ميخالف.

"صَبورٌ وَلو لَم تَبقَ مِنّي بَقِيَّةٌ قَؤولٌ وَلَو أَنَّ السُيوفَ جَوابُ وَقورٌ وَأَحداثُ الزَمانِ تَنوشُني وَلِلمَوتِ حَولي جيئَةٌ وَذَهابُ وَأَلحَظُ أَحوالَ الزَمانِ بِمُقلَةٍ بِها الصُدقُ صِدقٌ وَالكِذابُ كِذابُ بِمَن يَثِقُ الإِنسانُ فيما يَنوبُهُ وَمِن أَينَ لِلحُرِّ الكَريمِ صِحابُ وَقَد صارَ هَذا الناسُ إِلّا أَقَلَّهُم ذِئاباً عَلى أَجسادِهِنَّ ثِيابُ تَغابَيتُ عَن قَومي فَظَنّوا غَباوَتي بِمَفرِقِ أَغبانا حَصىً وَتُرابُ"

"لا لقيت المعترض فـ الحلوق وفـ الدروب ان تعديته قدا وان توطيته قدا مايفكك من عفون العرب حسن السلوب الردى حزات ماله علاج الا الردى من يشوف الضعف منك ركب فوقك ركوب ومن لقى فيك الظفر ما عدا ولا اعتدى"

"تموت الرغبة إن جاء بـ المحبّة شح وتموت الكلمة إن جاء ردّها تأخير"

"الشوق ماله عمر يفنى وينعاد له في الضلوع أن عاد وأن غاب رجفه مع كل فرقا له ورى الجفن ميلاد وأن ماتت الفرقا لقى الشوق حتفه جيت أقتل الفرقا من بلاد لـ بلاد ملّ الطريق يشيلني فوق كتفه وأنا بعد مليت من كثر ما أرتاد هالشارع اللي كان لك فيه شرفه تظمأ عيوني شوفك وتشبع سهاد عيّا الزمن يقطع الظمأ بـ رشفه لاوجهك أسقاها ولا ذاقت رقاد ماغير طيفك طيفك اللي أعرفه كنّه ظبي وعيوني ظلال صياد يجفل قبل يرتد للجفن طرفه مشكلته أنه كل ما أشتقت يزداد حتى ملا جدران وقتي وسقفه وأصبحت أشوفه ف أول الغيم لاجاد وفـ أقصى الشفق لاطاحت الشمس خلفه وفي الأرض لانامت عقب صوت رعاد وفي كل شباك ٍ صحت منه درفه أتعبت طيفك لوم واللوم مافاد ويوم الأمل في شوفتك مات نصفه نويت أسافر عنك بجروح ٍ جداد وعمر ٍ من أوراق الزمن حان قطفه نويت لكن جابني الشوق منقاد وجابك حنينك والزمن سال عطفه شفتك تبسّم لي خجل مدري عناد وفي نظرتك شوق ٍ من الظلم وصفه حسيت كني طفل وعيونك أعياد ياعيدي اللي له ورى الصدر رجفه سمّ اللقا صدفة وأسمّيه ميعاد أنا أنتظرتك وأنت مريت صدفه"

"الا ياالله ياللي تحت هيبة سلطنتك اسلمت لك المسلم يسبح لك بحمدك ولك الاسلامي احمدك واشكرك واثني عليك بما علي انعمت تزودني وفا قدر العشير ووصل الارحامي ولجك الفجر ياليل الذهول اللي علي اضلمت بعرضك واقع الماضي بعيني عرض الافلامي ولهتك يالنديم اللي على صافي وفاك اضرمت بصفحة ذكريات العام واللي من ورا العامي بعد تقرير مشوار التجارب نجحك واجزمت بان السيف سيفي والعصا والمحزم احزامي عطتني عزلة اخلاصي معك نسيان من نادمت كتبتك وانطوت صحفي عليك و جفت اقلامي اباهي لا ابالي واتبيسط كل ماقدمت اشب النار قدام العرب واشيد اخيامي نهاري حر شمسه يستحي منها لسان الشمت وليلي ترقب نجومه ملامة كل من لامي على ضو الكلام اللي كشف عنا ستار الصمت عرفت اني تحت برق الامل في روض الاحلامي احسب انك تيمم با اتجاهي وين ما يممت واثر ما انت بورايه في الطريق ولانت قدامي مصيبه لاتدنت قيمتك في عين من قيمت يشوفك بالسهل وانته تشوفه بالسما السامي كثر ماحن قلبي للونيس وكثر ما درهمت فجر صدري حنيني واتعب الاقدام درهامي عيون الصد وعيون التجافي حول مهما اكرمت تشوف المجتهد كسلان والبناي هدامي مدام ان جانبك شام لجنابي وانت عني شمت كثر خيرك وانا مانيب لاجايع ولاضامي اشوف انه علي واجب ليا مريتكم سلمت مرور اكرام تربطه الكرامه عند الاكرامي على شان الخفوق اللي على عرشه قعدت وقمت حجب عنك الدجى لين اشرقت لك بيض الايامي ختام السالفه ياطيب العشره كرمت ودمت هذا حقك علي وحق شرهاتي على اوهامي مصير الوقت يشرح لك دروسه وان غفلت ونمت يصحيك الزمان اللي يصحي كل من نامي تذكرني ليامن خابت اوهامك فمن وهمت وشفت الفرق في حب الخشوم وحب الاقدامي"

"ماني مبشّر بالعوض وأنت موجود أنت الأصل جعل الأصل مايبدّل"

"‏انا شمس لكن مالقت بالوجيه سفوح ‏فهقت الظلام ولاتخاذلت باشراقي ‏وانا نجم لكن لي متى والنجوم تلوح ‏قبل غيبتي لابد مااستثمر آفاقي"

"‏شلت من حمل السنين ولا عسرني ‏في حياتي غير نكران الجمايل ‏ماتغير مذهبي لكن كسرني ‏ ضيعة المعروف بعيال الحمايل"