📝📚 धायगुडे करियर अकॅडमी, सातारा 📚🚨

गुणी आणि ज्ञानी व्यक्तींचा सन्मान केल्यानंतर त्यांना त्यांनी केलेल्या संघर्षाचा जिद्दीचा आणि मेहनतीचा सार्थ अभिमान वाटतो. आणि त्याची कुणीतरी दखल घेतो याचा आनंद होतो.सन्मान हा सत्कार्याचा सत्कृत्याचा आणि सत्कर्माचा होत असतो. सन्मानाने प्रेरणा मिळते. गुणगौरवाने गुणांचा गौरव होतो. अवगुणांसाठी गुणी लोक आदर्श ठरतात.गुणवंत बुद्धिवंत ज्ञानवंत विचारवंत लोक जळी स्थळी काष्टी पाषाणी अर्थात यत्र तत्र सर्वत्र पूजनीय असतात. हा संदेश अशा प्रकारच्या सत्कार समारंभा मधून समाजात पसरवला जातो. या उदात्त हेतूने काल धायगुडे करिअर अकॅडमी च्या वतीने शिक्षक भरती तलाठी भरती वनरक्षक अशा विविध पदावरती निवड झालेल्या गुणीजनांचा प्रियजनांचा सन्मान आणि सत्कार करण्याची संधी आम्हाला प्राप्त झाली याचा सार्थ अभिमान आणि आनंद होत आहे. सत्कारमूर्तींचा यशप्राप्तीसाठीचा संघर्ष त्यांच्या मनोगतातून व्यक्त होत असताना अक्षरशा अंगावरती शहारे आणि हृदयाची ठोके चुकत होते. सतरा वर्ष देश सेवा करून निवृत्त झालेले दोन सैनिक वनरक्षक पदी जेव्हा निवडले जातात. तेव्हा देशसेवा नसानसात आणि रक्ता रक्तात भिनली आहे हे प्रकर्षाने जाणवत. प्रत्येक सैनिक शेवटच्या श्वासापर्यंत जवान असतो तो कधी थकत नाही म्हातार होत नाही म्हणूनच तेवढ्याच जिद्दीने पुन्हा एकदा दुसऱ्या नोकरीसाठी आरंभ प्रारंभ आणि शुभारंभ करत असतो. शिक्षक पदी निवड झालेल्या दोन सुना आपल्या या यशामध्ये आपल्या सासूचा मोलाचा वाटा आणि सहकार्य आहे हे जेव्हा बोलतात तेव्हा प्रत्येक सासू ही फक्त सासुरवास करणारीच नसते असा एक बोलका संदेश दिला जातो.महाराष्ट्र राज्य सेवा आयोगाच्या वतीने घेतल्या जाणाऱ्या परीक्षेत अंधप्रवर्गातून राज्यात प्रथम आलेल्या आणि जिल्हा शिक्षण अधिकारी पदी निवड झालेल्या सुजित शिंदे या अंध विद्यार्थ्यांचा सन्मान आणि सत्कार हा सर्वांचे डोळे दिपवून टाकणारा क्षण होता. ज्ञानरूपी ज्याचा तिसरा डोळा उघडला आहे त्याच्यासाठी अंधत्व खुज ठरतं याचं हे बोलक आणि उत्तम उदाहरण होय. प्रताप सिंह नगर झोपडपट्टीतील अतिशय हालाकीच्या परिस्थितीमध्ये कोणत्याही प्रकारची शिकवणी अर्थात कोचिंग क्लास न लावता आपण ज्या झोपडपट्टी परिसरात राहतो त्या परिसरातील अनंत अशा अडचणींचा सामना करत दहावीच्या बोर्डात 97 टक्के मार्क मिळवणाऱ्या गुणी करुणाचा तिच्या आई-वडिलांसमवेत आम्ही केलेला सत्कार हा सर्वात आनंददायी क्षण होता. माझ्या 2019 च्या एका भाषणामध्ये उपस्थित असणारा एक श्रोता म्हणजे गणेश प्रभाळे याची नुकतीच तलाठी पदावरती निवड झाली आहे त्यांनी त्याच्या मनोगतामध्ये विशाल कांबळे सरांच्या 2019 मधल्या त्या भाषणातील वक्तव्याने माझ्या आयुष्यावरती आणि माझ्या अभ्यासावरती झालेला सकारात्मक परिणाम हे माझ्या यशाच्या विविध कारणांपैकी एक प्रमुख कारण आहे. ही भावना म्हणजेच शब्द शब्द सब कोई कहे शब्द के हात ना पाव शब्दही औषधी करे शब्दही करे घाव धायगुडे करिअर अकॅडमीतील सत्कार समारंभाचा कार्यक्रम संपन्न झाल्यानंतर जिल्हा रेशीम कार्यालयातून निवृत्त झालेले आमचे प्रिय मित्र आदरणीय रमेश भोसले साहेब यांना भेटण्यासाठी आम्ही सर्वजण गेलो त्याप्रसंगी रमेश भोसले साहेबांचे चिरंजीव आदरणीय फार नम्र असे निखिल भोसले यांनी आमचे केलेले आदरतिथ्य मन भारावून टाकणार होत आणि सन्माननीय रमेश भोसले साहेब यांच्या सोबतचा संवाद मनाला उभारी देणारा होता याप्रसंगी तलाठी पदावरती निवड झालेल्या गणेश प्रभाळे यांचा सन्मान रमेश भोसले साहेबांनी पुष्पगुच्छ देऊन केला. या सर्व कार्यक्रमाचे नीटनेटके नियोजन करून कार्यक्रम उठावदार मार्गदर्शक आणि प्रेरक करण्यासाठी ज्यांनी खूप मेहनत घेतली ते धायगुडे करिअर अकॅडमीचे संचालक आमचे प्रिय मित्र आदरणीय चैतन्य रणपिसे आणि अनिल धायगुडे सर यांचे मनःपूर्वक आभार कार्यक्रमांमध्ये माझ्या शब्दा खातर उपस्थित राहिलेले गणेश वाघमारे यांचे देखील शतशः धन्यवाद विशाल कांबळे सातारा दिनांक: ३ जून २०२४

सर्व प्रमुख पाहण्यासोबत यशवंत सोबत - सर्व यशवंत

भाग्यश्री जाधव - सातारा जि.प.शिक्षक यांचे पेढे खातांना...... खूप संघर्ष आणि अविरतपणे अभ्यास केल्यानंतर हा सुवर्ण क्षण येतो अभिनंदन मॅडम ....तुमच्या निवडीचा आह्माला सार्थ अभिमान आणि गर्व आहे

गणेश प्रभाळे - पुणे तलाठी निवड झाल्याबदल जिल्हा रेशीम अधिकारी सातारा भोसले साहेब यांच्या हस्ते सत्कार सर्व मान्यवर