TwanTay Royal Defence Force (TRDF)

Vovchansk မြို့ကို ယူကရိန်းက ပြန်သိမ်း

စစ်ကောင်စီဘက်က ဖော်ပြတဲ့ ဓာတ်ပုံတွေအရ လွိုင်ကော်မှာထင်ရှားတဲ့ တောင်ကွဲစေတီ၊ သီရိမင်္ဂလာစျေး၊ ဘီလူးချောင်းတံတားနဲ့ မြို့တွင်းနေရာတချို့မှာ စစ်ကောင်စီလက်အောက်ခံတပ်ဖွဲ့ဝင်တချို့ သန့်ရှင်းရေးလုပ်နေကြပြီး ကယားပြည်နယ်ဝန်ကြီးချုပ်နဲ့ အရှေ့ပိုင်းတိုင်စစ်ဌာနချုပ် တိုင်းမှူးတို့ ဦးဆောင်တဲ့အဖွဲ့တွေလည်းပါဝင်ကြတာတွေ့ရပါတယ်။ KNDF အပါအဝင် ကရင်နီပူးပေါင်းတပ်တွေက ပြီးခဲ့တဲ့နှစ် နိုဝင်ဘာ ၁၁ ရက်နေ့ကစပြီး (၁၁၁၁) စစ်ဆင် ရေးအနေနဲ့ လွိုင်ကော်မြို့ကို ထိုးစစ်ဆင်တိုက်ခိုက်ခဲ့တာပါ။ အဲဒီထိုးစစ်အတွင်း စစ်ကောင်စီတပ် အခိုင်အမာတပ်စွဲထားတဲ့ လွိုင်ကော်တက္ကသိုလ်၊ ပြည်နယ်ရဲ တပ်ဖွဲ့ဌာနချုပ်အပါအဝင် လွိုင်ကော်မြို့တဝက်ကျော်လောက်ကို ကရင်နီတပ်တွေထိန်းချုပ်ထားနိုင်ခဲ့ပြီး တိုက်ပွဲတွေဆက်လက်ပြင်းထန်နေတာပါ။ ခြောက်လကျော်ကြာတိုက်ပွဲအတွင်း စစ်ကောင်စီဘက်က လွိုင်ကော်မြို့ကို မြေပြင်စစ်ကူ လုံးဝပေးပို့နိုင်ခြင်းမရှိပေမယ့် ပြီးခဲ့တဲ့ မေလကုန်ကတော့ အင် အားငါးရာနီးပါးရှိ စစ်ကောင်စီတပ်တွေ ဆီဆိုင်ဘက်ကနေ စစ်ကူပေးပို့ထားပါတယ်။ လွိုင်ကော်နဲ့မိုင်လေးဆယ်လောက်အကွာ ရှမ်းပြည် နယ်တောင်ပိုင်း၊ ဆီဆိုင်မြို့ကနေလာတဲ့ အဲဒီစစ်ကောင်စီ စစ်ကူတွေဟာ ဇွန်လပထမပတ်အတွင်း လွိုင်ကော်မြို့ထဲရောက်ရှိလာပြီး လက်ရှိမှာတော့ မြို့ထဲကတပ်စခန်းတွေမှာ အင်အားဖြည့်တင်းထားတယ်လို့ သိရပါတယ်။ “လွိုင်ကော်မြို့ပေါ်ကနေ KNDF တွေ မဆုတ်ပါဘူး၊ တော်လှန်ရေးတပ်ဖွဲ့တွေ စိုးမိုးနေတဲ့ ရပ်ကွက်တွေဘက်မှာတော့ စစ်ကောင်စီတပ်ဖွဲ့တွေနဲ့ နေ့စဥ်နဲ့အမျှ ပစ်ခတ်နေတာမျိုးတော့ ရှိနေဆဲဖြစ်ပါတယ်” လို့လည်း ကိုတာအယ်စိုးက DNA ကို ပြောပါတယ်။ စစ်ကောင်စီဘက်က သတင်းထုတ်ပြန်ချက်မှာတော့ လွိုင်ကော်မြို့ဟာ ပုံမှန်အခြေအနေအတိုင်း ပြန် လည်တည်ငြိမ်အေးချမ်းလာပြီဖြစ်လို့ ပြည်သူတွေ စိတ်အေးချမ်းသာစွာနဲ့ သွားလာနေကြပြီလို့ ရေး သားထားပါတယ်။ ကရင်နီပြည်ကြားကာလ အုပ်ချုပ်ရေးကောင်စီ(IEC)ရဲ့ အတွင်းရေးမှူး (၂)ဖြစ်သူ ကိုဗညားကတော့ စစ်ရှောင်နေရာကနေ လွိုင်ကော်မြို့ကို ပြန်လည်နေထိုင်နေသူတချို့ရှိတယ်လို့ DNA ကို ပြောပါတယ်။ “အထူးသဖြင့် ရှမ်းပြည်နယ်ဘက်ကို ရှောင်သွားတဲ့ စစ်ရှောင်တချို့ လွိုင်ကော်မြို့ပေါ် ရပ်ကွက်တချို့မှာ ပြန်လာနေတာရှိပါတယ်။ ရပ်ကွက်တိုင်းကို ပြန်နေတာတော့မဟုတ်ဘူး၊ အများကြီးတော့ ပြန်မရောက်နိုင်သေးဘူး” လို့ ကိုဗညားက ဆိုပါတယ်။ ကရင်နီပူးပေါင်းတပ်တွေနဲ့ စစ်ကောင်စီတပ်ရဲ့ နှစ်ဖက်တိုက်ပွဲတွေကြောင့် လွိုင်ကော်မြို့ လူဦးရေရဲ့ ရှစ်ဆယ်ရာခိုင်နှုန်းကျော်၊ ဦးရေ လေးသောင်းကျော် တိမ်းရှောင်ခဲ့ရတယ်လို့ ကရင်နီလူသားချင်း စာနာထောက်ထားမှုဆိုင်ရာ အကူအညီပေးရေးအဖွဲ့(KHAI)ရဲ့ ၂၀၂၃ ခုနှစ်၊ နိုဝင်ဘာ ၁၇ ရက်ထုတ် စာရင်းအရသိရပါတယ်။ လွိုင်ကော်မြို့မှာ ဒေသကွပ်ကဲမှုစစ်ဌာနချုပ် (ဒကစ)-လွိုင်ကော် အခြေစိုက်ထားပြီး လွိုင်ကော်အကျဥ်းထောင်၊ အစိုးရဖွဲ့ရုံး၊ ခလရ ၂၅၀၊ ခလရ ၂၆၁၊ ခလရ ၅၄၊ အမြောက်တပ်ရင်း ၃၆၂၊ အမှတ် ၇ တပ်မတော်ဆေးရုံနဲ့ အမှတ် ၇၂၂ ထောက်ပို့တပ်စတဲ့ နေရာတွေမှာ စစ်ကောင်စီတပ်က အဓိက အားဖြည့်ထားတယ်လို့ သိရပါတယ်။ လက်ရှိ နွေဦးတော်လှန်ရေးကာလအတွင်း တော်လှန် ရေးတပ်တွေ စိုးမိုးတဲ့ဒေသ ဒါမှမဟုတ် တိုက်ပွဲ ပြင်းထန်ခဲ့ရာဒေသတချို့ကိုပြန်ထိန်းချုပ်နိုင်ပြီဆိုပြီး စစ်ကောင်စီဘက်က မြန်မြန်ဆန်ဆန်ထုတ်ဖော်ကြေညာတာ သက်ဆိုင်ရာတော်လှန်ရေးတပ်ဖွဲ့တွေကလည်း အဲ့ဒီထုတ်ပြန်ပြောဆိုမှုတွေဟာ ဝါဒဖြန့်မှုသာဖြစ်တယ်လို့ တုံ့ပြန်တာမျိုးတွေမကြာမကြာဖြစ်လေ့ရှိပါတယ်။ အခုလွိုင်ကော်မြို့ဖြစ်စဉ်မတိုင်မီပြီးခဲ့တဲ့ မတ်လ ၃၀ ရက်တုန်းကလည်း ပအိုဝ်းအမျိုးသားလွတ် မြောက်ရေးတပ်မတော်(PNLA) သိမ်းပိုက်ခဲ့တဲ့ ဆီဆိုင်မြို့ကို ပြန်လည်ထိန်းချုပ်နိုင်ပြီလို့ စစ်ကောင်စီကသတင်းထုတ်ပြန်ခဲ့ဖူးပြီး PNLA ဘက်ကတော့ အဲဒီလိုထုတ်ပြန်တာဟာ ဝါဒဖြန့်တာသာဖြစ်တယ်လို့ တုံ့ပြန်ခဲ့ပါတယ်။ စစ်ကောင်စီက အဲဒီလိုထုတ်ပြန်ပြီးနောက် အနည်း ဆုံး တပတ်လောက်ကြာတဲ့အထိ ဆီဆိုင်မြို့တွင်း တိုက်ပွဲတွေဆက်ရှိခဲ့ပြီး နောက်ပိုင်းမှာတော့ စစ်ကောင်စီကပဲ မြို့ကို ထိန်းချုပ်သွားနိုင်ခဲ့ပါတယ်။ Photo – Social Media – လွိုင်ကော်မြို့အတွင်းတိုက်ပွဲပြင်းထန်နေချိန်တွေ့ရတဲ့မြင်ကွင်းတခု Delta News Agency

လွိုင်ကော်မြို့ကိုထိန်းချုပ်နိုင်ပြီလို့စစ်ကောင်စီပြော၊ ဝါဒဖြန့်တာလို့ KNDF တုံ့ပြန် 🍁 ဇွန် ၁၆၊ ၂၀၂၄ 🍁 ပြီးခဲ့တဲ့နှစ်ကုန်ပိုင်းကတည်းကမြို့တွင်းတိုက်ပွဲတွေဖြစ်နေခဲ့တဲ့ ကရင်နီ(ကယား)ပြည်နယ်မြို့တော်လွိုင်ကော်ကို ပြန်ထိန်းချုပ်နိုင်ပြီလို့စစ်ကောင်စီကထုတ်ပြန်ပေမယ့် ဒါဟာဝါဒဖြန့်မှုသက်သက်ပဲဖြစ်တယ်လို့KNDFဘက်က တုံ့ပြန်လိုက်ပါတယ်။ “မြို့ပေါ်ရပ်ကွက်တချို့ကို စစ်ကောင်စီ ထိန်းချုပ်တာတော့ရှိပါတယ်၊ တော်လှန်ရေးတပ်ဖွဲ့တွေ ထိန်း ချုပ်ထားတာလည်းရှိတယ်၊ ဟိုဘက်ဒီဘက်အ ခြေအနေမှာ စစ်ကောင်စီက သူတို့ဘက်မှာရှိတဲ့အခြေ အနေကို ဝါဒဖြန့်သွားတာဖြစ်ပါတယ်” လို့ကရင်နီအမျိုးသားများကာကွယ်ရေးတပ်(KNDF) ဗဟိုသတင်းနဲ့ ပြန်ကြားရေး တာဝန်ရှိသူတဦးဖြစ်တဲ့ ကိုတာအယ်စိုးက DNA ကို ပြောပါတယ်။ စစ်ကောင်စီဘက်ကတော့ လွိုင်ကော်မြို့ပေါ်က နယ် မြေရှင်းလင်းပြီးတဲ့နေရာတွေမှာ အပျက်အစီးတွေကိုရှင်းလင်းတာ၊ ပြန်လည်ထူထောင်ရေးလုပ်ငန်းဆောင်ရွက်တာတွေ လုပ်ဆောင်နေတဲ့အကြောင်း သူတို့ထိန်းချုပ်ထားတဲ့ နိုင်ငံပိုင်သတင်းမီဒီယာတွေကနေတဆင့် ဓာတ်ပုံတွေနဲ့တကွ ဒီကနေ့ ထုတ်ပြန်ပါတယ်။ ဆက်လက်ဖတ်ရှုရန် 👇👇

အစ်ကိုချေတို့ ငပလီက ရာသီဥတုအခြေအနေ ကောင်းတယ်တဲ့ — သိမ်းငိုတို့ရေ ငိုကြစမ်း နင်တို့ ရေနစ်ပြီး လှေမှောက်နေချိန် အစ်ကိုချေတို့က ငပလီမှာ အနားယူနေပြီ — 😜 #MaShweMoeKorea

သူမ ~Her Release Date: 18 June 2024 Audio on all digital platforms Lyrics video at 7pm on FB & YT

မိုက်မဲမှုအကျိုး ခံစားရတော့မယ့် မအလ မအလဟာ လားရှိုးမှာ လက်နက်ခဲယမ်းနဲ့ စစ်အင်အားတိုးဖြည့်မှုတွေ အကြီးအကျယ် လုပ်နေပါတယ်။ ဒီတလောမှာတင် လားရှိုးမြို့အဝင် လမ်းပိုင်း ၃ နေရာကို မြေတူးစက်တွေနဲ့ ဖျက်ဆီးခဲ့တယ်။ တော်လှန်ရေးတပ်တွေ လားရှိုးကို လာရောက်တိုက်ခိုက်မှာ စိုးရိမ်ပြီး လမ်းတွေဖျက်နေတာဖြစ်တယ်။ တဘက်မှာတော့ ကြားရတဲ့သတင်းတွေအရ စစ်တပ်နဲ့ ကာကွယ်ရေးဝန်ကြီးဌာနအစည်းဝေးတွေမှာ ရှမ်းမြောက်က ဆုံးရှုံးလိုက်ရတဲ့ နယ်မြေများပြန်လည်ရရှိရေးနဲ့ ပေါင်းစည်းရေးဟာ မအလရဲ့ ဦးစားပေး လုပ်ငန်းစဥ်နဲ့ ရည်မှန်းချက်ဖြစ်နေတယ်လို့ဆိုတယ်။ https://www.facebook.com/100093147848816/posts/pfbid0ioqeQdh3iizEY176dv1NpPhNKUM8URjjsp7wjJ1KHvXNvAJtkqrESr5nMSkmCfECl/?

ပခုက္ကူမြို့နယ်တွင် စစ်တပ် ယာဉ်တန်းနှင့် ခြေလျင်စစ်ကြောင်းကို ၂ ရက်ဆက် ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ထိခိုက်မှုရှိ ရန်ကုန်၊ ဇွန် ၁၆ မကွေးတိုင်း၊ ပခုက္ကူမြို့နယ်တွင် အကြမ်းဖက် စစ်တပ် ယာဉ်တန်းနှင့် ခြေလျင်စစ်ကြောင်းကို ၂ ရက်ဆက် ဒရုန်းဖြင့် ဗုံးကျဲ တိုက်ခိုက်ရာ အကြမ်းဖက် စစ်တပ်ဘက်မှ ထိခိုက်မှုရှိကြောင်း ဘာမထီ လက်နက်ကြီးပြောက်ကျားတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။ ဇွန်လ ၁၄ ရက်နေ့နှင့် ၁၅ ရက်နေ့တွင် ပခုက္ကူမြို့ရှိ အမှတ် ၁၀၁ ခြေမြန်တပ်မဌာနချုပ်နှင့် ကံတိန်-ကံတော်ရွာမှ ထွက်လာသော အကြမ်းဖက် စစ်တပ် ယာဥ်တန်းနှင့် ခြေလျင်စစ်ကြောင်းတို့ကို တော်လှန်ရေး တပ်ဖွဲ့များက ၂ ရက်ဆက် ဒရုန်းဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။ "ကံတော် အနောက်ဘက် ရောက်နေတဲ့ ကားတန်းက အရင်တစ်ခါကတည်းက ကားတွေ ပျက်စီးမှုများပြီး ရှေ့မတိုးနိုင် ဖြစ်နေတာ အဲကားတန်းကို ဒရုန်းနဲ့ ထပ်မံ တိုက်ခိုက်တာပါ။ စစ်ခွေးတွေ ထိခိုက်မှုရှိတယ်။ နောက်ပြီး စစ်ခွေး ခြေလျင် စစ်ကြောင်းက စိုတောမှာ ရောက်နေလို့ စိုတောကို လည်း အီနာကာ ဗုံးသီးနဲ့တိုက်ခိုက်ခဲ့ရာ ထိခိုက်မူ ရှိသည်ဟု သိခဲ့ရပါတယ်။ ဒီ စစ်ခွေး စစ်ကြောင်းတွေကို ကျွန်တော်တို့ ပူးပေါင်း အဖွဲ့တွေက ရသလို လစ်သလို ဆက်လက် တိုက်ခိုက်သွားမှာဖြစ်ပါတယ်" ဟု ဘာမထီ လက်နက်ကြီးပြောက်ကျားတပ်ဖွဲ့မှ တာဝန်ရှိသူ တစ်ဦးက ပြောဆိုသည်။ အဆိုပါ တိုက်ခိုက်မှုကို မြိုင် ပကဖ တပ်ရင်း ၁ ၊ ဘာမထီ လက်နက်ကြီးပြောက်ကျားတပ်ဖွဲ့ ၊ ပေါက် ပကဖ ၊ ဦးကြီးအဖွဲ့နှင့် မုဆိုးအဖွဲ့တို့က ပူးပေါင်း လုပ်ဆောင်ခဲ့ကြောင်း သိရသည်။

စစ်တွေမြို့၊ မင်းဂံရပ်ကွက်မှ ပြည်သူ  ၂၀၀ ဦးကျော်ကို စစ်တပ်က အကြောင်းမဲ့ ဖမ်းဆီးသွား ရန်ကုန်၊ ဇွန် ၁၆ ရခိုင်ပြည်နယ်၊ စစ်တွေမြို့ မင်းဂံရပ်ကွက်များမှ အရပ်သား ပြည်သူ အမျိုးသားနှင့် အမျိုးသမီး ၂၀၀ ဦးကျော်ကို အကြမ်းဖက် စစ်တပ်က အကြောင်းမဲ့ ဖမ်းဆီးသွားကြောင်း ဒေသတွင် သတင်းရင်းမြစ်များထံမှ သိရသည်။ ဇွန်လ ၁၆ ရက်နေ့ ည ၁၂ နာရီ ၃၀ မိနစ်ခန့်တွင် မင်းဂံ ရပ်ကွက် အကွက် ၈၊ ၉၊ ၁၀နှင့် အကွက် ၅ တို့မှ နေအိမ်များကို အကြမ်းဖက် စစ်တပ်က တစ်အိမ်ဝင် တစ်အိမ်ထွက် ဝင်ရောက် စီးနင်းပြီး ရပ်ကွက်နေ ပြည်သူ အမျိုးသားနှင့် အမျိုးသမီး  ၂၀၀ ဦးကျော်ကို အကြောင်းမဲ့ ဖမ်းဆီးသွားကြောင်း သိရှိရသည်။ "ညီမတို့ အကွက် ၉ က ဆိုရင် အသက်ကြီးပိုင်းနဲ့ ကလေးတွေပဲကျန်တယ်။ အကုန်ဖမ်းဆီးခေါ်သွားပါတယ်။ ညီမ အမျိုးသားနဲ့ ညီမ အစ်ကိုလည်း ဖမ်းဆီးခံရတဲ့ အထဲမှာ ပါသွားတယ်။ ဘေးပတ်ဝန်းကျင်က နေအိမ်က လူတွေ အကုန်ဖမ်းသွားပါတယ်။ ညီမတို့ ရပ်ကွက်က ဆိုရင် အယောက် ၁၀၀ကျော် ပါသွားပါတယ်။ ညီမတို့ ရပ်ကွက်က အမျိုးသမီးတစ်ယောက်လည်း ပါသွားတယ်" ဟု ဒေသနေ ပြည်သူတစ်ဦးကပြောဆိုသည်။ အကြမ်းဖက် စစ်တပ်က မင်းဂံ ရပ်ကွက်ကို စစ်ကား အစီး ၁၀ ကျော်ဖြင့် ဝင်ရောက် စီးနင်းခဲ့ခြင်းဖြစ်ပြီး အကွက် ၉ နှင့် အကွက် ၁၀ တွင် စစ်ကားများကို ချထားကာ တစ်အိမ်ဝင် တစ်အိမ်ထွက် ဖမ်းဆီးခြင်း ဖြစ်ကြောင်း ဒေသနေများထံမှ သိရသည်။ "အကုန် စစ်ယူနီဖောင်းနဲ့ပါ။ စစ်ကား ၁၀စီး လောက်ရှိမယ်။ ၁၂ နာရီခွဲလောက်မှာ မင်းဂံ ရပ်ကွက်ကို ဝင်တာပါ။ အကွက် ၉ကို ဝင်တယ်။ ပြီးတော့ အကွက် ၁၀ ကို ဝင်စစ်ပါတယ်။ ပြီးတော့ အကွက် ၈ ကို ဝင်စစ်ပြီးတော့  အမျိုးသားတွေကို အကုန် ကားပေါ်တင်ပါတယ်။ ပြီးတော့ ခေါ်သွားတယ် "ဟု ဒေသနေပြည်သူ တစ်ဦးက ပြောဆိုသည်။ ဖမ်းဆီးခံရသည် သူများတွင် အသက်မပြည့်သည့် လူငယ်အများအပြား ပါဝင်ကာ  အသက် ၁၃ နှစ်မှ စ၍ အသက် ၅၀ ကျော် အမျိုးသား ၂၀၀ ကျော် ဖမ်းဆီးခဲ့ခြင်းဖြစ်ကြောင်း ဖမ်ဆီးသွားသူများကို မည်သည့်နေရာသို့ ခေါ်ဆောင်သွားသည့်ကို မသိရှိရကြောင်း ဒေသနေပြည်သူများက ဆက်လက် ပြောဆိုသည်။ "အိမ်ထောင်စု စာရင်းစစ်တယ်လို့ ပြောတယ်။ ဒါပေမယ့် အစ်မတို့ အိမ်ထောင်စု စာရင်းပြရင်လည်း ဖမ်းတာပါပဲ။ အစ်မ အဖေရော၊ မောင်လေးရော အမျိုးသားပါ အားလုံးဖမ်းဆီးခေါ်ဆောင်သွားတယ်။ ဘယ်ကို ခေါ်သွားမှန်း လက်ရှိအချိန် အထိ မသိရသေးဘူး" ဟု ပြည်သူ တစ်ဦးက ဆက်လက်ပြောဆိုသည်။ လူပေါင်း ၂၀၀ ကျော် ဖမ်းဆီးခံရသည့်ထဲတွင် အသက် ၂၁ နှစ်အရွယ် မင်းဂံ အကွက် ၉ မှ အမျိုးသမီး ၁ ဦးသာ ပါဝင်ပြီး ကျန်သူများအားလုံးသည် အမျိုးသားများ ဖြစ်ကြောင်း၊ မင်းဂံရပ်ကွက်တွင် နေထိုင်သူများ၏ ပြောဆိုချက် အရ ယနေ့ ဇွန် ၁၆ ရက်နေ့ ညပိုင်းတွင်လည်း အကြမ်းဖက် စစ်တပ်က ဝင်ရောက် စစ်ဆေးပြီး ပြည်သူများကို ဖမ်းဆီးနိုင်သေးကြောင်း ဒေသနေပြည်သူများထံမှ သိရသည်။ ဖမ်းဆီးခံရသူများသည် ရေချမ်းပြင်၊ အောင်တိုင်၊ ကျက်တောပြင်၊ ပလ္လင်ပြင်၊ အုန်းရေဖော် စသည့် ကျေးရွာသားများဖြစ်ပြီး မကြာမီက မြို့ပေါ် မင်းဂံရပ်ကွက်ကို ပြောင်းရွေ့နေထိုင်နေသူများ ဖြစ်ကြောင်း၊  အဆိုပါ ကျေးရွာများသည် ပြီးခဲ့သည့် ဇွန်လ ၁၄ ရက်နေ့ နောက်ဆုံးထားပြီး ယင်းကျေးရွာများမှ ကျေးရွာသားများကို အခြားနေရာသို့ ပြောင်းရွှေ့ထိုင်ရန် စစ်ကောင်စီက အမိန့်ထုတ် ပြန်ထားကြောင်း သိရှိရသည်။ (Western News သည် ရန်ကုန်ခေတ်သစ် မီဒီယာ၏ မိတ်ဖက် ဖြစ်သည်)