Meliev | Blog

«Инглиз тилидаги brother сўзи форсчадаги биродар сўзидан олинган» деяпти Бобур Акмалов Ўзи яхшилаб ўйлаб қарасак, бутун ер юзидаги инсонларнинг она тили битта – у ҳам бўлса, ўзбек тили?) 👉 @melievuz

Менга ўхшаб «Summertime Sadness» ни эшитиб, тунги шаҳарни велосипедда айланиб берармидила? 👉 @melievuz

Агарда яхшилаб эътибор берсак, ҳаётимиздаги аксарият нарсалар худди бу дунёдаги умримиз каби шунчаки вақтинчалик. Яъни, лимитланган бўлади. Мана шундай лимити бор бўлган нарсалардан (ёки туйғулардан) бири – бу қизиқишлар. Ҳаётимизнинг қайсидир даврида нимагадир жуда қизиқамиз, балки муккасидан кетамиз, унга вақт ажратамиз ва умримизнинг маълум бир қисмини айнан ўша қизиқишларимиз учун сарфлаймиз. Масалан, мен мактабда ўқиб юрган вақтларим расм чизишга жуда ҳам қизиққанман. Расм дафтарларим доим «шахсий ижод намуналарим» билан тўларди. Агарда тўсатдан илҳомим келса, бирор дарслик учун тутилган дафтаримнинг ўртаси ёки охирги вароқларига ҳам расм чизиб ташлайверардим. Ҳозирчи? Ҳозир охирги марта қачон расм чизганимни ҳам эслолмайман. Ёки, яқин ўтмиш ҳақида гаплашсак. Ўтган ва ундан аввалги йилларда Заковат ўйинларига жуда қизиқиб кетдим, экранлардаги ўйинларни қолдирмай кўрдим, турнир доирасида ташкил қилинган кўплаб ўйинларда эса бевосита қатнашдим. Ҳозирчи? Охирги ярим йилликда Заковатга бўлган қизиқишим дахшатли даражада тушиб кетди. Бунга айнан нима сабаб бўлди, очиғи билмайман. Кейин, орада китоб ўқишга ҳам жуда берилиб кетдим. Янги китоблар сотиб олиб, ўзим учун ҳар хил челленжлар ҳам қилдим. Хаттоки, Instagram’да китобларга тааллуқли махсус канал ҳам очгандим. Ҳозирчи? Ҳозир китоб ўқишни деярли эсдан чиқариб қўйганман. Аммо, битта факт – футболга бўлган қизиқишим ҳалигача сўнгани йўқ. Адашмасам, футболга 8-9 ёшимдан бери қизиқаман. Аввал қандай бўлган бўлса, ҳозир ҳам деярли шундай. Лекин бир кун келиб футболга бўлган қизиқишим ҳам сўниши, 90 дақиқа битта копток ортидан югуриш шунчаки аҳмоқгарчилик эканлиги ва тунда бўладиган учрашувлар натижасини эрталаб ҳам билиб олиш мумкинлигига ишонарман. Сабаби, мен шундай инсонларни танийман, бир вақтлар ҳаётини футбол билан боғлаган ва ҳаётини футболсиз тасаввур қила олмайдиган инсонларга ҳозир футболнинг умуман қизиғи йўқлиги, ҳаётда футболдан ҳам муҳимроқ ишлар билан бандлигини кўрганман, сезганман. Яъни, умумий олганда – бир кун келиб қизиқишларимиз йўқолади ва бу йўқолишни шунчаки нормал қабул қилиб кетаверамиз. 👉 @melievuz

Энг иссиқ кун бугун бўлибди. 👉 @melievuz

Ўша тошкентлик миниб юрган чириган матизда кетгандан кўра, кондиционерли автобусда кетган яхши-да, по факту! 👉 @melievuz

Бир кун аниқ IELTS оламан, аммо, қачонлиги аниқ эмас ) 👉 @melievuz

Биламан, ҳозир Telegram’да кўпчилик ўзи учун шахсий блог(ча) очиб олган. Менга шунчаки қизиқ: ана шу шахсий блогингизни оила аъзоларингиз (хусусан, онангиз) ҳам кузатишадими? Масалан, менда ҳа! 👉 @melievuz

Телевизорда тайинли нимадир беряптимикан деб ёқсам, ўзим энг яхши кўрадиган фильмлардан бири чиқиб турибди-да! 👉 @melievuz

Тил ўрганишнинг шунақа ғайритабиий йўллари ҳам бор экан-ку) 👉 @melievuz

Жамоат транспортларидаги қулайлик қанчалик яхшиланаверса, аҳоли ҳам ундан бемалол фойдалана олади. Масалан, нима учун кўплаб Европа давлатларида аҳолининг аксарият қисми одатда жамоат транспортларида ҳаракатланади? Чунки, у ерда шунга яраша имкониятлар яратилган ва аҳоли шахсий автомобилда ҳаракатланишдан кўра кўпроқ жамоат транспортларини танлайди. Бу нарса пойтахт Тошкентда ҳам бироз қониқарли. Сабаби, Тошкент кўчаларидаги автобус ва метрода ҳам шароит яхши, нархлар қулай, ва одатда у ерда исталган соҳа вакилларини учратиш мумкин. Жиззахдачи? Жиззахда асосий жамоат транспортлари бу – автобус ва дамаслар. Автобусдаги шароит ҳақида юқорида ҳам айтиб ўтдим. Масалан, ҳозиргидек жазирамада автобус эшикларини очиб ҳаракатланмаса, ичкарида ҳаво айланиши деярли имконсиз. Дамасдаги қулайлик (агар уни қулайлик деб аташ тўғри бўлса) эса гапирмаса ҳам бўлади. Дамасда йўловчи сифатида ҳаракатланиш – ўлим билан юзлашишдек гап. Хуллас, ора-орада шунақа «долзарб» мавзулар ҳақида ҳам ёзиб тураман, айбга буюрмайсиз. 👉 @melievuz