Musayev blogi

Kansalting agentliklar va GrantGO GrantGO va mentorlik kurslarida juda ko'p insonlar "Hujjatlarimni tayyorlab bermaysizlarmi?" yoki "Hujjatlarimni jo'natsam topshirib bermaysizlarmi?" deb murojaat qilishadi. Garchi bizga an'anaviy biznes modeli bo'yicha ishlash ancha oson va foydali bo'lsa ham Nima uchun GrantGO agentlikka aylanib qolmasligi haqida aytib bermoqchiman. 1. Agentliklar xizmatidan foydalanmanganman Qisqa javob bersam, shaxsan o'zim hech qachon agentliklar xizmatidan foydalanish haqida ham o'ylamaganman. Shu sababli bu borada o'zimni mutaxassis deb bilmayman. Bilmagan narsangga burun suqish esa burunsiz qolishga olib kelishi mumkin ) Foydalanuvchi tomonidan esa ochig'ini aytsam agentliklar men xohlagan narsani bera olmasligini va ular menga beradigan qiymati arzimasligini aniq bilardim. Bunga esa sabab quyidagilar: 2. Ular sizning emas, o'z rejasi bo'yicha harakat qiladi Agentlik bilan ishlash tugul ulardan maslahat so'rab borgan odam yaxshi biladiki, ular siz nimani xohlaysiz, qayerda o'qimoqchisiz (reallikka yaqin bo'lsa ham), haqiqiy potensialingiz qay darajada qiziqib o'tirishmaydi. Ularning o'z ro'yxati bor. Ularga shu ro'yxat bilan ishlash qulay. Shu sababdan ular sizning emas, o'zining rejasi bo'yicha harakat qilishni ma'qul ko'radi. Nazarimda, ularga rejali odamlar bilan emas, "sursam bo'ldi" niyati bilan borganlar bilan ishlash ancha qulayroq (pulini olish ham). 3. Agentliklarning chinakamiga 100% li grantlarga tishi o'tmaydi Istalgan agentlikka borib Fulbright, Chevening, DAAD, Erasmus yoki universitetlar full yoki fully-funded grantlari haqida og'iz ochib ko'ring va keyin ular berayotgan 100% li garantiya qayerga yo'qolib qolishini tomosha qiling. Sababi ular o'zi ham juda yaxshi bilishadiki bu kabi grantlarga nafaqat agentliklar, balki tashqaridan hech kimning tishi o'tmaydi. Merit-based grantlar yutishning faqat bitta yo'li bor: avvalo unga munosib bo'lish, keyin esa shunga mos harakat qilish. Agar ular bu grantlarga garantiya berishsa bilingki, bu narsa afiristlikning eng insofsiz ko'rinishi. Mashhur agentliklar birida ishlagan va keyinchalik o'z kuchi bilan Amerika universitetlaridan full scholarship yutgan yigit ham ular bu darajadagi universitet va grantlarda hech narsa qilib bera olmasligini aytgandi. 4. Ular "yutib berayotgan" grantlar aslida shartnoma natijasi Men agentliklar umuman hech narsa qilmaydi deyishdan yiroqman. Lekin ular siz uchun "yutib berayotgan" grantlar ko'p hollarda aslida siz grantga munosib bo'lganingiz yoki ular astoydil harakat qilganidan emas, o'sha universitetlar bilan shartnomasi borligidan. Oddiy tushuntirsam. Chet elda o'rta darajadan pastroq universitetlar bor. Ularning asosiy daromad manbasi chet ellik talabalar kontrakti, ya'ni ular uchun "sigir" (cash cow). Ular talabalarni jalb qilish uchun esa sun'iy tarzda oshirilgan kontrakt narxlariga 30-70% chegirma qilib berishadi. Talaba o'zi topshirganda 30% chegirma yoki GRANT ajratadigan universitetlar, agentliklar orqali shu talabaga 50-70% chegirma qilib beradi. Uning baholari achinarli, "aylsi" yo'q va qayerga ketayotgani haqida tasavvurga ega bo'lmasa ham. Qisqasi, six ham, kabob ham, qo'y ham foyda qiladi. Albatta, bu kabi shartnoma tuzilishi uchun agentliklar ham mehnat qilishini inkor qilmayman. 5. Chinakam tajribali va kuchli mentorlar (odatda) agentliklar bilan ishlamaydi "Agentlikka borsam, meni eshikdan top universitetlarga grant yutganlar kutib olib yo'l-yo'riq ko'rsatadi" deb o'ylasangiz, bu ko'p hollarda bunday emasligini aytish kerak. Balki eshikdan kutib olar, lekin sizning hujjatlaringizni tayyorlaydigan, yo'l-yo'riq ko'rsatadigan, eng muhim xatlarni yozib beradigan odamlar ko'pincha shunchaki shu narsa uchun o'qitilgan, ammo amalda o'z tajribasi yo'q odamlar bo'lishi mumkin. Shaxsiy tajribasi borlar, o'zi grant yutib chetda o'qiyotganlarchi? Ular odatda agentliklar bilan ishlash shartlariga, ular beradigan ulushga rozi bo'lmaydi. To'g'rida, hammasini o'zi qila olsa agentliklar bilan ishlash nima kerak? ) Davomi bor... 📱 Musayev Blogi | 👨‍💻 Muallif Kurslari

#qiziq #Harvard Garvard tashkil etilgandan beri uning shiori hisoblanadigan Veritas so'zi lotin tilidan tarjima qilinganda Haqiqat (Truth) degan ma'noni beradi. Universitet asoschilari universitet bosh maqsadini "Yangi bilimlar izlash orqali Xudoga yaqinlashish" deb ko'rgan ekan. @Musayev_blogi

Religious freedom 🇺🇸 Professor asked if anyone is muslim in class and whether they’re fasting. Reason - he just wanted to show us a video with food! I appreciated his sincerity. For muslim students in the US, campus might be a mixed bag in terms of practicing their cultural and religious beliefs. Thankfully, my experience has been overwhelmingly positive. Professors actively create an inclusive classroom environment where I feel comfortable sharing my perspective. The respect extends beyond academics. Professors often acknowledge Islamic holidays and express well wishes during significant events like Ramadan. I missed some of my classes because I was feeling fatigue during the first days of fasting.These gestures, though seemingly small, go a long way in making me feel valued as a member of the university community. I should also mention that not everyone share the same experience as mine. But overall, the US is a safe place to practice your religion and have freedom of beliefs. @Jahonas_world

"Katta bo'lsam Moliya Vaziri bo'laman" Ha esimni taniganimdan beri "Katta bo'lsang kim bo'lasan?" degan savolga shu tarzda javob berardim. Moliya vaziri kim, nima ish qiladi yaxshi tushunmasam ham juda muhim va "avtoritet" ish ekanini his qilardim. Litsey 2-kursigacha shu qarorda edim. Aynan o'sha paytga kelganda esa o'zim bilmagan holda Qobiliyat -> Qiziqish -> Bozor Talabi formulasini qo'llab sohamni axborot texnologiyalariga o'zgartirishga qaror qilganman. Qobiliyat Qobiliyat etapida men o'zimni aynan kim bo'la olmasligimni aniqlab olganman, aniqrog'i oldindan buni bilardim. Bular qatoriga harbiy, sportsmen, doktor, qassob yoki sud-med-ekspert kabilar kirardi. Bunga jismoniy holatim va qon bilan ishlash yoqmasligi asosiy sabab edi. Qisqa qilib aytganda mendan zo'r harbiy yoki doktor chiqmasligini ich-ichimdan aniq bilardim. Qiziqish Karyera maqsadim rostdan ham uzoq vaqt bitta nuqtada bo'lgan bo'lsa ham qobiliyatlarimdan kelib chiqqan qiziqishlarim spektri quyidagi soha/kasblarda edi deyish mumkin: — Moliya & Iqtisod — Axborot Texnologiyalari (IT) — Diplomatiya & Siyosat — Boshqaruv (Menejment) — Psixologiya & Izquvarlik (Mentalist serialidan kelib chiqqan) Bozor Talabi Yuqoridagi sohalardan aynan IT ni tanlash va undan ham muhimi o'zimning uzoq yillik maqsadimni o'zgartirishga asosiy sabab aynan bozor talabi bo'lgan deyish mumkin. Litsey 2-kursida olimpiadaga borganimda Informatika olimpiadasi o'qituvchisi bizga shunaqaroq gap aytgandi

Informatikada korrupsiya yo'q. Chunki u yerda faqat ishlagan pul topadi. Sohangni bilmasang, ishlamasang hech kim senga bekorga pul berib qo'ymaydi. "Kattakonlar" esa "kreslo"ga qiziqadi. Ularga bu soha qiziq emas

Yuqoridagi gap nafaqat Informatika, balki barcha STEM sohalari uchun to'g'ri deyish mumkin. Bundan tashqari jonajon Xolam ham qo'shimcha juda to'g'ri maslahat bergan:

Bitta kompaniyaga nari borsa 1-2 ta iqtisodchi kerak bo'ladi. Lekin har bir iqtisodchi/buxgalter o'rniga 10-20 talab injener olishadi

Aynan o'sha paytlarda o'zimda kompyuterga bo'lgan qiziqish ortib borayotgandi. Qo'shimchasiga "avtomatizatsiya" so'zi juda jozibali eshitilgan. Ichimda kelajak avtomatizatsiyada ekanini his qilganman. Buning ustiga "Moliya yoki Diplomatiyada o'qidim ham deylik. Lekin hozir O'zbekistonda bu sohalarda kuchli tanishsiz ko'tarilish tugul, ishga joylashish qiyin. Men esa oddiy oila farzandiman. Hozircha bu kabi "roskosh"ga qurbim yetmaydi" deb o'ylaganman. 2016-yil Moliya yoki Diplomatiyaga budjet kirish "nerealno" ish ham edi (ehtimol hozir ham). Xullas, mana shu narsalarni hisobga olgan holda Turin, INHA va TATU variantlari qolgan. Turin va INHA kabi universitetlarda grantga kirishga ko'zim yetmagani sabab o'zimizning jonajon TATUga borganman hujjatlarimni ko'tarib. Hozir esa bu burilish esa hayotimdagi eng yaxshi qarorlardan biri bo'lgan deb bemalol ayta olaman. Qiziqishlar, bolalikdagi orzu-havaslarchi? Eng qizig'i o'zim IT dan ketib dasturchi bo'lib ishlayotgan bo'lsam ham moliya va iqtisod sohasiga bo'lgan qiziqish hozirgacha saqlanib qolgan. Taqdir taqazosi bilan dasturchi sifatida ham moliya tashkilotlarida (Agrobank, Smartbank va hozir Mastercard), FinTech loyihalarda ishlab kelyapman. Moliya bozorlariga juda qiziqaman va har kuni kuzatib boraman. IT, Iqtisod, Moliya, Siyosat & Boshqaruvga bo'lgan qiziqishlarim esa hozirda Biznes va Mahsulot Boshqaruvida (Product Management) kesishyapti. Dasturchilik orqali o'zimga moliyaviy va kasbiy stabillik yaratib olgandan keyin o'zimni yangi sohalarda ham sinab ko'rishga imkon topilyapti. Kim biladi balki bir kun kelib bolalikdagi orzuimga ham yoki undan ham yaxshiroqlariga ham erishish nasib qilib qolar ) #personal_experience #profession 📱 Musayev Blogi | 👨‍💻 Muallif Kurslari

#savol Men bolaligimdan qiziqqan kasb nima bo'lgan deb o'ylaysiz? Esimni taniganimdan beri litsey 2-kursgacha "Kelajakda kim bo'lmoqchisan?" degan savolga bir xil javob berardim. Javobni keyingi postda batafsil yozaman. Bilganlar aytib qo'yish yo'q ) @Musayev_blogi

#irishlife Quyosh chiqsa Irlandiya ham tuppa-tuzuk joy bo'lib qoladi ) @Musayev_blogi

Turkiya, Qatar va Saudiya Arabistoni haqida gap ketganda juda ko'pchilik u davlatlarda o'qishni xohlashi haqida gapiradi. Lekin amaldagi harakatda esa yetarlicha aktivlik sezmaganman. Balki bu u davlatlar haqida yetarlicha gapirilmagani va ma'lumot yo'qligidadir deb o'yladim. Shu sababli Saudiya Arabistonida hukumat granti asosida bakalavrda o'qiyotgan Suhrobbek bilan yana bir mentorlik kursi tashkil qilishga qaror qildik. Ko'ramiz bizni "Arabistonda o'qish imkoni bormi?" deb tinch qo'ymaydigan kuzatuvchilar bu safar ham shunday qilisharmikun ) Kursning yana bir alohida jihati unda ochiq hamjamiyatlarda yangi uslubni sinab ko'rayotganim bo'lyapti. Qiziqsangiz albatta kirib ko'ring 💬 @King_Saudi_Community Kurs bo'yicha murojaatlar uchun @grantgo_mentor #mentorship @Musayev_blogi

🚩🚩🚩🚩🚩🚩🚩🚩🚩 — 🚩🚩🚩🚩🚩🚩🚩 🚩🚩🚩🚩🚩🚩🚩🚩🚩🚩 🎓 GrantGO loyihasi sizlar uchun navbatdagi mentorlik kursi — Saudiya Arabistonida barcha (bakalavr, magistr va PhD) bosqichlarda o'qish imkonini beruvchi Kingdom of Saudi Arabia grant dasturi uchun ushbu grant g'olibi ishtirokida mentorlik kursi taqdim etadi. Kurs tarkibi ➡️ King Saudi Arabia granti talablari, foydali jihatlari va tanlov kriteriyalari ➡️ Saudiya Arabistonida o'qishning siz bilgan va bilmagan jihatlari ➡️ Yuqoridagi grantda g'olib bo'lish uchun kerakli jihatlar ➡️ Grant uchun kerakli hujjatlarni bosqichma-bosqich tayyorlash ➡️ O'z potensialingizni g'olib bo'luvchi tavsiyanoma va motivatsion xatlar orqali yetkazib berish ➡️ Grant dasturining boshqa bosqichlari bo'yicha tayyorgarlik ➡️ G'oliblikdan keyingi jarayonlar va Saudiyadagi hayot Kurs mentori — Suhrobbek Xoldorov 🏆 King Saudi Arabia granti (2022) g'olibi 🇸🇦 King Abdulaziz Universiteti (Jidda) talabasi 👨‍🏫 SAT, IELTS va Mnemonika bo'yicha tajribali ustoz Qo'shimcha ma'lumotlar 🗓 Onlayn darslar 1-iyundan boshlanadi 👥 24-may kuni @grantgouz kanalida ovozli chat tashkil qilinadi Grant Hamjamiyati 💬 @King_Saudi_Community Grant bo'yicha ovozli chat 😎 https://www.youtube.com/watch?v=AMcWAKUndGM Kursga yozilish uchun quyidagi formani to'ldiring 💬 https://forms.gle/aywhy8dQ37shfrLp6 Savol va murojaatlar uchun @grantgo_mentor ⏳ Kurs uchun 10-iyungacha chegirmalar mavjud. #mentorlik #magistratura #bakalavr #PhD #Saudiya_Arabistoni Telegram | YouTube | Mentorlik

🚩🚩🚩🚩🚩🚩🚩🚩🚩 — 🚩🚩🚩🚩🚩🚩🚩 🚩🚩🚩🚩🚩🚩🚩🚩🚩🚩 🎓 GrantGO loyihasi sizlar uchun navbatdagi mentorlik kursi — Saudiya Arabistonida barcha (bakalavr, magistr va PhD) bosqichlarda o'qish imkonini beruvchi Kingdom of Saudi Arabia grant dasturi uchun ushbu grant g'olibi ishtirokida mentorlik kursi taqdim etadi. Kurs tarkibi ➡️ King Saudi Arabia granti talablari, foydali jihatlari va tanlov kriteriyalari ➡️ Saudiya Arabistonida o'qishning siz bilgan va bilmagan jihatlari ➡️ Yuqoridagi grantda g'olib bo'lish uchun kerakli jihatlar ➡️ Grant uchun kerakli hujjatlarni bosqichma-bosqich tayyorlash ➡️ O'z potensialingizni g'olib bo'luvchi tavsiyanoma va motivatsion xatlar orqali yetkazib berish ➡️ Grant dasturining boshqa bosqichlari bo'yicha tayyorgarlik ➡️ G'oliblikdan keyingi jarayonlar va Saudiyadagi hayot Kurs mentori — Suhrobbek Xoldorov 🏆 King Saudi Arabia granti (2022) g'olibi 🇸🇦 King Abdulaziz Universiteti (Jidda) talabasi 👨‍🏫 SAT, IELTS va Mnemonika bo'yicha tajribali ustoz Qo'shimcha ma'lumotlar 🗓 Onlayn darslar 1-iyundan boshlanadi 👥 24-may kuni @grantgouz kanalida ovozli chat tashkil qilinadi Grant Hamjamiyati 💬 @King_Saudi_Community Kursga yozilish uchun quyidagi formani to'ldiring 💬 https://forms.gle/aywhy8dQ37shfrLp6 Savol va murojaatlar uchun @grantgo_mentor ⏳ Kurs uchun 10-iyungacha chegirmalar mavjud. #mentorlik #magistratura #bakalavr #PhD #Saudiya_Arabistoni Telegram | YouTube | Mentorlik

Karyera sohasini to'g'ri tanlash "formulasi" O'tgan haftada "kichik" so'rovnomamizda ovoz beruvchilarning deyarli yarimi "qiziqishlarga ko'ra karyera sohasini tanlash"ni eng samarali yo'l deb topishdi. U rostdan eng to'g'ri yo'lmi?! Biz nimani yaxshi ko'rishimizni yomon tahmin qilamiz Bolalikdan yoqtirgan sohang ortidan ko'r-ko'rona ergashish bu faqat husni-jamoliga qarab umr yo'ldosh tanlashga o'xshaydi. Kasblarda ham huddi shunday. Biror kasb haqida "yoshligimdan juda qiziqaman" deganlar odatda "Ular aynan nima ishlar qiladi? Eng asosiy vazifalari qanday?" degan savolga javobda to'xtab qolishadi va aslida u kasb haqida deyarli hech narsa bilmasliklari oydin bo'ladi "Sevgan ishing bilan shug'ullan" degan fikr ko'pincha ish bermasligi haqida Cal Newport "So Good They Can’t Ignore You", James Clear esa "Atomic Habits" kitoblarida ta'kidlab o'tishgan. Stenford tomonidan o'tkazilgan tadqiqotda ham talabalarga qora tuynuk haqida videolar ko'rsatilganda ularning ko'pida juda kuchli qiziqish paydo bo'lganini, lekin huddi shu mavzuda murakkab ilmiy maqolalar o'qishganda esa bu qiziqish yo'qolgani aytiladi Yoki shunchaki atrofga qarang. O'z ishini sevib boshlab hozir undan nafratlanadigan odamlarni albatta topa olasiz ) Eng to'g'ri usul So'rovnomadan keyin ham qobliyatga asoslanish eng muhimligi haqida fikrim o'zgarmagan bo'lsa ham, eng to'g'ri yo'li uni boshqa usullar bilan to'ldirish degan xulosaga keldim. Demak, men taklif qilgan metod quyidagicha:

Qobiliyat -> Qiziqish -> (Lokal) Bozor Talabi

1. Qobiliyatingizga ko'ra 2 ta yo'ldan birini tanlang Inson qobiliyati, talanti va hatto genetikasi u qaysi soha(lar)dan ketishiga asos bo'lishi kerak. James Clear "Atom Odatlar" kitobida aytganidek, agar Maykl Felps suzish bilan emas yugurish bilan shug'ullanganda, 23 ta oltin tugul birorta olimpiada yo'llanmasini ham qo'lga kirita olmasligi mumkin edi Ammo inson faqat bitta kasbda qobiliyatli bo'lmasligi ham aniq. Shu sababli bu yerda Garvard Biznes Review maqolasida yozilgan uslubni tavsiya etaman. Unga ko'ra siz o'zingizni 1. Ko'tarilishdan ilhomlanadigan yoki 2. Stabillikni afzal ko'radigan odam ekaningizni aniqlab olishingiz kerak Birinchi turdagi odamlar ektstrovertroq, kreativ, tavakkalchiliklardan qo'rqmaydigan, boshqaruv va yetakchilik sifatlariga ega, tez ishlovchi, bir vaqtda ko'plab planlarga ega va abstrakt fikrlashga ko'proq moyil bo'ladi Ikkinchi turdagi odamlar esa introvertroq, analitik va mantiqiy fikrlovchi, detallarga e'tibor berib, reja bilan ishlashni va ishlarni shoshilmasdan bajarishni afzal ko'ruvchilar hisoblanadi O'zingizni yuqoridagi 2 ta turdan qaysi biriga ko'proq moyil ekaningizni aniqlagandan so'ng ularga mos kasblar bilan tanishib chiqing. Keyin esa ulardan o'zingiz xabardor bo'lgan top 10-15 tasini tanlab oling 2. Qiziqishingizga ko'ra saralang Ana undan keyin ular ichida qaysi biriga ko'proq qiziqishingiz, bilishingiz va yoqtirishingizga ko'ra saralash mumkin. Faqat bunda har bir kasb haqida batafsil o'rganib chiqishingiz kerak Saralash judayam detalno bo'lishi kerak emas. Masalan, shifokorlikka qiziqsangiz, aynan jarrohlik emas umumiy tibbiyot yoki davolash ishini, ITga qiziqsangiz aynan Java dasturchi emas, umumiy dasturlash, boshqaruvga qiziqsangiz menejment va unga oid sohalarni saralab olishingiz mumkin Bu yerda tanlovingizni maksimum 3 tagacha qisqartiring. 3. (Lokal) Bozor talabiga ko'ra yakuniy qaror qiling Vanihoyat yuqoridagi sohalar ichida aynan qaysi biriga va yo'nalishda bozor talabi keyingi 5-10 yilda yuqori bo'lishiga qarab yakuniy qaror qiling. Bu yerda aynan lokal bozorga fokus qaratgan ma'qulroq. Chunki tanlagan sohangizda ish topa olmasangiz yoki yetarli daromad qilmasangiz unda qobliyatli ekaningizu, uni sevishingiz ahamiyat kasb qilmay qolishi mumkin. Yakunda Stenford olimlari aytganidek

O'z qiziqishingiz ortidan quvgandan, uni qurgan yaxshiroq

#profession #career @Musayev_blogi