مايلزم الشريعة والقانون | What is necessary for Sharia & law

https://chat.whatsapp.com/GlAnN6KGB3OFrkugqVpC7i ده جروب ممكن تساعدو فيه الناس حقيقي اللي يشوف حال الناس يهون عليه حاله اعتبروها صدقه لرمضان بتبدأ من 5 جنيه الجنيه بيفرق يا جماعه صدقوني اتصدقوا لو ب ٥ جنيه حالات تصعب على اي حد والله ربنا يفك كرب الناس ويشفي كل مريض يارب 💔

ازاي تعمل كارنيه #نقابة_المحامين Part 2 عملت الكشف الطبي ؟ لا ؟ هسيبلك لينك البوست الأول وازاي تعمله بالتفصيل في الكومنتات ، اه ؟ طب تعالى نكمل وطول بالك لإنه موضوع طويل بس سهل متقلقش مبدئياً بس لو وراك جيش متكملش البوست عشان مبقاش ينفع تتقيد إلا لما تخلص زي ما اتفقنا الكشف الطبي بيقعد 20 يوم على ما تظهر نتيجته فإحنا لازم نستغل الوقت دا بأحسن طريقة فهنجهز الآتي : أول حاجة لازم تعملها هي "شهادة التخرج" لإنها حسب التوقيت الرسمي للشؤون بقت بعد 20 يوم هي كمان فنستغل وقتنا إلا لو معاك صورة بطاقة تردد وهتقدم شرطة بتاخدها في نفس الاسبوع (واخد بالك ها 😉) ، بتعملها ازاي هتروح قبل الساعة 12 تسحب استمارة شهادة التخرج وتملى البيانات وتسلمها للشؤون هي و (صورة بطاقتك - صورة شهادة ميلادك - صورة شخصية وبتزيد حسب عدد الشهادات - إخلاء طرف مكتبة حقوق - إخلاء طرف المكتبة المركزية في آداب - إخلاء التربية العسكرية للذكور - وصل فوري للشهادة - وصل فوري تمن سحب الملف) هتراجع معاك الورق وتحدد ميعاد الإستلام متسبهاش تكتبلك تاريخ بعيد خليك زنان وحاول تستلمها في أقرب وقت "غالباً بتجهز قبل الميعاد فلو قريب من الجامعة جرب بعد أسبوع" تاني حاجة هي أصل شهادة الثانوية العامة ودي هتلاقيها في ملفك لما تسحبه مع إستلام شهادة التخرج إن شاء الله لحد ما تستلم الشهادة وملفك وعليك خير تالت حاجة هتعمل فيش جنائي موجه لنقابة المحامين يا من السجل واخد معاك صورة بطاقتك وصورة شخصية ب80 جنيه يا تطلبها أونلاين وهتستلمها لحد باب بيتك ب105 جنيه ممكن تدفعهم فوري أو فيزا وبتوصل بعد 3 أيام ومدة صلاحيته 3 شهور رابع حاجة شهادة تحركات من الجوازات يا تروح وتاخدها في نفس اليوم ب175 جنيه يا تطلبها أونلاين ب70 جنيه والدفع بالفيزا بس وتستلمها بعد 3 أيام من الإدارة العامة للجوازات في العباسية ومدة صلاحيتها شهر خامس حاجة هتتشيك وتلبس بدلتك وتنزل تتصور عشان محتاجين 6 صور بالزي الرسمي مع صورة بطاقتك سادس حاجة شهادة ميلاد حديثة سابع حاجة موقفك من التجنيد يا بطل سواء إعفاء أو شهادة تأدية الخدمة تامن حاجة برينت التأمينات ودا لازم يتعمل من النقابة فأعمله وأنت رايح تسلم الورق ، سعره 20 جنيه بتدفع في الخزنة بعدين بتسلم الوصل وبطاقتك لشباك التأمينات ، بس خلي بالك لو ملكش رقم تأميني قبل كدا لازم تروح لأقرب مكتب تأمينات ببطاقتك وشهادة الميلاد وصورة منهم وتطلب يتعملك رقم تأميني عشان تقدر تعمل البرينت لما تروح النقابة خلصت اللفة الحلوة وشوية الورق دول ؟ فاكر الاستمارة المجانية اللي خدتها من النقابة لما سحبت استمارة الكشف الطبي ؟ هتملى بياناتك عليها وهتشوف محامي درجة قيده إستئناف على الأقل يمضيلك عليها إنك بتتدرب عنده ، وهتشوف مصلحة حكومية تخلي 2 موظفين ورئيس المصلحة يمضولك عليها حسن سير وسلوك وتتختم بختم النسر "أنا عملتها في مدرسة ، في ناس بتقول مش لازم حسن السير بس خليك في الأمان" بعد ما تجهز كل اللي فووووق دا بشهادة التخرج والثانوية ويعدي 20 يوم على الكشف الطبي هتاخدهم وتطلع على النقابة شباك 1 تسلمه الورق هيسألك عملت الكشف الطبي أمتى هتقوله يوم كذا هيطلع نتيجة اختبارك ويدبس كل الورق في ملف هتاخده تكتب عليه بياناتك من برا وتروح الخزنة ببطاقتك وتوريه الملف وتدفع 2735ج "مفيش دفع فيزا بس في مكنة على البوابة" بعدها هيديك إيصال كبير هترجع بالملف و الإيصال لشباك 1 هياخد الملف وجزء من الإيصال والباقي بتحتفظ بيه عشان تستلم الكارنيه والروب والبطاقة العلاجية فأوعى ترميه ، وبس كدا أسبوع اتنين تابع موقع النقابة رقم قيدك نزل ولا لا وبكدا ألف مبرووك يا مستشار بقيت محامي قد الدنيا مش باقي غير إنك تلبس بدلتك وتروح أول جلسة حلف يمين عشان تقدر تستلم الكارنيه وتمارس المهنة رسمياً Adiós 👋🏻

كل سنه وانتم طيبين 🥳عيدكم مبارك ❤️

جامعه عين شمس طلاب دبلومات الدراسات العليا الأعزاء. تم اعلان نتائج الدبلومات التالية: 1- دبلوم القانون الدولي 2- دبلوم العلاقات الدولية 3- دبلوم الشريعة الإسلامية 4- دبلوم العلوم الاقتصادية والمالية 5- دبلوم القانون المدني 6- دبلوم القانون الجنائي وللاطلاع عليها تفصيلياً يرجى اتباع الخطوات التالية: يقوم الطالب بالدخول على: 1- https://ums.asu.edu.eg 2- لعمل تسجيل الدخول أو login: * و اختيار كلية الحقوق ويقوم الطالب بكتابة الرقم القومي في خانة اسم المستخدم username وكتابة في خانة كلمة السرAbcd1234 في حالة دخول الطالب أول مرة، ثم إدخال كلمة مرور جديدة مكونة من: - حروف كبيرة و صغيرة. - أرقام. - رموز (# ؛ @) - لا تقل عن ٨ حروف. 3- يقوم الطالب بالدخول على متعلقاتي ثم الدرجات. 4- يختار الطالب العام الحالي ثم عرضه. 5- في حالة عدم سداد المصروفات، سيتم حجب نتيجته.

وابعتو اللينك لصحابكم الصغيرين عشان يستفادو 😌

إن شاء الله هينزل هنا شرح مواد قانون ومواد شرعي لكل الفرق 🤍🤍

‏الله لا يتركك في منتصف الطريق كما يفعل الآخرون، هو ينظر إليك من حيثُ لا تراه، يُسيِّرك بحكمته التي قد لا ترضيك أحيانًا٬ حتى تدرك بعد حينٍ أنها الفعلة الصائبة، الله لا يبتعد عنك وعن صوتك، ومهما ابتعدت عنه يظلُّ مناديًا لك "إني قريب"، ستعود إليه حتمًا، وستُمطر فرَجـًا هذه الحياة. #صباح_الخير ... #بوست_مؤقت

{إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} الأحزاب:56