Mitti Farishta 🖇 || blogi

Uyqu va ovqat time😊

Аёллар психологияси Ижарада яшаётган аёл — эрининг шахсий уй ололмаётганидан, қачонки оиланинг шахсий уйи бўлсагина ўзини бахтли хис қилишини айтиб шикоят қиларкан. Ўз уйи, ҳаминқадар рўзғори бор аёл, бошқалардек тўкин-сочинликда, молиявий эркинликда яшамаётганидан ва улардек бахтли бўлолмаётганидан шикоят қиларкан. Молиявий эркин, тўкин-сочинликда яшаётган аёл, эрининг унга мехр ва эътибор бермаётганидан шикоят қиларкан. Тўкин сочинликда, хашаматли ҳаётда яшаётган ва мехр эътибор кўрсатилаётган аёл—эрининг унга етарли ва лозим даражада мехр-мухаббат кўрсата олмаётгани, хеч бўлмаса хавтада бир бўлса ҳам айнан унинг учун аталган чиройли гулдаста ёки «Raffaello» шоколади кўтариб келмаётгани, бошқалардек ҳар куни бўлмасаям 3-4 кунда бир ресторан-кафеларга биргаликда романтик кечки овқат танаввул қилишга бормаётганидан шикоят қиларкан. Хотинни рози қилишга уринавериб чарчаган эр охир оқибат юрак хуружидан вақтлироқ вафот этиб қолса, "арслонимдан айрилиб қолдим, эримни қайтариб беринглар" деб шикоят қиларкан. Xurshid Usmon

Atrofimizdagilar bizga doim ta'sir qiladi

Совуқ ҳавода организмга энергия берувчи маҳсулотлар ҳақида биласизми? ☕️ Қаҳва. Қаҳва организмни тетиклаштириши ва уйқуни очишини ҳаммамиз биламиз. Агар сизга тезда тетиклашиш керак бўлса, кам миқдордаги кофеин сизга ёрдам беради. Ёғсиз сут билан тайёрланган қаҳва организмни кальций ва витамин D ҳамда энергия учун керакли бўладиган углевод билан таъминлайди. 🥐 Дон маҳсулотли озиқ-овқатлар. Дон маҳсулотлари қон айланишига ижобий таъсир кўрсатади. Бу эса кун давомида организмга энергия ҳадя этади. 🥜 Ёнғоқ ва қуруқ мевалар. Ёнғоқ ва қуруқ мевалар инсон организми учун фойдали бўлган ёғ ва оқсилга бой маҳсулотлар ҳисобланади. Таркибидаги фойдали моддалар инсон организмига нафақат кун давомида тетиклик, балки жисмоний зўриқишда ҳам узоқ вақт фаоллик туҳфа қилади.

Ўқитувчи ва ўқувчиларни лол қолдирган воқеа..... Дарс пайтида ўқитувчи болаларга океанда чўкиб кетган кема ҳақида сўзлаб берди. Кемада эр-хотин ҳам бор еди. Ҳалокат пайтида уларга қутқарув қайиғи етиб келди, лекин унда фақат бир кишигагина жой бор еди. Эр кутилмаганда хотинини окенга суриб қайиққа чиқиб олди. Аёл сувга ғарқ бўлиши олдидан фақат бир оғиз сўз айта олди. Ўқитувчи бир оз тин олди ва болаларга савол берди: — “Ким айтади, аёл эрига ўлими олдидан нима деган?” Деярли барча ўқувчилар аёл “Буни кутмагандим!” ёки “Сизни ёмон кўраман” деган деб жавоб қайтаришди. Ўқувчилардан бири жимгина ўтирарди. Ўқитувчи унга ҳам шу саволни берди ва жим ўтирган болакай шундай жавоб берди: Болакайнинг жавобидан бутун синф ларзага келди, у шундай деди: — “Менимча, аёл боламга яхши қаранг, деган бўлса керак”, деди ўқувчи. Ўқитувчи ҳайрон бўлиб сўради: — “Бу ҳикояни олдин эшитганмисан?”. — “Йўқ, эшитмаганман, лекин онам вафот етаётиб дадамга худди шундай деганлар”. Ўқитувчи кўзига келган ёшни артиб олди ва “Жавобинг тўғри” деди. Ҳикоянинг давоми бор эди. Ҳалокатда жон сақлаб қолган эр тез орада уйига қайтди. Уйда уни қизи кутарди. Эркак қизи катта бўлгунича уни меҳрибонлик билан парвариш қилди. Орадан йиллар ўтди. Отаси вафот этганидан сўнг қиз унинг буюмларини йиғиштираётиб, ён дафтарча топиб олди. Унда шундай деб ёзилганди:  — “Ўша кемага чиқишимиздан олдин биз шифокор ҳузурида бўлгандик ва у хотинимнинг тез орада оғир касалликдан вафот этишини айтганди. Хотинимнинг умри жудаям оз қолганди. Мен океанда хотинимнинг ўрнига чўкиб кетишга, унинг учун жонимни беришга тайёр едим, лекин хотиним тез орада оламдан ўтгач, қизимга ким қарарди? Биргина йўл хотинимни океанда қолдириш ва ўзим тирик қолиб, қизимга ғамхўрлик қилиш эди”. Бутун синф жимжит бўлиб қолди. Ўқитувчи ўқувчиларга яхшилик ниқоби ортида ёвуз ният, бир қарашда даҳшатли, инсон нафратини келтирадиган ҳаракат ортида эса яхшилик туриши мумкинлигини айтди. Шу боис ҳам инсоннинг қилган иши, унинг ўзи  ҳақида илк тасаввур билан ҳукм чиқариб бўлмайди. Кўпчилик унинг бу ҳаракати ортида нима турганидан мутлақо бехабар бўлади!

ФАРОСАТСИЗ ОТА Улар уч киши эдилар. Қишлоқнинг кунгай тарафидаги қирда одатдагидек ичиб ўтиришарди. Бир пайт улардан бири шу томонга келаётган қиз болани кўриб шерикларига луқма ташлади: - Жа-а, кетворганмикан?! Шериклар ичкиликдан қизарган кўзларини қизга тикишди. Дархақиқат, улар томонга қадди-қомати келишган, бошидаги қизил дуррачаси елкасига осилиб тушган бир қиз келаётган эди. - Оёқларига қара, бир кечаси учун бутун умрингни садқа қилсанг арзийди, - деди у яна кўзларини сузиб. - Тур, бирортанг ташлансанг-чи! Унинг гапларидан шерикларининг эхтирослари жунбушга келди. Қиз эса тобора уларга яқинлашиб келмоқда эди. - Ох... ох... қани эди уни... Унинг оғзидаги оғзида, бўғзидаги бўғзида қолди. Чунки уларнинг шундоққина яқинига келиб қолган қиз, "ох" ураётган "ошиққа қараб: "Дадажон, уйга мехмон келди. Сизни сўрашяпти," деди. Шериклари мулзам бўлиб ерга қарашди...

25000$ долларлик сир Эр-хотин бирга 60 йил умр кечиришди. Улар орасида бир-биридан беркитадиган ҳеч қандай сир йўқ эди. Фақатгина кампирда битта сир бор эканлигини ҳисобга олмаганда... Кампирни ўз жавонининг юқорисида - чоли ҳеч қачон эътибор қаратмаган бир пойафзал қутиси турар эди. Эндиликда кампир ўзини жуда ҳам қариб қолганини ўйлаб, ерга секингина чўккалаб ўтириб, чолига ўзининг сирини айтишликка қарор қилди, ҳамда жавон устида турган қутичани олиб келишини сўради... Чол қутини келтириб, ичини очди. Қути ичида чиройли қилиб тикилган икки дона қўғирчоқ ва бир даста пул- 25000$ долларни кўрди - Бу нима? – ҳайрон бўлиб сўради чол - Шу десангиз, бизнинг тўйимиз бўлишидан илгари суюкли бувим, менга, бахтли яшаш сири нимада эканлигини айтдилар. Улар менга: - “Агар сен умр йўлдошингдан хафа бўлиб ранжисанг, ҳеч қачон баҳслашмагин-да, ҳар сафар бир дона қўғирчоқ тикгин” – деган эдилар. Чолнинг кўзи ёшланди, сабаби қути ичида фақат иккитагина қўғирчоқ бор эди-да! Сўнг кампиридан яна сўради: - Унда айтчи, бу қандай пуллар? Ахир булар, хўжалигимизга ишлатган пуллардан тежаб, сақлаб қўйганларинг эмасдир? - Мен бу пулларни қўғирчоқларни сотиб, йиққанман.

Исломда эр-хотин "қўш хўкиз" эмас. Бу мақолни гендерчилар чиқарган. Аслида хўкиз эрнинг ўзи. Хотин унинг аравасида юриши керак. Уй-жой, озиқ-овқат ва кийим-кечак билан таъминлаш, хотин касал бўлганда даволатиш эрнинг вазифаси. Хотин буларнинг бирортасига харажат қилишга мажбур эмас. Ҳатто ўзининг пули бор ва бой бўлса ҳам. Шу даражадаки, агар эр сафарга кетиб, нафақа қила олмаётган бўлса, аёл ўзининг мулкидан ёки бировдан қарз олиб, ўз эҳтиёжларига ишлатса ва бундан қозини хабардор қилса, эр сафардан қайтганидан кейин қози ўша маблағни эрдан ундириб беради. ✍️ Мубашшир Аҳмад

​​Бир шайх минбарда хутба қилаётиб, «Биз ҳар куни Аллоҳга боғланиб туришимиз лозим»,-деган эди. Ўша ердагилардан бири: — «Аллоҳга қайси рақам орқали боғланамиз?»-деди. Шунда шайх: — «Ёзиб ол: 2, 4, 4, 3, 4, 8, 3»,-деди. Одамлар шайхнинг жавобидан гангиб қолишди, шайх бу одамни мазах қилдимикин,-деб ҳам ўйлашди. Лекин сўраган одам шайхнинг мақсадини англаб, йиғлай бошлади. Билсак, у айтган рақамлар кундалик намозларнинг ракъатлари экан. 2 – бомдод намозининг 2 ракъат фарзи. 4 – пешин намозининг 4 ракъат фарзи. 4 - аср намозининг 4 ракъат фарзи. 3 – шом намозининг 3 ракъат фарзи. 4 - хуфтон намозининг 4 ракъат фарзи. 8 – таҳажжуд намозининг 8 ракъати. 3 – витр намозининг 3 ракъати. Аллоҳ таоло барчамизга Ўзи билан узилмас алоқа насиб қилсин!

Бутун қалбингиз билан яхши кўрманг! Бутун қалбингиз билан ёмон ҳам кўрманг! Эртанги кун сиз учун нималарни яшириб қўйганини билмайсиз. Севикли кишингиз душманга, душманингиз дўстга айланиб қолиши мумкин!

Мен бугун телефоннинг ҳотирасидан, Таниш рақамларни ўчирдим. Энди, Ҳеч қачон қўнғироқ қилмайман сизга, Сиз томон талпинган жаранглар тинди. Бахт дегани гўё таманно бир қиз, Секин-секин келиб,кетаркан тезда. Бошқа бир рақамлар ҳеч андишасиз, "Жоним" деб сақланар телефонингизда. Йўқ-йўқ,ачинмайман. Йиғламайман ҳам, Фақат юрак қурғур кўнса бўлгани, Қабр кавлаяпман кўнглимнинг сокин, Ғариб гўшасидан ишқни кўмгани. Неча бор қайтмоқни истаганим рост, Висол иқболига босиб қадамлар, Сиз бир бор қўнғироқ қилсангиз,ҳолос, Ёдимда қолсайди ўчган рақамлар. Келиш бор эканки,кетиш муқаррар, Ҳижрон муҳаббатнинг яқиииин ошнаси. Фақат чидамайман сизнинг рақамни, "Жоним" деб сақласа мендан бошқаси. Малика Салимова

ЯНГИ ЙИЛДА 1. Янги йилнинг бошида турибмиз. Янги йилга қадам қўяр экансиз, ёдингизда тутинг, алоқалар роҳат учун, ҳамдардлик учун, қўллаб-қувватлаш учун ўзгаларни суяш учун жорий қилинган. Ички саломатлигингизга путур етказадиганлар сизга керак эмас. Сизни озгина нарсага алмаштирадиган дўстлар сизга керак эмас. Кишиларга ҳеч қачон иккинчи фурсат, захирадаги танлов бўлманг. Сизни барчадан илгари қўядиганлар билан бирга бўлинг! 2. Бу янги йилнинг бошланиши. Ёдингизда тутинг, бу дин сиз билан ҳам, сизсиз ҳам ғалаба қозонаверади. Сиз масжидга бормасангиз бошқалар бораверади. Сиз қуръонни ташлаб қўйсангиз ҳам бошқалар уни тилоаат қилиб амал қилаверади. Сиз илм ўқимасангиз ҳам кимдир ўқийверади. Карвон Аллоҳ томон йўлга чиққан. У фақат жаннат эшиги олдида тўхтайди. Карвон билан бирга бўлмасангиз фақат ўзингиз зарар кўрасиз! 3. Бу янги йилнинг бошланиши. Ёдингизда тутинг, то қиёматга қадар ҳақ билан ботил ўртасидаги жанг давом этади. Ботил қанчалар кучли бўлмасин, ғолиб бўла олмайди. Ҳақ қанчалар кучсиз кўринмасин,  мағлуб бўлмайди. Бу курашда ўз ўрнингиз бўлсин. Дунё эвазига охиратини сотиб юборган кишидан аҳмоқроқ инсон йўқ дунёда. Аммо бировнинг дунёси эвазига охиратини сотганлар ундан ҳам аҳмоқроқдир! 4. Янги йилнинг бошида турибмиз. Агар қутила олмаётган гуноҳингиз бўлса Аллоҳ билан алоқангизни тузатиб олинг. Ҳаммамиз гуноҳкормиз. Тавбангиз тарихини ёзиш фурсати бугундир! 5. Янги йилнинг бошида турибмиз. Инсонлар билан алоқаларингизни тузатинг. Аразлашган яқинингиз билан, узилиб кетган биродарингиз билан, жанжаллашган дўстингиз билан...    Дунё аразлашиб ва жанжаллашиб ўтказишимиздан анча қисқароқ. Хусуматлашишга арзимайди. Қалбини синдирган кишингизнинг жанозасида туришингизни нима фойдаси бор? Ҳаётда аразлашиб юрган кишингиз вафот этганида йиғлашингиздан нима наф?! 6. Йилнинг бошида туримиз. Қуръондан маълум вазифани тайинлаб олиб тиловат қилинг. Уни энг зарур ишингиз чиқсада тарк қилманг. Зикрлардан маълум ва доимий вирдларингиз бўлсин. Нима бўлганда ҳам уларни тарк қилманг! 7. Йилнинг бошида турибмиз. Яширин солиҳ амалингиз бўлсин. Уни ўзингиз ва Аллоҳдан ўзга ҳеч ким билмасин. Фақирга бериладиган бир бурда нонми, беморга бериладиган бир қути дорими, ҳеч кимга ҳатто оилангизга ҳам кўрсатилмаган зуҳо ёки тунги намозларми ва ҳоказо...! 8. Йилнинг бошида турибмиз. Фойдали ишларни режа қилиб олинг. Қанчадир варақ китоб ўқишни, қандайдир онлайн ва офлайн дарсларга қатнашишни, илмий суҳбатларда иштирок қилишни, ижтимоий фойдали лойиҳаларда иштирок қилишни, хайрия ишларида қатнашишни режалаштиринг. Ўзингизни юксалтиринг. Ақлни доим чархлаб туриш керак. Қалбни эса тозалаб...! 9. Ўзингиз учун ҳам яшанг. Ўта қаттиқ тартибли ҳаёт ҳам инсонни зериктиради. Яшашнинг қиймати ва лаззатини йўқотади. Ўртоқларингиз билан фойдали суҳбатлар қуринг. Суғорилмайдиган дарахт мева бермайди, буни унутманг! 10. Йилнинг бошида турибмиз. Аммо Ғазода йил ҳамон эски. Ҳамон қон оқмоқда. Уларда ҳамон мотам. Уларга ҳамдард бўлинг. Уларни дуо қилинг. У замин мусулмонларнинг охирги қалъаси. У ерда бўлаётган ҳодисалар урушдан каттароқ, жанжалдан мухимроқ.    Уларнинг кураши худди Бадр жангига ўхшайди. Бу қон оқаётган диёр умматнинг уйғонишига сабаб бўлмоқда. Бу заминда ўз дини ва ватани учун бир гуруҳ мусулмонлар курашмоқда. Уларга ёрдам бермаётганлар уларга зарар бера олмайди.    Шом диёрида фитналарнинг кўпайишида, кишиларнинг сабот билан жанг қилишида, мусулмонларнинг тик туриб жон бериши соясида босқинчи тўнғиз авлодларининг охирги нафасини олаётганини ҳис қилмоқдаман! Abdulqodir Polvonov

Икки нарса сизни аслида кимлигингизни аниқлаб беради: – Ҳеч нарсангиз бўлмагандаги ҳаракатингиз. – Ҳамма нарсангиз бўлгандаги аҳлоқингиз...

Hayotda shunday kunlar keladi. Alloh ba’zan boylik, ba’zida esa yo’qlik bilan sinaydi. Atrofga qarang, sizdan zo’rlar, sizdan og’irroq ahvolda bo’lganlar bor. Muhimi, sizni cho’ntagingizdagi pulingiz uchun emas, qalbingizdagi mehringiz uchun siz bilan bo’lishligi… Sinalayotgan vaqtingizda atrofingizda kimlar qolganiga qarang. Ana o’sha insonlarni doim qadriga yeting. Va doim hammasiga tayyor turing. Oddiy va samimiy bo’ling doim, shu yetarli. Alloh doim suyganlarini sinaydi. Shukrdan to’xtamang...

Baxtsiz uyg‘onishingizga sabab bo‘ladigan narsalar bilan kurashmang. Darhol yo‘lingizni boshqa tomonga o‘zgartiring! Aslida bu taslim bo‘lish degani emas, shunchaki ba’zi narsalar kurashishga arzimaydi...

"Men senga nima qildim?" - dedi, erkak. "Sen meni qilmaganlaring bilan yo‘qotding" - dedi, ayol.

МЕНИНГ СИНГЛИМ Яноғида бинафшалар очилади, Ифоридан райҳон ҳиди сочилади, Эсга олиб , кўзимда ёш томчилади, Сингилларнинг энг сараси менинг синглим. Бир оҳ десам , ҳатто жонин фидо этар, Илтижоси яратганга бориб етар, Кулишлари волидамга ўхшаб кетар, Сингилларнинг энг сараси менинг синглим. Куюниб зор боқар йўғу , камимизга, Қуёшдек тенг меҳр берар ҳаммамизга, Киприклари ўхшаб кетар аммамизга, Сингилларнинг энг сараси , менинг синглим. Юрагини босмасин ҳеч алам , дейман, Сен дунёда энг чиройли санам дейман, Жонимизни ўйлар кичик онам дейман, Сингилларнинг энг сараси , менинг синглим. Яратганим омон сақла сирдошимни, Майли унга олиб бергин бардошимни, Илтимосим оқизмагин кўз ёшини, Сингилларнинг энг сараси менинг синглим. У жилмайса яшнайди бу ярим кўнглим, Сингилларнинг энг гўзали менинг синглим.

Аёлнинг ватани Бу сафар қаттиқ аразлади. Рашкнинг ҳам чегараси бўлади ахир. Дилсора ўзини оқлайвериб чарчади. Ҳаммасидан турмуш ўртоғининг арази қийнаб юборди. Ўзидан ўзи бир ҳафтадан бери гаплашмай юрибди. Айланиб кўрди, ўргилиб кўрди, садо йўқ! Айби нимадалигини билмайди. Охири Дилсора ҳам чарчади. Гапирмаса, гапирмасин! Охири эри ёрилди, шубҳа-гумонлардан иборат васваса. Холасиникига борди-ю, балога қолди. Кеч келганмиш. Ўзини оқлашдан бошланган жанжал Дилсоранинг тугунини йиғиштириши билан якунланди. Боласини етаклади-ю,."Ман уйимга кетдим", деб кетворди! Азизбек бир кўнгли тўхтатиб қолай деди-ю, ғурури қўймади... Орадан бир кун, ўтди, икки кун ўтди, қизчасини соғинди. Хотини бечора ўзини оқлаб қасам ичишгача борганини эслаб, шубҳалари асоссиз эканлигига ишона борди. Учинчи кун кўчанинг овқатини егиси келмай, кийимларини ювгиси келмай, бутунининг ярмини соғина бошлади. Қўнғироқ қилди. Ўчирилган. Асабийлашганидан  қайта-қайта телефон қилаверди, ўчиқ. Кўнглига ғулғула тушди. Отланиб, қайнотасиникига йўл олди. Дарвозани очиб улгурмай, остонада қайнонаси кўринди. — Азизбек, яхшимисиз, болам, Дилсора яхшими? Уч кундан бери хабар йўқ. Тинч ўтирибсизларми? Келинг-келинг, болам, уйга киринг! У нима деб жавоб берди ўзи билмайди. Бир нималар деб ғудранди, тезгина хайрлашиб, машинасига ўтириб жўнаб қолди. Йўл-йўлакай хотини қаерда бўлиши мумкинлигини ўйлаб, ўйига етолмади. Уйига қайтиб келди. Энди қаерга боради? Қайнонаси алдадимикан-а? Кеч тушиб борар, қуёшнинг сўнгги нурлари бугунги кунни ҳам ер юзидан супуриб олиб кетаётган эди. Бирдан эслаб қолди. Онамга айтишим керак! Қўнғироқ қилмоқчи бўлди-ю, фикридан қайтди. Онасининг қон босими бор. Бориб ётиғи билан тушунтиради... У қадрдон ҳовлисининг очиқ дарвозасини тақиллатаркан, гапни нимадан бошлашини тахмин қилди. Дарвоза ичкаридан шарақ-шуруқ қилдию, эшик очиб Дилсора кўринди! — Ия, бу ерда нима қиляпсан? оғзидан чиққан сўз шу бўлди — Айтувдимку сизга уйимга кетаман, деб деди хотини жиддий оҳангда, кейин қўшиб қўйди. — Ойижонга сизни командировкага кетдилар деганман, тағин мени сотиб қўйманг! Ўзи бизни олиб кетасизми? — Албатта-да, хотинжон, оқ отда келдим сизни олиб кетгани... Болалиги ўтган уйнинг зинасидан кўтарилар экан, тўлин ой нурлари, нафақат, ҳовли сатҳига, балки қалбининг ич-ичига ёйилиб кираётганини ҳис қилиб борарди... Феруза Салходжаева