Янги Наманган тумани ҳокимлиги | Расмий телеграм канали

Namangan viloyati IIB boshlig‘i polkovnik Shuxrat Aliyev huzurida Namangan shahar, Davlatobod va Yangi Namangan tumanlaridagi jinoyatchilik ahvoli yuzasidan muhokama yig‘ilishi o‘tkazildi Joriy yilning aprel oyida Namangan shahar, Davlatobod va Yangi Namangan tumanlarida jinoyatchilikni jilovlash, jamoat hamda yo‘l harakati xavfsizligini taʼminlash maqsadida mazkur shahar-tumanlar 15 ta kichik hududlarga taqsimlanib, ularda "Huquq-tartibot maskanlari" faoliyati yo‘lga qo‘yilgan edi. Bugun polkovnik Shuxrat Aliyev huzurida o‘tkazilgan muhokama yig‘ilishda, o‘rinbosarlar, sohaviy xizmat rahbarlari, Namangan shahar, Davlatobod va Yangi Namangan tumanlari IIB boshliqlari ishtirok etib, unda ushbu 15 ta "Huquq-tartibot maskanlari"ning bosh inspektorlari rahbarligidagi profilaktika inspektorlari, yo‘l-patrul va post-patrul xizmati xodimlarining bir oylik ish faoliyati atroflicha tahlil qilindi. Tahlillar natijasiga ko‘ra, ushbu tashkil etilgan maskanlarning jinoyatchilik va huquqbuzarliklarning oldini olishda berayotgan samarasi sezilarli darajada ekanligi alohida taʼkidlanib, kelgusida “Huquq-tartibot maskanlari" faoliyatini yanada yaxshilash maqsadida boshqa huquqni muhofaza qiluvchi organlar bilan ham hamkorlikni kuchaytirish yuzasidan masʼul xodimlar zimmasiga tegishli vazifalar yuklatildi. Shuningdek, "Xavfsiz mahalla" oyligi doirasida mahallalarni jinoyat va ishsizlikdan xoli hududga aylantirish, migratsiyadan qaytgan fuqarolarni munosib ish o‘rinlari bilan taʼminlash, maktablarda davomat tadbirlarini muntazam ravishda o‘tkazib borish, fuqarolar murojaatlari bo‘yicha belgilangan muddatda qonuniy qarorlar qabul qilish va profilaktik targ‘ibot-tashviqot tadbirlarini jadallashtirish yuzasidan aniq topshiriqlar berildi.

Қизлар ўртасида давра суҳбати ўтказилди Янги Наманган туманининг “Шербулоқ” маҳалласи ҳудудида жойлашган 89-сонли умумтаълим мактабида “Келажакдаги орзуларим” мавзусида давра суҳбати ўтказилди. Юқори синф ўқувчи қизлари ўртасида бўлиб ўтган ушбу мулоқотда асосий эътибор қизлар тарбияси, касб-ҳунар ўрганиши, аёлларни оиладаги ўрни, шунингдек, эрта турмушнинг олдини олиш, эрта туғруқ ва унинг салбий оқибатлари, аёллар ўртасида ҳуқуқбузарлик ва жиноятчиликни олдини олиш каби масалаларга қаратилди. “Қиз бола турмушга чиқишидан олдин, аввало, касб эгалласин, ўз фикрига эга бўлсин, ҳаётни англасин”, — дейди туман ҳокимининг ўринбосари, хотин-қизлар бўлими бошлиғи  Нигора Мирзавалиева. Тадбир давомида қизларнинг фикр-мулоҳазалари ва қизиқишлари билан ҳам ўртоқлашилди. Янги Наманган тумани ҳокимлиги ахборот хизмати 👉 Sayt | Telegram | Facebook | Instagram | Guruh

Еще одна китайская компания заинтересовалась Наманганом Китайская компания намерена развивать гостиницу, медико-диагностического центра, а также сферу услуг. https://nampravda.uz/ekonomika/esche_odna_kitayskaya_kompaniya_zainteresovalas_namanganom.html

#FlowerFestNamangan «63-Халқаро гуллар фестивали бу сафар ҳар қачонгидан ўзгача бўлади» 19 майдан 23 июнгача 40 кун давом этадиган фестиваль бир-биридан қизиқарли тадбирларга бой ўтади. Наманганда сизни кутамиз.

“Тараққиёт” кичик саноат зонасида қурилиш ишлари жадаллашмоқда Мебелчиликка ихтисослашган мазкур кичик саноат зонасининг умумий майдони 10 гектар бўлиб, келгусида 202,5 млрд сўмлик 37 та инвестициявий лойиҳа жойлаштирилади ва 4000 га яқин янги иш ўрни яратилади. Биргина мазкур саноат уйидан ўрин олаётган “Sarkor-Premum” МЧЖ лойиҳаси асосида ўриндиқлар ишлаб чиқариш йўлга қўйилади ва бу орқали 90 та янги иш ўрини яратилиши кўзда тутилган, “Ахмаджон Мухаммаджон Юсуфжон ўғли” ЯТТ лойиҳаси ишга тушиши ҳисобига эса дарвоза ва хонадон мебеллари тайёрланади ва 35 киши иш билан таъминланади. Айни пайтда саноат уйида иш жараёни қизғин давом этмоқда. Янги Наманган тумани ҳокимлиги ахборот хизмати 👉 Sayt | Telegram | Facebook | Instagram | Youtube | Guruh

Муаммоли кредитлар, солиқ ҳамда қарздорликларни ундириш бўйича вазифалар тақсимланди Аҳолини тадбиркорликка жалб этиш, уй шароитида ҳам банд бўлишларини таъминлаш борасида кўплаб имтиёзли кредитлар ажратилмоқда. Лекин ушбу кредит маблағларини ўз вақтида тўламаслик ҳолатлари ҳам учраб турибди. Янги Наманган тумани ҳудудидаги иқтисодий идоралар иштирокида ҳудуддаги 25 та маҳаллаларда аҳолига оилавий тадбиркорлик бўйича ажратилган кредитлар, солиқ ҳамда бошқа қарздорликларини ундириш бўйича аниқ вазифалар тақсимлаб олинди. Бу бўйича ҳар бир маҳаллада ишчи гуруҳ тузилиб, муаммоли кредитларни ундириш чоралари кўрилмоқда. Янги Наманган тумани ҳокимлиги ахборот хизмати 👉 Sayt | Telegram | Facebook | Instagram | Youtube | Guruh

#АНОНС «Наманган ҳақиқати» газетасининг 2024 йилдаги 36-сони нашрдан чиқди 🔗 Батафсил танишинг

🌤 ☀️🌦 Наманганда 11 май куни жойларда кучли ёмғир ёғиб, момақалдироқ бўлиши мумкин ▫️Республика Гидрометеорология маркази 11 май, шанба куни кузатиладиган об-ҳаво ҳақида маълумот берди. ▫️Наманган вилоятида ҳаво ўзгариб туради, ёмғир ёғади, айрим жойларда кучли ёмғир ёғиб, момақалдироқ бўлиши мумкин. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Айрим жойларда шамолнинг тезлиги чанг-тўзонлари билан бирга секундига 15-20 метргача кучайиши мумкин. Кечаси 13-18, кундузи 20-25 даража илиқ бўлади. ▫️Республикамизнинг тоғолди ва тоғли ҳудудларида ҳаво ўзгариб туради, ёмғир ёғади, айрим жойларда  кучли ёмғир ёғиб,  момақалдироқ бўлиши мумкин. Ғарбдан эсаётган шамол ўз йўналишини ўзгартириб, шарқдан секундига 7-12 метр тезликда эсади. Айрим жойларда шамолнинг тезлиги  секундига 13-18 метргача кучайиши мумкин. Ҳаво ҳарорати кечаси  ва кундузи 8-13 даража илиқ бўлади. 👉 Sayt | Telegram | Facebook | Instagram | Youtube | Guruh

Yangi Namangan tumanining ayrim hududlarida elektr ta’minotida vaqtinchalik uzilishlar bo‘ladi. Joriy yilning 11-may, shanba kuni 9:00dan 18:00 gacha “Namangan hududiy filiali” AJning  elektr qurilmalari va tarmoqlarini joriy ta’mirlash yillik rejasiga asosan va ularda sodir bo‘lishi mumkin bo‘lgan avariya xolatlarini oldini olish maqsadida: Yangi Namangan tumanidagi 110/10 kVli "Chamanzor" nimstansiyasidan chiquvchi 10 kV li "Kislarod-1" va 110/6 kV li "Shimoliy" nimstansiyadan chiquvchi "shoxbekat" tarmoqlari tamirlash ishlari olib boriladi. Buning natijasida,  Yangi Namangan tumanining    "Sihatgoh", "Go'zal", “Mingchinor” va "Beruniy" mahalla fuqarolar yig'inlari "Sanoat kocha" (Promzona) hududlarida ayrim joylarida iste’molchilarga elektr energiyasini yetkazib berilishida vaqtinchalik uzilishlar sodir bo‘ladi. Yuqoridagilardan kelib chiqib, iste’molchilardan keltiriladigan noqulayliklar uchun uzr so‘raymiz! Yangi Namangan TET (69)-228 79 04 94 520 11 54

Хитойлик яна бир инвестор Янги Наманган туманига 350 млн доллар сармоя киритади Trade Promotion Association of CCEA Shanghai DunShi Industrial Co Ltd раҳбари Mr.Yuan Yongqui Янги Наманган тумани салоҳияти билан яқиндан танишиш ва сармоя киритиш мақсадида туман ҳокими билан музокара олиб борди. Меҳмонга туманнинг ишлаб чиқариш салоҳияти, инвесторларга яратилган шароит ва қулайликлар ҳақида маълумотлар берилди. Шунингдек, айни пайтда чет эл инвесторлари томонидан Янги Наманган туманида ишлаб чиқарилаётган саноат маҳсулотлари хусусида ҳам тўхталиб ўтилди. Музокаралардан сўнг инвестор Янги Наманган туманида сув, шамол, қуёшдан фойдаланиб электр ишлаб чиқариш ва автомобил эҳтиёт қисмларини тайёрлаш учун қиймати 350 млн доллар миқдоридаги лойиҳага сармоя киритадиган бўлди. Меҳмонхона, тиббий диагностика маркази ва хизматлар соҳасини ривожлантиришни ўз ичига олган мазкур лойиҳа ишга тушгач, 1000га яқин янги иш ўринлари яратилади. Янги Наманган тумани ҳокимлиги ахборот хизмати 👉 Sayt | Telegram | Facebook | Instagram | Youtube | Guruh