𝐵𝑒𝑟𝑒𝑔𝑖 𝑠𝑒𝑏𝑦𝑎💔

🫀

Наверно ты ищешь эту🦋

😍

Қадір сүресіндегі тәнәззәлул мәләикәту уәррууху - түседі періштелер және рух, - деп келеді. Құрандағы Рух сөзі Жәбірейіл періштені меңзейді. Жәбірейіл періште Алла елшісі ﷺ дүниеден өткен кезде: Мен бұл аспан әлеміне (жерге жақын аспанға) түспеймін. Бұл жерге түсетіндей мен үшін еш қызық жоқ, - деп айтқан еді. Алайда, Алланың рақымымен һәм ең алғаш (сүйіктісімен) Пайғамбармен кездескен түнді еске алуы үшін түседі екен. Неткен махаббат... Рух (Жәбірейіл) періштенің алыптығы жайында ғалымдарымыз: Егер ол көктер мен жерді жұтса, оған бір шайнам ғана болар еді деп түсіндірген. Ал хадиске үңілсек: Бұл түні жерге түсетін періштелердің саны жер бетіндегі майда тастардан да көп болады, - деп келеді. Ол түн мың айдан да қайырлы, басқаша айтқанда 83 жыл, 4 ай... егер сіз сол түнге дөп түссеңіз, 83 жылдық ғибадаттың сауабы нәсіп болмақ. Ал осы хадисті естіген ілім иесі Хафиз Ибн Ражаб: Ей, өз өмірін ешбір игілікке қол жеткізбей өткізген адам! Қадір түнін жіберіп алғандарымды қайта толықтыру үшін қолданамын, өйткені бұл түн тұтас өмірге тең келеді ғой! - деп айтқан екен... Қадір түні деп бекер аталмаған бұл түнде, әрбір адамның жылдық несібесі, өмір мерзімі, бір жылда орын алатын оқиғалары жазылады. Мүмкін болса кейбір адамдардың қадір қасиеттері артып, Алланың алдында абыройлы болмақ... Ал осыншамааааа ізгі, сауапты істерден тек нағыз мақрұм адам ғана айырылып қалады екен... Ендеше ұлы болған Раббымыз, бұл түнге дөп түсуімізді нәсіп етсін. Сондай-ақ, мақрұмдардың қатарынан болмауымызды жазғай!... Қадір түні баршамызға берекелі болсын!...

🌌ҚАДІР ТҮНІ ЖАЙЛЫ ХАДИСТЕР 🌙 1. «Кім Қадір түнін шын иман келтірген және сауаптан үміттенген халде өткізсе, оның бұрын істелегн күнәлары кешіріледі»,-деді». (Бухари, Муслим) 2. «Рамазан айы келгенде Расулуллаһ : «Сендерге Рамазан айы келді. Онда мың айдан артық бір түн бар. Ол түннен мақрұм болған, барлық игіліктен мақрұм болғаны. Ал, оның игілігінен тек ең бақытсыз жандар ғана мақрұм қалады»,-деді». (Ибн Мәжә) 3. «Қадір түні Жәбрәил (ъаләйһиссәләм) періштелердің бір тобымен түсіп Хақ Тағаланы тұрып немесе отырған халде зікір еткен пенде үшін дұға етеді. Кейін Алла Тағала айт күні періштелерінің алдында Өзінің пенделерін мақтаныш етіп: «Ей, періштелерім! Өз ісін атқарған қызметшінің жазасы қандай?»,-деп сұрағанда, періштелер: «Я, Раббымыз! Оның жазасы – ақысын толық төлеу»,-деп жауап береді. Сонда Хақ Тағала: «Ей, періштелерім! Менің құлдарым оларға міндеттеген парызымды орындап, Маған дұға ету үшін айт намазына шықты. Өзімнің құдіреттілігім, ұлықтығым, жомарттығым, жоғары мәртебе және дәрежеммен ант етемін! Мен олардың дұғасын қабыл етемін!»,-деп, кейін пенделеріне: «Қайтаберіңдер! Мен сендердің күнәларыңды кешіріп, жамандықтарыңды жақсылықпен ауыстырдым»,-дейді. Осыдан соң адамдар күнәлары кешірілген халде қайтады»,-деді». (имам Бәйһақи, «Шуғабул-иман») 4. «Қадір түнін Рамазан айының соңғы он күнінің тақ түндерінде іздеңдер»,-деді». (Бухари) 5. «Расулуллаһ ﷺ бізге Қадір түні қашан болатынын айту үшін шыққанда, екі мұсылман өзара айтысып жатқан еді. сонда Расулуллаһ ﷺ: «Мен сендерге Қадір түні қашан болатынын айтайын деп шықтым. Алайда мына екеуі өзара айтысып жатқаны себебінен оның хабары есімнен шығарылды. Мүмкін бұл сендер үшін жақсы да шығар. Осы себептен Қадір түнін тоғызыншы, жетінші және бесінші түні іздеңдер»,-деді». (Бухари) 6. «Ъубада ибн Ас-Сомит (радиаллаһу анһу) Расулуллаһтан ﷺ Қадір түні жайында сұрағанда, Ол ﷺ: «Қадір түні Рамазан айының соңғы он күндігінің тақ түндерінде болып, соның жиырма біріне, жиырма үшіне, жиырма бесіне, жиырма жетісіне немесе жиырма тоғызына, болмаса ақырғы түніне сәйкес келеді. Кім Қадір түнін шын имн келтірген және сауаптан үміттінген халде өткізсе, оның бұрын істеген күнәлары кешіріледі. Қадір түнінің белгілері: ол түн нұрлы және тынық болады. Салқын, не болмаса жылы болмайды. Ай ашық болады. Ол түні таң атқанға дейін шайтандар жұлдыздармен атқыланбайды. Әрі оның белгілерінен: таңертең Күн сәулесі шағылыспаған халде шығып, Бәдр түніндегі толған Ай ұқсаған доиалақ болады. Сонымен қатар Аллаһ Тағала сол күні шайтанға Күнмен бірге шығуына тыйым салады»,-деді». (имам Ахмад, Бәйһақи) 7. Айша анамыз (радиаллаһу әнһә) жеткізеді: «Мен: «Я, Расулуллаһ! Мен Қадір түні болғанын білсем, не деп дұға етуім керек?»,-деп сұрағанымда, Ол ﷺ: «Я, Тәңірім! Сен Кешірімдісің және кешіргенді жақсы көресің. Мені ғафу ет!»,-деп тіле»,-деді». (имам Ахмад, ибн Мәжә, Тирмизи)