Kórgizbe qurallar

Және келдим сениң қәбириң басына Және келдим сениң қәбириң басына Келгенимди билмесең де, билсең де, Өзиң барда жетиу ушын қасыңа, Мен асығар едим қайда жүрсем де. Әлле қандай көрип басқа бағларды, Кеуил қусым ушса сайран етиуге, Дәрхал-ақ сағынып арзыулы ярды, Талуас етер едим саған жетиуге. «Шайыр, усайды-ғой сенде йош барға!...» Деп күлген жүзиңе мен едим хәуес. Сол өзиң сыйпаған қара шашларға Қырау түсти. Бирақ гәп онда емес. Гәп сонда: сен бизди таслап кеткели, Адамлар өзгерген, заман өзгерген. Дарғасы бийрәхим әжел өткели, Арғы жүзге кетти талай көз көрген. Адамлар өзгерди, заман өзгерди, Мен қалай өзгермей қалайын сонда?! Ойламаған ислерди де көз көрди, Тәғдир бурды атымды өзге бир жолға. Бундайда көбейер пәнди-үгитлер, Ақылға көп ерген адасар екен, «Өмирлик жодасы өлген жигитлер Қызлы үйге қарап жыласар» екен... Гүзги кеш. Ызғырық. Түспекте геугим. Шаршадым сандалып жалғыз жүристен. Бир кеште айнасын қақсам биреудиң, Күлки хәм музыка еситилди иштен... Жаңарар деп еди сүйги-мухаббат, Жаңармаса керек ол бир түйир де, Босатып жиберген ийеси жоқ ат, Басы батпас екен бөтен үйирге... Көплердиң қустаны қылғаны аздай, Бәлким сенде бизге тәғне етерсең, Тобынан айрылған торы ала ғаздай, Сонда неге өзиң таслап кетесең... Базда мен сыймайман бул кең әлемге, Сыртлай қарағанға жоқтай әрманым. Не деп турғанымды еситесең бе? Мен сени...мен сени сағындым жаным. Тек сен қас қабақтан аңлар едиң де, Кешир, гүбирленип дәртимди айттым, «Сууықта жалаңбас турма» дедиң бе? «Қайт үйге» дейсең бе? Ал, онда қайттым... ✍ Ибрайым Юсупов https://t.me/karanakilmakal

9-may Qaplap kelgen qara bulttıń, Jolın ashqan bayramımsań, Qara jılan qara qurttıń, Qanın shashqan bayramımsań. Jawdan qaytpas biziń tilek, Biz jeńemiz degen tilek, Orınlangan jeńis kúni, Shadlanbasın nege júrek. Bayramlayman búgin seni, Óytkeni sen jeńis kúni, Endi aylanıp kelgenińshe, Saǵınaman kúni-túni. Dushpannıń tanabın qıydıń, Shın júrekten seni súydim, Ólgenimshe umıtpayman, Qıyınlıqta kózge tiydiń. Isi haqtıń jeńisi haq, Biziń jumıs  jeńis tappaq. Oylan xalqım qorǵaw aqmaq, Jerde turıp ayǵa shappaq. Xalqım súygen bayramımsań, Jeńis kúni sayranımsań, Tiygen jawǵa soqqı berip, Shıǵarǵanday oyranın sen. Sol kúni pitti ármanım, Jawdı jeńip qaharmanım. Xalqın qorǵap ǵamxor boldı, Qaharmanlarım, mehribanım. A  Dabılov

Fronttan xat Sálem sizge baxıtlı el, Batır tuwǵan qaraqalpaq, Perzentińmen -fronttaman, Biz jeńemiz, isimiz haq! Men frontqa barǵan kúni, Qaq maydanda qızdı sawash, Jıldırımday jalt-jult etip, Oqtıń otı kúydirdi shash. Belde qarıw, qolda qural, Sizlersiz -bizge qorǵan, Sizler ushın, baxıt ushın, Men ırzaman bolsam qurban! Jawdı jeksen etemiz biz, Jasaysań, sen  Ana -Watan! Maqsetlerge jetemiz biz, Azat bolar pútkil jáhán! Jolmurza Aymurzaev https://t.me/korgizbequrallar

Estelik qasında Estelik qasınan ótemen kúnde, Qarayman ján-jaqqa, otırar ana, Kózinde jas, áste qoyar gúldáste, Sóylesip ol jawınger menen ǵaybana. Estelik qasında lawlaydı jalın, Hár kúni adamlar kelip kóredi, Sebebi,  ol Watan ushın jan bergen, Máńgi tiri insanlardıń júregi. Atalar erligin eslep máńgige, Bas iyip ótemiz húrmetlep bunnan, Tınıshlıqtı qorǵaymız jerdiń júzinde, Jawıngerler ruwxın shad etip mudam. Sh. Atamuratova

Paraxatshılıq jasasın! Há, aqlıǵım, aqlıǵım, Nege maǵan qaraysań, Qarap turıp ózińshe, Bir nárseni soraysań. Mańlaydaǵı tırtıqqa, Názerińdi salasań, Aytayın balam, aytayın, Bunı mennen sorasadı. Urıs salǵan jaranıń, Izi shıǵar kóringen,. Sawashqa men qatnastım, Alıs ketip elimnen. Ayta bersem jan balam, Dushpan menen ayqastım, Basıp kirgen dushpanǵa, Qarsı turıp oq  attım. Dushpannan kórgen azaptıń, Bir belgisi usı ǵoy, Dushpan oǵı tiygen jer, Mańlayımnıń tusı ǵoy. Ayta bersem jan balam, Sawashtıń kóp azabı, Júrek tórin qozǵap tur, Qıyın bolıp sol jaǵı. Kóz aldımnan ketpey tur, Alıstı gezip oylarım, Dushpan oǵına tap bolǵan, Eske túsip doslarım. "Urıs bolsa, turıs joq" Túr-túsime qarama, Tańlanba balam,  tańlanba, Urıs salǵan jarama. Paraxatshılıq jasasın, Degen sózdi aytayıq, Xalıqlar menen birlikte, Doslıqta máńgi jasayıq! Qaliy Jumaniyazov. Ekinshi jer júzilik urıs qatnasıwshısı.

ЖЕҢИС КҮНИНЕ Бир минут тым-тырыс... селт етпе, дүнья! Бир минут айланба сен де, Жер-ана! Бир минут сес-семирсиз... қозғалма, әлем! Бир минут орныңнан түргел, Адамзат! Тек ғана бир минут… қас қағым мәўрит, Сонша қурбан болған миллионлар ушын, Сонша миллионлардың руўхы ушын Жетермекен, усы бир минут ўақыт… Жо-оқ! Миллион өмир еди олар, Миллион әрман еди олар… Бәлент пәрўазларда қанаты сынып, Отларға қулаған қус еди олар! Бәҳәрин сағынған, жазын сағынған. Пәк кеўлиндей аппақ қыс еди олар! Сизлерге қарайман, жүзлериңизден Еле де кетпеген урыстың дағы. Қулақларыңызда шыңлар еле де Топлар, бомбалардың жарылыўлары! Сизлерге қарайман, әй, ветеранлар! Онда жас едиңиз, едиңиз наўқыран! Мектеп партасынан түстиңиз окопқа. Ыссы қушағынан шығып ата-ананың- Тасларда дастанып, қар жамылдыңлар! Қызларға гүл тутқан қолларыңызда Қурал-жарақ әжел шақырып турды! Жүреклериңиздеги муҳаббат бағында Лаўлап жанып турды апат отлары! Қыста көз жаслардың музына тайып, Жазда шомылдырар қан дәрьясына! Сизлерге қарайман, әй, ветеранлар! Көкирегиңиз толған орден - медаллар. Олар орден емес, медаллар емес, Узақ-узақларда мәңги көз жумған, Сизлер менен бирге қайта алмаған- Урыс қурбанларының көзлери олар! Бүгин көксиңизде жарқырап турған Бул орденлер емес, медаллар емес- Әмиў жағасына қайтып келмеген Отыз мың жигиттиң жүзлери олар! К.Рахманов (дауамы бар) https://t.me/baslawish_ustazlarina

Тилегим урыс болмасын Душпан ашкан бизге карсы урыста, Март аталар жауга карсы гурести, Уатан азатлыгы,халык жолында, Кахарманлык каза тауып,жан берди. Аты ошсин налетий бул урыстын, Тилеги сол харбир инсан,халыктын, Бул дуньяда болмасын хеш жаманлык, Тынышлык болып,ашык болсын аспаным. Март кахарман,батыр агаларымнын, Аты ошпес,калды олар тарийхта, Мудамы бас ийип,еслеп барамыз, Тажим етип,естеликке барганда. Халкымды жеткерди женис кунине, Енди урыс болмасын,деймен елимде, Гарезсизлик,тынышлык хам ашык аспан, Жасасын халкымыз мангиге аман. Жайнайды бахытлы балалыгымыз, Тынышлыкта атар харкун танымыз, Халкымды,жасларды коллап-кууатлаган, Аман болсын хамийше журт басшымыз. Гулжахан Исмайлова. Мойнак районы. 2-мектеп. https://t.me/baslawish_ustazlarina

Ikkinchi jahon urushi - 1939y. 1sentyabrdan 1945y. 2sentyabrgacha 61davlat ishtirokida sodir bo‘ldi. Jami 65-67 mln kishi halok bo‘lgan. Butun zarar 4 trillion dollar. SSSR 27 mln xalqidan ajraldi (eng katta talofat). SSSR ga hujum 1941y 22 iyun tongida boshlangan. Ungacha Stalin Gitlerning hujum qilishiga ishonmagan edi. O‘zbekistondan 1,5 mln kishi safarbar qilingan (jami aholimiz 6,5 mln. 1941y). Shundan 500 ming kishi urushdan qaytmagan.

📹 #9MAY “XOTIRA VA QADRLASH KUNI” (Qisqa videorolik)