IV Notes 💉

معادلة ال sliding اللي انت حاطتها هتطلع أرقام معقولة إلى حد ما ده جدول sliding scale ممكن نتبعه

وإياكم يارب ❤️ لما هتخرج المريض من المستشفى عندك طريق من اتنين : 1- لو هو داخل بمشكلة غير متعلقة بالسكر وليكن كان ضغطه عالي وقعد معايا كام يوم في المستشفى بظبطله الضغط بس كان سكره تمام مفيهوش حوارات , وبالتالي لما يخرج هيخرج على نفس النظام اللي كان ماشي عليه في البيت قبل ما يدخلي 2- يكون هو داخل بمشكلة في السكر أو انا اكتشفت جوة ان سكره فعلا مش متظبط وبناء عليها هبدأ اغيرله في نظام السكر بتاعه وهو خارج كأنه عيان في العيادة عندي سواء بإضافة أدوية oral أو نظام انسولين مناسب ليه وأتاكد انه على النظام ده سكره مبينزلش أهم حاجة يعني بعد ما احطه على النظام الجديد على الاقل يقعد معايا 24 ساعة اتابع سكراته واتأكد انها مظبوطة على النظام الجديد حتى لو خف تماما

قولنا إن كل مكان وليه قواعد في الحتة دي , اللي بيحددها استشاري الغدد اللي متولي امر الحالة .. هتلاقي دكتور بيحب يوصف 5 لكل 50 وهتلاقي اللي بيحب يوصف 2 لكل 50 وهتلاقي اللي بيشتغل على السكر م200 وهتلاقي اللي بيشتغل عليه من 180 وهتلاقي اللي بيشتغل عليه من 150 على حسب ال glycemic control بتاع العيان ده مطلوب يكون restrict ولا مرتاح شوية وبالتالي عامة اللي بيحكمني في ده العيان نفسه وضعه الصحي وهل بياكل كويس ولا لأ وهل عنده مشاكل في الكلى ولا لأ , لو عنده هديله انسولين أقل وهل عندهع مشاكل في الكبد ولا لأ بردو وهل ده عيان Obese & insulin resistant ولا thin & insulin sensitive وهل ده خد انسولين قبل كدة ولا لأ فهي عوامل كتير بتخليني اقول العيان ده ياخد انسولين أكتر أو أقل

هنزل الصبح فيديو شرح لأسئلة الامتحانات كلها بس مؤقتاً يعني بخصوص السؤال ده ناخد بالنا إن السؤال بيقول isn't وإن دي HHS وليس DKA ال acidosis بتكون مشكلة ال DKA وليس ال HSS وبالتالي بما ان الحموضة مش أساس في المشكلة فأنا مش هعتبرها من أركان الشفاء من المشكلة

❤️❤️

لو معملتش حاجة خالص نهائي معانا , فممكن تاخد الزبدة لما تسمع محاضرة الكلينيكال https://youtu.be/YToB46Iuqo8 وبعدها تحل الإمتحان ده https://quizizz.com/join?gc=57071216 اللي خلص إمتحانه مينساش يملى ال feedback https://forms.gle/W46vg7ELLwrWYxGY6

فيه ناس خلصت الإمتحان الحمد لله وحتى الأن متوسط 90% بدل من 33% 🙈 الناس اللي خلصت أنا محتاج منكم تملوا ال feedback ده ضروري عن الورشة عموماً عشان القادم إن شاء الله 🙌🏻 https://forms.gle/W46vg7ELLwrWYxGY6 بالتوفيق يارب لنا جميعاً 🙏🏻

معذرة يا دكاترة في السؤال ده كان المفروض أكتب is وليس isn't

💜💜 شوف الرسالة المثبتة دي https://t.me/IV_NOTES/444

ال last step 😁 ال Post-test 🖋 بفكرك تاني إن متوسط الدرجات في ال Pre-test كان 33% ده غير إن كل واحد عارف درجته كام بالظبط 👀 مطلوب منك تخل ال 60 MCQ دول واللي يلاقي فرق كبير في درجته قبل وبعد ياريت يفرحني يا جماعة انا بفرح بالحاجات دي أوي 😅 لو انت مفتفحش حاجة طول الفترة اللي فاتت فإحنا قدامنا 48 ساعة مفتوحين للإمتحان تقدر تخلص فيهم محاضرة الكلينيكال مرتاح وتراجع عليها كمان وبعدين تمتحن https://youtu.be/YToB46Iuqo8 لينك الإمتحان على موقع أو برنامج Quizziz https://quizizz.com/join?gc=57071216

للمنضمين الجدد 👋🏻 إحنا بنعمل ايه ؟ عموماً كل فترة بنعمل Workshop عشان ننجز موضوع معين في الطب نفهمه basic & clinical نحل امتحانات ونسمع محاضرات ونحل cases ونذاكر flashcards بحيث الموضوع يتقفل تماماً ومتشيلش همه بعد كدة في الشغل 🤝 إحنا بقى اليومين دول ماسكين موضوع الإنسولين بدأنا نذاكر ال Basic وامتحنا عليها والناس بعد ما جابت 42% في امتحان قبل الورشة جابت 87% في امتحان بعد الورشة الحمد لله ✌🏻 ثم بدأنا الكلينيكال وخدنا محاضرة شرح وحلينا flashcards وبعدين عملنا Online lec حلينا فيها cases وعملنا محاكاة تفاعلية لحالات حقيقية كأننا في العيادة وفي المستشفى والناس امتحنت على الكلينيكال قبل ما تبدأ الورشة وكان متوسط الدرجات 33% والنهاردة بدأنا الإمتحان النهائي اللي بعد الورشة ومنتظرين النتائج اللي هتظهر بعد انتهاء الامتحان وانتهاء الورشة دي عموما يوم السبت ⏳ السيستم ده كفيل إنه يخليك تقفل على ال Topic اللي انا بكلمك عنه ومتنساهوش أبداً ان شاء الله وتكون ملم بكل جوانبه عشان تشتغل فيه بشكل سليم و updated ✌🏻 لو ملحقتش حاجة معانا لحد دلوقتي فمتقلقش اللي جاي أكتر إن شاء الله , دي تاني ورشة نعملها , الاولى كانت عن ال Hypoglycemia والتانية كانت عن ال Insulin therapy هحطلك دلوقتي كل ال materials اللي انت ممكن تدرك بيها ما يمكن إدراكه في اللي فات لحد ما تلحقنا في القادم إن شاء الله , أنا بحاول احافظ على رتم ورشة كل شهر و ربنا ييسر الحال 🙌🏻 ولو واجهك أي مشاكل أو استفسارات تقدر تبعت سؤالك على الجروب أو على الفورم دي https://forms.gle/VxmyZjsZF1kUKnEQ6 بالتوفيق 🙏🏻 💉💉 Insulin workshop 💉💉 ال PDF لمحاضرة ال basic insulin https://t.me/IV_NOTES/346 محاضرة ال Basic insulin https://youtu.be/VM0xZLVzIRs?si=UVReul9mO6IpJUkN ال PDF لمحاضرة ال Clinical insulin https://t.me/IV_NOTES/401 محاضرة ال Clinical insulin https://youtu.be/YToB46Iuqo8 ال PDF لمحاضرة ال Cases insulin https://t.me/IV_NOTES/430 محاضرة ال Cases insulin https://youtu.be/PtOLEp_3Yxg?si=2l0W5_ujjJ2-xCMv 💉💉 Hypoglycemia workshop 💉💉 محاضرة ال Hypoglycemia https://youtu.be/-pJmD75x-ys?si=1Gzo-wK-GqtJPE4s محاضرة Cases hypoglycemia https://youtu.be/nut8gFnhz-k?si=TMH2kvPnDObxmYxL ال PDF لمحاضرة ال Hypoglycemia https://t.me/IV_NOTES/372 ال PDF لمحاضرة ال Cases hypoglycemia https://t.me/IV_NOTES/370

الساعة ٣ عصراً الإمتحان هيبدأ https://quizizz.com/join?gc=57071216 60 سؤال عدد المحاولات مفتوح عشان ميعملش معاكم نفس المشكلة القديمة بتاعة إستنفاذ عدد المحاولات غصب عنكم ولكن اللي هيحل الإمتحان أكتر من مرة هيتم إعتماد أول محاولة فقط (( أنا صاحيلك 😌 )) بالنسبالي انا مش بعلن غير عن المركز الاول فقط , فمتقلقش عك براحتك مفيهاش احراج . الاجابات هتعرفها أثناء الامتحان وبعد الامتحان , اخر الامتحان هيظهرلك درجتك . الامتحان مفتوح لمدة 48 ساعة هينتهي يوم السبت 3 عصراً مطلوب منك لو بتشتغل من الموبايل تحمل تطبيق Quizziz من ال play store ثم تفتح لينك الامتحان أو لو دوست على اللينك من غير البرنامج حتى هيفتح في المتصفح عادي لو بتشتغل من اللاب تدوس على اللينك فقط هيفتح معاك المتصفح موقع Quizziz .. أو تدخل على الموقع هيجيبلك خانة Enter code تحط فيها الكود ده هو هيفتحلك الامتحان مباشرة 57071216 وتبدأ الإمتحان

ممكن أقولكم حاجة تانية بردو يا جماعة هي ليها علاقة بموضوع السكر اللي بنتكلم فيه دلوقتي عشان كدة افتكرتها بس هي مبدأ هتنفذه في شغلك كله .. فاكرين لما قسمنا ال Hypoglycemia إلى ثلاث مستويات Level 1 : RBS 70-54 Level 2 : RBS below 54 Level 3 : 1 or 2 + DCL وكنا قولنا ان العلاج بتاعها جلوكوز IV لو العيان مش واعي Oral لو العيان واعي الكلام ده علمياً صح وعملياً بردو صح هدفك ترفع سكر العيان ولو حطيتله شوية سكر oral هيحصلها absorption سريع من ال Mucosa وهيرفع ال blood glucose في ظرف دقائق فالطبيعي ان وانا عندي ال oral route مروحش أشك العيان بكانيولا الاستثناء هو اني اركب كانيولا واديله علاج وريد وده بلجأله لو العيان DCL فمش هقدر اديله حاجة Oral طيب تعالى ننزل للواقع ( بتاعنا إحنا ) عيان معاك في المستشفى سكره ٤٠ و fully concious هتديله oral زي ما العلم ( الصح جدا بالمناسبة بيقول ) بصراحة لو أنا هديله IV , طيب ليه ؟ عشان القوانين والمسئوليات والحوارات .. العيان متسجل ان سكره ٤٠ لو حصله مشكلة وانت لم تثبت في الورق انك صرفت عليه ازازة محلول جلوكوز يبقى انت ماعلجتوش برغم انك طلبتله علبة عصير من الكافتيريا بس ده ملوش معنى في الأوراق والرسميات وحوارات النيابة اقولك على حاجة ، لو العيان اللي معايا سكره ٧٠ حتى بس هو جوة المستشفى بردو بديله جلوكوز وريدي ( لنفس السبب ) أما برة المستشفى لما بيحصل Hypoglycemia مع أي حد حتى لو قريب مني وهو fully concious فبوصفله oral ttt بقلب جامد وبيتحسن فعلا والدنيا بتبقى تمام ، لأن اصلا على ما أقوله يروح مستشفى يعلق جلوكوز كان زمان فات وقت أكتر بكتير من الوقت اللي هيحصل فيه absorption لل oral glucose دي نصيحة بكتبها للأمانة عشان تفهم الفارق بين الواقع والعلم ، بس مقدرش أكتبهالك جوة المحاضرة لأني مؤتمن أكتبلك العلم المظبوط ، بس الحوارات القانونية دي بيننا وبين بعضنا بنظبطها سواء في قصة ال hypoglycemia أو أي مشكلة تانية في الطب وهما كتير

ده حقيقي بننتظر فعلاً وده مش متعارض خالص مع اللي مكتوب في المحاضرة خليني أقولك ... دلوقتي بدأت للعيان basal regimen في شهر يناير بجرعة 0.1 U/kg وكل اسبوع تتابعه وتزودهاله وحدتين كل اسبوع عشان تارجت السكر الصايم لسة مظبطش معاك لحد ما وصلت معاه وليكن إلى جرعة 0.3 U/kg و السكرات بتاعته قبل الأكل كلها كويسة , فالأمور كويسة وماشية على خير أهه جيت في أبريل بعد 3 شهور وانت بتتابعه طلبت منه تراكمي لقيته نزل من 8.5 لـ 8 يعني بردو مازال عالي ( بعد 3 شهور ) ساعتها بتقرر تضيفله Prandial بعد ال largest meal لأن غالبا الراجل ده سكره بيرفع بعد الأكل واحنا مش حاسين بس بنلاقي الصايم متظبط عشان ال lantus هو اللي مظبطه , بس اللانتوس لوحده ميقدرش على ال Post prandial high blood glucose فـ أه طبعا الكلام ده بعد 3 شهور , على ما أكون ظبطت للعيان السكر الصايم أصلا واخش ع الخطوة اللي بعدها بقى اللي هي تظبيط تارجت التراكمي

اللي حصل في محاضرة ال Cases في الفقرة دي كالتالي : دكتورة يارا قالت عايزين نبدأ للعيان إنسولين وبالتالي هنوقفله ال oral سألتها هل كل ال Oral قالت ممكن نوقف ال amaryl & galvus ونكمل على ال glucophage كملنا ال case وبعد ما خلصناها علقت على الجزئية دي إني مش شرط أوقف ال Galvus وكذلك ال Amaryl لما هنوقفه هيكون بالتدريج لحد ما نشيله خالص أيه الغرض ؟ إن ميحصلش Hyperglycemia لأني ببدأ بجرعات لانتوس صغيرة والمفروض إن سكره كان عالي على كل الأدوية ال Oral دي فمش متوقع إن سكره يتهبد يعني لما ياخد 8 وحدات لانتوس فببدأ أشيل ال S.U بالتدريج عشان ميحصلش Hyperglycemia طب افرض أول ما بدأ ال Lantus حصله Hypoglycemia ؟ فوراً تتعامل معاه كعيان Hypoglycemia عادي وتديله جلوكوز وتوقف بقى ال S.U خالص وتجرب نفس جرعة ال Lantus وتعلى وتنزل بيها حسب ما انت شايف العيان

الحمد لله 🙏🏻🙏🏻 يارب دايما

المحاضرات موجودة على قناة اليوتيوب مدى الحياة https://www.youtube.com/@IVNotesMo ال PDF هيفضل موجود هنا مدى الحياة الامتحانات وال flashcards بفتحهم من جديد بعد إنتهاء الورشة لمدة اسبوعين وبعد كدة بيبقوا غير متوفرين وان شاء الله الورش اللي جاية كتير

عايز أقولك أنا عندي عقدة Perfictionism اصلا 😅 أنا مع كل ده وحاسس إن كان ممكن يكون فيه أكتر من كدة يتعمل ونأكد على المعلومات بطرق أكتر من الامتحان قبل وبعد وكروت وقراءة وسماع و cases و basic و clinical الله المستعان 😅 شكراً جداً والله ع الكلام الجميل ده 🙈 يارب يكون ذا نفع دايماً للجميع 🙌🏻

الله يكرمك من ذوقك والله 🙏🏻 وعندك حق في ال Spelling فعلا

Both of them are welcomed