IV Notes 💉

الـ liver enzymes اللي دايماً بتحطهم في خانة واحدة، هما الحقيقة مش في خانة واحدة ❎ بإختصار ال ALT & AST هي إنزيات موجودة داخل خلايا الكبد، بالمنطق كدة لو لقيتها برة الكبد وعايمة في الدم بنسبة عالية ده يدل على وجود تكسير لخلايا الكبد عشان كدة خرجت الإنزيمات دي من جواه ↗️ طيب ليه بطلب تحليل للإتنين مش لواحد بس كفاية ؟! 🧐 أولاً ال ALT is highly specific to liver damage ال ALT موجود بشكل شبه كامل داخل خلايا الكبد أما وجوده برة الكبد فضئيل جداً ، لذلك بالمنطق بردو لو لقيت ال ALT عالي يبقى كدة الكبد بيعاني 🥹 وعلى العكس ال AST زي ما موجود في الكبد فهو موجود في ال muscles & myocytes & RBCs ولذلك إرتفاع AST بدون إرتفاع ال ALT فدي إشارة بتقولك بص بعيد عن الكبد لأنها لو من الكبد كان زمان ال ALT & AST both are elevated ✌️ فرق أخر إن ال ALT موجود في ال cytoplasm أما ال AST مستخبي في ال mitochondria ولذلك أي mild injury يقدر بسهولة يطلع ال ALT اللي موجود برة، أما ال AST مستخبي جوة محتاج injury أقوى شوية عشان يطلعه وبالذات الكحوليات لأنها بتضرب في ال mitochondria مباشرة 🦠 وللأسباب دي فيه ratio مهم جداً بالنسبالك في التشخيص وتحديد سبب ارتفاع ال liver enzymes اللي هو AST/ALT ratio ✅ لو ال ratio فوق ال 2 يبقى ده alcoholic liver disease في الأغلب 🤝 لو ال ratio بين 1 و 2 يبقى ده Cirrhosis or paracetamol toxicity في الأغلب 🤝 لو ال ratio أقل من 1 يبقى ده Fatty liver, Chronic Viral Hepatitis, Acute Biliary Obstruction 🤝 #IV_Notes #By_Dr_Mo

بما أن العلم يحلو كلما كررته فأنا كنت واخد طريقة كدة الفترة اللي فاتت إني كنت كل يومين بنزل case وبعدين انزل الحل بتاعها مع طريقة التفكير فيها لو حد كان متابع معايا من الأول، انا بدأت بـ 4 cases ورا بعض عن ال headache بعد كدة غيرت لل stroke وكانوا 5 cases بيتكلموا عنها ، بالأسلوب ده أنا كنت بحاول أخليك مركز دايماً على موضوع واحد بحيث ال concepts الأساسية اللي تهمني اني أوصلهالك أكون مركز عليها وأكررها فأنت مش هتنساها بالشكل ده إن شاء الله عايز رأيكم بقى للي كان متابع، نكمل على نفس النظام وكل فترة ناخد موضوع محدد نركز معاه ولا ننوع شغلنا وكل مرة ناخد case لموضوع مختلف 🧐

عيان جاي ب focal neurological deficit هو بالنسبالنا stroke إلى أن يثبت العكس فمش هينفع نتكلم ان ده أي تشخيص تاني ليه ميكونش hypertensive urgency أولا الضغط 160/90 وده مش HTN crisis اساساً عشان ابدأ أقسمه لـ urgency or emergency ليه ميكونش facial palsy عادي اللي هو bells palsy ؟ لأن قولنا قبل كدة لازم يكون باقي ال neurological examination normal وهنا ماشاء الله العيان النيورو بتاعه كله مضروب طيب ولما هي stroke المفروض أعمل أيه ؟ CT or MRI ؟ ولا أجري أنزل الضغط العالي ؟ تعمل CT قولاً واحداً مليون في المية ، مفيهاش نقاش طوارئ النيورو بتكون برعاية ال CT brain .. أما الرنين ده بيتعمل في وقت الرحرحة و البراح بعدين لأنها بتاخد وقت إنما مينفعش عيان acute stroke تعطله في أشعة رنين مهما كان، هتقولي طيب مش لو عملتله مقطعية وملقتش نزيف يبقى كدة هضطر أضيع وقته تاني في رنين عشان أشوف الجلطة لأنك شاطر ومذاكر وعارف ان ال acute stroke مش بتظهر في المقطعية؟! هقولك لأ و هحطلك الحلق تاني في ودنك التانية وأقولك، إحنا بنحقن ال alteplase على المقطعية مش على الرنين . طيب ليه مش هنزله ضغطه الأول ؟ ممكن فعلاً تنزله ضغطه الأول ده في حالة إن العيان ليك عنده تار والبلد كلها هتاكل وشك لو مخدتش بتارك، أما لو هو عيان عادي وعايز تعالجه فانت هتعمل عبيط مع الضغط كأنك مش شايفه، لأن الجسم مزود الضغط بشكل physiological عشان الدم قل للمخ فبيحاول يزود ال perfusion حضرتك لما تجري تقلل الضغط انت كدة ماشي بشعار ( الدكتور والجلطة ايد واحدة على العيان )

عندنا مريض عمره 62 سنة حضر بسبب ظهور مفاجئ لـ right-sided weakness وصعوبة في الكلام. المريض بيذكر إن الأعراض بدأت منذ حوالي ساعة. هو بينفي وجود headache، لكن زوجته لاحظت إنه كان disoriented وبدا عليه اضطراب في الوعي والتركيز. المريض عنده history of hypertension, diabetes mellitus, and hyperlipidemia. عند الفحص كانت العلامات الحيوية كالتالي: Blood Pressure: 160/95 mmHg Heart Rate: 92 beats/min Respiratory Rate: 18 breaths/min بالفحص لقينا Right-sided hemiparesis Dysarthria Right facial droop Diagnosis next best step in management

هو ليه مريض السكر بيحصله غيبوبة سكر أكتر من اللي مش مريض بالسكر !🧐 في حين إني أعرف إن ال DM مرض hyperglycemia وليس hypoglycemia فإزاي بقى ده حصل ؟! 🤔 عندك حق فعلاً السكر مرض زيادة سكر وليس نقصه , ولكن بكل بساطة العيان اللي بياخد Diuretic هو أكثر عرضه لل Hypokalemia مثلا عن غيره , والعيان اللي بياخد Beta blocker هو أكثر عرضه لل bradycardia عن غيره وكذلك العيان اللي بياخد إنسولين هو العيان الأكثر عرضه لل Hypoglycemia عن غيره , ومين بقى اللي بياخد انسولين ؟ هو عيان السكر .. لذلك العيان جاله هبوط في مستوى السكر مش عشان عنده سكر بل عشان بياخد أدوية بتقلل السكر فزود الجرعة أو قصر في الأكل ترتب عليه خلل في الميزان وحصله Hypoglycemia 🤝 بالإضافة لشئ تاني مهم جدا , العيان الطبيعي لو سكره وقع عشان صايم لفترة طويلة مثلا فبالـ physiology كدة البنكرياس هيبطل يطلع إنسولين عشان فيه Hypoglycemia عكس عيان السكر اللي بيحقن نفسه إنسولين , لو عنده Hypoglycemia وفيه إنسولين محقون تحت الجلد هيفضل يكمل إمتصاص ويزود ال Hypoglycemia أكتر لأنه فاقد للميكانيزم الدفاعي اللي ربنا خلقه في ال Physiology 👌 عشان كدة العيان اللي يجيلي ب hypoglycemia وبياخد إنسولين فده منطقي مقلقش , إنما الرعب كل الرعب لما يجيلي عيان مبياخدش أي ادوية تهبط السكر ويجيلي بهبوط سكر , يبقى فيه حوار تاني كبير لازم أدور عليه 👀 لو حابب تعرف أكتر عن ال Hypoglycemia ابعت رسالة ( مهتم بكورس ال hypoglycemia ) برايفت على الواتساب ده https://wa.me/201098580598 هيبعتولك لينك الفيديوهات والملفات pdf مجاناً

عيان جاي ب focal neurological deficit هو بالنسبالنا stroke إلى أن يثبت العكس فمش هينفع نتكلم ان ده أي تشخيص تاني ليه ميكونش rapid AF العيانة دي AF اه بس مش rapid ليه ميكونش facial palsy عادي اللي هو bells palsy ؟ لأن قولنا قبل كدة لازم يكون باقي ال neurological examination normal وهنا ماشاء الله العيانة النيورو بتاعها كله مضروب طيب ولما هي stroke المفروض أعمل أيه ؟ CT or MRI ؟ تعمل CT قولاً واحداً مليون في المية ، مفيهاش نقاش طوارئ النيورو بتكون برعاية ال CT brain .. أما الرنين ده بيتعمل في وقت الرحرحة و البراح بعدين لأنها بتاخد وقت إنما مينفعش عيانة acute stroke تعطلها في أشعة رنين مهما كان، هتقولي طيب مش لو عملتلها مقطعية وملقتش نزيف يبقى كدة هضطر أضيع وقتها تاني في رنين ؟! هقولك لأ وحطها حلقة في ودنك، إحنا بنحقن ال alteplase على المقطعية مش على الرنين .

عندنا مريضة عمرها 74 سنة حضرت بسبب ظهور مفاجئ لـ right-sided weakness، وصعوبة في الكلام، مع إحساس بالدوخة (dizziness). المريضة عندها history of hypertension و atrial fibrillation. الأعراض بدأت من حوالي 3 ساعات. Blood Pressure: 180/95 mmHg Heart Rate: 110 beats/min وغير منتظم (irregularly irregular rhythm) Respiratory Rate: 16 breaths/min Right-sided hemiparesis Dysarthria Right facial droop ولا يوجد: History of trauma Headache

سؤال ع الماشي يصحصحك شوية 😎 إجراء سهل وبسيط وبيتعمل لكل العيانين تقريباً (( قياس الضغط )) السؤال : يهمك في أيه إنك تعرف إذا كان العيان بتاعك ESRD ولا لأ قبل ما تقيسله الضغط؟ من الأخر ده هيأثر على ايه في عملية قياس الضغط ؟! عيان الكلى اللي بيغسل دكاترة ال vascular بيعملوله وصله ما بين artery and vein في دراعهم .هتقدر تشوفها وتحسها لو حطيت ايدك عليها , الوصلة دي حساسة جدا فممنوع نعمل فيها أو حواليها أي شئ يمثل ضغط عليها , حتى الشكة فيها مش أي حد بيعملها بيكون فيه فني غسيل متخصص في شكة هذة الوصلة , من أحد أساليب الضغط على هذة الوصلة هو إنك تقيس الضغط في نفس الذراع فده يكتم الدم ويعرض الوصلة دي لمشكلة ... ولذلك عيان الكلى اللي بيغسل مهم تسأله بتغسل منين عشان لو بيغسل من وصلة في ذراعه فممنوع تقيس منها الضغط وتنبه على اللي معاك ممنوع نقسله منها الضغط وتنبه على العيان إنه ينبه على أي حد بيتعامل معاه إنه ممنوع يقيس منها الضغط #By_Dr_Mo #IV_Notes

SAH

طول ما العرض من sudden نام وارتاح ( ونبقى نشوف العيان في العيادة الصبح وخلاص ) الرعب كله في ال sudden دي ، يا ترى ال sudden هيطلع مصيبة ولا هيطلع حاجة اي كلام سن المريض وتاريخه المرضي هما كمان ميطمنوش ، ضغط المريض هو كمان ميطمنش ، وصف المريض للداع إنه أسوء صداع في حياته أصبح كدة الموضوع متشخص من قبل ما تعمل أي فحوصات ، إحنا امام Hmg وتحديداً غالباً هيطلع SAH (subarachnoid hemorrhage) هنأكد ده إزاي ؟ قولنا قبل كدة مفيش أسرع من ال CT هي اللي بتجيب من الأخر في طوارئ النيورو طيب ليه ميكونش tumor ؟ والله وارد ، بس هو ال tumor ده قرر يظهر sudden كدة من غير اي بوادر قبل كدة !! وإحتمال على فكرة يكون hemorrhage جوة ال tumor بس بردو هيكون المشكلة ال acute بالنسبالي هو النزيف مش الورم، هو ده اللي انا مصحي عليه طقم الطوارئ كله الساعة 3 الفجر، إنما الورم نفسه يروح العيادات الصبح مش فارقة طيب ليه ميطلعش 1ry headache انا فيه مرة جالي عيان كبير وعنده أمراض قديمة وجاي بصداع شديد جدا على فكرة وقعدنا نعمله في فحوصات قد كدة وفي الاخر طلع مفيش حاجة خطيرة !!؟؟ عارف لو مكنتش عملت الفحوصات الكتير دي تبقى مجرم حتى لو مطلعش فيه حاجة ، لأن السيناريو يخوف ومادام السيناريو يخوف لازم تفترض الأسوء مبدئياً ، بعد كدة يطلع اللي يطلع، بس إفتراض ان المشكلة benign في عيان زي ده من الاول هي جريمة مع سبق الاصرار

عندنا مريض عمره 56 سنة حضر بسبب sudden severe headache بدأ بشكل مفاجئ من حوالي ساعتين. المريض عنده history of hypertension و hyperlipidemia، ولا يعاني من أمراض أخرى مهمة معروفة. العلامات الحيوية عند الوصول كانت: Blood Pressure: 190/105 mmHg Heart Rate: 88 beats/min Respiratory Rate: 18 breaths/min المريض يصف الصداع بأنه "the worst headache of my life"، وبدأ بشكل مفاجئ ووصل لأقصى شدة خلال فترة قصيرة.

تحليل ال D-dimer في حالة ال pulmonary embolism بيكون good negative sign وليس good positive بمعنى لو شكيت إن الحالة دي PE وحاولت تجمع ال criteria بتاعتها على ال Well's score لقيتها low probability وكان ال D-dimer negative فساعتها تقدر تـ exclude pulmonary embolism بقلب مطمئن 😇 أما كون ال D-dimer إيجابي بشكل مستقل عن باقي ال criteria فده ليس له أي معنى لأن ال D-dimer يعتبر acute phase reactant ممكن يعلى لعشرين سبب أخر 🤷‍♂️ #IV_Notes #By_Dr_Mo