Guljamol Asqarova

Гулноз опадан июлский қайноқ ва оғриқли бир шеър! Тандирдан ҳозир чиққан АЛЬБИНОСЛАР (Дўстларимга бағишлайман) Бошқаларга ўхшамас асло Теримиз, кўзларимиз, Қош-у киприкларимиз ранги Қуёшга тик қаролмаймиз улар сингари Улғайган чоғда ҳам Фарқ қилмаймиз  дунёнинг  соф ва ожиз гўдакларидан, Қуёшнинг  озурда  болаларимиз. Одамзотнинг  борки кулфатида бизни айблагайлар – Қачонки етилса бир исён, Қачонки ҳаддидан ошса бир зулм, Қачонки бир қурбонлик эҳтиёжи туғилса, Бизга қадалгайдир  ҳадафлар, Найзалар бизга тўғриланар, Камонлар тортилар биз  томон. Биз бўлсак Аниқ  кўролмаймиз  овчилар  юзини, Ҳужум қай томондан бўлишини чамалай олмаймиз ҳатто: Шу боис гўдакларнинг кўзларидай Маъсум  кўзларимизни  ярим  очганча Кутамиз, сўнг лаҳзани жим кутамиз... Зотан, бизлар  туғилишдаёқ Ўлимни бўйнига олганлармиз Ҳаётга жон-жаҳдимиз билан Тармашиб олмаймиз бошқалардай Уни озод этажакмиз “Қўйиб юбор” деган заҳоти! Одамлар биздан  нафратланар, Биз одамларни қаттиқ севамиз. Одамлар биздан  жирканишар, Биз  қаттиқ  интиламиз уларга. Бир-бировга жўр бўлганча  Қайта-қайта ўтинамиз  одамлардан: - Гўдакларни чавақламанг! Қизчаларни зўрламанг! Шаҳарларни ёқманг! Раҳмингиз келсин ҳар шом Шаҳид  Ғазо  рангида ботаётган Шафаққа ... Даҳл қилманг мазҳабларга, эътиқодларга... Яхшиси, бизни танланг қурбонлик учун Овчи йўлланг  ортимиздан  Африка шаманларидай Зотан, бизлар  одам эмас – Альбинослармиз! Г. Мўминова @mittihaqiqatlar

🖊️КЎНГАНДАЙМАН... Сингандайман... тўғри, андак сингандайман, Довул эдим, бугун бироз тингандайман, Худойимдан қўрқиб, бандасидан ҳуркиб, Кўнгандайман, барига жим кўнгандайман... Бошга ёққан дўлми, қорми Художоним, Жони қаттиқ гуноҳкорми Художоним, Юмшоқ тупроқларинг борми, Художоним, Мен энг қаттиқ ерларингда унгандайман. Тополмайман, бахтим мендан писингандан, Бўйим чўкди, елкаларим қисингандан, Ҳамма илиқ баҳорларда исинганда, Мен  қаҳрли совуқларда тўнгандайман. Кул бўлишин билиб олов кўкка ўрлар, Қолдимикан яна олов бўлар қўрлар, Шундоқ синармикан ўзи ҳамма зўрлар, Олов эдим...сўнгандайман, сўнгандайман. Нени дорга илсам, барин тенг илдим мен, Бор бахтим деб бир бахтимга тенгилдим мен, Гарчи кеча ғанимларга енгилдим мен, Лекин бугун ўз-ўзимни енггандайман! Мен барига қўл силтаб, кўз юмгандайман. Ҳаммасини юрагимга кўмгандайман, Кўнгандайман. ✍️Гулжамол Асқарова https://t.me/SHohiraHamro

Кимгадир тўлиқ очилишни имкони йўқ. Ичимизда ниманидир асрашимиз керак, акс ҳолда бизни азоблашларига йўл очамиз. Шу боис баланд девор қуриб, дарвозани маҳкам ёпамиз. Мураками

Қайғули табассум ёки сўнгги актёр ҳақида У мени севмайди! Яхши биламан. Лек, аъло ўйнайди ошиқ ролини. Менам мийиғида кулиб қўяман: Кўнглини севаман, кўнглини! Ҳаётим саҳнаси жозиб кўринар, Гарчи сингган унга бир улуғвор ғам. Фақат билмайдики, бу мумтоз ролни, Бошқалар ўйнаган ундан олдин ҳам. Лекин... Маним саҳнам тоборо ғариб, Уни чорлар жозиб бошқа саҳналар. Мени эса чорлар чорасиз, мунглиғ, Даҳмалар! Билади, кўнглимни азал ишқ, хўрлик, Тўфонлар емириб еганлигини. Ва яна билади, бу  ролда ўзи, Энг сўнгги актёрим эканлигини. У мени севмайди, яхши биламан... 23.06.22 йил Хоразм @Guljamol_Asqarova

Vaqtlar ótdi ✍️Guljamol Asqarova Yaqinlaringizni ham taklif etishni unutmang! ❤️Reaksiyalar bilan bildirib turing! Telegram / Instagram / Youtube

Муҳаммадали ҒАФФОРОВ ЎЗБЕКНИНГ "КИЧКИНА ШАҲЗОДА"СИ

Қандай одам бу, ёмғирнинг кўчада шалаббо бўлганига жим қараб туролмайдиган, ўзи ёмғир бўлсаю, яна шалаббо бўлса – қалб кўзи билан кўриш деганлари шу бўлса керак. Тошкентга келиб, ишонган дўстим деганинг уйидан бир кеча жой бермаган бу оқибатсиз дунёда шоир оғам ёмғирга уйидан жой бермоқчи...

👓 Тўлиқ ўқиш Бизни кузатиб боринг: Telegram|  Facebook | web-sayt

#бу чиройли ҳасрату ҳузунли шеърига жавобга арзирли сўз тополмадим... Шеър ёзар қўлингни юзимга босиб, ўпиб қўйдим ҳаёлан. Худди раҳматли Ҳалимаи жаҳонимиз янги шеърим маъқул бўлса менинг қўлларимдан ўпиб қўйганларидек... 💋💋💋💋💋💋❤❤❤❤❤🙏🙏🙏🙏🙏 КУНГАБОҚАРЛАР Қуёш табассумли дугонам, Сен юрган йўлларда очилади кунгабоқарлар Чағир тошлар қувватлайди қадамларингни Жавоб берармисан, сўрасам савол... Фўруғ* нега борди моховлар орасига? Эмили* не учун узлат тобутига тушди тириклай? Нега Альфонсина* қўнғир кафанининг этагига Долғалардан тикди бурмалар? Айт менга, Гулжамол! Дунёга сиғмаган бошин Сильвия* Газ печига сиғдирди қандай? Касалхона деразасидан термилган Ҳалина* Севмоқни қандай уддалади? Нималар ҳақида ўйлади Худкушлик олдидан ўғлига Кечлик ҳозирлаган Марина?* Дидем* қандай кашта тикди нолаларидан? Майли, саволларни очиқ қолдирамиз... Яхшиси, ҳеч қачон инсон олдида Отилмасликка қасам ичган фарёдларимизни Жойлаймиз бир қора қутига. Кейин кодлаб қўйилган қутини Олис юлдузларга томон йўллаймиз Токи милярд йиллар кезиб юрсин Эврилиб коинот чорловига... Токи камроқ фарёд чексин Ер аёллари... Ишон, ҳали рақамланмаган Сайёраларнинг қудратли мавжудотлари-да Бизнинг Пандорани очолмаслар Зеро, калит сўзни Фўруғ, сен ва мен биламиз: (“Хонэ сиёҳ аст”) Қуёш табассумли дугонам, Ўлсам, мозоримга Кунгабоқарлар билан кел. *Фўруғ Фаррухзод *Эмили Дикинсон *Альфонсина Сторни *Сильвия Плат *Ҳалина Посвятовска *Марина Цветаева *Дидем Мадак ✍️Гулноз Мўминова шеъри

Азиз Саид Қўлимдан иккита фаришта тутган, Кўзимнинг тошига номингни битган, Титилиб, ситилиб, кутганим кутган, Сен хабар олмадинг бир бор ҳолимдан. Пешонам сайёра — йўллар адашган, Субҳу шом дилимда қирғоқ талашган, Жонимга ҳасратдан гуллар қадашган, Сен хабар олмадинг бир бор ҳолимдан. «Ҳай» десам овозим чиқмас вариллаб, Қояман, бургутим учмас париллаб, Қонимга уфласам ёнмас зариллаб, Сен хабар олмадинг бир бор ҳолимдан. Карвоним чарчаган, туялар чўккан, Умидим косасин илонлар тўккан, Руҳ ҳам тадорукда, тугунин туккан, Сен хабар олмадинг бир бор ҳолимдан… ✍️ Азиз САИД шеъри