(( لعلها المنجية )) 📚📔📝✍

#paediatrics Rickets and ricket examination د/ مجاهد 👇👇👇

بسم الله الرحمن الرحيم

#paediatrics Cardio د/محمد مصطفى + د/ مجاهد 👇👇👇

بسم الله الرحمن الرحيم

Followed by 50 ml by NG tube

Hydrocephalus in children | Pediatrics from Snaptube https://getsnap.link/6o1Kzonb2jy

Large size head Visible veins Sunset eye sign Wide fontanel Wide sutures +ve translumination sing +veWatermelon percusion In auscultation bruit indicate arteriovenous malformation #paediatrics

👆👆👆 #paediatrics CNS CP Hydrocephalus And hudrocephulus examination in details د/ محمد مصطفى + د/ مجاهد عبد المطلب

السيرجيكال كلوبات و البروبليمات و بعدين للكلينيكال ، ف لازم تكملو الشيتين ديل في الأربعة شهور تبدوا بي القوصي لحدي المد و بعداك الشيتين ديل ، و أي سيرجيكال كلوب تجو قارنوا من الشيت الاسمو سرجيكال كلوب قبل ما يبدا ، في بدياتريك سيرجري و في بلاستيك ديل في subspeciality و في يورولوجي ، دكتور عبد العظيم عندو بور بوينتات أقروها قبل المحاضرة ، و في pdf صغير للبدياتريك إن شاء الله برسلو ليكم ، و في GIT دا طبعا 45% من السرجري حيوزعوكم في ابن سينا مستشفى جميل و مساتر جميلين حاولوا استفيدوا منو أقصى فايدة ممكنة وفي تسجيلات لي مستر معتز(في ابن سينا) ممكن تسمعوها ، في النهاية في أناثيزيا لخصو مع الدكتورة كلها أظن تلات أربعة محاضرات ، و تاني شيت مجاهد بعد ما تسمعوا التسجيلات تراجعوا منو ، فيه صور و فيهو كلام زيادة و هم مختصرنو شوية تلقوهو مكتمل في كراس مصطفى . و آخر حاجة في شيت ابنعوف تقرو منه الfluid & electrolytes و إذا دايرين تقروهو كلو ما مشكلة شيت سمح صراحة . ي الله عشان نلخص الكلام الكتير دا (الملخص دا ممكن تقراهو كلو فترة في الكورس عشان أحيانا الزول بينسى): حاليا تسمعوا تسجيلات مجاهد في الإجارة دي ، و تقروا شيته في خلال الأربع شهور دي ، تاني تبدوا شيت القوصي تقروهو قبل محاضرته ، و تتموه قبل المد (المد في السيرجري كلو الأخذتوه و الما أخذتوه) لازم تقروا حبة أناتومي عشان تفهموا الحاجات الما فهمتوها في الشيت تقروا الأناتومي من بيلي و من أي حتة دايرنها (صور) ، تاني تقروا شيتين الخرطوم (سيرجيكال كلوب و subspeciality) في الأربعة شهور و قبل السيرجيكال كلوب تقروا شيت الخرطوم ، قبل محاضرة اليورولوجي تقروا البوربوينتات ، للبدياتريك في pdf و أخيرا في شيت فوقو بروبليمات محلولة دا من أكتر الحاجات الأفادتني في السرجري مع انو صعب شوية اسمه surgery problems كاتبه زول اسمه بريمة . و الكتب تقزقزوا منها و تملوا الفراغت (الحاجات الما بتفهموها من الشيتات) أنصحكم بشدة بي بيلي ، و ما بطالين ناس لكشر نوت و شيرشل ، و اتجنبوا القصر العيني و ربنا يوفقكم و يعينكم إذا سويتو كدا الa إن شاء الله بتبقى ساهلة . #منقول_للفايدة ❤

Alhessan Surgery: السلام عليكم و رحمة الله و بركاته ، ناس السيرجري،نصيحة : اقروا الرسالة دي بي تأني مع إنها طويلة : غايتو الزول بعد ما يمتحن الحاجة بحس إنها ساهلة إذا كان مرتب نفسو من البداية ، طيب قبل نبدا الكورس الجديد و ننسى داير اتكلم ليكم شوية عن طريقة القراية،طبعا طلعت الجراحة ساهلة شديد و ما محتاجة الجوطة و البهرجة العاملينها ليها،حاليا أنا رايي إنو تسمعوا تسجيلات مجاهد؛لأنها جامعة أهم حاجات في الجراحة (طبعا بعدين ما حتكون كافية للMCQs لكن بتزبطكم للبروبليمات) يعني هي حاجة ساهلة و مبسطة و شاملة،ما تنتهي الإجازة دي إلا وانتوا سمعتوها، إذا انكربتوا فيها يومين بتسمعكم لها،و أنا جربت كدا قبل امتحان البروبليم و الحمد لله مرقتني جد يعني ، انتوا حاليا إذا سمعتوها كلها حتكونوا oriented في الكورس كلو و أبشركم إنو قريب دا ناس الخرطوم فرغوها كلها في شيت ، و في كمان مصطفى عباس في دفعتنا مفرغوا كلو في كراسو في جزء منهpdf، كلام مجاهد كلو مهم بلا استثناء ، تسمعوا التسجيلات و ترجعوا للشيت إذا دايرين عشان تعرفوا النطق الصاح (الكتابة الصاح) ، أنا إن شاء الله أضمن ليكم إذا سويتوا كدا إنو لحدي نهاية الكورس إن شاء الله حتكونوا سابقين الناس بي خطوة . الحاجة الكويسة في الجراحة إنو فيها شيتات ، و السبب بتاع الحاجة دي إنو ما فيها مرجع كدا يقولوا عليهو ، في المدسن كان في أوكسفورد و كابلان و بيبي دافدسون و بيبي كومار و دانيش و و وكلها كويسة،السيرجري ما فيهو إلا بيلي آند لاف و الشيتات،باقي الحاجات وسط و صراحة ماف زمن ليها،ناس لكشر نوت و شيرشل مع إنهم ما بطالات،أما القصر العيني دا اتجنبوهو تماما،دا رأي شخصي-اللهم إلا كان دروس معينة-،حتشوفوهو و احتمال كبير تكونو أصلا شفتوهو ،حاجة ضخمة ضخامة ما عادية،أنا شايف إذا بتقدر تقرا دا كلو أقرا بيلي و خلاص!،مشكلة القصر العيني إنك تقرا بي هنا و تنسى بي هنا ، أسألوا عنو مجرب،زول في شفتنا قال في حاجات أظن قراها سبعة مرات،و الإجازة الكبيرة قضاها كلها فوقو،يعني قرا أظن أغلبو،و بعد داك قال ما متذكر منو أي حاجة و كلو ما جي سيرتو بطنو تطم،غايتو ما أنصحكم بيهو . نجي للمهم،الشيتات ؛ صراحة حاجة عجيبة و بتغنيك حرفيا عن أي مرجع ، إلا إذا ما فهمت منها حاجة ممكن ترجه لي بيلي ، صراحة بيلي دا كتاب سمح،و الناس البيجيبو a كانو بيقروا منه، أسألوا عنه المجربين ،لكن طبعا مافي زمن ليهو ، فإذا دايرين ؛ بعد ما رجلكم ترسخ في الكورس شوية أو كلو فترة و فترة تتصفحوهو ، ما بي طريقتنا الهبلة بتاعة البيزك الداير تقرا من أول الدرس لحدي ما تكملو ، لازم تبقى focus و أنا الأنتومي ما قريتو منو لكن مرة فتشت فيهو حاجة لقيتو حاجة عجيبة ، ندمت أنو ما قريت منو ، يعني بداية كلو شابتر في صفحتين تلاتة أناتومي ، أظن بيغنيك عن أي مرجع تاني ، يعني قصدي إنو ما يكون بينكم و بينه فجوة ؛ تفتحوهو مثلا قبل كم يوم من السيرجيكال كلوب،المواضيع الحاسي نفسك عارفها تمشي فيها،و أي حاجة مجتاجة تركيز تتصفحها سرعة،أنا متأكد حيعجبكم و فيهو ملخص في مربع بعد كلو فقرة ممكن تقروهو،و في كتاب هندي اسمه srb كبير زي بيلي سمح برضو لكن أظن بيلي بكفيكم،إلا إذا دايرين تتصفحوهو سرعة ما مشكلة ، أكيد حتلقو حاجات مختلفة و يمكن يشرحا دا أحسن ولا داك أحسن،كدا يعني . أما الشيتات : في شيت القوصي و شيت اسمه سيرجيكال كلوب و تاني اسمه subspeciality-الإتنين بتاعين الخرطوم-و تاني في شيت ابن عوف الكبير و في شيت مجاهد القلته ليكم . ي الله المرحلة التانية بعد في الإجازة دي تكونوا سمعتوا مجاهد ؛ إنو تقروا شيت القوصي ، صراحة شيت سمح جدا لكن كله أناتومي صعب جدا ، لازم تقروهو قبل محاضرتو و تفهمو الأناتومي قبل المحاضرة ، لأنو الأناتومي دا من العلوم الما بينفع فيها التخيل ، القوصي بذكركم أسامة جلال و الأناتومي البيكتبه في السبورة ، و يرسم و إنت ما فاهمو بيرسم في شنو ، عشان كدا لازم تقرا الدرس قبل المحاضرة ، على الأقل الاناتومي و تفهمو من أي حتة ، أنا أنصحكم تفتحو بيلي أظن بيختصر ليكم وقتكم من الفتيش الكتير ، ولا تفتحوا سنيل ولا بيبي سنيل ، ولا النت تشوفو صور ، و في أطلس اسمه netter surgical anatomy سمح خلاص ، شيتو كلو تسعين صفحة (دا الشيت القديم) و في شيت جديد صفحاته فاضية لكن زي ميتين و كم و أربعين صفحة ، بتلقو في دروس في دا ما قاعدة و كدا ، و أظن في حبة فروقات فإذا قريتوهم الاتنين يكون أحسن . بروبليمات المد كلها هو البيضعها (المد كلو بروليمات و وقتها ضيق) و البروبليمات في الفاينال هو البيضعها -الMCQs بيضعها دكتور في ابن سينا إسمه ناصر الحبوب-، ف الشيت دا mandatory ، و بعدين في الكلينيكال ، فقدر ما تكملوهو بدري أحسن ، و هسا عندكم أربعة شهور ، تتم ليكم أي حاجة ، أنحنا ضيعنا زمن نقرا دا و داك ، بس أقفلوا على القوصي ، و تاني في شيتات الخرطوم ، دي عجيبة عديل ، بتكفيكم لي أي حاجة حتى للMCQs و