اِستدراك !

السلام عليكم ورحمة الله وبركاته حصل حاجة امبارح لفتت انتباهي ان وجود صراحة ممكن يترتب عليه مفاسد لذلك حذفتها الأمر الآخر :من بداية إنشاء القناة وكل من يدخلها يظن ان القائم عليها رجل ! فسألت ناس أثق برأيها في الأمر وعرفت ان مينفعش يظن حد ان القائم على القناة رجل وفي الحقيقة هي بنت لأن الأمر برضو فيه مفسدة زي ما موضح في الاسكرينة . القائم على قناة استدراك بنت .

دي كانت آخر رسايل صراحة هرد عليها لأني قررت اني هلغي صراحة نهائيا بإذن الله لكن هعمل جداول عادي بإذن الله على موعدنا في الترم الثاني . السلام عليكم ورحمة الله وبركاته

ايه المشكلة انك أجلت ؟ عادي م مشكلة خالص حقيقي هيأت نفسي ازاي! بصراحة أنا مكنتش مهيأ نفسي ولا حاجة هو قرار انا اخدته بمزاجي وكنت لازم اتحمله ،بتمر بيك فترات زهق وملل وإحباط وووو لكن بتقوم ولازم تقوم وتكمل والأمر بيكون هين حقيقي مش بالصعوبة اللي انت متخيلها أما بالنسبة للتحديدات في أقسام بتسيب التحديدات هي هي وفي اقسام بتحدد تحديدات جديدة ،انت ونصيبك يعني وقبلها بينزل جدول يعرفك الامتحان امتى وكدة بتعرف قبلها طبعا بفترة كويسة والدكاترة بتعاملك عادي زي اي امتحان عادي ، ومفيش حاجة اسمها ساقط ،في حاجة اسمها حد ربنا وفقه وحد لم يُوفق ومين قال الامتحانات بتكون اصعب والكلام دة ؟ بتكون ف نفس المستوى عادي ،في امتحانات بتكون اسهل وفي امتحانات بتكون أطول ف الكتابة شوية على حسب عادي برضو عايز افهم بس ايه المشكلة لو حد أجل ،او حتى حد شال موديول لا قدر الله ؟ المأجل ،هو حد مدخلش الامتحان في ميعاده وهيدخله بعد ميعاده بشوية بس. لكن درجتك كاملة هتاخدها وكل حاجة هي هي زيها زي الدور الأول ،ليه تصعبها ع نفسك ولو حد شال لا قدر الله ،يشوف الخلل فين ويصلحه ويرضى باختيار الله له ويحتسب الأجر هونوا على انفسكم يا جماعة

أحب اتكلم عن أمر الامتحانات شوية بالنسبة لي أنا ،الامتحانات علمتني درس كان قاسي شوية لكن عمري ما هنساه في حياتي تعلمت إن مش شرط السعي بتاعي ينتهي بالنتيجة اللي أنا عايزها ممكن حد يسعى ويتعب و ف الآخر لا يُوفق ف الامتحان خالص وتعملت إن النتيجة المرضية مش شرط تكون درجات ،ممكن أخد نتيجة السعي في حاجة تانية خالص بعيدا عن الكلية أصلا ودايما كان يتردد في أذني مقولة الشيخ عبدالرحمن ذاكر وهو بيقول (دُنيا دُنيا ،مهما حصل فهي دُنيا) خسرت درجات كتير ! تعرضت لبلاء كبير ! حسيت إن مجهودك ضاع ! هي دنيا دنيا ،لا تحزن تعلمت الالتجاء إلى الله ،الامتحانات بنكشفلنا حقيقة الدنيا بتيجي أوقات تصدق جدا وتعترف بكل يقين ،ان محدش هيقدر يساعدك ولا يخرجك من الموقف اللي انت فيه إلا الله عز وجل وأخيرا تعلمت إني ميأسش ،واني ابدأ من جديد مهما وقعت

استشعرتوا أي اسم من اسماء الله سبحانه وبحمده في ناس استشعرت اسم الله اللطيف في ناس استشعرت اسم الله الكريم احكولنا أي اسم حسيتوا بيه وليه ؟

زيدونا ....

جميل جميل

http://zms0000.sarhne.com بما ان الامتحانات خلصت خلاص كل واحد يشاركنا شعوره ايه في الامتحانات ،وكرم ربنا ليه (يعني حاجة كان بيقول صعب تعدي ولقى أنها عدت بأفضل شكل) ومواقف اللي تبين ألطاف الله عز وجل شاركونا ولو حد عايز يسأل عن شئ أو يتكلم برضو مفيش مشكلة