لي يتحمس ويوجد في ملخصاته ويدير مراجعة خفيفة بزاف يحاول يتذكر واش حفظ اليوم الاحد - تنوض تصلي فجر وتدعي عادي تشرب قهوتك نورمال داركم علابالهم بلي عندك الباك كاين لي ينوضو يوجدوله يحفزوه دعاء حماس عادي والله تفطر تشبع تلبس كسوتك تجي خارج توكل على ربي عادي وحاول تنوض 5ول6 و7.15 اخرج من داركم متجها الى مركز لي تفوت فيه لي تفادي روطار 7.40 لازم تكون عند الباك معاك استدعاء + بطاقة تعريف وطنية حاول تبتعد عن مراجعة او كلام او اي شئ يتعلق بدراسة وملخصات خاطر خلاص نتا راك حافظ وفاهم وكلشي موجده تسويس استغفر برك هذا مكان هذيك تاع تفتيش متخلعوش غي تلفون ول حاجة عندك تخليها عند ادارة كي تكمل وتجي خارج يعطوهالك حماية مدنية دولة لابوليس هذوك برك يخدمو في خدمتهم متبقاش مخلوع بعدها تدخل تقرا اسمك تاع قاعة وتروح ليها بسم الله اللهم اني توكلت عليك تدخل تجلس تحط قرعتك تاع الماء وصوالحك عادي . 3 اساتذة ايه ومباعد عادي خدامين برك يخلووكم 15 دقيقة تتنفسو في هذيك مدة نتا ستغفر وحاول تكون هادئ نورمال مباعد يحطو قدامك ورقة تعمرها اسمك لقبك رقم تسجيل حاول متغلطش وديجا 3 اساتذة معاك نتا كي يعطوك سيجي متزربش متتسرعش يا خويا ياختي عندك 4 سوالع ابابا بالعقل ورقة وسخ ورقة اجابة مثلا عربية عندك بناء فكري ولغوي ووضعية نقدية بدي بساهلة حلها وكتبها ونظمها وكتابة تكون بقلم واحد ازرق ول اسود متزيدش واحد فيهم سطر بيه اطر بيه كلش ديره بيه مهم وضعية نقدية ليا كنت حافظ تجاوب بالخف وغي في خاطرك اكتب مباعد بناء لغوي حله في خاطرك عادي ومن مستحسن بناء فكري خليه هو تالي فيه تركيز وكتبة بزاف اشرب الماء كول حلوة ول قاطو وتنفس عادي روبوزي وبدي تحل فيه كل سؤال اعطيه وقته وحقه ومتخرجش لول تاع صاحبي وصحبتي ومدامتي وعندي صوالح وراني زارب وميكفينيش الوقت 4 سوايع مادة معاملها 6 تحددلك مصيرك في ساعة ول ساعتين توالا تبدا تتفكر كلش قاع ل كنت ناسيه تتفكره من قوة تركيز وتبدا تسهال عليك نتا في روحك تحس روحك هادئ هذي هي صبيحة تاع الباك في ما يخص اللغة العربية - تنظيم - كتابة بقلم واحد - منهجية اجابة صحيحة - تكون

متنساوش روحو شوفو ليسي ولا سيام لي راح تفوتو فييه (اذا مكنتوش تعرفوه ) باه نهار لباك تعرفو وين بلاصة بعد

شكون عنده الاجابة

هل الاحكام الشريعة كلها معللة؟ وضح ومثل ما الفرق بين الاسباب النسب وطرق اثباثه لماذا اهتمت الشريعة الإسلامية بموضوع النسب

🛑العلاقة بين القضية الفلسطينية و الشعور الحزن والألم عند الشعراء هي أن شعراء العرب اعتبروا القضية الفلسطينية قضيتهم وهذا ما أدى الى إحساسهم بالحزن والأسى الحاد بسبب تفاقم معاناة الشعب الفلسطيني من معاناة و قمع و تعسف كذلك استمرار الاحتلال و الهزائم و تقاعس العرب و خذلهم لفلسطين الأستاذ محمد مروان - الأدب واللغة العربية _

الوقت الحالي ليس حفظ المقال بأكمله بل محاولة فهم الحجج وحفظ معناها وبعض الاقوال الفلسفية ، الادابيين حاطين كل وقتهم وجهدهم على الحقيقة ومهملين باقي مقالات الحقيقة مجرد مقال وليس 100 % يكون في الباك لهذا وجه اهتمامك لباقي المقالات كاحساس وادراك والديمقراطية على سبيل المثال