TOMDI TUMANI MAKTABGACHA VA MAKTAB TA’LIMI BO’LIMI

Hurmatli ota-onalar, aziz oʻgʻil-qizlar! Prezident, ijod hamda ixtisoslashtirilgan maktablarimizda oʻqish istagida boʻlgan yoshlarimizning safi yil sayin ortib borayotganligi bizni behad quvontiradi. Bu yil mazkur maktablarda oʻqish istagini bildirgan oʻquvchilar soni 244 378 nafarni tashkil etdi. Bunda Respublika miqyosida Prezident maktablariga bir o‘quvchi oʻrniga oʻrtacha 185 nafar, ijod maktablariga 15 nafar, ixtisoslashtirilgan maktablarga 20 nafar, tayanch ixtisoslashtirilgan maktablarimizga 80 nafar, Toshkent shahridagi Muhammad al-Xorazmiy maktabiga esa 145 nafar talabgor toʻgʻri keldi. Prezident, ijod, ixtisoslashtirilgan maktablarga hujjatlar qabuli va imtihon jarayonlarini tashkil etish amaliyoti yildan yilga soddalashtirilib, takomillashtirilib borilmoqda. Xususan, tayanch ixtisoslashtirilgan maktablarga hujjat topshirgan talabgorlar uchun imtihonlar o‘z hududlari (Qoraqalpog‘iston Respublikasi, viloyatlar va Toshkent shahri)da o‘tkazildi. Bu orqali yurtdoshlarimizning vaqt va mablagʻlari tejaldi. Hurmatli ota-onalar! Farzandingizni ilm olishga boʻlgan ishtiyoqini qoʻllab-quvvatlayotganingiz tahsinga loyiq. Uchinchi Renessans vakillari aynan sizning oʻgʻil-qizlaringiz boʻlishi shubhasiz. Ilmga chanqoq, zukko, bilimdon o‘g‘il-qizlarimiz! Sizlar hayotingizdagi ilk masʼuliyatli va ayni damda juda hayajonli imtihonlarda oʻz bilimlaringizni sinovdan oʻtkazdingiz. Har biringizni kelajakda dunyoning nufuzli universitetlari imtihonlarida ishtirok etib, muvaffaqiyat qozonishingizga tilakdoshman. Hurmatli Prezidentimiz taʼkidlaganlaridek, Siz ozod va farovon yangi Oʻzbekiston, yangi Renessans bunyodkorisizlar. Hech qachon izlanishdan, intilishdan to‘xtamang! Hilola Umarova, Maktabgacha va maktab ta’limi vaziri

⭕️⭕️⭕️ ⭕️⭕️⭕️⭕️ 📣 BUGUN soat 16:00 da Maktabgacha va maktab taʼlimi vazirligi tomonidan quyidagi mavzularda jonli muloqot tashkil etiladi: ➖ Ixtisoslashtirilgan taʼlim muassasalari agentligi tizimidagi taʼlim muassasalariga qabul imtihonlari yakuniy natijalari; ➖ 2024-2025-oʻquv yilida umumtaʼlim maktablarining 1-sinfiga qabul jarayonlari. ✔️ Muloqot vazirlikning rasmiy telegram kanalida boʻlib oʻtadi. EKSPERTLAR: ➡️Qahramon Almardonov, Maktabgacha va maktab taʼlimi vazirligi Umumiy oʻrta taʼlim tashkilotlari faoliyatini muvofiqlashtirish boshqarmasi boshligʻi oʻrinbosari; ➡️Inom Xoʻjamov, Ixtisoslashtirilgan taʼlim muassasalari agentligi Iqtidorli yoshlar bilan ishlash boʻlimi boshligʻi. Vazirlikning rasmiy sahifalariga ulanish: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

2024 yil 10-iyul kuni Tomdi tumani maktabgacha va maktab ta’limi bo‘limiga qarashli 10-umumiy o‘rta ta’lim maktabida "Iyul-Kibermadaniyatni yuksaltirish oyligi" doirasida o‘quvchilar o‘rtasida rasmlar tanlovi o‘tkazildi.

Joriy yilning 10-iyul kuni Tomdi tuman Maktabgacha va maktab taʼlimi bo‘limi boshlig‘i M.Bazarbaev “Tomdibuloq” ovul fuqarolar yig'inida joylashgan 4-sonli DMTT-ga ham tashrif buyurib, ushbu maktabgacha ta'lim tashkilotida ta’lim-tarbiya jarayonining davlat o‘quv dasturi asosida olib borilishi, tarbiyalanuvchilar uchun sog‘lom ovqatlanishni tashkil etilganligi hamda hamshiralar faoliyati bilan tanishdi.

2024 yil 10 iyul kuni Tomdi tumani maktabgacha va maktab ta’limi bo‘limiga qarashli 12-umumiy o‘rta ta’lim maktabida "Iyul-Kibermadaniyatni yuksaltirish oyligi" doirasida o‘quvchilar o‘rtasida rasmlar tanlovi o‘tkazildi. Tanlov natijasiga ko‘ra 3-sinf o‘quvchisi G. Orazova 1-o‘rinni,7-sinf o‘quvchisi M. Kariyev 2-o‘rinni va 8-sinf o‘quvchisi A.Axmetova 3-o‘rinni egalladilar.

2024 yil 10 iyul kuni Tomdi tumani maktabgacha va maktab ta’limi bo‘limiga qarashli "Barkamol avlod" bolalar maktabida "Iyul-Kibermadaniyatni yuksaltirish oyligi" doirasida o‘quvchilar o‘rtasida rasmlar tanlovi o‘tkazildi. Tanlov natijasiga ko‘ra A.Mayramova 1-o‘rinni, J.Demesxanova 2-o‘rinni va A.Egizbayeva 3-o‘rinni egalladilar.

2024 йил 10 июль куни Томди тумани мактабгача ва мактаб таълими бўлимига қарашли 12-умумий ўрта таълим мактабида "Июль-Кибермаданиятни юксалтириш ойлиги" доирасида ўқувчилар ўртасида расмлар танлови ўтказилди. Танлов натижасига кўра 3-синф ўқувчиси Г. Оразова 1-ўринни,7-синф ўқувчиси М. Кариев 2-ўринни ва 8-синф ўқувчиси А.Ахметова 3-ўринни эгалладилар.

Bugun Tomdi tuman Maktabgacha va maktab taʼlimi bo‘limi boshlig‘i M.Bazarbaev tumandagi 1, 12-sonli umumta'lim maktablarida bo‘lib, yangi o‘quv yiliga tayyorgarlik holatini oʻrgandi. Xususan, sinf xonalarining oʻquv jarayoniga tayyorgarlik holati, zarur oʻquv jihozlari taʼminlanganligi va sport zallarining oʻquv yiliga tayyorgarligini, obodonlashtirish ishlarini ko'zdan kechirdi. Tashrif davomida maktablarda tashkil etilgan to‘garaklar faoliyati bilan yaqindan tanishdi va mavjud muammo va kamchiliklarni bartaraf etish yuzasidan mutasaddilarga tegishli ko‘rsatmalar berdi.