Kurdistanregion

سەرۆک نێچیرڤان بارزانی، پێشوازیی لە د. محەمەد عەلی مفتن، سەرۆکی دەستەی دەستپاکیى فیدراڵی و شاندێکی یاوەری کرد..

سەرۆکی هەرێمی کوردستان پێشوازی لە سەرۆکی دەستەی دەستپاکیى فیدراڵی دەکات نیوه‌ڕۆی ئەمڕۆ چوارشەممە 2026/8/26، بەڕێز نێچیرڤان بارزانی، سەرۆکی هەرێمی کوردستان، پێشوازیی لە بەڕێز د. محەمەد عەلی مفتن، سەرۆکی دەستەی دەستپاکیى فیدراڵی و شاندێکی یاوەری کرد. لە دیدارێکدا که‌ بەڕێز د. ئەحمەد ئه‌نوه‌ر، سەرۆکی دەستەی دەستپاکی لە هەرێمی کوردستان ئاماده‌ی بوو، بەهێزکردنی هاوکاری و هەماهەنگیی نێوان دەستەی دەستپاکیى فیدراڵی و لایەنە پەیوەندیدارەکانی هەرێمی کوردستان تاوتوێ کرا و هەردوولا جەختیان لەسەر گرنگیی سەربەخۆییی دامەزراوەکانی دەستپاکی و ڕۆڵیان لە چەسپاندنی سەروەریی یاسادا کردەوە. به‌ڕێز سه‌رۆکی هه‌رێمی کوردستانی جه‌ختی کرده‌وه‌ که‌ هه‌رێمی کوردستان ئاماده‌ی هه‌موو هاوکاری و هه‌ماهه‌نگییه‌که‌ له‌گه‌ڵ دەستەی دەستپاکیى فیدراڵی و هه‌موو لایه‌نه‌کانی دادوه‌ری له‌پێناو پاراستنی یاسا و سه‌ربه‌خۆییی دامه‌زراوه‌کان و ده‌سه‌ڵاتی دادوه‌ریدا. لای خۆیەوە، بەڕێز سەرۆکی دەستەی دەستپاکیى فیدراڵی سوپاس و پێزانینی خۆی ئاراستەی لایەنە پەیوەندیدارەکانی هەرێمی کوردستان کرد بۆ هاوکاریی بەردەوام و بەرهەمداریان لەگەڵ دەستەکە و لایەنە پەیوەندیدارە فیدراڵییەکاندا.

سەرۆکی نووسینگە و کونسوڵی گشتیی تورکیا پەیوەندییەکان و دۆخی گشتی تاوتوێ دەکەن ئەمڕۆ چوارشەممە 2026/8/26 بەڕێز د. نووری عوسمان، سەرۆکی نووسینگەی سەرۆکی هەرێمی کوردستان، پێشوازیی لە بەڕێز ئەرمان تۆپچو، کونسوڵی گشتیی تورکیا لە هەرێمی کوردستان کرد. لە دیدارێکدا، پەیوەندییەکانی عێراق و هەرێمی کوردستان لەگەڵ تورکیا خرایە بەر باس و وێڕای جەختکردنەوە لە پێویستیی پەرەپێدانیان و فراوانکردنی هاریکاریی هاوبەشی نێوانیان، بیروڕا سەبارەت بە هەنگاونان لەو پێناوەدا، ئاڵوگۆڕ کرا. لە تەوەری ناوخۆدا، پەرەسەندنە سیاسییەکان لەسەر هەردوو ئاستی عێراق و هەرێمی کوردستان تاوتوێ کران، لەمبارەیەوە، یەکهەڵوێستیی هەموو لایەنەکان لە چوارچێوەی پرۆژەیەکی هاوبەشی نیشتمانیدا، بە ئامانجی سەرخستنی پرۆسە سیاسییەکان و تێپەڕاندنی قۆناغەکە، دووپات کرایەوە. هەڵسەنگاندنی ڕەوشی گشتیی هەرێمی، خستنەڕووی گۆڕانکارییەکان و لێکەوتەکانیان بەسەر کایە جیاجیاکانی ناوچەکەوە، بەشێکی دیکەی گفتوگۆکانی دیدارەکە بوو.

سەرۆک نێچیرڤان بارزانی، پێشوازیی لە قاسم تاهیر ساڵح، ئەندامی پەرلەمانی فیدراڵیی ئەڵمانیا سەر بە لیستی پارتی سەوز، كرد..

سەرۆكی هەرێمی كوردستان سوپاسی ئەڵمانیا دەكات بەیانیی ئەمڕۆ چوارشەممە 2026/8/26، بەڕێز نێچیرڤان بارزانی، سەرۆكی هەرێمی كوردستان، پێشوازیی لە بەڕێز قاسم تاهیر ساڵح، ئەندامی پەرلەمانی فیدراڵیی ئەڵمانیا سەر بە لیستی پارتی سەوز، كرد. لە دیدارێكدا سەرۆك نێچیرڤان بارزانی پشتگیریی پەرلەمانی ئەڵمانیای بۆ هەرێمی كوردستان لە كاتە سەختەكاندا بەرز نرخاند، بەتایبەت لە شەڕی دژی تیرۆردا، هه‌روه‌ها حه‌وانه‌وه‌ و هاوكاریكردنی ئاوارە ئێزدییەكان لەو وڵاتە. دوا پێشهاتەكانی دۆخی ناوچەكە و پتەوكردنی زیاتری پەیوەندییەكانی هەرێمی كوردستان و ئەڵمانیا لە هەموو بوارەكاندا، تەوەرێكی دیكەی دیدارەكە بوو.

پەیامی سەرۆک نێچیرڤان بارزانی لە تۆڕی کۆمەڵایەتیی ئێکس:

پەیامی سەرۆک نێچیرڤان بارزانی لە یادی ئەنفالی بادیناندا: https://presidency.gov.krd/president-nechirvan-barzani/110726/

پەیامی سەرۆکی هه‌رێمی کوردستان لە یادی لەدایکبوونی پێغەمبەری ئیسلامدا (د.خ): https://presidency.gov.krd/president-nechirvan-barzani/110722/

سەرۆکی هەرێمی کوردستان پیرۆزبایی لە سەرۆک مه‌سعوود بارزانی دەکات: https://presidency.gov.krd/president-nechirvan-barzani/110718/

ڕاگەيەنراوێک لە سەرۆکی ھەرێمی کوردستانەوە: https://presidency.gov.krd/president-nechirvan-barzani/110710/