"Qırım" gazeti

Муарриетнинъ тесиринде олмагъан себеплерге коре, бу афта "Къырым" газетининъ саны чыкъмайджакъ.

Nefes teşkilâtı sürgünlikniñ 80-yıllığına bağışlanğan onlayn-aktsianı ilân etti! Qoşulıñız!

Койдешлер корюшювлери: Къарасувбазар районынынъ Къышлав (Ольховка) коюнинъ койдешлер корюшюви 12-майыста саат 10:00 башланаджакъ. Ниетлери олгъаны эписи давет этиле. Чарелери олгъанлар фоторесимлер ве кой халкъы акъкъында малюматларны кетирсинлер. +79787863498 Саит, +79785088484 Эмир

#ана_тили Ярышлар дюньясы – мукеммеллешмекнинъ там манасы Оджалар бирлешмеси ве севие килитининъ «Тасиль анахтары» 27-29 апрель куньлери Кезлевде «Тасиль анахтары-2024» оджалар ярышынынъ сонъки басамагъы отькерильди. Оны бу сатырларнынъ муэллифи, Эдем оджа ве Эльвира оджа Хайрлаевлер тешкиль эттилер. Бу йыл ярышнынъ учь сынавындан 68 инсан кечти. Тедбирге: Акъмесджит, Къарасувбазар, Багъчасарай, Къурман (Красногвардейский), Алушта, Джанкой, Джурчи (Первомайский), Ички (Советский), Сеитлер (Нижнегорский), Ислям-Терек (Кировский) – умумен Къырымнынъ 10 еринден тасиль саасында хызмет эткен зенаат саиплери къошулды. Такъдир эмиринен Ирландиягъа барып тюшкен бир оджа биле озь бильгилерини сынап бакъты. Финалгъа 29 адам кечти, докъуз иштиракчи гъалебе къазанды. Тафсилятлыджа: https://qirim.press/cur/articles/ocalarbrlemesvesevyekltntaslanahtar Достлар, макъалелеримизни, хаберлеримизни бегенсенъиз, достларнен пайлашынъыз, язылынъыз! Язылмакъ ичюн: https://t.me/qirim_gazeti "Къырым" иле олунъыз!

Бугунь миллий байрамларымыздан бири - Хыдырлез къайд этиле. Хайырлы олсун!

#медениет Къоранта – бир, иджадий ёнелиш ве услюп – дёрт Рессамлар, эль усталары Сеит-Аметовлар къорантасы ишлерининъ сергиси ачылды 21-апрель куню Акъмечеть къасабасында ерлешкен «Золаман» шахсий музейде меракълы бир серги ачылды. Сергининъ къараманлары бир къорантанынъ азалары олдылар. Бу – джемаатымызда белли ве урьмет этильген Сеит-Аметовлар иджадий сюлялеси. Сергиде къорантанынъ башы Амет уста, онынъ къызы Эльмира ханым, огълу Абдюль уста ве келини Ирина Тесленконынъ иджадий ишлери такъдим этильди. Дёрт иджаткяр, дёрт эль устасы бедиий санатнынъ чешит сааларында чалышкъан, амма иджатлары Къырым топрагъынынъ гузеллигинден ильхам алгъаныны нумайыш эттилер. Тафсилятлыджа сайтымызда окъуй билесинъиз. https://qirim.press/cur/articles/qorantabrcadyynelveslpdrt Достлар, макъалелеримизни, хаберлеримизни бегенсенъиз, достларнен пайлашынъыз, язылынъыз! Язылмакъ ичюн: https://t.me/qirim_gazeti "Къырым" иле олунъыз!

1. Аблямит АБЕЛЕВ  2. Сеит-Амет СЕИТ-АБДУЛЛАЕВ  3. Якъуб АЗИЗОВ  4. Асан Сабри АЙВАЗОВ  5. Осман Нури АКЧОКРАКЛЫ  6. Рамазан Мустафа АЛЕКСАНДРОВИЧ  7. Абедин Феми АСАНОВ  8. Усеин Абдурефи БОДАНИНСКИЙ  9. Яя Ибраим БАЙРАШЕВСКИЙ  10. Решид Мемет БАХЧИВАН  11. Мемет Бели ГАЗИЕВ  12. Джафар Абдулла ГАФАРОВ  13. Абдул-Керим ДЖЕМАЛЕДИНОВ  14. Сулейман Исмаил ИДРИСОВ  15. Ибраим  ИСМАИЛОВ  16. Абселям Менсеит КОКБАРИЕВ  17. Мемет Рамазан КУРТ  18. Абдулла ЛЯТИФ-ЗАДЕ  19. Селим МЕМЕТОВ  20. Аблямит Ибадла МОЛЛАДЖАНОВ  21. Февзи Абдулла МУСАНИФ  22. Якъуб Абдулла МУСАНИФ  23. Мамут НЕДИМ  24. Абдулла РАХИМОВ  25. Абдураим Абдураман САМЕДИНОВ  26. Мустафа СОФУ  27. Мустафа ТАКУРОВ  28. Ильяс Умер ТАРХАН  29. Сервер Къурт-Сеит ТРУПЧУ  30. Сеит-Джелиль ХАТТАТОВ  31. Билял Абла ЧАГАР  32. Билял Мамут ЧЕШМЕДЖИ  33. Абдульбер ЭВЛИЯЕВ  34. Сеит-Асан ЭМИР-АЛИЕВ  35. Сеит-Ибрагим ЭМИР-АЛИЕВ  36. Амет Сеит-Халиль ЭМИРОВ  Лагерьлерге ёлланылгъанлар 1. Абибулла БАККАЛ  2. Якъуб Абла КЕРМЕНЧИКЛИ  3. Ахмет-Гирей МУРТАЗИН  4. Умер ИПЧИ  5. Мамут Гъафар УМЕРОВ  Бу, толу олмагъан, джедвельдеки инсанларымыздан ГУЛАГнынъ къыйма машнасындан тек Якъуб Керменчикли сагъ къалып, сакъат алда чыкъкъан эди… Джумлеси Алла Таалянынъ рахметинде олсунлар. 

#тарих 1938 с. 17-апрельде шеит кеткен корюмли эрбапларымызгъа дуа иле Токътамакъ бильмеген къанлы демир токъмакъ Халкъымызнынъ мусибетли башына тюшкен фаджиалар сырасында 17-апрель, яни бугуньки куннинъ агърысы ве ярасы гонълюмизде айрыджа сызлап тура. Биз бу кунь акъкъында даа, нисбетен, якъында эшиттик. Ве бу куню Къырымда, Акъмесджитте олгъанлар – 18-майыс, 19-апрель, 23-февраль киби юзь берген сунний, яни серсем, акис­инсаний гъаелер тесиринде булунгъан насылдыр махлюкълар тарафындан тешкиль этильген, кутьлевий ачлыкъ, репрессиялар, дженклернен багълы вакъиаларгъа табиий тарзда келип къошулмакъта. 17-апрель фаджиасы озюнинъ къанлы маиети ве кетишаты иле шашыртып тургъанынен – бунынънен берабер: окъумыш, медениетли, корюмли бир зиялыгъа насыл баскъы этмек, онъа нисбетен насыл ишкендже усулларыны ишлетмек керек де – о, акъылгъа дегиль, атта, хаялгъа сыгъма­гъан, фантастик джинаетлерни озь бойнуна алсын! Тафсилятлыджа: https://qirim.press/cur/articles/1938s17-apreldeeitketkenkrmlierbaplarmzaduaile

#миллий_арекет Миллий арекет фаали, шаир, мухбир, улькешынас Певат агъа Аджиредин – 85 яшта! Певат агъа! Сизге хайырлы яшлар, дер экенмиз, бу шерефлемекнинъ артында Сизге энъ-эвеля къавий сагълыкъ, селяметлик, тендюристлик, даима къайгъы иле толу гонълюнъизге раатлыкъ-хошлукъ тилеклеримиз тургъаныны козьде тутамыз. Алла Тааля Сизни Озь мераметли назар-дикъкъатындан, ильхам ба­гъышлавларындан айырмасын ве, эльбетте – Сиз арзу эткен ве бунынъ ичюн бутюн омюр курешкен, бу акъта усанмай язгъан Ватан сербест-чечекленмесини, онда адалет тикленмесини корьмек насип этсин! Тафсилятлыджа сайтымызда окъуй билесинъиз. https://qirim.press/cur/articles/mllyareketfaalarmhbrlkenaspevataaacredn85yata Достлар, макъалелеримизни, хаберлеримизни бегенсенъиз, достларнен пайлашынъыз, язылынъыз! Язылмакъ ичюн: https://t.me/qirim_gazeti "Къырым" иле олунъыз!

#тарих Сыдыкъа Осман: «Халкъкъа ёл ачылсын, деп къатнадыкъ» Багъчасарай. Банный аралыгъы, 20-нджи эв янында турам. Бу ерлер эвель Къайтаз агъа – Къайтазан маалле, деп адландырылгъан. 1926 сенеси тамам бу эвде базиргян Осман Челебининъ къорантасында дёртюнджи эвлят – екяне къызы Айше Сыдыкъа дюньягъа келе. Эв эки къатлы, корюмли. Бираз тёпеликте тургъаны ичюн даа юксек корюне. Учь пенджереси тышаргъа бакъа. Бирде-бир пенджере тюбюнде рояль тургъандыр. «Учь дайым да рояльде чалгъан. Акъкъи дайым дженкте учуджы олып, сагъ къалды, къайтты», – деп фотоларны косьтере Сыдыкъа аптенинъ къызы Венера. Венера ханым анасы догъгъан эвине якъын яшай. О ерден кечкенде, эр вакъыт дуа окъуй. Къолумда Сыдыкъа аптенинъ фотосы. Йигирми йл эвельси о иле субетлешкен Лютфи Османгъа омюрини тарифлеген Сыдыкъа апте догъмуш эвини де косьтерди. Бойлеликнен, эви янында фотосы да япылды. Тафсилятлыджа: https://qirim.press/cur/articles/sdqaosmanhalqqayolalsndepqatnadq Язылмакъ ичюн: https://t.me/qirim_gazeti "Къырым" иле олунъыз!