⊁ حكـاوي القهـاوي ⊁

الإنسان اللي مبيخافش من شعور الوحدة صعب يتعرّض للإستغلال العاطفي في علاقاته . لو هقول مهارة مُعينة لازم تدرّب نفسك عليها بعد دخولك لمرحلة العشرينات بكامل حيويتك فـ بكل تأكيد المهارة دي هي « إزاي تكون أنت المُتحكم الأول في فراغك » . وهنا كلمة الفراغ مش بس بتعبّر عن الفراغ الخارجي والوقت الغير مُستغَل لكن كمان بتُشير للفراغ الداخلي وطريقة مُعاملتك لمشاعرك وأفكارك وإحتياجاتك ولذلك الإنسان هنا ما بين نوعين : نوع بيتعامل مع علاقاته من مبدأ الشيء النافع اللي وجوده هيفيدني لكن عدم وجوده مش هيضرني ونوع تاني بيتعامل مع علاقاته من مبدأ التنازل المُطلق بسبب خوفه من بُعبع الوحدة اللي بيسيطر على ذهنه من وقت للتاني . فـ هي قاعدة بسيطة وهادئة « الإنسان المُمتلئ اللي بيقدر يتعامل مع وحدته محدش بيقدر يستغله ».

- كل العواطف الحلوة بينّا كانت معانا حتى في خصامنا . الأصل جميل وبيدي للناس feedback عنك أجمل ؛ فتحلى به عشان ده الرخصة الوحيدة اللي بتهون مرارة البعد ساعة الرجوع ❤️.