Jesus~Kingdom👑

#ምን_በሉ! ጸልዩ! 🙏#ከመተኛታችሁ በፊት ጸልዩ ቃል አንብቡ ቢያንስ አንድ ምዕራፍ ከልባችሁ አንብቡ ለዓለማዊ ኑሮ እንኳን 300 ገጽ ያለው ታነቡ የለ! እንኳን ለዘላለም የሚጠቅማችሁ ቃል! ተከታታይ ፊልም ከማየት ተከታታይ ጸሎት ጀምሩ ፊልም አይታችሁ ለዛን ሰዓት መዝናኛ ሊሆን ይችላል! በጸሎት የሚገኘው ትርፍ ግን ዘላለማዊ ነው፡፡ 🙏#ለስጋችሁ ምግብ፣ ውሃ፣ እንቅልፍ እንደሚያስፈልገው ሁሉ መንፈሳችሁም ልክ እንደዚው ቃል እና ጸሎት ያስፈልገዋል፡፡ ስጋችሁ የሚፈልገውን የውሃ መጠን ካልሰጣችሁት እንደሚደክም ሁሉ መንፈሳችሁም የሚያስፈልገውን ቃል እስካላነበባችሁ ድረስ እየደከመ ይሄዳል፡፡ ታቃላችሁ ስጋችሁ ውሃ ሲጠማው በራሱ ይነግራችዋል! እንጂ ጠማህ እንዴ ብላችሁ አትጠይቁትም! 🙏#ሲርበውም ልክ እንደዛው ነው፡፡ እናንተም በፍጥነት ውሃ ትጠጣላችሁ ስጋችሁም ይረካል፡፡ መንፈሳችሁ ሁሌ የሚያስፈልገው ቃል እና ጸሎት ነው ሁሌ ይናገራል እናንተ ግን ለስጋችሁ ብቻ ቅርብ ስለሆነናችሁ የመንፈስን ጥያቄ አትሰሙትም ፤ ስጋችሁ ግን ጠማኝ ሲላችሁ ወድያው ነው የምትሰሙት፣ ስለዚህ ወደ መንፈሳችሁ ቅረቡ በጸሎትና በቃል፡፡ 🙏#ከሶስት_ደቂቃ ጸሎት ውጡ! ልክ ጸሎት ስትጀምሩ አቃለው ድካም እንቅልፍ እንደሚመጣባችሁ በዚያው ልክ ደግሞ ተከታታይ ፊልም ወይም Fb ስትጠቀሙ ድካም የሚባል ነገር ይጠፋል አይደል! ስለዚህ ማወቅ ያለባችሁ ነገር ሰይጣን የሚጠላው ነገር ቢኖሮ ተከታታይ ፊልም ስታዩ ሳይሆን ስትጸልዩ ነው፡፡ ለዚያም ነው ለመጸለይ ስታስቡ የድካም መንፈስ ያመጣባችዋል ታድያ እናንተ እንቅልፍ ነው ብላችሁ አትቀበሉት ተነስታችሁ ተቃወሙት እርሱም ከእናንተ ይሸሻል፡፡ 🙏#የምር_የጌታ ፊት አልናፈቃችሁም ህልውናውን መገኘቱን! ታድያ ጸልዩ! በኃላ እንዳይቆጫችሁ በህይወት እስካላችሁ ጌታን በደንብ አምልኩት! ለምን ከዚህ በኃላ የምታመልኩት በተመቻቸ ስፍራ ስለሆነ አሁን ግን በመከራ ሳላችሁ ለሱ ያላችሁን ፍቅር አሳዩት፤ ተነስ ወንድሜ ጸሊይ ፣ ተነሽ እህቴ ጸልይ፤ ተነሱ እንጸልይ... 🙏#መልካም_የጸሎት ምሽት ይሁንላችሁ በእምነት ይሄንን ጸሎት ልጸልይላችሁ በህይወታችሁ አይታችሁት የማታውቁት ነገር በኢየሱስም ዛሬ ማታ በምትጸልዩት ጸሎት ማየት ይሁንላችሁ! ክርስቶስ ክብሩን ይግለጥላችሁ! 🙏#እግዚአብሔር_ያየላችሁ ለእናንተ ግን አልታይ ያላችሁ በኢየሱስም ዛሬ ማታ መታየት ይሁንላችሁ...አሜን! ❤️#በጌታ_ፍቅር_እወዳችዋለሁ! ለእኔም ጸልዩልኝ! @jesuskingdoms @jesuskingdoms @jesuskingdoms 👉#Share_ አድርጉት፡፡

🛎ትጉና ጸልዩ! #ኢየሱስ_ሊመጣ በደጅ ነው፡፡ ይህንን መልእክት ለብዙዎች ሼር አድርጉት፡፡ በመላው ኢትዮጵያ ላሉት ሁሉ ይድረስ፡፡ 🔶🔸ከኢየሱስ ውጭ በዚህ ሰዕትም ሆነ በሚቀጥሉት ጊዜአት እስከ ዘላለም ከእርሱ ውጭ አዳኝ የለም፡፡ ሰው ለዘመናት ያጠራቀመው እውቀት ከስጋ ሞት ሊያድነው አልቻለም፡፡ በገንዘቡ ከስጋ ሞት ማምለጥ አልቻለም፡፡ ታዋቂነቱ ዝናው በምድር በሕይወት ሊያቆየው አልቻለም፡፡ 🔷🔹በደና ጊዜ አለምን እያንቀጠቀጡ የነበሩ ሀገሮች አሁን ለበሽታው እጅ ሰጥተው አቅም እንደሌላቸው አሳይተውናል፡፡ የታል ያ ሁላ ቴክኖሎጂ የታል ያሁላ የተማረ ሀይል! ሰው ያለ ኢየሱስ ከንቱ እንደሆነ አየን፡፡ በአለም ያለው ሁሉ ከንቱ የከንቱ ከንቱ ነው ያለው ጠቢቡ ሰለሞን ልክ ነው፡፡ 🔶🔸እኔ በጣም የማዝነው ሰው በበሽታ በስጋ በሞሞቱ ብቻ ሳይሆን ያለ ኢየሱስ ሁለተኛውን ሞት በሞሞቱ ጭምር ነው፡፡ ከሞት የሚያድነውን ጌታ ሳይቀበሉ፣ ስለ እነርሱ በመስቀል ላይ የሞተላቸውን ጌታ ሳያምኑ እርሱን ሳያውቁ ሲሞቱ! ነፍሴ አዘነች፡፡ አንዳንዶች ሳይሞቱ ጊዜ ወንጌል ሰምተው አንቀበልም ያሉ ይሆናሉ፣ አንዳንዶቹ ጌታን መቀበል እንደ ውርደት እንደመሸነፍ ቆጥረው የተው ይሆናሉ! 🔷🔹አንዳንዶች ቤተሰቦቻቸውን ፈርተው ይሆናሉ፣ አንዳንዶች ቆይ ነገ፣ ከነገ ወድያ እያሉ ሳሉ ሞት የመጣባቸው ይሆናል፣ አንዳንዶች የዚህን አለም ከንቱ ክብርን ፍለጋ ብለው ወንጌልን የናቁ ይሆናሉ፣ አንዳንዶች ዶግሞ ከነፍሳቸው ይልቅ የስጋ ኑሮ በልጦባቸው ለወንጌል ጊዜ አጥተው የሚጠፋውን ገንዘብና ታዋቂነት እያሳደዱ ሳለ ይሆናል፣ አሁን ያለ ኢየሱስ የሞቱት ሁሉ በሰማይ እራሳቸውን በጨለማ ውስጥ ሲያገኙ ምን ይሉ ይሁን? 🔶🔸በጣም በሚያስፈራ ጨለማ ውስጥ ብርሃን የሚባል የሌለበት፣ ነፍሳቸው በፍርሃት ተውጣ አንዴ ሙተን በተገለጋለን ብለው የሚመኙበት ስፍራ ውስጥ እራስን ማግኘት በጣም ያሳዝናል፡፡ እራሳቸውን ኢየሱስ የሌለበት ቦታ ሲያገኙ ምን ይሰማቸው ይሁን! ቢጮሁ ቢጮሁ የሚሰማቸው አካል የሌለበት ስፍራ ራሳቸውን ሲያገኛው ምን ይሰማቸው ይሁን! ነፍሳቸው በስጋት በድንጋጤ፣ በፍርሀት ያለሟቋረጥ ስትንቀጠቀጥ ምን ይሰማቸው ይሁን! 🔷🔹የማያውቁት ሀገር ያልጠበቁት ስፍራ ሲገኙ ምን ይሰማቸው ይሁን! እንዲህ ብየ እራሴን ጠየቁ! የምስራቹን ወንጌል ከሞት ወደ ሕይወት የሚያመጣውን ጌታ ገና ሳይሞቱ በፊት ተሰብኮላቸው አይ ይቅርብኝ ብለው ያሉ ሰዎች አሁን ሲሞቱ ያ ቀን ያስታውሱት ይሁን! እየተጸጸቱ ይሁን! ምናለ በተቀበልኩ ይሉ ይሁን! ይሄኔ እኮ ተቀብየ ብሆን እራሴን በዚህ አስፈሪ ስፋራ ባላገኘው ነበር ይሉ ይሁን! አላቅም ይሉ ይሁን አይሁን፡፡ ግን ነገሩ እንደዚያ የሚያስብል ነው፡፡ 🔶🔸ታውቃላችሁ የሰይጣን ትልቁ ምኞቱ በተዘጋጀለት የእሳት ባህር ውስጥ ብቻውን ለዘላለም መሰቃየትን ስላልወደደ አሁን ነፍሳት ያለ ኢየሱስ እንደሞቱ መፈለጉና እንዲህም እንዲሆን ስራውን መስራቱ ነው፡፡ የልባቸውንም ሀሳብ እያሳወረ ወንጌልን አሜን ብለው እንዳይቀበሉ በማድረግ በሰፊው መንገድ እንዲገቡ እያደረገ ነው፡፡ ኢየሱስን የሞተው እኮ እናንተን ወደራሱ ሊያመጣችሁ ነው፡፡ እናንተ ግን ወደ ኢየሱስ አንቀርብም ለምን ትላላችሁ? 🔷🔹እርሱ እኮ የነፍሳችሁ አዳኝ ነው፡፡ ጊዜው እንደሆነ እያበቃለት ነው፡፡ አንዳንዶች በሽታው ከጠፋ በኃላ ተመልሰው በኃጢአት ለመኖር እቅድ አውጥተው ይሆናል! አትሸወዱ በሽታው እንደሆነ የነበረ ስላልሆነ የመጣ ስለሆነ መሄዱ አይቀርም፡፡ በሽታው ብቻ ሳይሆን ይሄ የምታዩት አለምም አንድ ቀን መጥፋቱ አይቀርም ምክንያቱም ከሆነ ጊዜ በኃላ የመጣ ስለሆነ፡፡ ከእግዚአብርና ዳግም ከተወለዱት በቀር ሁሉም የሚያልፉ ናቸው፡፡ 🔶🔸እግዚአብሔር እንደሆነ የሆነ ቀን የመጣ አምላክ አይደለም፡፡ እርሱ ያለ የነበረ የሚኖር ጌታ ነው፡፡ ስለዚህ እርሱ ለዘላለም የሚኖር አምላክ ነው፡፡ ዳግም የተወለዱት(አማኞች) የሚጠፉ አይደሉም፡፡ ምክንያቱም እነርሱ አለም ሳይፈጠር በፊት አስቀድሞ በልጁ የተመረጡ ስለሆኑ፡፡ ከበጉም ጋር ለዘላለም ይኖራሉ፡፡ በበጉ ሰርግም እንዲገኙ ጥሪ ያገኙ ናቸው፡፡ 🔷🔹አሁንም በበጉ ሰርግ እንድትገኙ ጥሪ ተደርጎላችዋል፡፡ በኃላ ለምን ቀራችሁ ሲባል አልተጠራንም እንዳትሉ! በጉ በክብር በቃሉ በእኔ አልፎ ጥሪ እያደረጋላችሁ ይገኛል፡፡ የተጠራችሁት በነጻ እንድትገቡ ነው፡፡ ስለ እናንተ መከፈል ያለበትን ሁሉ በጉ ከፍሎታል፡፡ በር ላይ ስትገቡ ማንም ከየት መጣችሁ? ምንስ ይዛችሁ መጣችሁ ብሎ የሚያፋጥጣችሁ የለም፡፡ 🔶🔸ምክንያቱም ስለ እናንተ ደሙን ያፈሰሰው ጌታ ነው በር ላይ የሚቀበላችሁ፡፡ የሰርግ ጥሪውን ተቀበሉ፡፡ አዳኙን ጌታ የግል አዳኝ አድርጋችሁ ተቀበሉት፡፡ ነፍሳችሁን አሳርፍዋት፤ አታስጨንቅዋት፡፡ አንድ ነገር በተፈጠረ ቁጥር አታስደንግጥዋት፡፡ ወደ እረኛዋ መልስዋት፡፡ እረኛዋ ኢየሱስ ብቻ ነው፡፡ ከሚመጡት ተኩላዎች ሊያድናት የሚችለው እርሱ ብቻ ነው፡፡ ኢየሱስ ይወዳችዋል፡፡ አሁንም በስሙ ንሰሐ ገብታችሁ የእርሱ እንድትሆኑ ይፈልጋል፡፡ 👇 join @jesuskingdoms @jesuskingdoms @jesuskingdoms

🌳በቅርቡ የዘላለም ሕይወት በሚል ርዕስ ተከታታይ ትምህርት ይጀምራል!!!ታድያ በዚህ ቻናል ያላችሁ እህት ወንድሞች ሰዎችን ወደዚህ ቻናል በመጋበዝ ትምህርቱን እንዲከታተሉና የማይሻረውን የእግዚአብሔር ቃል አብረውን እንዲማሩና እውነትን እንዲያውቁ እንጋብዝ፡፡ቃሉ ሕይወትም መንፈስም ነው፡፡ቃሉ ሕይወትን የሚለውጥ ነው፡፡ Share it Share @jesuskingdoms @jesuskingdoms @jesuskingdoms

💦#ሙሽራውና_ሙሽሪት! 💨እግዚአብሔር ከቤተ-ክርስትያን ወይም ከአማኝ ማየት የሚፈልገው መልክ አለ እርሱም ፤ ልጁ በብዙ ወንድሞች መካከል በኵር ይሆን ዘንድ፥ አስቀድሞ ያወቃቸው የልጁን መልክ እንዲመስሉ አስቀድሞ ደግሞ ወስኖአልና፤ ሮሜ 8፥29 ክርስቶስ የራሱ ያደረጋትን ቤተ-ክርስትያን ሊወስዳት የሚመጣው የእርሱን መልክ በሚገባ በእርስዋ ውስጥ ሲመለከት ነው፡፡ቤተ-ክርስትያን(አማኝ) ማንን መምሰል አለባት? ክርስቶስን፡፡ #ክርስቶስን የምትመስለው ደግሞ በፀጋ ስጦታዎች በድንቅና በትዕምራት ሳይሆን! ክርስቶስ በምድር ሳለ በእርሱ ውስጥ የተገለጠውን ህይወት ቤተ-ክርስትያን ደግማ በምድር ስትገልጠው ነው፡፡ 💨እግዚአብሔር አብ ስጋን ለብሶ መጥቶ ቢሆን ኖሮ ያው ወልድ የኖረውን ህይወት ነበር የሚኖረው ምክንያቱም ኢየሱስ እራሱ እኔና አብ አንድ ነን ስላለ፡፡እንዲሁም አብን አሳየን ባሉት ግዜ! መልሱ እንዲህ ነበር እኔን ያየ አብን አይቷል አላቸው፡፡ስለዚህ ቤተ-ክርስትያንም በምድር ሳለች በሁሉም ነገር ክርስቶስን ማሳየት አለባት አብ በክርስቶስ እንደታየ ወልድ ደግሞ በመንፈስ ቅዱስ አማካኝነት በአማኞ ውስጥ የራሱን መልክ ማየት ይፈልጋል፡፡ 💨የትኛው መልክ? በዘፍጥረት ላይ ገና የሰው ልጅ ሲፈጠር በእግዚአብሔር መልክ እንደተፈጠረ ይናገርና ነገር ግን ባለመታዘዛቸው ምክንያት ከእግዚአብሔር መልክ ተለዩ፡፡ታድያ በሰይጣን ምክንያት ያጣነውን የእግዚአብሔር መልክ በክርስቶስ የመስቀል ስራ ተመለሰልን፡፡አሁን እኛ በክርስቶስ የክብሩ ነጸብራቅ ነን፡፡ #በዚው አጋጣሚ ቤተ-ክርስትያን የማንም ሳትሆን የክርስቶስ የራሱ ናት ኢየሱስ የሞተው ለነቢያቶች፣ ለፓስቶሮች፣ ለቄሶች ሊያደርጋት አይደለም፡፡ከእርሱ ናት በእርሱ ናት ለእርሱ ናት፡፡ 💨በዋጋ የገዛትም ለዚህ ነበር፡፡ገና ደግሞ ከእርሱ ጋር ዘላለም እንድትኖር በቅርቡ መጥቶ ይወስዳታል፡፡እንደ ሀገራችን ባህል መሰረት አንድ ወንድ ያፈቀራትን ሴት ሊያገባ ሲፈልግ ጥያቄውን የሚያቀርበው እርሱ ነው፡፡ለዚህም ነበር ኢየሱስ ሳንወደው አስቀድሞ በትልቅ ፍቅሩ የወደደን፡፡ሚስትም የወደዳትን ባል የመቀበል ያለመቀበል መብትዋ የተጠበቀ ነው፡፡ሰዎች በክርስቶስ የቀረበላቸውን ዘላለማዊ ጥሪ የመቀበል ያለመቀበል መብታቸው የተጠበቀ ነው፡፡ ነገር ግን ይህንን ጥሪ ባለመቀበላቸው የሚጎዱት እነርሱ ናቸው፡፡ 💨ይቺህ ለጋብቻ የተጠየቀችው ሴትም ጥያቄውን ከተቀበለች በኃላ ሰርግ ይደገሳል! ባልም ሚስቱን ሊወስድ የሴትዋ ቤት ይሄዳል፡፡ኢየሱስም ቤተ ክርስትያንን ሊነጥቅ እስከደመና ድረስ ይመጣል፡፡ሙሽራዋ ባልዋ እስኪመጣ ድረስ እየተኳኳለች ሽቶዋን እየተቀባች ለሰርጉ የሚመጥን ንጹህ ና ያመረ ልብስ ለብሳ የባልዋን መምጣት ትጠባበቃለች፡፡ ቤተ-ክርስትያንም እንዲህ መሆን አለባት፡፡ሙሽራዋ በቤትዋ ስለሚስተናገዱ ሰዎች ማን መጣ! ማን ቀረ! ምን በሉ! ምን ጠጡ እያለች አታስብም ልብዋ ያለው በአከባቢያ ያለው ሞቅታ ላይ ሳይሆን አንድ ስጋ ከሚሆናት ባልዋ ጋር ነው፡፡ 💨አማኞችም እንዲህ መሆን አለብን! የልባችን ትኩረት ሊሆን የሚገባው በአከባቢያችሁ በሚሆነው ጉዳይ፣ ዓለም በምትሰራው ላይ ሳይሆን እመጣለው ባላችሁ ጌታ ላይ መሆን አለበት፡፡ታድያ ሙሽራዋ ባሌ እኮ ዘገየ ብላ ውብ የሆነውን ልብስ አታወልቀውም እስከመጨረሻው ትታገሳለች! እርስዋም ባልዋን በተስፋ ጠብቀዋለችና ባልዋም ሙሽራዋን ከቤተሰቦችዋ ሊለያት ከእርሱ ጋር ደግሞ አንድ ስጋ ሊሆኑ ሊወስዳት መጣ፡፡ሙሽራዋም ቤተሰቦችዋንና አከባቢውን ተሰናብታ ውድ ከሆነው ባልዋ ጋር መኖር ትጀምራለች፡፡ 💨ቤተ-ክርስትያንም ከዓለም ለአንዴና ለመጨረሻ ሊለያት በክብር ይመጣል! ለዚህም ቤተ-ክርስትያን የጌታዋን መምጣት አጥብቃ መጠበቅ አለባት! እንደ አምስቱ ልጅ አገረዶች መተኛት የለባትም! የምድራዊው ጋብቻ የሚገርማችሁ ባልየው ሀሳቡን በማሀል ሊቀይር ይችል ይሆናል፥ ይሄ ጌታ ግን አስቀድሞ ላመኑትና ለሚያምኑት አስተማማኞ የሆነ ቀብድ ሰጥቶናል! መንፈስ ቅዱስን፡፡ስለዚህ ምንም ሊፈጠር ይችላል፤ ዓለም ኢየሱስ አይመጣም ብላ ብትገለበጥ እራሱ ጌታ ኢየሱስ ይመጣልልልል፡፡ 💨በነገራችን ላይ በምድራዊ የባልና የሚስት ጋብቻ ለምሳሌ ያክል ነው እንጂ የተጠቀምኩት በክርስቶስና በቤተ ክርስትያን ያለው ግንኙነት በሙሉነት ይሄ ምሳሌ ሊገልጸው አይችልም፡፡ግን ምሳሌው ትንሽ ይሻላል ብየ ነው! እናንተም በቀላሉ እንድትረዱት ታስቦ ነው፡፡በመጨረሻም ጌታ በቃሉ እንዲህ ይላችዋል ፤ ስለዚህ፥ ወዳጆች ሆይ፥ ይህን እየጠበቃችሁ ያለ ነውርና ያለ ነቀፋ ሆናችሁ በሰላም በእርሱ እንድትገኙ ትጉ 2ኛ ጴጥ 3፥ 14 👇join @jesuskingdoms @jesuskingdoms @jesuskingdoms

🗣እንዲህ የሚባል ታሪክ የለም! 🖲ወንጌል በጥሩ ንግግር ላይ ብቻ መሰረት ያደረገ አልነበረም፡፡ኢየሱስ በምድር ሳለ ሰዎች የተደነቁት በሚያስተምረው ትምህርት ብቻ ሳይሆን በሚያደርገው ድንቅና ተአምር ጭምር ነው፡፡ሐዋርያቱ የሰበኩት ወንጌል እውነት እንደሆነ በሕዝብ ዘንድ እንዲታወቅ በድንቅና በተአምር የታጀበ ነበር፡፡ወንጌል በቃል ብቻ ሳይሆን በኃይልም የተገለጠ ነው፡፡ 🖲ኢየሱስም መልሶ፡ ሄዳችሁ ያያችሁትን የሰማችሁትንም ለዮሐንስ አውሩለት፤ ዕውሮች ያያሉ፥ አንካሶችም ይሄዳሉ፥ ለምጻሞችም ይነጻሉ፥ ደንቆሮዎችም ይሰማሉ፥ ሙታንም ይነሣሉ፥ ለድሆችም ወንጌል ይሰበካል፤ሉቃስ 7፥22 በመጽሐፍ ቅዱስ ውስጥ አይተናል ሙታን ሲነሱ፣ ዕውሮች ሲያዩ፣ የታመሙት ሲፈወሱ፣ ዱዳዎች ሲሰሙ፣ የተቆረጠ ጆሮ እንደአዲስ ሲሰጥ፣ ከአጋንንት እስራት ነጻ ሲወጡ፤ አሁን ያለው ወንጌል ይሄንን ሁሉ አድርጎ በመጽሐፍ ቅዱሳችን አስቀምጦልናል፡፡ወንጌል በሚያባብል ቃል ሳይሆን በኃይል የተገለጠ ነው፡፡ 🖲ኃይሉን ክደዋል ከሚባሉት እንዳንሆን እንጠንቀቅ፡፡መንፈስ ቅዱስ አንዱ የመጣበት ዓላማ የምንመሰክረውን የክርስቶስ ወንጌል እውነት እንደሆነ በድንቅና በተአምር ሊመሰክር ነው፡፡ሰዎች ለምትናገሩት ነገር ተቃራኒ መልስ ሊኖራቸው ይችላል፤ ነገር ግን በእናንተ በቃሉ ለሚገለጠው የፈውስና ነጻ የማውጣት ኃይል ምንም ምላሽ አይኖራቸውም፡፡ምክንያቱም በአካል የሚታይ ስለሆነ፡፡ 🖲ኢየሱስ የአይሁዶችን አፍ ሲያዘጋና ግራ ሲያጋባቸው የነበረው በሚያደርገው ድንቅና ተአምር ነው፡፡የሚያስተምረውን ትምህርት በሌላ ትምህርት ሊያፈርሱት ቢሞኩሩም፤ እርሱ የሚያደርገውን ፈውስ ሊደብቁትና ሊክዱት አይችሉም፡፡ምክንያቱም በአካል የማይካድና የሚታይ ስለሆነ፡፡ብዙዎች በኢየሱስ ጊዜ እርሱን አምነው የተቀበሉት በድንቅና በተአምር ነበር፡፡የመንፈስ ቅዱስ ስጦታ ከሆነው አንዱ ልሳን ነው፡፡ 🖲ሐዋርያቱ ተሰብስበው እየጸለዩ ሳለ መንፈስ ቅዱስ ወረደባቸው ይልና በተከፋፈሉ ልሳን ተናገሩ ይላል፡፡ይህንንም የሰሙ የአይሁድ ሰዎች ወደእነርሱ ተሰበሰቡ፥ ጴጥሮስም ወንጌልን መሰከረላቸው፡፡ሶስት ሺህ ሰዎችም በዛን ዕለት ጌታን ተቀበሉ፡፡በዚህ ዘመንም ይሄ መቀጠል አለበት፡፡ቃሉ ትንቢት አያስፈልግም ሳይሆን ያለው ትንቢትን መርምር ነው፡፡ፈውስ አያስፈልግም፣ ትንቢት አያስፈልግም፣ አጋንንት ማስጮህ አያስፈልግም፣ በልሳን መሞላት አያስፈልግም፣ ቃል ብቻ ይሰበክ! እንዲህ የሚባል ታሪክ የለም፡፡ 🖲ወንጌል ያለነዚህ ሙሉ አይሆንም፡፡ትንቢት ቢሆን ይሻራል አለ እንጂ ተሽርዋል አላለም፡፡የጸጋ ስጦታዎች ጌታ ዳግም እስኪመጣ ድረስ የተገለጡና የሚገለጡ ናቸው፡፡ኢየሱስ እንዲህ ብሎ አልሰበከንም፡፡ይልቁንስ እርሱ ያለን በእኔ ብታምኑ ከእኔ በላይ ታደርጋላችሁ ነው ያለን፡፡ኢየሱስ በምድር ሳለ ብዙዎች ከእርሱ ፈውስን ፍለጋ ይከተሉት ነበር፣ ማቴዎስ 15 ²⁹ኢየሱስም ከዚያ አልፎ ወደ ገሊላ ባሕር አጠገብ መጣ፥ ወደ ተራራም ወጥቶ በዚያ ተቀመጠ። 🖲ብዙ ሕዝብም አንካሶችን፥ ዕውሮችንም፥ ዲዳዎችንም፥ ጉንድሾችንም፥ ሌሎችንም ብዙ ይዘው ወደ እርሱ ቀረቡ፥ በኢየሱስም እግር አጠገብ ጣሉአቸው፤ ፈወሳቸውም፤ ስለዚህም ሕዝቡ ዲዳዎች ሲናገሩ፥ ጉንድሾችም ሲድኑ፥ አንካሶችም ሲሄዱ፥ ዕውሮችም ሲያዩ አይተው ተደነቁ፤ የእስራኤልንም አምላክ አከበሩ።ትምህርቱን ሰምተው ይደነቁ ነበር፤ ድንቅና ተአምርም አይተው ይደነቁ ነበር፡፡ 🖲ከሁሉም ፈውስ የደነቀኝና የገረመኝ ጉንድሾችም ሲድኑ ነበር የሚለው ነው፡፡ጉንድሾች ማለት አካላቸው ሙሉ ያልሆኑ ሰዎች ናቸው፡፡ለምሳሌ እግራቸው ቆራጣ የሆኑ፣ አንድ እጅ ብቻ ያላቸው ናቸው፡፡አንካሶች እሺ ሲፈወሱ ያነክሱ ከነበር ማንከስ አቁመው በትክክል ይራመዳሉ፣ ጉንድሾች ግን ድረውም እግራቸው ቆራጣና ሆኖ እንዴት ቢፈውሳቸው ነው ድነው የሚሄዱት ብየ ስጠይቅ! ለኢየሱስ ይሄ ቀላል ነበር ከተቆረጠው እግራቸው ወይም እጃቸው አዲስ እግርና እጅ እየቀጠለላቸው ነበር የሚያድናቸው፡፡ዋው!የሚደንቅ ነው፡፡ 🖲እንዲህ አይነት አገልግሎት በእኔና በእናንተ ዘመን እንደሚገለጥ በአምላኬ እተማመናለሁ፡፡በኃይሉ ካመንን የማይገለጥበት ምንም ምክንያት የለም፡፡ጌታ ለራሱ ክብር ሲል እንዲህ አይነት አገልግሎት በመጨረሻው ዘመን ይገልጣል፡፡መናፈስትን የሚለዩ፣ቃሉን በመገለጥ የሚሰብኩ፣ ሙታንን የሚያስነሱ፣ በሽተኞችን የሚፈውሱ፣ ወንጌልን በድፍረት የሚመሰክሩ ወጣቶች በመጨረሻው ዘመን ጌታ ያስነሳልን፡፡ 💪እኛም ለዚህ ለከበረው አገልግሎት እንዘጋጅ፡፡ኢየሱስ የሰጠንን ስልጣን በኃይል የምንጠቀምበት ዘመን አሁን ነው፡፡ከጌታ ጋርም በጸሎት እንበርታ፡፡በቃሉ እንታጠቅ፡፡ #Share #Share 👇 @jesuskingdoms @jesuskingdoms @jesuskingdoms

📌 ጌታን ምትቀበሉ 📌 ከጌታ ቤት እርቄ ነበር አሁን ግን ልመለስ ወስኛለው የምትሉ ሁሉ ✅ እባካቸሁን በውስጥ መስመር አናግሩን። በቻልነው ሁሉ እናንተን ለመርዳት ቆርጠን ተነስተናል።❇️ 🔸የውስጥ መስመራችን @beri4 @jesuskingdoms @jesuskingdoms @jesuskingdoms

✝✝የጌታን መምጣት አስቸኩሉ✝✝ ✴️ኢየሱስ እመጣለሁ ያለው እንዲመጣ ስንዘምር ሳይሆን በቶሎ እንዲመጣ ወንጌል ስንመሰክር ነው፡፡ኢየሱስ እንዲመጣ ስለፈለግን የሚመጣ አይደለም፡፡ብዙ አማኞች ኢየሱስ እንዲመጣ የሚፈልጉት የሆነ ችግር፣ መከራ ተስፋ መቁረጥ ውስጥ ሲገቡ ነገር ግን ኢየሱስ ዳግመኛ የሚመጣው እንዲመጣ ስለፈለግን ሳይሆን እንዲመጣ የሚያደርገውን የወንጌል ሥራ ስንሰራለት ነው፡፡ ✴️ወንጌል በሰበካችሁ ቁጥር የክርስቶስን መምጫ እያፈጠናችሁ እንደሆነ መጽሐፍ አስረግጦ ይናገራል፡፡ይህ ሁሉ እንዲህ የሚቀልጥ ከሆነ፥ የእግዚአብሔርን ቀን መምጣት እየጠበቃችሁና እያስቸኰላችሁ፥2ኛ ጴጥ 3፥11 የጌታን መምጣት የምታስቸኩሉት እናንተ ድናችሁ ቤት አርፋችሁ ተቀምጣችሁ ሳይሆን አጠገባችሁ ላሉ ሰዎች የምስራቹን ስታደርሱ ነው፡፡ ✴️ከቤተሰባችሁ፣ ከዘመዶቻችሁ፣ ከሰፈራችሁ ቀድማችሁ እናንተ ብቻ ወንጌል ተገልጦላችሁ ሊሆን ይችላል፡፡ታድያ ጌታ ይሄንን ሲያደርግ በእናንተ መዳን ያልዳኑ ቤተሰቦቻችሁ፣ ዘመዶቻችሁ እንዲሁም ጎሮቤቶቻችሁ እናንተን ተጠቅሞ ሊያስመልጥም ጭምር ነው፡፡እናንተ ወንጌል መስበክ ስታቆሙ የጌታ መምጣት በተዘዋዋሪ እያዘገያችሁ ነው፡፡እግዚአብሔር ብዙ ያልዳኑ ሰዎች አሉት፡፡ ✴️ኢየሱስ የጠፉትን በጎች ፍለጋ ኣላቆመም፡፡የሚፈልገውም በተገኙት በጎች ነው፡፡እናንተ ከጠፉት በጎች አንዱ ነበራችሁ፡፡ነገር ግን እግዚአብሔር በልጁ ፈልጎ አገኛችሁ፡፡ምንም እንኳን እናንተ ብትገኙም ገና ብዙ ያልተገኙ የእናንተ እህት ወንድሞች አሉ፡፡ታድያ እነዚህን ለማግኘት አሁን እግዚአብሔር የተገኛችሁትን እናንተን ተጠቅሞ ነው፡፡እናንተ ጠፍታችሁበት የነበረ አከባቢ ስንቶች የጠፉ አሉ፡፡ ✴️እነርሱ የመመለሻ መንገዱ ጠፍቶባቸው ብሎም መጥፋታቸውን እስኪረሱ ድረስ በጨለማ ውስጥ ናቸው፡፡እናንተ መንገዱን አሁን አውቃችኅል፤ ስለዚህ መንገድ ለጠፋባቸው ሰዎች ልታሳይዋቸው ግድ ነው፡፡ኢየሱስ የጠፉትን ለመፈለግ ሰማይ ቁጭ ብሎ ሳይሆን እነርሱ ያሉበት ስፍራ መጥቶ ነው፡፡እናንተም የግድ እነርሱ ያሉበት ስፍራ መሄድ ይጠበቅባችኅል፡፡ኢየሱስ የጠፉትን ለመፈለገ ብዙ ዋጋ ከፍልዋል፡፡ክብሩን ትቶ መጥዋል፡፡ 👇join @jesuskingdoms @jesuskingdoms @jesuskingdoms

🎙ሊሊ አንተ ግን ያው አንተ ነህ አይገልጽህም የእኔ ቃላት አይገልጽህም የእኔ አንደበት ዘውትር ለአንተ ልስገድልህ (ልስገድልህ) ልቀኝልህ ልሁን በፊትህ (ልሁን በፊትህ) (፪x) (አንተ) ስትሰራ የኖርክ ከጥንት ጀምሮ (አንተ) ሥራህ አዲስ ነው መቼ ተቆጥሮ (አንተ) ሁሌ አዲስ ነህ አዲስ ነህ ለእኔ (አንተ) አትለመድም ጌታዬ በእኔ (፪x) አትለመድም ጌታዬ በእኔ (፫x) አትለመድም አትለመድም ልዩ ለእኔ (፪x) በምድር ክበብ ላይ ጌታ ተቀምጠሃል ፍጥረት በመገረም ተሞልቶ ያይሃል ቅዱስ ቅዱስ ቅዱስ ያለና የነበርክ የእኔም ጉልበት ለአንተ በፊትህ ይንበርከክ ለሥምህ ይንበርከክ አንተ ያው አንተ ነህ (አንተ) አንተ ያው አንተ ነህ (ያው አንተው ነህ) ኢየሱስ ያው አንተ ነህ (ያው አንተው ነህ) (፪x) ጌታ ያው አንተ ነህ (ያው አንተው ነህ) ኢየሱስ ያው አንተ ነህ (ያው አንተው ነህ) ጌታ ያው አንተ ነህ (ጌታ) ኢየሱስ ያው አንተ ነህ (ያው አንተው ነህ) አይገልጽህም የእኔ ቃላት አይገልጽህም የእኔ አንደበት ዘውትር ለአንተ ልስገድልህ (ልስገድልህ) ልቀኝልህ ልሁን በፊትህ (ልሁን በፊትህ) (፪x) (አንተ) አንተን ያወቀ የተረዳህ (አንተ) እንዴት ይችላል ሳያመልክህ (አንተ) ፍቅር እኮ ነህ ፍቅር ነህ ጌታ (አንተ) በምንም ነገር የማትተካ (፪x) አንተ ያው አንተ ነህ (አንተ) አንተ ያው አንተ ነህ (ያው አንተው ነህ) ኢየሱስ ያው አንተ ነህ (ያው አንተው ነህ) (፪x) ጌታ ያው አንተ ነህ (ያው አንተው ነህ) ኢየሱስ ያው አንተ ነህ (ያው አንተው ነህ) ጌታ ያው አንተ ነህ (ጌታ) ኢየሱስ ያው አንተ ነህ (ያው አንተው ነህ) @jesuskingdoms @jesuskingdoms @jesuskingdoms

🖐-🖐=0 🎊🎉🎊🎉🎊🎉🎊🎉🎊🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉📨🎊🎉🎊🎉🎊🎉🎊🎉🎊🎉🎊🎊🎉🎊🎊 🔥2013🔥 🌼🌼🌼🌼🌼🌼 እንኳን ጌታ ለዚች ቀን አደረሳቹ 😘