IV Notes 💉

يلا برجلك اليمين https://youtu.be/YToB46Iuqo8

للمنضمين الجدد 👋🏻 إحنا بنعمل ايه ؟ عموماً كل فترة بنعمل Workshop عشان ننجز موضوع معين في الطب نفهمه basic & clinical نحل امتحانات ونسمع محاضرات ونحل cases ونذاكر flashcards بحيث الموضوع يتقفل تماماً ومتشيلش همه بعد كدة في الشغل 🤝 إحنا بقى اليومين دول ماسكين موضوع الإنسولين خلصنا محاضرة عن ال Basics insulin synthesis and secretion ودي موجودة على اليوتيوب وامتحنا عليها والناس بعد ما جابت 42% في امتحان قبل الورشة جابت 87% في امتحان بعد الورشة الحمد لله , ثم بدأنا ال Clinical وخلصنا امتحان قبل الورشة والنهاردة هنبدأ الدراسة الحقيقية هنقرأ ال PDF اللي أنا نزلته النهاردة كويس جدا قبل ما نسمع المحاضرة اللي أنا هنزل اللينك بتاعها كمان شوية وبعد كدة تباعاً هنزل flashcards وهنعمل محاضرة Live cases ويوم الخميس هنمتحن على اللي إحنا درسناه إن شاء الله 🙌🏻 السيستم ده كفيل إنه يخليك تقفل على ال Topic اللي انا بكلمك عنه ومتنساهوش أبداً ان شاء الله وتكون ملم بكل جوانبه عشان تشتغل فيه بشكل سليم و updated ✌🏻 لو انت معملتش أي حاجة معانا قبل كدة مطلوب من حضرتك تقرأ ال pdf ده https://t.me/IV_NOTES/401 ولما تخلصه تسمع المحاضرة اللي هنزلهالك كمان شوية 🤌🏻 ولو واجهك أي مشاكل أو استفسارات تقدر تبعت سؤالك على الجروب أو على الفورم دي https://forms.gle/VxmyZjsZF1kUKnEQ6 بالتوفيق 🙏🏻

حصل خير يا جماعة 😁 أنا قولت قبل كدة , ال pre-test ولا ليه أي أهمية .. غير انه جزء من مذاكرتك مش أكتر .. بأمارة المرة اللي فاتت نص الناس جابوا في ال post مية في المية ماشاء الله . 🔥 المطلوب من حضرتك دلوقتي إنك تقرأ ال PDF اللي هنزلهولك , اقرأه كويس .. فكر في كل كلمة فيه عشان لما تسمع المحاضرة تستفاد منها أكبر إستفادة ✊🏻 أي حد عنده اي استفسار يبعت على الجروب أو على الفورم https://forms.gle/VxmyZjsZF1kUKnEQ6 كمان ساعة كدة هنزلك لينك المحاضرة , ولكن زي ما اتفقنا قراءة ال PDF الأول 👌🏼

نهاية ال Clinical pre-test 👏🏻

نص ساعة والامتحان pre-test هيقفل لو حد حابب يلحقه قبل ما نبدأ شغل https://quizizz.com/join?gc=04260784

بكرة الساعة 3 عصراً هيقفل الإمتحان ✍🏻 ال pre-test ده مبيطلبش منك مجهود كبير , ولكن حله سريعاً فيه فوائد كتير , ممكن تخلصه كله في نص ساعة بس هيحضرك كويس لمحاضرة بكرة إن شاء الله .. لو حابب تبدأ معانا رحلة الكلينيكال وبعد اسبوع تكون قادر على اللعب بالإنسولين , امشي معانا خطوة بخطوة 👣 ده لينك الإمتحان تضغط عليه هيدخلك الامتحان مباشرة https://quizizz.com/join?gc=04260784 أو تدخل موقع Quizizz أو الأبليكيشن بتاعهم وتدخل الكود ده في خانة Enter code 04260784 واستناني بكرة , هنزلك ال PDf أول ما الإمتحان يقفل إن شاء الله تقرأه وبعدين هنزلك المحاضرة تسمعها .. سمي الله وتوكل ✊🏻

On the top ⬆️ untill now ⏳

أهلاً بالمستجدين🙈 .. لو الأسئلة الجاية دي بتدور في بالكم فأنا بجوابكم .. ✅ هو إحنا بنعمل ايه هنا ؟ 🤷‍♂️ عموما إحنا بنتعلم طب بشعاري المفضل Medicine makes sense , أي حاجة بفضل الله هتـ make sense وإحنا بنذاكرها . تحديداً بقى اليومين دول إحنا بنحاول نجيب الإنسولين في " فيال " وكل فترة بنعمل كدة بنمسك موضوع نجيبه من أوله لأخره بشكل يخليك ( تفهمه ) وده أهم حاجة عندي , عشان لما أسيبك ولو قفلت على الموضوع ده سنة واتنين وتلاتة وجيت تذاكره تاني متواجهش أي عناء لأنك خلاص فاهم كل حاجة انت مجرد بتعيد حفظ بعض النقاط اللي نسيتها بمرور الوقت , وطوبة فوق طوبة تعمل برج كبير , فـ topic above topic هيعملك بنيان طبي كبير في دماغك المهم تكون متقن تمام الإتقان للجزئية اللي بتذاكرها عشان لما تردم عليها متشيلش همها تاني .. وده اللي أنا بحاول أسهله عليك هنا , برتبلك كل حاجة وبجهزلك العدة و بقشرلك المعلومة وبظبطلك أسئلة عشان تعمل Brain storming و بعملك Flashcards عشان ال repetitive memory و بعملك real cases نتناقش فيها عشان يبقى فيه clinical sense , انت فقط ما عليك إلا إنك تدي نفسك بعض الوقت والجهد وفقط . طب أنا المفروض أعمل ايه دلوقتي في الكلام الكبير اللي مكتوب ده ! 🙄 ولا أي حاجة تسمي الله وتسمع كلامي أقولك يمين يبقى يمين , شمال يبقى شمال .. دلوقتي عندك إمتحان 😁 ايوة امتحان متستغربش , أنا غير مؤمن بتزغيط المعلومة .. لما أشوف منك رغبة وعناء في الإجتهاد لإستخلاص المعلومة وألاقيك بسم الله ماشاء الله جايب 40% في ال pre-test كدة زي اخواتك ساعتها بس هتلاقيني معاك عشان نخلي ال 40 دي 100 في ال post-test إن شاء الله 😁 بالمناسبة موضوع ال pre & post test ده مش تأليفي يعني , جماعة ال BMJ الله يباركلهم هما اللي علموني الموضوع ده وكان فعال جدا بصراحة عشان كدة حبيت أطبقه معاكم (( وبالمناسبة كنت بجيب 40% في ال pre أنا كمان 😅 )) أيوة بردو مفهمتش أعمل أيه ؟ مصمم يعني , طيب خد ده امتحان , حله 🙂 https://quizizz.com/join?gc=04260784 ولما تخلصه هيظهرلك درجتك في النهاية احتفظ بيها ومتوريهاش لحد بقولك بيجيبوا 40% 🤓 , احتفظ بيها عشان تحطها جنب اختها لما تخلص الورشة وتمتحن تاني في الأخر وتلاقيها بقت أكتر من ضعف اللي قبل الورشة بإذن الله .. الامتحان عبارة عن 60 سؤال مش هتعرف اجابتك صح ولا غلط غير يوم السبت لما ننزل بالمحاضرة .. طيب من هنا ليوم السبت ( ده اللي هو بكرة يعني ) ممكن تعمل ايه ؟ , معرفش اذا كنت هتلحق تخلص ال 60 سؤال ولا ايه بس لو خلصتهم وهما مياخدوش منك أكتر من ساعة زمن , فممكن تشوف المحاضرة ال Basic اللي عملناها الاسبوع اللي فات كتسخين كدة هي بردو تخلص متسرعة في ساعة زمن https://youtu.be/VM0xZLVzIRs?si=UVReul9mO6IpJUkN لو عندك أي سؤال أو استفسار في أي وقت لا تتردد ابعته على الجروب أو على الفورم دي https://forms.gle/VxmyZjsZF1kUKnEQ6 جدولنا الزمني : السبت : Main lecture الأحد : Flashcards study الثلاثاء : Live session cases study الخميس : final test clinical level وبالتوفيق 🙌🏻

يا دكاترة أي حد عنده سؤال بخصوص التخصصات والقرارات بتاعة المستقبل يبعتلي برايفت واتس بلاش الفورم عشان مقعدش أنزل هنا حاجات كتير خارج سياق الورشة بما فيهم صاحب أخر سؤال مبعوت على الفورم

🙏🏻 عاجز عن الشكر والله 🙏🏻

❤️ الله المستعان , نسأل الله التساهيل عشان نعمل حاجة زي كدة في وقت قصير هتحتاج جهد ووقت وتركيز عنيف شوية .. ربنا يسهل واه فيه cases ان شاء الله

لو السفر أولوية أولى ومتفردة .. فالرعاية أحسن من التخدير سيكا , وإن كان الاتنين بيسفروا كويس مع اخوهم التالت الطوارئ ولو بردو السفر السريع أولوية كبرى عندك فالزمالة أحسن من الماستر بكتير , لأنك على ما تخلص ماستر ودكتوراة فيها شوط كبير من عمرك , لو مجموعك ضامن بيه زمالة وعايز تهج في ظرف خمس سنين اتوكل على الله

عندي خبرين واحد حلو والتاني وحش الحلو إننا الحمد لله عملنا أكتر من المطلوب في اللي فات 💪🏻 الوحش إن ال Basic ده appetizer 😅 انا جايبك أصلا عشان أقولك هتستخدم الإنسولين إزاي في الشغل فبصراحة إحنا لسة هنبدأ الجد 🙈 المفروض حماسك في الكلينيكال يكون أضعاف حماسك في ال Basics وإذا كان بفضل الله لقيت مردود حلو لما الناس سمعت محاضرة ال Basic وحست إنها كانت ممتعة ومفهومة فالمفروض الكلينيكال يكون ممتع أكتر ومشوق أكتر وعليه طلب أكتر فعايزين نشد الحيل كدة هعيد عليكم تاني , سيبلي نفسك خالص لمدة اسبوع , لو إلتزمت بكلامي كما هو وبعد اسبوع مكنتش بتعرف تبدأ علاج إنسولين وتظبط جرعاته لأي مريض حاسبني ويبقى ليك عندي Session private أظبطهالك فيه انت وكل واحد حصل معاه كدة ( طبعاً أنا مش هعمل كدة 😌 مش رجوع في الكلام , بس ثقة في النظام اللي حاطتهولك 😁 ) مش هتحتاج من بعده أي حاجة إن شاء الله تخص الإنسولين ... سمي الله كدة وسيب نفسك للموجه وهي هترفعك ايه المطلوب منك دلوقتي ؟ مطلوب من حضرتك تحل ال Pre-test هو ضعف أسئلة ال Basic أه , ولكن ده clinical مفيش هزار ومش هينفع نفوت معلومة .. حل واغلط وفكر واعمل brain storming عشان لما تسمع مني او تقرأ المعلومة الصح بعد بكرا فالمعلومة تلزق في دماغك متطلعش . ده لينك الإمتحان تضغط عليه هيدخلك الامتحان مباشرة https://quizizz.com/join?gc=04260784 أو تدخل موقع Quizizz أو الأبليكيشن بتاعهم وتدخل الكود ده في خانة Enter code 04260784 واستناني يوم السبت مع المحاضرة إن شاء الله

❤️❤️❤️ الجماعة اللي اخطأوا في سؤال أو اتنين سامحوني والله انتوا وحوش بس كدة هنزل أسامي الناس كلها 😂

نتيجة ال post-test basic تقريباً ضعف ال pre-test الحمد لله 👏🏻

الساعة 3 عصراً هيفتح الإمتحان إن شاء الله pre-test clinical insulin الامتحان 60 سؤال MCQ , هو مجرد قياس لمعلوماتك لنفسك محدش هيعرف درجتك غيرك في أخر الامتحان , وبالنسبالي انا مش بعلن غير عن المركز الاول فقط , فمتقلقش عك براحتك مفيهاش احراج , السؤال اللي هتحله صح هيعدي على ذاكرتك مرور الكرام , السؤال اللي هتحله غلط هتيجي يوم الشرح وانت بتسمع الإجابة الصح هتلاقي اوتوماتيك الاجابة لزقت في ال permenant memory ومش هتطلع , فلو جاوبت غلط ده المفروض يفرحك أكتر . الاجابات مش هتعرفها لا أثناء الامتحان ولا بعد الامتحان , هتعرفها بنفسك يوم المحاضرة بتاعة الشرح , اخر الامتحان هيظهرلك درجتك فقط . الامتحان مفتوح لمدة 48 ساعة هينتهي يوم السبت 3 عصراً , اليوم اللي هنبدأ فيه محاضرات الشرح , عدد المحاولات مفتوح عشان ميعملش معاكم نفس المشكلة القديمة بتاعة إستنفاذ عدد المحاولات غصب عنكم ولكن اللي هيحل الإمتحان أكتر من مرة هيتم إعتماد أول محاولة فقط (( أنا صاحيلك 😌 )) . مطلوب منك لو بتشتغل من الموبايل تحمل تطبيق Quizziz من ال play store ثم تفتح لينك الامتحان أو لو دوست على اللينك من غير البرنامج حتى هيفتح في المتصفح عادي لو بتشتغل من اللاب تدوس على اللينك فقط هيفتح معاك المتصفح موقع Quizziz .. أو تدخل على الموقع هيجيبلك خانة Enter code تحط فيها الكود ده هو هيفتحلك الامتحان مباشرة 04260784 وتبدأ الإمتحان , احتفظ بدرجتك بسكرين شوت لما تظهرلك اخر الامتحان عشان تقارنها بدرجتك في الامتحان النهائي بعد الورشة وتشوف استفدت فعلا ولا لأ . لينك الإمتحان https://quizizz.com/join?gc=04260784

الصبح هنقفل صفحة Basic الإنسولين لو مشتركتش لحد دلوقتي فخلاص معدش فيه حاجة تتعمل 😃 ابدأ معانا كلينيكال بقا عشان تعرف تدي العيان الإنسولين إزاي , بس من هنا لبكرة .. ممكن في ساعة صفا في البلكونة كدة او في المواصلات تشغل المحاضرة ال Basic وتسمعها إستمتاعاً فقط , مش عشان مذاكرة ولا أي حاجة مش عايزك تبذل فيها مجهود خليها شغالة في ال Background كدة عشان تدخلك في المود مش أكتر , لأن المجهود هيبدأ من بكرة .. فيه عندك 60 سؤال بكرة هتحلهم يخصوا ال Clinical application of insulin use عايزك تفوقلهم لحد ما ننزل بمحاضرة الشرح . وللجميع بردو هيبقى معاكوا يومين تمتحنوا فيهم ال Pre-test clinical في خلال الفترة دي مش عايزك تقعد فاضي , اسمع محاضرة ال Hypoglycemia هتفيدنا في شغلنا بردو , بالتوفيق للجميع 💪🏻 https://youtu.be/-pJmD75x-ys?si=RaAaXrmwfx-LwmC6 https://youtu.be/VM0xZLVzIRs?si=z5sJqpwKZyX-1QVg

والله لو اطلعت على الخطط اللي في دماغي ما هتعرف تجيب أخرها 😂 بتمنى أعمل كل حاجة والله , وربنا ييسرلنا المتاح بخصوص الرعاية فهي جميلة للي بيحبها ( وده للأسف مش هتعرفه إلا لما تمارسها فترة كدة ) وكذلك مناسبة للي عايز يسافر هي أكتر حاجة ممكن تسفر أي حد برة .. فيما عدى ذلك فيها من المهلكات الكثير 😅 بخصوص درجاتها في القبول في الزمالة فأنا مش احسن حد يرد عليك في الأمور الإدارية دي لي صديق دكتور ( خالد خاطر ) كان ذكر الورشة على صفحته من كام يوم وبيرشحها للناس , أعتقد خالد شاطر في الأمور دي ويقدر يفيدك في السكك المتاحة ودرجات القبول وأعداد المقبولين هو مهتم جدا بالتنظيمات الإدارية دي , ممكن تتواصل معاه