مقاومة لحظيّه .

"عرفت ان اللقا أرض ومدارات الفراق افلاك ‏تدور ايامنا حول التجارب ، والقدر .. أجدا ‏وعرفت ان الزهر مغري ولكن به كثير اشواك ‏يبي له من يعرف انه مع اوقات الفجر يندى ‏وعرفت ان العمر مهما يطوّل ما ينول رضاك ‏عجول الوقت لا انهى رحلة سنينه قبل تبدا ‏وعرفت ان دمعة الغيمه تصب الروح في دنياك ‏كذا طبع العتب صاخب واذا ملّ الصخب يهدا ‏وعرفت انّ الطموح دروع لا صار المدى فتّاك ‏اذا استسلمت لـ العثره ترا المقبل عليك اردا ‏وبعد عثرات ودروس وسنين و تجربه وادراك ‏عرفت ان اكبر كنوز الحياة الفانيه - مبدا- "

⁣ليلة تحتاج الكثير من القصايد.

" يمكن على الدمع في ليل الوداع انتصرت أو دمعة البعد ما سالت على وقتها يا صاحبي انت ما أضنّك دريت وشعرت مشاعري من كثر ما أحبك أحرقتها جبرت خاطرك من شان الغلا وأنكسرت وهاذيك وسّعتها , وهاذيك ضيّقتها لا تقول لدّت عيوني للفراق ونظرت لـو أن الاحلام بيدي ! ، كان حققتها -أنا اعتبرتك حبيبي وانت ويش اعتبرت ! ياللي سنيني من اطراف العمر بقتها- العام في موعد الجرح القديم انتظرت -في ليلة ٍ كنت ابسهرها , وما طقتها- -جيت اكسب رضاك وانسى عزتي ما قدرت- دايم تمرّ الاماني .. ما تلاحقتها ما كنت اصدق يموت الحلم لين انجبرت يـا كذبةٍ ٍ صعب أكذّبها.. وصدقتها "

‏"ابشرك مبسوط ، وأحوالي بخير ‏وإن رحت .. ولا جيت حالي كذيّا ‏⠀⠀⠀ ‏حتى وإذا طوّلت عني وش يصير! ‏ماني بـ ميت ، من فراق وجفيّا "

‏"يحز في خاطري جداً ويؤسفني ‏اني ماعاد اشتحن من بعده وقربه ‏ ‏ماعاد اكلف عليه ولا يكلفني ‏الا قصيدٍ عليه الناس منطربه ‏ ‏محتاج افضفض لأحد ماهوب يعرفني ‏اقابله في وطن ثاني .. وفي غرُبه ‏مابيه من ماحصل فالوقت ينصفني ‏ابيه يسمع فقط و يروح في دربه "

"الغياب اجزل من اعذارٍ تجيب اسمنها خلك اللي كمل غياب .. ومكانه خالي حاشمك من رجعةٍ ماضيك اجمل منها من متى والغالي اللي راح يرجع غالي ! "

"كيف أبيّن لك شعوري دون ما أحكي ‏خابرك لمّاح لكن مالمحته ‏لاتغرّك كثرة مزوحي وضحكي ‏والله إن قلبي لـغيرك مافتحته"

"يالله إنك لا توقفني على سكّة مواجه ‏في طريق يمره اللي لا مقام ولا جبلّه ‏جعل ربي ما يلحّقني رضاه ولا مزاجه ‏وجعلني ماقف على بابه ولو مانيب أدله ‏كل ما صافحته يحسب إني أبغى منه حاجه ‏الردي دايم لا قدرته يحسبك تستغلّه "

‏"مثل الهواء والماء والأنفاس والنبض ‏مااقدر أحدّ مْن اتّساعي و نوري ‏أزعل على غيمٍ عجز يلمس الأرض ‏و أموت لو قيدٍ يلامس شعوري ‏أنا انفرض في اللحظة الناعمة فرض ‏و انأى بنفسي عن صلابة حضوري ‏و يوم الحياة تقسّي بـ داخلك نبض ‏أنا و قلبي من دواعي سروري.."

" جدد احزاني وخلاني حسب توقيته ‏من حسبته ضي عين وراس مال وفرحه ‏وقهوتي فيها سواد عيونه وتشتيته ‏كل صبح اشرب من عيونه واحس بجرحه "