The Christian News

#ዜና «ዲልቢ ገለታ የሱሲፍ" የተሰኘ የመዝሙር ድግስ በሚሊኒየም #አዳራሽ ሊካሄድ ነዉ። ኤልሀዳር ኢንጂነሪንግ ከዘማሪ ጳውሎስ ተገኝ ጋር በመተባበር «ዲልቢ ገለታ የሱሲፍ» የተሰኘውን የመዝሙር ድግስ በሚኒሊየም አዳራሽ ሰኔ 2/2016 ዓ.ም ቀን ከ7፡00 ጀምሮ ማዘጋጀቱን #ዛሬ ግንቦት 27/2016 ዓ.ም በስካይ ላይት ሆቴል በሰጠው ጋዜጣዊ መግለጫ አስታውቋል ። #ዘማሪ ጳውሎስ ተገኝ ሶስት አልበሞችን እና የተለያዩ ዝማሬዎችን ከተለያዩ ዘማሪዎች ጋር በመስራት ለኢትዮጵያ ቤተክርስቲያን ያበረከተ ሲሆን «ሙጫ ካዮ» ከተሰኘ የህፃናት ህብረት ጋር በመሆን ሁለት ቪሲዲዎችን በመስራት ለአማኞች አድርሷል። በእለቱ ስለታማ ነገሮች ምግብ እና መጠጥ ይዞ መግባት እንደማይቻል የተገለፀ ሲሆን በሚሊኒየም አዳራሽ መጠጥ እና ምግብ በሽያጭ እንደተዘጋጀ ተነግሯል። በዚህ ፕሮግራም ለመሳተፍ የመግቢያ ዋጋው በነፃ ስለሆነ መጨናነቅ እንዳይፈጠር ከጠዋቱ 4 ሰአት ጀምሮ እንዲገኙ ጥሪ አስተላልፈዋል። ፎቶ 📸 @ጥላሁን ደሳለኝ

በኦሮሚያ ክልል ኢሉአባቦራ መቱ ከተማ ለሃይማኖታዊ ስብከት አደባባይ ወጥተው የነበሩ የሙሉ ወንጌል ቤተ ክርስቲያን አባላት በአካባቢው የፀጥታ ኃይሎች ድብደባ ተፈጽሞባቸው ጉዳት እንደደረሰ ለቢቢሲ ተናገሩ። ቢቢሲ ያነጋገራቸው የቤተክርስቲያኒቱ መሪዎች እና በወቅቱ በስፍራው የነበሩ ግለሰቦች እንዳሉት ከሆነ የፀጥታ ኃይሎቹ በፈጸሙት ድብደባ የተጎዱት ሰዎች ከ20 በላይ እንደሚሆኑ ገልጸዋል። የመቱ ከተማ ከንቲባ አቶ ተሻለ ኤጀርሶ በበኩላቸው የቤተክርስቲያኒቱ አባላት ያካሄዱት የጎዳና ላይ ስብከት ከተገቢው የመንግሥት አካል ፈቃድ እንዳላገኘ ተናግረዋል። የሙሉ ወንጌል #ቤተክርስቲያን አገልጋይ የሆኑት ፓስተር ብርሃኑ ዘለቀ በበኩላቸው ከመቱ እና አካባቢዋ የመጡ የቤተክርስቲያኒቷ አባላት እሁድ ግንቦት 25/2016 ዓ.ም ለጎዳና ላይ ስብከት በወጡበት በፖሊስ ጥቃት ተፈጽሞባቸዋል። “ወደ ከተማዋ ጎዳና የወጣነው ወንጌል ለመስበክ ነው። ከአንድ #ሺህ #ሰው በላይ ይሆናል በወቅቱ የወጣው። መንገድ ሳንዘጋ በጎዳናው ላይ እየተንቀሳቀስን እየሰበክን ነበር። ሕገ መንግሥታዊ መብታችን ነው። የፀጥታ ኃይሎች መጥተው አስቆሙን” ሲሉ ለቢቢሲ ተናግረዋል። የከተማው ከንቲባ በበኩላቸው “በዕለቱ በከተማችን የትኛውም የእምነት ተቋም በከተማዋ ጎዳና ላይ አምልኮ ለማካሄድ በሚል ፈቃድ አልጠየቀም፣ አልወሰደም። በከተማው ጎዳና ላይ ወጥተው የነበሩ ሰዎችን ፖሊስ አስቁሟቸዋል። ፖሊስ ያስቆማቸው ፈቃድ ስለሌላቸው እና የመሰባሰባቸው ምክንያት ባለመታወቁ ነው” ብለዋል። ፓስተር ብርሃኑ፣ የፀጥታ ኃይል አባላቱ ምዕመናኑን ካስቆሟቸው በኋላ እየዘመሩ የነበሩትን በመኪና ጭነው ወደ ፖሊስ ጣቢያ መውሰዳቸውንም ይናገራሉ። ሙሉ ዝርዝር መረጃ ከThe Christian news የfacebook ገፃችን ያንብቡ #ወንጌል #ለዓለም #ሁሉ

የኮርያ እና አይቮሪ ኮስት አብያተ ክርስቲያናት ከእናት ሜቱዲስት ቤ/ክ  መገንጠልን ለምን መረጡ? በአሜሪካ ከሚገኙ የፕሮቴስታንት አብያተ ክርስቲያናት መካከል የዩናይትድ ሜቱዲስት ቸርች ተጠቃሽ ናት። ስር መሰረቷን እንግሊዝ ሃገር ከተነሱ የ18ኛው ክ/ዘመን መጀመሪያ፣ እውቅ የስነ መለኮት መምህራን መካከል የሆኑት ጆን ዌስሊይ ያደረገችው ይህቺ ቤ/ክ ዛሬ በአሜሪካ እና መላው አለም በርካታ አብያተ ክርስቲያናትን ተክላ ወንጌል ስትሰራ ቆይታለች። ታሪካዊ በሆነ ውሳኔ፣ ይህቺ ጥንታዊት ቤ/ክ ልክ የዛሬ 1 ወር በፊት ነው፣ ግብረሰዶም የሆኑ አገልጋዮችን በቤቷ የፈቀደችው። ከዚያን ጊዜ ጀምሮ በየወሩ በአለም ዙርያ ያሉ አብረው ሰራተኛ አብያተ ክርስቲያናት ህብረት ማድረጋቸውን እያቆሙ ነው። ለአብነትም የኮትዲቯር፣ እና ሌሎችም የአፍሪካ ሃገራት የሚገኙ ከ4.6 ሚሊዮን በላይ አባላት ያሏቸው ሃገራት ከአሜሪካዋ ሜቱዲስት ጋር ያላቸውን ህብረት ማቆማቸውን በግልጽ አውጀዋል። ይሄንኑ የቤ/ክኗ ውሳኔ ተከትሎ፣ በሃገረ አሜሪካ ብቻ የሚገኙ ከ77 መቶ በላይ አብያተ ክርስቲያናትም ህብረት ማቆማቸውን አሳውቀው ነበር። ይህም የአባላቱን ቁጥር ከአፍሪካ አብያተ ክርስቲያናት ጋር በድምሩ ከ10 ሚሊዮን በላይ ያደርገዋል። የኮርያ ሜቱዲስት አብያተ ክርስቲያናትም የቤተ ክርስቲያኗን ውሳኔ ተከትለው “ክርስትና የስሜት ጉዳይ አይደለም!” ሲሉ አቋማቸውን ገልጸዋል። መጽሃፍ ቅዱስ በግልጽ ሃጢያት ነው ብለው ያስቀመጠው ጉዳይ ላይ የግለሰቦች ሃሳብ በቤ/ክን ላይ መሰልጠን የለበትም ብለዋል አቋማቸውን ሲገልጡ። ቤተ ክርስቲያኗ ያላት #አንድ ተስፋ በአፍሪካ ብቻ ነው ብለዋል። በዚህ ውሳኔዋ ብቻ ከአባላቷ ሩብ ያክል ወደ 11 ሚሊዮን የሚገመቱ አባላትን የያዙ አብያተ ክርስቲያናት፣ ህብረታቸውን ከአሜሪካ ሜቱዲስት ጋር አቋርጠዋል።

#እናመሰግናለን 🙏🙏🙏 The Christian News - የክርስቲያን ዜና በYoutube ቻናላችን #50k ሺህ ቤተስቦች ደርሰናል። ታማኝ እና ፈጣን #የክርስቲያን መረጃዎች ምንጭ አድርጋችሁ አብራችሁን ስላላችሁ እናመሰግናለን። በቀጣይ እጅግ በርካታ ስራዎች በጋራ እንደምንሰራ በማመን አሁንም አብሮነታችሁ ይቀጥል እንላለን። በቅርብ ጊዜ ለምስጋና በድጋሜ እንደምንገናኝ እናምናለን። https://www.youtube.com/channel/UCeHRJCDJ0wUDaBfAFmuMa7A

ተወዳጁ ዘማሪ አዉታሩ ከበደ ቁጥር 7ቱን የዝማሬ አልበም ሊለቅ ነዉ። "ከ9 አመታት በኋላ የ7 ቁጥር አልበሜ በመንፈስ ተጠምቆ ለቅዱሳን በረከት ላልዳኑ የኢየሱሰን አዳኝነት ለማብሰር ተጠናቋል" ሲል ዘማሪዉ ገልጿል። የምትፅልዩልኝ,በነገር ሁሉ ከጎኔ ያላችሁ እግዚአብሔር ይባርካችሁ። በሁላችሁ እጅ ላይ በቅርቡ የሚደርስበትን ቀን አሳውቃለው የዘማሪዉ መልዕክት ነዉ።

የዝሙት ሕይወቴን ማንም አያወቅም ነበር ሰዎች መማር ካለባቸው ከእኔ ይማሩ #ድንቅ #ምስክርነት ከዚህ ልምምድ መውጣት ሲያቅተኝ ከጌታ ቤት ባክ አደረኩኝ https://youtu.be/ugkLCiXAYII

#ይፈቱ በኤርትራ ከ 20 አመታት በላይ የታሰሩ የፕሮቴስታንት እምነት ፓስተሮች እንዲፈቱ አሜሪካ ጠየቀች። የአሜሪካው ዓለማቀፍ የኃይማኖት ነጻነት ኮሚሽን፣ የፕሬዝዳንት ጆ ባይደን አስተዳደር በኤርትራ ላለው የኃይማኖት ነጻነት ጥሰት ትልቅ ትኩረት እንዲሰጥ መጠየቁ ዳጉ ጆርናል ከዘገባዎች ተመልክቷል። ኮሚሽኑ፣ ፓስተር ኃይሌ ናይዝጊ እና ፓስተር ክፍሉ ገብረመስቀል የተባሉ የፕሮቴስታንት ኃይማኖት ሰባኪዎች ከታሠሩ ከ20 ዓመታት በላይ አስቆጥረዋል ሲል ለአብነት ጠቅሷል። #ኤርትራ ፣ ከኃይማኖት ነጻነት ጋር በተያያዘ 5 መቶ ያህል ሰዎችን ክስ ሳይመሠረትባቸው እንዳሠረች ኮሚሽኑ አመልክቷል። የኤርትራ መንግሥት ባለፈው ዓመት ከኃይማኖት ጋር በተያያዘ የታሠሩ ዘጠኝ እስረኞችን #ብቻ መፍታቱን ያስታወሰው ኮሚሽኑ፣ ጅምሩ #ግን ሳይቀጥል ቀርቷል በማለት ወቅሷል። ሲል ዋዜማ ሬድዬ ዘግቧል። ዜናውን ከወደዱት Like ማንኛውም አስተያየት እና ጥያቄ ካሎት Comment በፍጥነት ለወዳጆ ለማካፈል #share ያድረጉ

#መቀሌ #ታላቁ ተልዕኮ ኢትዮጵያ 10 ቢሮውን በትግራይ መቀሌ ከፈተ። ግሬት ኮሚሽን ከ1972 ዓ.ም. ጀምሮ #በኢትዮጵያ የወንጌል ስራን ሲሰራ ቆይቷል። በአሁኑ ወቅት በአዳማ፣ ባህርዳር፣ ሃረር፣ ሃዋሳ፣ ጅማ፣ ነቀምቴ፣ አርባ ምንጭ፣ ሆሳዕና እና አምቦ የአካባቢ ቢሮዎችን አቋቁሞ በየአካባቢው ከሚገኙ ሚኒስትሪዎችና አብያተ ክርስቲያናት ጋር ወንጌልን እየሰራ ይገኛል። ግሬት ኮሚሽን #ኢትዮጵያ ሚኒስትሪ፣ የጂሰስ ፊልምን በ74 የሃገር ውስጥ ቋንቋዎች በማስተርጎምና በ10 ሃገራት ውስጥ ኢንዲጂተስ በተሰኘ የቴክኖሎጂ ማህበረሰብን በመፍጠር በኢትዮጵያና ከኢትዮጵያ ውጪም ወንጌልን እየሰራ ይገኛል። ከጦርነት መልስ የወንጌል ስርጭት ማዕከል በትግራይ የተከፈተውን ይሄንን ቢሮ ያስተባበረው ወንድም #ካሳሁን_ሰዒድ ሲሆን በመድረኩ እውቅና ተሰጥቶታል። ወንድም ካሳሁን መቀሌ እና መላውን ትግራይ ላለፉት 10 ዓመታት በወንጌል ለመድረስ ሲያገለግል ቆይቷል። ምንጭ፣ GCMEthiopia ዜናውን ከወደዱት Like ማንኛውም አስተያየት እና ጥያቄ ካሎት Comment በፍጥነት ለወዳጆ ለማካፈል #share ያድረጉ

የሃይማኖት ተቋማት የፋይናንስ ኦዲት ሪፖርታቸውን ለመንግሥት እንዲያቀርቡ የሚደነግግ ረቂቅ አዋጅ ተዘጋጀ ማንኛውም የሃይማኖት ተቋም የፋይናንስ ኦዲት ሪፖርቱን ለሰላም ሚኒስቴር ማቅረብ እንደሚኖርበት፣ ከውጭ አገር የሚመጣ የገንዘብ ዕርዳታ በሕግ ሥልጣን ለተሰጠው አካል ማሳወቅ እንደሚኖርበት የሚደነግግ ረቂቅ አዋጅ ተዘጋጀ፡፡ " የሃይማኖት ጉዳዮች አዋጅ " የተሰኘው ረቂቅ አዋጅ፣ የሃይማኖት ተቋማቱ ተቀባይነት ያለው የሒሳብ አያያዝና የኦዲት ሥርዓት መዘርጋት እንደሚኖርባቸው፣ የኦዲት ሪፖርታቸውንም ለሰላም ሚኒስቴር ማቀረብ እንዳለባቸው የሚደነግግ መሆኑን ሪፖርተር ጋዜጣ አስነብቧል። የሃይማኖት ተቋማቱ የሚጠቀሙት የሒሳብ አያያዝ ሥርዓት የገቢ፣ የወጪና አጠቃላይ የንብረት ዝርዝር የያዘ መሆን እንደሚኖርበትና የገቢ አሰባሰብና የወጪ አስተዳደር በሕጋዊ መንገድ ማከናወን እንዳለባቸውም ይገልጻል። አንድ የሃይማኖት ተቋም በራሱ የገቢ ማስገኛ ሥራዎችን በሚያከናውንበት ጊዜ፣ ለዚሁ ሥራ የተለየ የባንክ ሒሳብ መክፈትና የተለየ መዝገብ መያዝ እንዳለበትም ተደንግጓል፡፡ በተጨማሪም ማንኛውም የሃይማኖት ተቋም ከውጭ አገር የሚላክለትን የገንዘብ ዕርዳታ፣ ስጦታ ወይም ሌሎች የገንዘብ ድጋፎችን በሕግ ሥልጣን ለተሰጠው አካል ማሳወቅ ይኖርበታል ተብሏል። በተጨማሪም የለጋሹን ድርጅት ወይም ግለሰብ ስምና አድራሻ፣ የተለገሰው የገንዘብ፣ ስጦታ ዓይነትና መጠን፣ እንዲሁም ስጦታው ወይም ድጋፉ የተሰጠበት ልዩ ዓላማ የሃይማኖት ተቋማቱ ጨምርው ማሳወቅ እንዳለባቸው ተገልጿል፡፡

"#የአፍሪካ #መንፈሳዊ ቀን" በአፍሪካ ሕብረት ተካሄደ። በInter religious Association for Peace And Development (IAPD Africa) አዘጋጅነት "Educating the African person to be Spiritually fit in the 21st Century" በሚል መሪ ቃል ኢትዮጵያን ጨምሮ ከተለያዩ የአፍሪካ ሀገራት የመጡ መሪዎች በተገኙበት በአፍሪካ ሕብረት ተከናውኗል። የሃይማኖት ተቋማት እና መሪዎች በሰላም እና በልማት ስራዎች ላይ በቅንጅት ለአፍሪካ መስራት እንደሚገባቸው በመድረኩ ተጠቅሷል። በመድረኩ የInter religious Association for Peace And Development (IAPD Africa) የአፍሪካ ሊቀመንበር ዶ/ር ኡዙዊን ጨምሮ የኢትዮጵያ ኦርቶዶክስ ተዋህዶ ቤ/ክ እና የእስልምና እምነት በሀገራችን የትምህርት ስረዓት ያበረከቱትን አስተዋጽዖ በተመለከተ የተለያዩ ጽሑፎች ቀርበዋል። በጉባኤው በቅርብ ጊዜ የምስረታ 50ኛ ዓመት ክብረ በዓላቸውን ያከበሩት አንጋፋዎቹ የመሰረተ ክርስቶስ ቤ/ክ (ቢጫ ኳይር) ዝማሬ አቅርበዋል።