👑👑GOSPEL Nations👑👑

# ሰው መንፈስ አይደለም # ደህንነታችን ሊወሰድብን ስለሚችል ጥንቃቄ ማድረግ አለብን። # ሰው ያየውን ሁሉ ስለተመኘ የራሱ አያደርግም የእግዚአብሔር ፍቃድ ከሆነ ብቻ እንደሆነ ማወቅ አለብን። # የሰው ልጅ ትልቁ ሀብቱ ትጋቱ ስለሆነ እንደ እግዚአብሔር ፈቃድ ሁሉንም ነገር እየመረመረ ማከናወን አለበት።

<<የአሕዛብ ጣዖታት የብርና የወርቅ፥ የሰው እጅ ሥራ ናቸው። አፍ አላቸው፥ አይናገሩምም፤ ዓይን አላቸው፥ አያዩምም፤ ጆሮ አላቸው፥ አይሰሙምም፤ እስትንፋስም በአፋቸው የለም።>> [መዝ 135፤ 15-17]።

ዘጸአት 20 ¯¯¯¯¯¯¯¯¯¯ ¹ እግዚአብሔርም ይህን ቃል ሁሉ እንዲህ ብሎ ተናገረ፦ ² ከግብፅ ምድር ከባርነት ቤት ያወጣሁህ እግዚአብሔር አምላክህ እኔ ነኝ። ³ ከእኔ በቀር ሌሎች አማልክት አይሁኑልህ። ⁴ በላይ በሰማይ ካለው፥ በታችም በምድር ካለው፥ ከምድርም በታች በውኃ ካለው ነገር የማናቸውንም ምሳሌ፥ የተቀረጸውንም ምስል ለአንተ አታድርግ። ⁵ አትስገድላቸው፥ አታምልካቸውምም፤ በሚጠሉኝ እስከ ሦስተኛና እስከ አራተኛ ትውልድ ድረስ የአባቶችን ኃጢአት በልጆች ላይ የማመጣ፤ ⁶ ለሚወድዱኝ፥ ትእዛዜንም ለሚጠብቁ እስከ ሺህ ትውልድ ድረስ ምሕረትን የማደርግ እኔ እግዚአብሔር አምላክህ ቀናተኛ አምላክ ነኝና። _ትዕዛዙን ጠብቅ የምትል አንተ የእግዚአብሔርን ትዕዛዝ ተላልፈህ ጣኦት ታመልካለህን? የአጋንንትን ስራ እጠላለለሁ እጸይፍማለሁ የምትል አንተ ስለ አጋንንት መክበርያ የተቀረጸ ምስል በፊትህ አስቀምጠህ ትሰግዳለህን? አብ ግን በመንፈስ እና በእውነት የሚሰግዱለትን ይሻል። እግዚአብሔር መንፈስ ነው የሚያመልኩትም በመንፈስ እና በእውነት ያመልኩታል፤ እግዚአብሔር አምላክ እንዲህ ያሉትን ይሻልና።

በአምስት ዓመቱ በድጋሚ የተለጠፈ መዳን ውድ ነው አንዳንድ ሰዎች ስለመዳናቸው እርግጠኛ ሆነው ይናገራሉ፣ ሌሎች ደግሞ እንዴት አሁን እርግጠኛ ሆነን መናገር እንችላለን ሲሉ ይጠይቃሉ። መዳን እንደሚታሰበውና እንደሚነገረው ቀላል አይደለም። በቀደመው ኪዳን የነበሩ የእግዚአብሔር ሰዎች የሚያድናቸውን በናፍቆት ይጠብቁ ነበር። መጽሐፉ <ጻድቃን> እያለ የሚጠራቸው ሰዎች የነበሩ ቢሆንም ለራሳቸውም ሆነ ሌሎች ለመዳን የሚሆን አንዳች ነገር አልነበራቸውም። # መላእክት በዚያ ኪዳን በትጋት አገልግለዋል። ግን ማዳን አልቻሉም። # አብርሃም በእምነቱ የተመሰገነ ቢሆንም ለማዳን ግን አልበቃም። # ከእግዚአብሔር ጋር ታግሎ አሸነፈ የተባለለት ያዕቆብ ራሱን እንኳን ለማዳን አልበቃም። # ልበ አምላክ የተባለ ዳዊት ለመዳን ጥያቄ የሚሆን መልስ አልነበረውም። # ብዙ ነቢያተ እግዚአብሔር እየተነሱ ሕዝቡን ወደ ንስሐ ቢጠሩም ለመዳንም ሆነ ለማዳን የሚሆነውን ቁልፍ ማግኘት አልቻሉም። ሌላም ሌላም ሌላም እንደገናም ሌላም... ወገኔ መዳን ውድ ነው እነዚህ ሁሉ አካላት ለማዳን የሚሆን ምንም አቅም ስለሌላቸው ሊያድነን የሚችለው እርሱ መጣ። እርሱም እንዴት እንዳዳነን ሐዋርያው ሲጽፍ "እርሱ ከጨለማ ሥልጣን አዳነን፥ ቤዛነቱንም እርሱንም የኃጢአትን ስርየት ወዳገኘንበት ወደ ፍቅሩ ልጅ መንግሥት አፈለሰን" (ቆላ.1:13-14) ይላል። ያዳነንም በደሙ (ዋጋ ከፍሎ) በመሆኑ (ሮሜ 5፥9) መዳን ውድ ነው። በመንገድ ላይ ተቀምጦ እንዳገኘነው ዕቃ ወይንም ከገበያ እንደገዛነው ንብረት አይደለም። ሕይወት ተከፍሎበታል። "ዮሐንስ በእስያ ላሉት ለሰባቱ አብያተ ክርስቲያናት፤ ካለውና ከነበረው ከሚመጣውም፥ በዙፋኑም ፊት ካሉት ከሰባቱ መናፍስት፥ ከታመነውም ምስክር ከሙታንም በኵር የምድርም ነገሥታት ገዥ ከሆነ ከኢየሱስ ክርስቶስ ጸጋና ሰላም ለእናንተ ይሁን። ለወደደን ከኃጢአታችንም በደሙ ላጠበን" (ራእይ 1:4-5) https://t.me/tewoderosdemelash/732

በሦስት ዓመቱ በድጋሚ የተለጠፈ አንድ ወዳጄ ሦስት ፎቶግራፎችን ከአጭር ማስታወሻ ጋር ላከልኝ። ማስታወሻው የሚከተለውን ጥያቄ ነበር የያዘው። እነዚህን ፎቶዎች ቤተሰብ ለመጎብኘት ክፍለ ሀገር ሄጄ ያነሳኋቸው ናቸው። ሰዎቹ የወላጆቼ ጎረቤቶች በመሆናቸው ሰላም ልላቸው ብገባ ፀሎት ላይ ናቸው። ሙስሊሞች እንደመሆናቸው ፀሎታቸውን የሚያከናውኑት ፀጉራቸው ሸፍነው ነው። ፀጉራቸውን የሸፈኑት በምን እንደሆነ አየከው? ስለዚህ እነዚህን ሰዎችም ማስወለቅ አለብን ማለት ነው? ይህ የወዳጄ መልእክት ሲሆን ለወደጄ ክብር ስል ይፋ ያላደረኩትን ፎቶ በቃላት ላሳያችሁ። ፎቶው ላይ ሦስት ሴቶች ይታያሉ። ከሦስቱ አንዷ ትልቅ ሴት ስትሆን ሁለት በግምት ከአሥራ አምስት ዓመት ዕድሜ በታች የሚሆኑ ታዳጊዎች ናቸው። ሦስቱም ቆመው አንገታቸውን ወደ መሬት አቀርቅረው ሁለት እጃቸው ወደታች ሆኖ ይታያል። የወዳጄን ትኩረት የያዘው ግን ይህ ሁሉ አይደለም፤ ሦስቱም ነጠላ የለበሱ መሆናቸው ነው የእሱ ትኩረት የተያዘው እና በእጅ ስልኩ ፎቶ ለማንሳት የተበረታታው። ዛሬ ዛሬ ነጠላችንን አውልቁ የሚል ጩኸት በርከቶ ይሰማል። አምልኮ ስፍራ ብቻ ሳይሆን ሬሳ ሲሸኙ የሚለብሱትን፣ ቤተ ክርስቲያን ብቻ አይደለም ቀበሌ ስብሰባ የሚጎትቱትን፣ ለጸሎት ብቻም አይደለም ቡና ሲጠሩ ለሐሜት የሚሸፋፈኑበትን ነ ጠ ላ የእኛ ነው ይሉናል። ባለ ነጠላዎቹ የዘነጉት ነገር እግዚአብሔር በጥቁር (በሐዘን) ልብስ በነጭ ልብ (በንጹህ ልብ) እንደሚመለክ ነው። ከዚህ በተቃራኒ ልብሱ አብረቅራቂ ነጭ ሆኖ ልብ ንጹህ ካልሆነ የሚቀርበው አምልኮ እግዚአብሔር የሚፀየፈው ነው። የወዳጄን ጥያቄ እኔ በዚህ መልኩ ላቅርበው፤ ከድጃና አለሚቱ እየለበሱት ያለውን ነጠላ በሆነ የሃይማኖት ተቋም እንዲታቀፍ ያደረገው ማን ነው? እኔ የምለው በ40 ቀኑ ነው ወይስ በ80 ቀኑ የተጠመቀው? የክርስትና ስሙስ ማን ነው? ወንድሜ ነጠላው ባህላዊ እንጂ ሃይማኖታዊ አይደለም። ባህላዊነቱም ሰሜናዊ መሆኑ ሌላው ኢትዮጵያን አይነካም። አንድ ሰው ደቡብ ውስጥ በቃጠሎ ያሉ ማህበረሰቦችን ከጥምቀት በኋላ ነጠላ መልበሳቸውን ሲናገር ሰምቻለሁ። ነገር ግን የአኗኗር ባህላቸውንና የአየሩን ሁኔታ ከግምት ውስጥ ያላስገባው ነጠላ ሽሽት ጥቂት የማይባሉ ሰዎች ወደ ባህላዊ ሃይማኖታቸው እየተመለሱ መሆኑን መናገሩ ልቤን ነክቶታል። አምልኮቱን ትተው የማምለኪያ መሳሪያው ላይ ልባቸው ያለ ሰዎች ግን ይህን ለማስተዋል የቻሉ አልመሰለኝም። ስሙኝማ በነጠላም ያለ ነጠላም እግዚአብሔርን ፍራ፣ አምልኮትህ ከልብህ ይሁን። የሃይማኖት መለያህ ጨርቅ አይሁን፤ በነጠላ አምረህ ውስጥህ የጨለመ ሰው እንዳትሆን። ነጠላው የሚጨምርልህ ነገር የለም። አንዳች ነገርም አያጎድልብህም። ቅድስና በነጠላ አይመጣም። ስለዚህ ነጠላችንን አውልቁ ማለቱን ትተህ የተቀደሰ ሕይወት ለመኖር ተነሳ። የለም ነጠላ አውልቁ የምትል ከሆነ አይሻንና ሙኒራንም አስወልቅ። https://t.me/tewoderosdemelash/733

በአራት ዓመቱ በድጋሚ የተለጠፈ መጽሐፍ ቅዱስ ስለ አንድ የመዳኛ መንገድ ይናገራል (ሐዋ. 4÷12) ለዚህ ደግሞ ምክንያቱ በሽታው (ኀጢአቱ) አንድ በመሆኑ ነው፡፡ ለአንድ በሽታ አንድ መድኀኒት በቂ በመሆኑ በጌታችን ሞት ብቻ ሁላችን ከዚህ በሽታ (ኀጢአት) ነፃ ናችሁ ተብለናል፡፡ ሐኪሙ መርምሮ ነጻ ናችሁ ካለ በኀላ <የለም እኔ ነጻ አይደለሁም የሚያድነኝ ያለህ!> ብሎ ወደ ባህላዊ ሕክምና (በፍጡራን ምልጃ ለመዳን መመኘት) መሄድ የሐኪሙን (የጌታችንን) ሕክምና (ሞትና የማዳን ሥራ) አልቀበልም ማለት ይሆናል፡፡ ጌታ ሆይ እንዲህ ካለው አመጸኝነት ጠብቀን!! https://t.me/tewoderosdemelash/729

ክፍል 9 “እግዚአብሔር የመረጣቸውን ማን ይከሳቸዋል? የሚያጸድቅ እግዚአብሔር ነው፥ የሚኰንንስ ማን ነው? የሞተው፥ ይልቁንም ከሙታን የተነሣው፥ በእግዚአብሔር ቀኝ ያለው፥ ደግሞ ስለ እኛ የሚማልደው ክርስቶስ ኢየሱስ ነው።” (ሮሜ 8፥33-34) መጽሐፍ ቅዱሳዊ የኾነውን የሊቀ ካህናት ኢየሱስ ክርስቶስ ምልጃ ሊቃውንተ ቤተ ክርስቲያንም በየድርሳናቸው መስክረዋል። ሲመሰክሩም የክርስቶስን ምልጃ ያለፈና ዛሬ የማያገለግል ድርጊት አድርገው ሳይኾን፣ እስከ ዳግም ምጽአት የሚያገለግል መኾኑን በሚያመለክትና በዚያ ላይ አጽንዖት በሚሰጥ መንገድ ነው። ቀጥሎ የሊቃውንት መጻሕፍት ከሚባሉት መካከል፦ ሃይማኖተ አበው፣ መጽሐፈ ቅዳሴ፣ ድርሳን ዘዮሐንስ አፈወርቅ፣ እንዲሁም በመጽሐፈ ድጓ ላይ የሰፈሩትን እንመልከት፤ ለምሳሌ፦ 1. ከመሰቀሉ በፊት መማለዱን በተመለከተ (ዮሐ. 17፤ ሉቃ. 22፥31-32) “ወደ ሰማይ ወደ አባቱ ቀና ብሎ አየ፤ ወላጅ አባቱንም ማለደ፤ ደቀ መዛሙርቱንም ከክፉው ኹሉ ይጠብቃቸው ዘንድ ዐደራ አስጠበቀ።” (መጽሐፈ ቅዳሴ 1984፣ ገጽ 89)። 2. በመስቀል ላይ ተሰቅሎ ሳለ (ኢሳ. 53፥12፤ ሉቃ. 23፥34፤ ዕብ. 5፥7)። “እርሱ ለራሱ ልመናን የሚሻ መስሎ ከጥንት ጀምሮ ያገኘንን ፍዳ ከእኛ ያርቅ ዘንድ አብን ማለደው። እንደ ገና ደግሞ እንዲያስበን ከእርሱም እንዳይለየን ስለ እኛ አብን ይማልደው ዘንድ ባሕርያችንን ነሥቷልና” (ሃይማኖተ አበው 1986፣ ገጽ 324)። 3. ከትንሣኤውና ከዕርገቱ በኋላ (ሮሜ 8፥34፤ ዕብ. 7፥25፤ 1ዮሐ. 2፥1)። ሊቁ ዮሐንስ አፈ ወርቅ የዕብራውያንን መልእክት በተረጐመበት ድርሳኑ፥ “ወጊዜ ፈቀደ ይተነብል ሎሙ አኮ በዝንቱ ጊዜ ባሕቲቱ አላ በእንተ ዘትመጽእ ሕይወት ዘለዓለም - በወደደ ጊዜ ይለምንላቸዋል፤ በዚህ ጊዜ (በዕለተ ዐርብ) ብቻም አይደለም። ከዚያም በኋላ ባለው ጊዜ ለዘላለም ነው እንጂ” (1987፣ ገጽ 208)። "ወእመሰ ኢኮነ አሐደ ውእቱ እም ኢኮነ ዘኢይመውት። ወእልክቱሰ ካህናት ኮኑ ብዙኃነ መዋትያን እሙንቱ። ከማሁኬ ዝንቱ አሐዱ በእንተ ዘኮነ ዘኢይመውት ይቤ እስመ ይክል አድኅኖቶሙ ለዝሉፉ እለ ይቀርቡ ኀበ እግዚአብሔር እንተ መንገሌሁ። እስመ ለግሙራ ሕያው ውእቱ። ወይተነብል ሎሙ። ጠየቀኑ ኦ ፍቁር ከመ ብሂሎቱ ኮነ በእንተ ሥጋዌሁ … እመሰኬ ካህን ውእቱ አሜሃ ይተነብል። … ይቤ እስመ ይክል አድኅኖቶሙ ለዝሉፋ እስመ ሕያው ውእቱ ለዓለም፤ ወአልቦ ተውላጥ እም ድኅሬሁ። ትርጓሜ፥ "እርሱ አንድ ባይኾን ኖሮ የማይሞት ባልኾነም ነበር። የኦሪት ካህናት ግን የሚሞቱ ስለ ኾኑ ብዙ ናቸው። እንደዚሁ ኹሉ ይህ አንድ የኾነው የማይሞት ስለ ኾነ ነው። ሐዋርያው በእርሱ በኩል ወደ እግዚአብሔር የሚመጡትን ዘወትር ሊያድናቸው ይችላልና፤ ለዘላለም የማይሞት ሕያው ስለ ኾነ ስለ እነርሱም ይማልድላቸዋል አለ። ወዳጅ ሆይ ይማልድላቸዋል ብሎ ያለው ሰው ስለ መኾኑ እንደ ኾነ ተረዳህን? ሊቀ ካህናት በመኾኑ ያን ጊዜ ይማልድላቸዋል አለ። … ለዘላለም ሕያው ስለ ኾነ ለዘወትር ያድናቸው ዘንድ ይችላልና አለ። ከእርሱ በኋላም የሚተካ የለም። (1987፣ ገጽ 258፡259)። “ይቤሎሙ ኢየሱስ ለአርዳኢሁ አዐርግ ኀበ አቡየ ወእስእሎ በእንቲኣክሙ - ኢየሱስ ደቀ መዛሙርቱን ‘ወደ አባቴ ዐርጋለሁ፤ ስለ እናንተም አለምነዋለሁ’ አላቸው።” (መጽሐፈ ድጓ 1959፣ ገጽ 291)። “ይቤሎሙ ኢየሱስ ለአርዳኢሁ አዐርግ ሰማየ ኀበ አቡየ ኀበ እስእል ምሕረተ በእንተ እሊኣየ - ኢየሱስ ደቀ መዛሙርቱን ‘የኔ ስለ ኾኑት ምሕረትን ወደምለምንበት ወደ አባቴ ወደ ሰማይ ዐርጋለሁ’ አላቸው።” (መጽሐፈ ድጓ 1959፣ ገጽ 113)። “ወልድ ሆይ እንደ ታመመ ሰው አሰምተህ ተናገር። ኤልማስ ላማ ሰበቅታኒ በል። በአፋቸውም ውስጥ ሳለ አባ አባቴም ሆይ፥ ሥጋዬን የበሉትን ደሜን የጠጡትን ማራቸው፤ ይቅር በላቸው በል።” (መጽሐፈ ቅዳሴ 1984፣ ገጽ 119)። በዚህ ጽሑፍ ከቀረቡት ማስረጃዎች ብዙዎቹ፣ ከዕርገት በኋላ ያለውን የክርስቶስን ምልጃ የሚያመለክቱ ናቸው። እነዚህ የሊቃውንቱ ምስክርነቶች የሚያሳዩትም የክርስቶስን ምልጃ የሚቃወሙት ሊቃውንቱ ሳይኾኑ፣ አማኝ ነን የሚሉ በተግባር ግን መናፍቃን የኾኑ ክፍሎች መኾናቸውን ነው። (መናፍቅ ማለት የመጽሐፍ ቅዱስን እውነት ሙሉ በሙሉ የማይቀበል ወይም ከፍሎ የሚያምን ማለት ነው።) እነዚህ መናፍቃን እስከ መስቀል ሞት ድረስ ያለውን የክርስቶስን ምልጃ እናምናለን ይሉና፣ ከትንሣኤው በኋላ አንድ ጊዜ ባቀረበው ምልጃና መሥዋዕት እስከ ዳግም ምጽአት በእርሱ አምነው በስሙ ወደ እግዚአብሔር ለሚመጡቱ በእግዚአብሔር ፊት የሚታይላቸውና የሚያድናቸው አስታራቂ መኾኑን ይክዳሉ። የእነርሱን ይህን ክሕደት እና/ወይም ኑፋቄ መሠረት ለማስያዝ፣ "ሊቃውንት" የሚል ካባ የደረቡና ከእውነት ጋር ሳይኾን ከጊዜ ጋር የቆሙ አባቶቻቸው፣ የመጽሐፍ ቅዱስን ቃል ለመለወጥ እንዳላመነቱ ኹሉ፣ የሊቃውንቱንም ምስክርነት በትርጉም ለማንሻፈፍ ብዙ ጥረዋል። በተለይ በግእዙ ንባብ ላይ የክርስቶስን ምልጃ በትንቢት ወይም በካልኣይ አንቀጽ /Future Tense/ የገለጹትን እውነት፣ እነርሱ ሲተረጉሙ በኀላፊ አንቀጽ /Past Tense/ አስቀምጠውታል። ለምሳሌ፥ በሃይማኖተ አበው ሊቁ ዮሐንስ አፈ ወርቅ የተናገረውንና በግእዙ፥ “እስመ ውእቱ ይተነብል በእንቲኣነ - እርሱ ስለ እኛ ይማልድልናል” የሚለውን ቀጣይ ድርጊት፥ በኀላፊ ድርጊት “ማልዶልናል” ብለው ተረጕመውታል። (ሃይማኖተ አበው 1986፣ ገጽ 224)። ከላይ የተጠቀሱትን የዮሐንስ አፈወርቅን ድርሳን በአንድምታዊ መንገድ ሲተረጉሙም ይማልድልናል መባል የነበረበትን ማልዶልናል ብለው በኀላፊ አነቀጽ ነው የተረጎሙት። እግዚአብሔር ቢፈቅድና ብንኖር በቀጣይ ጊዜ የክርስቶስ ምልጃ ተገዳዳሪ እንዲኾን የተደረገውን የቅዱሳን ምልጃን የተመለከቱ ጽሑፎች ይዤ እመለሳለሁ።

ለወዳጅዎ #Share በማድረግ ይህንን አስፈላጊ የሆነ ትምህርት እንዲያገኙ ያድርጉ 👉 @GenerationofJesus

♥#ሥላሴ (Trinity)❤ ❤#በአዲስ #ኪዳን♥ #ክፍል_ሰባት (7) ✍️""ሥላሴን አውቄ እጨርሳለው የምትል ከሆነ አዕምሮህን ታጣዋለህ ፣ ሥላሴ የለም የምትል ከሆነ ደግሞ ሕይወትህን ታጣዋለህ"" ✍️በዚህ አባባል ውስጥ የምንረዳው ሥላሴን ማመን እና አለማመን የሕይወት እና የሞት ጉዳይ እንደሆነ ነው።ዮሐ17:3,1ዮሐ4:1-4, 1ዮሐ1:22, 2ዮሐ1:9 ♥12. #1ጴጥሮስ 1:1-2 📌 አባት == እግዚአብሔር አብ አስቀድሞ አወቀን 📌መንፈስ ቅዱስ == በመንፈስ ተቀደስን 📌ወልድ== በኢየሱስ ደም ተረጭተን ነፃን ♥13. #ይሁዳ መልዕክት 1: 20-21 📌መንፈስ ቅዱስ =በመንፈስ ቅዱስም እየፀለያችሁ 📌ወልድ ==የኢየሱስ ክርስቶስን ምህረት .... 📌 አባት== በእግዚአብሔር ፍቅር ራሳችሁን ጠብቁ። ♥14. ዮሐንስ #ራዕይ 1፡4-5 📌አባት== ካለው እና ከነበረው ከሚመጣው 📌መንፈስ ቅዱስ == በዙፋኑ ፊት ፣ ካሉት ከሰባቱ መናፍስት 📌ወልድ== ከታመነውም ምስክር ከሙታንም በኵር የምድር ነገሥታት ገዥ ከሆነ ከኢየሱስ ክርስቶስ። ♥15. ዮሐንስ #ራዕይ 22፡1 📌 አባት== ከእግዚአብሔር 📌 ወልድ== ከበጉ 📌መንፈስ ቅዱስ== እንደ ብርሌ የሚያንጸባርቀውን የሕይወት ውሀ ወንዝ ። ♥ በዙፋኑ ላይ ለተቀመጠው ለእግዚአብሔር አብ በዙፋኑ ዙሪያ እንደ እሳት መብራት ሆኖ ላለው ለመንፈስ ቅዱስ በዙፋኑ ፊት እንደ ታረደ በግ ለቆመው ለኢየሱስ ክርስቶስ። አምልኮ ምስጋና ክብርም ውዳሴም ባለጠግነት ከዘላለም እስከ ለዘላለም ይሁን አሜን ። #####ተፈጸመ###### ✍️ ከእግዚአብሔር ከአባታችን ከጌታም ከኢየሱስ ክርስቶስ ጸጋ ሰላም ብዙ ምህረት ለሁላችንም ይብዛ። አሜን የወንጌል እውነት አገልግሎት ጅማ Gospel Truth Ministry Jimma https://t.me/joinchat/TmGQ3IbrOB4vS0rR

♥#ሥላሴ (Trinity)❤ ❤#በአዲስ #ኪዳን♥ #ክፍል_ስድስት (6) #ሥላሴ_በኤፌሶን_መልዕክት #በየምዕራፉ ፦ ==================== ✍️""ሥላሴን አውቄ እጨርሳለው የምትል ከሆነ አዕምሮህን ታጣዋለህ ፣ ሥላሴ የለም የምትል ከሆነ ደግሞ ሕይወትህን ታጣዋለህ"" ✍️በዚህ አባባል ውስጥ የምንረዳው ሥላሴን ማመን እና አለማመን የሕይወት እና የሞት ጉዳይ እንደሆነ ነው።ዮሐ17:3,1ዮሐ4:1-4, 1ዮሐ1:22, 2ዮሐ1:9 ✍️በአለም ላይ በብዙ ሺህ የሚቆጠሩ ሃይማኖቶች ቢኖሩም ሶስት አካላት ያሉት አንድ አምላክ (ሥላሴ) ያለው ግን የክርስትና እምነት ውስጥ ብቻ መሆኑ ለየት ያደርገዋል። #ኤፌሶን 1፡4-13 ========== ♦ አባት = በክርስቶስ መረጠን ኤፌ 1፡4-5 ♦ ወልድ (ልጅ)= ቤዛ ሆኖ ዋጀን ኤፌ 1 ፡6-13 ♦ መንፈስ ቅዱስ = አተመን (sealed) አረገን. 13 ✍️. #ኤፌሶን 2፡18 ============ ♦ወልድ(ልጅ) = በክርስቶስ ስራ ♦መንፈስ ቅዱስ = በአንድ መንፈስ ♦አብ(አባት)= ወደ አብ መግባት ሆነልን ✍️. #ኤፌሶን 3፡14-19 ============== ♦አባት==በአብ ፊት እንበረከካለሁ ♦መንፈስ ቅዱስ == በመንፈሱ መጠንከር ♦ልጅ== ክርስቶስ በእምነት በልባችን መኖሩ ✍️. #ኤፌሶን 4፡4-6 ============ ♦ መንፈስ ቅዱስ ==አንድ መንፈስ ♦ ልጅ== አንድ ጌታ ♦ አባት== አንድ አባት ✍️. #ኤፌሶን 5፡18-20 ================ ♦መንፈስ ቅዱስ = መንፈስ ይሙላባችሁ ♦ልጅ == ለጌታ ተቀኙ በልባችሁ ዘምሩ ♦አባት== አባታችንን ስለ ሁሉ አመስግኑ ✍️. #ኤፌሶን 6፡10,11,17 ================ ♦ወልድ = በቀረውስ በጌታ በሀይሉ ችሎት የበረታችሁ ሁኑ። ♦አባት = የእግዚአብሔር የጦር እቃ ልበሱ ♦መንፈስ ቅዱስ == የመንፈስን ሰይፍ ያዙ ✍️እስራኤል ሆይ፥ ስማ፤ #አምላካችን እግዚአብሔር #አንድ እግዚአብሔር ነው፤ ዘዳግም 6፡ 4 ####ይቀጥላል #### ✍️የመገለጥ እና የጥበብ መንፈስ ለሁላችንም ይብዛ። ኤፌ 1:17 አሜን። የወንጌል እውነት አገልግሎት ጂማ Gospel Truth Ministry Jimma https://t.me/joinchat/TmGQ3IbrOB4vS0rR