م​ُس​ْل​ِم𓂆

https://youtube.com/playlist?list=PLr0JMBzlhhW6gjnIqx67n2duVFHNhsBfI&si=Z_HLE8t89ZSJchoT شرح كتاب الداء والدواء م. علاء حامد

انت مش جاي الدنيا تحقق أحلامك ! في حاجات كتير جداً نفسك فيها ومش هتاخدها في الدنيا .. ايوه تصالح مع الحقيقة دي بدري بدري .. وإلا يبقى إيه طعم الجنة لو كل أحلامك في الدنيا بتتحقق وكل اللي نفسك فيه بتاخده ؟! انت جاي الدنيا تسعى وبس والسعي اللي هو بين قوسين (العبادة) لإن سعي معرفتش تحوله لعبادة يبقى سعي ع الفاضي ! تاخد طريق يرضي ربنا وتخلص فيه النية وتجيب اخرك فيه يبقى انت كده والله العظيم ناجح حتى لو موصلتش في النهاية النتيجة مش بتاعتك ولا ربنا طلبها منك ولا هيحاسبك عليها كان بيعمل إيه في شبابه ؟ كان بيعمل إيه بصحته ؟ كان بيعمل إيه بفلوسه ؟ كان بيعمل إيه بوقته ؟ دي طريقة التصحيح اللي هتتحاسب عليها مفيش سؤال هيكون فيه "وصل لإيه ؟؟" لإن وصل لإيه دي إجابتها مش عندك فنرجع ونقول "انت مش جاي الدنيا تحقق أحلامك" .. انت جاي الدنيا "تسعى" والورقة تتسحب منك في أي وقت تبقى ناجح طالما اتسحبت منك وانت بتحاول وبتسعى صح فكمل سعي واشتغل وطوّر نفسك واعمل اللي عليك .. بس وانت هادي ومطمئن طمأنينة المؤمن اللي عارف حقيقة الدنيا صح وانها ممر لا مقر وان شرها زائل وخيرها كمان زائل واللي حسسوك انك في سباق وكل دقيقة انت بتتأخر ومليون واحد بيسبقك وحولوا حياتك لضغط ومقارنات وجحيم ضحكوا عليك علشان تنسى انت جاي هنا ليه زي ما هما كمان نسيوا الدنيا امتحان هتمتحنه وتمشي لا انت اللي بتحدد وقته ولا الأسئلة اللي فيه انت تجتهد في الإجابة وبس وفي النهاية ليك جنة بإذن الله تحقق فيها كل أحلامك

صلاة الفجر من النعيم المُعجَّل في الدُّنيا خَسِر والله من هجر الفجر..!

من معارك المؤمن اليومية، ألا يتسلل اليأس إلى قلبه! -أسامة نبيل.

يَٰوَيۡلَتَىٰ لَيۡتَنِي لَمۡ أَتَّخِذۡ فُلَانًا خَلِيلٗا

أجر🤎🤎🤎

أجر🤎

من حسن الأدب مع الله ألّا تنصرف وكأنك كنت مقيداً.. اجلس فقل الأذكار سَمّى بعض العلماء هذا الجلوس الذي بعد الصلاة الجلوس الثمين.. لماذا؟ لأن الله يغفر فيه الذنوب.. فإن الملائكة تصلي علي أحدكم مادام في مُصَلّاه تقول اللهم اغفر له، اللهم صلِّ عليه، اللهم ارحمه.. فاقعد وقل استغفر الله، استغفر الله، استغفر الله؛ لأن هذه الصلاة مهما حسّنتها لا تليق بالله.. مهما حسّنتها وجودتها فإن الله عز وجل يستحق أكثر من ذلك.. وأنت لا تدري المقدار الذي سرحت فيه وشُتِت عقلك فيه.. فتستغفر الله عز وجل ثم تُكمل أذكار بعد الصلاة د. أحمد العربي

هو انا فاكر ايه من سنين الدراسة الطويلة اللي قضيتها والمواد الكتير اللي عدت عليا !! بسأل نفسي السؤال ده حاليا وانا لم يبق من هذه الكميات إلا القليل والقليل جدا والله المستعان !! لكن طلعت منها بحاجة والحمد لله اني طلعت من دراستي بيها ولو مطلعتش إلا بيها لكفى والله ! " حفظت القرآن "❤️ الحمد لله ثم الحمد لله ثم الحمد لله من هنا إلى يوم القيامة ودايما بقول والله إن القرآن صحح مفاهيمي ورباني وعلمني وكون شخصيتي وسبب كل فضل ربنا منّ به عليّ انا بكتب الكلام ده عشان اقول لكل واحد في اعدادي وفي ثانوي وفي جامعة مش هيبقالك حاجة إلا القرآن ! واوعى تقول مفيش وقت !! انا وانت عارفين ان فيه وقت وفيه طاقة وقدرة واستيعاب ذهني للقرآن ! غالبا بتظن ان حفظ القرآن هيأخرك دراسيا ! طب ولو ! إيه المشكلة ! يكفي إنك حفظت كلام الله في صدرك حبيبي انت قلبك بقى فيه آيات ربنا عزوجل !! أنت متخيل !! وعاوز اقولك ان ده صعب جدا لان القرآن ما زاحم شيئا إلا باركه وزينه والله بترتقي في كل شئ والله رسالة لكل أب وأم : أقسم بربي .. القرآن أصلح وأولى لولادكم من كل اللي بيدرسوه ده .. مع عدم تقليلي لقدر اللي بيدرسوه كان أحد مشايخنا بيقول : "من أوتي القرآن وأوتي أخوه مال قارون فظن أن أخاه أفضل منه فقد عظّم ما حقّر الله وحقّر ما عظّم الله " والحمد لله رب العالمين .. 🌸 د. أحمد العربي

وحضرتك بعيد عن ربنا، مخك بيبدأ تلقائيا يدخل في دوامة حساب كل خطوة في حياتك بالورقة والقلم .. بتبدأ تخاف من بُكره.. بتبدأ تتشائم .. بتبدأ يجيلك أرق وخنقة لاتعرف ما مصدرها .. بتبدأ تعمل حساب بزيادة للناس .. بتبدأ تنسى ضعف الناس وانهم لا حول لهم ولا قوة .. بتبدأ تنسى قدرة الله على الناس وعلى البشر .. فبتخاف من قدرة من لا حيلة له ... شايل هم كل خطوة صغيرة.. .. شعور بالذعر جواك لا تسمع صداه .. بس إنت حاسس بيه جواك .. بياكل أي فرصة للتفاؤل و يُضفى على الحياة رداء أسود .. وتذكر "الشيطان يعدكم الفقر" و زي ما النبى صلّى الله عليه وسلم قال : ومن كانت الدنيا همه جعل الله فقره بين عينيه و فرق عليه شمله. حضرتك تركت أهم مساعدة وأعظم داعم وسند ليك في الدنيا، تركت التوكل على الله! أصبحت عريان ماديا ونفسيا .. تركت السند الذي لا يزول و تركت أمان القلوب ... تركت اللي في إيده كل حاجة وتحت سيطرته كل البشر اللي انت قلقان من تصرفاتهم. بعيد عن ربنا إنت يتيم حرفيا .... ربنا لم يخلقك عشان يسيبك تتعامل مع كل السواد اللي على الأرض ده لوحدك .. يريد الله أن يخفف عنكم وخلق الانسان ضعيفا .. لقد خلقنا الإنسان في كبد.. خد بكل الأسباب وابذل اقصى ما عندك لكن اياك تواجه كل السواد ده لوحدك ببعدك عن ربنا .... فتذكر انك هتفضل في الرعب ده و لو كان معاك ملايين.