رياضيات - FMSG

السودانيين في مصر عندهم تخفيض 90% من الرسوم الدراسية! 🇸🇩🇪🇬 مثالاً:- الطب والاسنان من 6000$ حتدفع 600$ بس يعني 350 الف جنيه سوداني في السنة!! ودي بعض نسب القبول لبعض التخصصات 🙏:- 🛑 الطب البشري 75% 🛑 الاسنان والصيدلة 70% 🛑 الهندسات 65% 🛑 العلاج الطبيعي 65% 🛑 العلوم ( مختبرات واشعة ) 55% 🛑 التمريض 50% 🛑 التجارة والحقوق 50% المطلوب منك بس الاتي:- 1- الشهادة الثانوية تكون موثقة من وزارة خارجية البلد مصدر الشهادة 2- جواز سفر ساري الصلاحية 3- صورة من شهادة الميلاد ان توفرت 4- صورة شخصية رسمية للطالب بخلفية بيضاء 5- بعض البيانات الرسمية عن الاب والام مثل الاسم الرباعي وتاريخ الميلاد وتكون تلك المعلومات حسب جواز السفر ان توفر الرسوم الدراسية لبعض التخصصات للبكالوريوس 🙏:- 🌟 الطب والاسنان 600$ سنوياً ما يعادل 350 الف جنيه سوداني سنوياً 🌟 الصيدلة والهندسة والعلاج الطبيعي 500 دولار سنوياً ما يعادل 290 الف جنيه سوداني سنوياً 🌟 الطب البيطري والزراعة والعلوم والتمريض 400 دولار سنوياً ما يعادل 235 الف جنيه سوداني سنوياً 🌟 بالنسبة للكليات الادبية الرسوم متراوحة بين 300$ الى 400$ ❇️ حتتوفر طرق التواصل للتقديم عبرنا فور فتح وزارة التعليم المصرية للتقديمات ان شاء الله ❇️

في البداية نترحم على أرواح شهدائنا من ضحايا هذه الحرب، وإن شاء الله ربنا يحقن الدماء ويخرج البلاد من هذه الأزمة. لا خفاء علينا الاوضاع الصعبة التي تمر بها البلاد والبتأثر على المؤسسة التعليمية في السودان كافة وحرصاً منا على مستقبل طلابنا، حا نفتح باب التقديم للجامعات المصرية الحتوفر لطلابنا الكثير من الاستثناءات والمميزات كطلاب من وادي النيل مميزات الدراسة في الجامعات المصرية:- ١- الجامعات المصرية معتمدة عالمياً ، وكتير من الجامعات دي مصنفة ضمن اقوى الجامعات في العالم ٢- لغتهم نفس لغتنا وعاداتهم وثقافتهم قريبة لينا شديد ٣- تكاليف الدراسة والمعيشة رخيصة جداً وممكن ارخص من السودان نفسو! ٤- حتستكشف ثقافات جديدة وناس جديدة من بلدان كتيرة حول العالم كلهم بجو يقروا في مصر " حنوافيكم قريباً بالتفاصيل وارقام التواصل للتقديم "

زهجت من الوضع الحاصل عليك في السودان وخايف على مستقبلك وعايز تكمل دراستك برة السودان نحنا عندنا ليك الحل ○ خدماتنا :- ● المساعدة في معالجة التأشيرات. ● ضمان قبول الطلاب في الجامعات العالمية المعتمدة. ● التقديم للطلاب في الجامعات المختلفة للقبول حتى يقوم الطالب باختياره للجامعة والدورة التي يرغب فيها . ● لا يوجد رسوم في حالة رفض الطالب من الجامعة. ● التأكد من حصول الطلاب على خطاب القبول المؤقت مجانا. ● توفير سكن ملائم للطلاب . ● مساعدة الطلاب في اكمال تسجيلهم في الجامعات بعد وصولهم. قبولك الجامعي مضمون 100‎%‎ مجاناً 💯 مدة استخراج القبول 3 ايام فقط متوفر كافة التخصصات مع خصومات ومنح حصرية …. تواصل معنا عبر الواتس اب +90 5488635951

عن اذن الادمن منشور للفايدة

كل لحظة هي اللحظة المناسبة لتنهض، كل ساعة هي الساعة المناسبة لتنجز، كل يوم هو اليوم المناسب لتحاول من جديد.💙 #في_حلم_بيستناك

‏ سهرك ، تعبك ، عُزلتك ، إرهاق جسدك و كثرة تفكيرك ، جـِدك و اجتهادك، كل هذا لن يذهب سُدى ، سترى ثمرة أفعالك أمامك ، فقط توكل على الله وافعل ما يلزمك و أكمل مسيرتك.. 💙! #في_حلم_بيستناك

امتحانات 10- 11- 12

ملخص النظري للاحتمالات في الجزء الأخدناهو كان مفترض يكون عليهو تطبيق لكن الأيام دي الشبكة ومشاكلها معوقانا من العمل نوعا ما فإلى أن تستقر الشبكة بإذن الله نبدأ التطبيق على القواعد والتعريفات الاتعلمناها

السلام عليكم ورحمة الله وبركاته اولا باعتذر ليكم ما في اليد حيلة و الله مع الوضع الحاصل دا و اسال الله انه الناس تكون في امن وسلام و انه ما نكون خسرنا طالب من طلاب المستقبل و خاصة طلاب الخرطوم نسال الله انه يحفظكم و يستركم و ابشركم ما بعد الصبر الا الفرج و ما بعد العسر الا اليسر و ح تفرج بإذن الواحد الاحد واوصيكم بكثرة الاستغفار و الصلاة على الرسول (و ما كان الله معذبهم و انت فيهم و ما كان الله معذبهم و هم يستغفرون ) و باعتذر لانه الشبكة بالجد ما مساعدة فارجو انكم تقبلو عذري و حقكم علي على كل التقصير الحاصل و اعفو لينا ... #اخوكم ايمن

حبايبنا! زي ما عارفين حال البلد اليومين دي لو ما عندك أزمة كهرباء ح تكون شبكتك تعبانة؛ فعشان كدة أساتذتنا بواجهوا المشكلة دي بصورة محزنة. الليلة كان مفروض يبدأ معاكم الأستاذ الحبيب #مصعب_برمجة بس ما عندو كهرباء ووعدكم بإنو إذا ما الكهرباء جات ح تكون الحصة الساعة ١١م والأستاذ أيمن تقريباََ عندو مشكلة شبكة وهو التاني مفروض يبدأ معاكم الساعة ٩م فعلى العموم ندعو ليهم بتحسن وضع شبكتهم وكهربتهم عشان يقدموا لينا الحصص في زمنها. وإن شاء الله ح نكون معاكم لحد ما تنجلي الأزمة.

انتباه! انتباه! انتباه! طلابنا الكرام، السلام عليكم ورحمة الله وبركاته. إن شاء الله معكم في فترة تكثيف ومراجعات شاملة لكل المواد بإذن الله، وخاصة عندنا في الرياضيات هنا. ح نبدأ من بكرة بإذن الله 🔥 🔥 ❤️ ح تشوفوا العجيب الحبيب، وتنسوا الوضع المأسوي دا. جاهزين؟ 🔥 بكرة بإذن الله مع أزبط أستاذين كأرهب بداية 🔥 الأستاذ الغني عن التعريف مصعب يعقوب برمجة الأستاذ الأخ الحبيب ح يخليكم تحسوا إنو الرياضيات دي تحلية المواد 😎😎😎 والأستاذ الجميل الوقور أيمن. خير بداية وخير طريق. إن شاء الله نتمنى منكم حضور جميل، حتى لو حاسس إنك قافلة معاك تعال تفتح ليك نفسياتك. 😍

إن شاء الله حنواصل ما بدأناه من باب الاحتمالات الجزء النظري ، وحنقيف في العمليات على الحوادث ، حيترسل ليكم خلال اليوم إن شاء الله ملف يتضمن الجزء النظري الأخدناهو ، ويوم الخميس إن شاء الله حنبدأ نطبق على النظري . الناس تشد الهمة وبعون الله نصل .

السلام عليكم ورحمة الله وبركاته كيفكم إن شاء الله طيبين ؟ زي ما عارفين البلد والحاصل فيها حالياً من اقتتال وحرب نسأل الله أن يكشف الغم عاجلاً غير آجل . لكن هذه الحرب ما بتعني نقيف من عمليتنا التعليمية العظيمة النحنا قاعدين نتعب ونجتهد عشانها ، عشان بعدين إن شاء الله وبعون الله نبني الوطن ده ويكون في أسمى المقامات 🇸🇩