سامعنك💜✨

المراهقة وإتخاذ القرارات 💜 المراهقة مرحلة حساسة، فيها الشباب بيواجهوا تغيرات كبيرة. في الوقت ده، بيبدأوا يكتشفوا هويتهم ويواجهوا تحديات في اتخاذ القرارات. عوامل بتأثر على اتخاذ القرارات: 1. التغيرات البيولوجية: الهرمونات بتأثر على المشاعر والتفكير، وده ممكن يخليهم يتخذوا قرارات سريعة وغير مدروسة. 2. النمو العقلي: الدماغ بيتطور، لكن الجزء المسؤول عن التفكير المنطقي ما بيكون ناضج لحد أواخر العشرينيات. 3. تأثير الأقران: الأصحاب ليهم دور كبير، وممكن يضغطوا عليهم عشان يتخذوا قرارات معينة. 4. الرغبة في الاستقلال: المراهقين دايمًا عاوزين يكونوا مستقلين، وده ممكن يؤدي لتجارب جديدة، سواء كانت كويسة أو لا. 5. الضغوط الاجتماعية: قيم المجتمع بتأثر على اختياراتهم، لأنهم عاوزين ينتموا ويكونوا مقبولين. التحديات: الاندفاع: ممكن يتخذوا قرارات بدون ما يفكروا في العواقب. الضغط من الأقران: الأصحاب ممكن يضغطوا عليهم عشان يعملوا أشياء معينة. التردد: ممكن يخافوا من اتخاذ القرار الغلط. نصائح لتعزيز اتخاذ القرارات: 1. التوجيه: مهم إنهم يتلقوا نصائح من الأهل والمدرسين. 2. التفكير النقدي: نشجعهم على التفكير في العواقب المحتملة لكل قرار. 3. تعزيز الثقة بالنفس: نساعدهم يبنوا ثقتهم في قدرتهم على اتخاذ قراراتهم. 4. فتح الحوار: نسمع لمشاعرهم وأفكارهم بدون حكم. اتذكروا، اتخاذ القرارات هو جزء أساسي من النمو، وكل تجربة بتساعدهم على تطوير مهاراتهم. 💜 #سامعنك

المراهقة .....

عارف إنو كتير مننا بيعاني بصمت 😔، وأكتر من 60% من السودانيين مروا بتجارب الاكتئاب أو القلق، وده ما ساهل أبدًا 💔. للأسف، كتير من الناس عندهم أفكار غلط عن العلاج النفسي والجلسات العلاجية، لكن الحقيقة إنو مافي عيب في إنك تطلب مساعدة 💜. الضغوطات المعيشية وضغوط الحياة اليومية 🌍، خلت كتيرين يحسوا إنهم مضغوطين أو تائهين 😞. سواء كانت ظروف داخلية أو خارجية، كلنا عندنا تحديات، وكلنا بنمر بلحظات ضعف . المهم إنو نعرف إنو في ناس بتسمع لينا وبتقدر توقف جنبنا 💜. 🔴 التحديات اللي بنواجهها: قلة الأطباء والمعالجين النفسيين المؤهلين 🩺. نقص الأدوية وشحها 💊. انتشار الممارسات الخاطئة للمعالجين الشعبيين 🚫. مافي زول وحده في المشوار ده، ولو حسيت إنك محتاج زول يسمع ليك أو يدعمك، ما تخجل تطلب المساعدة 🫱🏽‍🫲🏼. الصحة النفسية ما رفاهية، هي حقك الأساسي 💜. #سامعنك

بتاريخٍ صنعهُ سبتمبر: أحب أقول ليك!...... إنها فترة وحتعدي،وأنَّ كلّ مُرٍ سيمر.. ومهما ضاقت بيك حتفرج..💜 _زيما لحظاتك السعيدة بتجي وبتمشي..كذلك اللحظات الحزينة! _سُميِّت دُنيا لأنها فانية..وكلُّ شيٍّ فيها فاني..فشيل الصبر واحتسب الأجر💜. _ونحن هنا سامعنك وداعمنك💜. #زاجل_سامعنك

تأثير القابلات على الحوامل وعلاقته بالصحة النفسية 💜 الصحة الجنسية والإنجابية وصحة الأمهات والمواليد والمراهقين جزء أساسي من أهداف التنمية المستدامة. القابلات هن عمود أساسي في تقديم الرعاية للحوامل والأمهات وحديثي الولادة، خصوصًا في أوقات الأزمات. للأسف، كثير منهن بيفتقرن للدعم الضروري، زي الأدوية الأساسية وشبكات الاتصال، وده بيأثر على قدرتهم في تقديم رعاية آمنة خلال الولادة. نقص الدعم ده ممكن يسبب ضغط نفسي كبير للقابلات والحوامل. لازم الولادة تكون حق أساسي لكل امرأة، ما تكون ترف. الرعاية الصحية اللي بتقدمها القابلات مهمة جدًا، خاصة في الأوقات الصعبة. وجود قابلات مؤهلات بيساهم في تقليل معدلات المضاعفات وزيادة فرص الأمهات ومواليدهن في الحصول على رعاية صحية سليمة. كمان، الدراسات أظهرت إن الدعم النفسي والاجتماعي للقابلات بيساعدهم في تقديم رعاية أفضل، وبيأثر إيجابي على الصحة النفسية للحوامل. علاقة الثقة بين القابلة والأم بتخلق بيئة مريحة وآمنة، مما يجعل تجربة الولادة أقل توترًا. في النهاية، نشيد بعمل القابلات ونتعهد بدعمهن، مقدرين الجهود اللي بيبذلوها في صمت. 💜 #سامعنك

كيف بيجري تيار علاقاتك؟!.. _متحكم فيها!!..ولا العكس!. _انتَ صاحب القرارات..مهما شاورت وإستشرت..انتَ صاحب الرأي في النهاية💜. _ما تمشِّي حياتك وعلاقاتك زيما هي دايرة أو زيما هو داير..سيب كل الليك والعليك وفكِّر في نفسك بلا أنانية وبلا مبالغة..💜 _خليك في علاقة صادقة ومليانة آمان..وأبعد نفسك من محطات الزعل،إتفقنا؟!💜. #سامعنك #صحتك_النفسية_هي_مبتغانا #فضفضة

الثقة بالنفس والكبرياء فيهم فرق كبير، وكل واحد فيهم عنده تأثير مختلف على صحتنا النفسية. الكبرياء هو لما الزول يحس إنه أحسن من الناس ويتعالى عليهم. الحاجة دي بتخلي الزول يتجنب الناس، وبيكون في عزلة وزعل. يعني الزول المتكبر دايماً بيشوف إنه فوق الكل، وده بينعكس سلباً على علاقاته الاجتماعية. كمان في الدين، التكبر حاجة ما محمودة وبتسبب مشاكل كتيرة بين الزول وربه وبينه وبين الناس. الثقة بالنفس حاجة تانية خالص. هي لما الزول يكون مؤمن بقدراته وبيعرف إنه يقدر يواجه التحديات ويتعامل مع المواقف بوعي وقوة 💪🏽. الثقة بالنفس بتديك الراحة النفسية وتخليك مرتاح في تصرفاتك وقراراتك. الناس الواثقة من نفسها بتكون أكثر قدرة على التواصل مع الآخرين وبتنجح في حياتها لأنهم ما بخافوا يجربوا ويمشوا قدام. الأخصائية النفسية لانا قصقص بتقول إنو الثقة بالنفس هي المفتاح للصحة النفسية💜. يعني لو ما عندك ثقة في نفسك، حتى لو عندك إمكانيات وموارد، ما بتقدر تستفيد منها. الثقة هي اللي بتدفعك تستغل قدراتك وتحقق أهدافك. بالعكس، الكبرياء بيحبسك ويخليك تظن إنك ما محتاج لي زول، وده بيبعدك عن الناس ويأثر عليك. في النهاية، الثقة بالنفس بتساعدك تكون متوازن وسعيد، لكن الكبرياء بيخليك في عزلة ومشاكل مع نفسك ومع الناس. #سامعنك

الثقة بالنفس والكبرياء ....

هذا المساء: رغم التراكمات والضغوطات، شايفنك لسة ماشي وساعي...💜 كلنا فخورين بيك وبي جهدك ومجهودك.. ولولا إنك قادر تتخطى الطريق دا وكل الصِعاب دي، ما كان ربنا اختارك إنتَ تحديداً من بين الكلّ 💜... إنتَ قادر، والسِكة سِكتك.. فأرسم طريقك وخطواتك على مهلك، واستمتع بي رحلتك مهما كانت المتاعب 💜. #زاجل_سامعنك

زاجل سامعنك: ساعي الخير دايمًا بيحصد خيره 💜. مساعدتك للناس وقضاء حوائجهم بيجيك ثمرو في يوم من الأيام 💜. ممكن تواجهك لحظات صعبة، وشعور بالإحباط، وتفكير سلبي، وبتشعر إنك خلاص تعبت، والناس ما بتقدِّر. لكن، لا! استمر 💜. حتى لو ما شفت ثمار جهدك اليوم، حتلقاها بكرة أو بعده 💜. استمر في سعيك للخير، وحتشوف نتائجه 💜. #زاجل_سامعنك

أهم حاجة نعرف إنو دي مرحلة بتمر بيها كثير من الأمهات. كل ما نقف مع الأم وندعمها، كل ما نساعدها تطلع من المرحلة دي بنجاح وسلام.💜 #سامعنك_للصحة_النفسية💜

…….طيب نعمل شنو؟ كيف نتعامل معاه؟ - الدعم النفسي: ما في أحسن من إنك تحكي وتفضفضي لناسك ولزول يكون مستمع جيد أو حتى لطبيب مختص. - الراحة والنوم: - حاولي ترتاحي على قدر ما تقدري، حتى لو كان صعب مع ذلك الصغير الجديد✨. - الأكل الصحي والرياضة: أكلات صحية وحركة بسيطة ممكن تعمل فرق كبير وما ضروري نشوف نظام صعب تطبيقه و أكلات صعب توفرها في البيئة الإنت فيها ،ممكن بأبسط الأشياء نقظر نعمل نظام غذائي صحي ومتوازن✨ - استشارة الطبيب: لو حسيتِ إن الأعراض دي بتزيد مع الوقت وما عارفة كيف تتصرفي معاها، ما تترددي في استشارة طبيب مختص. #سامعنك_للصحة_النفسية💜

……..المرحلة دي طبيعية تماماً وبتحتاج لوعي ودعم، عشان الأم تتجاوزها بسلام وترجع لحياتها الطبيعية وهي متوازنة نفسياً. الأعراض: شنو الحاصل؟ 🤔 - حزن بدون سبب واضح فجأة بتلقى دموعك بتتساقط وإنت ما عارفة ليه والحزن ما قاعد يستأذنك أبدا - *تعب ما ليه حل* بتكوني نمتي 10 ساعات وصحيتي كأنك ما نمت دقيقة و الجسم خلاص بقى يقول "أرحميني شوية". - النوم عدوك الجديد لا بتقدري تنومي ولا سمعتي عن النوم بعد الولادة، كل ما تحاولي تنامي يجيك إحساس إنك ناسية حاجة مهمة. - العناية بالطفل بتبقى صعبة عليك بتحسي مرات إنك ما قادرة حتى تشوفي طفلك أو تعتني بيه، وبتقولي "وين الأم السوبر اللي وعدوني بيها؟" - أفكار سلبية بتجيك أفكار سلبية من العدم زي " أنا ما قدرت أكون أم كويسة" أو "أنا فاشلة"، الأفكار دي كذابة ما تصدقيها وتنجرفي وراها… #سامعنك_للصحة_النفسية

"لما الفرح يبقى صعب: *اكتئاب ما بعد الولادة وأهمية الدعم*" اللحظة اللي بتجي فيها طفلك الأول للحياة هي واحدة من أعظم اللحظات اللي ممكن تمر بيها أي امرأة💜. اللحظة دي مليانة فرح، حب، وترقب. 💜 بتحسي إنك أصبحت أم، والمشاعر بتكون مختلطة بين السعادة والمسؤولية الكبيرة اللي بتجي معاها. لكن مع كل الفرح ده، في حاجات كتيرة بتحصل داخل جسمك وعقلك. بعد ما الأهل والأصدقاء يرجعوا لبيوتهم، والبيت يرجع هادي، بتبدأ التغيرات تظهر فجأة، بدل ما تكوني فرحانة وسعيدة، بتحسي بالحزن والإرهاق😔، وممكن تحسي إنك مضغوطة لدرجة صعب عليكِ حتى الاعتناء بطفلك أو بنفسك. الأفكار بتتقلب، والمشاعر بتكون متضاربة، لكن خلينا نقول لكِ حاجة مهمة: *ده ما ضعف منكِ أبداً، ولا هو نقص فيكِ كأم.* دي حاجة بتمر بيها كتير من الأمهات الجدد، واللي اسمها *اكتئاب ما بعد الولادة*. #سامعنك_للصحة_النفسية #صحتك_النفسية_هي_مبتغانا

"إنتو ما سامعننا!!" دا ردّ أغلبية الحاولوا إنهم ينهوا حياتهم بعد ما قالوا ليهم أهلهم والأقربين: ليه عملتوا كدا؟.. فهل نحن فعلًا ما سامعنهم؟ هل المشكلة بدأت مننا نحن ما منهم هم؟ المسؤولية واقعة على منو؟ يُتبع.. #سامعنك_للصحة_النفسية💜

اتكلمنا في البوست الفات عن شنو هو الاكتئاب وأعراضه. في البوست دا تابع معانا النصائح للتعامل معاه ومع بعض نطلع بحلول تقدر تطلع بيها من الحالة دي تدريجياً : 1- التحدث مع شخص موثوق: الكلام مع زول بتثق فيه بيساعد في تخفيف الضغط النفسي وبخليك تفرغ الطاقة السلبية. 2- ممارسة الرياضة: الرياضة بتساعد في تحسين المزاج، زيادة الطاقة وجسمك بكون صحّي. 3- الأكل الصحي: الأكل الصحي بيساعد في تحسين الصحة العامة والمزاج. 4- النوم الجيد: النوم الكافي بيساعد في تحسين المزاج والتركيز. 📍طيب كيف نتعامل مع الشخص المصاب بالاكتئاب؟ 1- استمع ليه بإنتباه و خلي الزول المكتئب يحس إنك مهتم بيه وبتسمعه بدون ما تحكم عليه. 2- أدعمه وحافظ على التواصل معاه، سواء بزيارته أو تتكلم معاه على الهاتف، عشان ما يحس بالعزلة. 3- شجّعه على العلاج ووضح ليه إن الاكتئاب مرض زي أي مرض تاني وما حاجة يُعاب عليها، وبيحتاج لعلاج من مختصين. 4- ما تضغط عليه عشان يتخطى مشاكله بسرعة، ولا تنتقد تصرفاته. 5- خلي الزول يحس إنك فاهم حالته وإنك مستعد تساعده بأي طريقة ممكنة. 6- شجعه يرجع يمارس الأنشطة البتفرحه، زي الرياضة أو الهوايات. 7- الصبر: الإكتئاب ما بيتعالج بين يوم وليلة، فخليك صبور وداعم ليه طول الوقت. 8-القرب من الله. الاكتئاب مرض جدي، لكن بالعلاج والدعم المناسب، الزول ممكن يتغلب عليه ويعيش حياة سعيدة ومليانة نشاط. إذا كنت حاسس بأي من الأعراض دي، ما تتردد في طلب المساعدة من مختصين. وإتذكر إننا كُلنا مع بعض، وإننا هنا سامعنّك💜 #سامعنك #صحتك_النفسية_هي_مبتغانا

اتكلمنا في البوست الفات عن شنو....

"أنا الفترة دي مكتئب " كتير مننا بقول الكلمة دي وحرفياً كدا منتشرة كتير في مجتمعنا ، بس قليل جداً المستوعب إنو الإكتئاب دا مرض مفروض الناس تتعالج منو. الليلة في البوست دا ح نتكلم ليكم عن الاكتئاب بصورة مبسطة وسريعة. الاكتئاب عبارة عن حالة نفسية بتخلي الواحد فينا يحس بالحزن وعدم اهتمام بالحاجات الكان بحبها وبتفرحو . الزول المكتئب دايماً بكون حاسي بتعب وبحس انو ما عندو طاقة لاي حاجة ، وبحس بالاجهاد لمجرد إنو عمل جهد بسيط . وكمان بعاني من صعوبة في التركيز ، و دايماً بكون عندو مشاكل في النوم ، يعني ممكن يشيل الليل كلو وهو صاحي وما جايهو نوم . وفي ناس كمان وزنهم بزيد ، وناس وزنهم بقل من غير ما يكون في سبب واضح . الأسباب طبعاً بتختلف من مريض لآخر ، يعني مثلاً في ناس بجيهم إكتئاب بسبب عامل وراثي في الأسرة ، وفي ناس بكون بسبب ضغوطات الحياة والمشاكل الإجتماعية البتلاقيهم في المجتمع . طبعاً في مجتمعنا لمن الواحد يقول مكتئب بحسوها كلمة ساي ، بس حقيقي الإكتئاب مرض نفسي بحتاج لعلاج نفسي وأدوية طبية . الأدوية بتتأخد عشان تحسن الحالة المزاجية ، والعلاج النفسي بساعد في التعامل مع الأفكار السلبية البتجي لمريض الإكتئاب وتحسِّن حياتو اليومية . انتظرونا في بوست تاني نحكي ليكم كيف تتعاملو مع الإكتئاب وتكونو ناس صحيين نفسياً. سامعنك_للصحة_النفسية💜 #صحتك_أهم

"أنا الفترة دي مكتئب "....