AdolatFarzandi

Байрам ҳазили. Менга юборишибди, мен ҳам Сизларга илиндим. Кунингиз хайрли кечсин, байрам муборак бўлсин Азизлар! @AdolatFarzandi

Netflix суратга олаётган Соҳибқирон Амир Темур ҳақидаги фильм ҳақида маълумот @AdolatFarzandi

ОНА КЎНГЛИ - БОЛАДА, БОЛА КЎНГЛИ НИМАДА? 💬 Док-1 Max иши бўйича 18 йилга ҳукм қилинган Сардор Кариевнинг онаси Мунира Кариева:

Биз ҳам қийналдик, болаларим ҳам қийналди, ҳамма қийналди. Лекин назаримда ҳозирда иш тўғри тарафга юришни бошлади. Мен кузатиб туриб, она сифатида жабрланувчиларнинг ота-оналарига нима қилсам ёрдам бўлади деб ўйладим. Бу жараён ҳали давом этади, биламан. Халқаро миқёсига чиқдик, бунга йиллаб вақт керак бўлади. Шунинг учун имкониятдан келиб чиқиб, жабрланувчиларга товон пулини қоплаб берамиз. Бу сўзимда тураман. Фақат бир илтимосим шу бўладики, ўғлимга нисбатан қамоқ эҳтиёт чораси уй қамоғига алмаштирилиб берилса, қарор чиққан кундан тўловни бошлайман. Суд жараёнларида ҳаммаси маълум бўлди, бу ерда ўтирганлар айбдор эмас. Бу ишнинг асосий айбдори 1,5 йилдан бери Дубайда дам олиб юрибди. Буни ҳаммамиз билдик.

Онаизор агар унинг шарти бажарилса ўша кунданоқ товон пулини тўлашни бошлайман, деяпти. Лекин аслида ўзи шундоқ ҳам Кариев қамоқдан чиқадими-чиқмайдими, товон пули тўланиши шарт эмасми? @AdolatFarzandi

⚖ Ўзбекистон Миллий кутубхонасида «Yuridik adabiyotlar publush» нашриётида чоп этилган юридик фанлар доктори, профессор, Ўзбекистонда хизмат кўрсатган юрист Мирзаюсуп Хакимович Рустамбаевнинг 3 қисмдан иборат «Жиноят кодексига шарҳлар» китобининг 5-нашри тақдимоти ўтказилди. @AdolatFarzandi

БАЙРАМОЛДИ МУБОРАК! Сизга қанақа билмадиму лекин мен байрам кунидан кўра ундан аввалги кунларни кўпроқ ёқтираман. Байрамга 2-3 кун қолганда - индинга дам, эртага дам, мазза, деб ўзимга-ўзим гапириб кутишни ёқтираман. Ўзимча ичимда режалар қиламан. Балким ўша куни бирон-бир мазали овқат тайёрларман, балким бирон ёққа оилавий айланишга боришни режа қиларман... Лекин энг биринчи навбатда - байрам куни тўйиб ухлайман, деб ўзимга ўзим сўз бераман. Аммо минг афсус! Яна бир жиннилигим бор - оддий иш кунлари минг азоб билан кеч қолиб уйғонаман, мазза қилиб ухлайман деган байрам кунлари эса каллаи саҳарлабдан уйқум ўчиб кўзларим мошдек очилиб ётган бўлади. Ҳалигача бу жинни қилиғимнинг сабабини билолмай гарангман. Лекин нима бўлганда ҳам байрам арафаси онлари ёқимли. Бугун ана шундай кунлардан бири. Эртадан бошлаб нақ уч кун дам. Барчангизга ушбу кунлар муборак бўлсин! P/S. Айтганча, бугун барча ходимлар ишдан бир соат эрта чиқадиган байрамолди куни. @AdolatFarzandi

Кейинги ҳафтанинг душанба ва сешанба кунларида республиканинг катта қисмида +40 даражадан юқори ҳарорат кутилади. Ўзгидрометга кўра, 17—18 июнь кунлари шимол, жануб, Бухоро ва Навоий вилоятларида ҳарорат максимумлари +41 даражага етади. Ушбу кунлари водий, Самарқанд, Тошкент, Жиззах ва Самарқандда ҳам ҳарорат максимумлари қарийиб +40 даражага яқинлашади. Жорий иссиқлик тўлқинлари тунги минимум ҳароратларни ҳам республиканинг катта қисмида +23 +25 даражадан юқори бўлишини таъминлайди. @AdolatFarzandi

Путин уруш тугаши бўйича Россия шартларини айтди. Путин Швейцариядаги саммит олдидан (у ерга уни чақиришмаган) Украинадаги ҳарбий ҳаракатларни тўхтатиш учун шартларини баён қилди. У Запорижжя (Россия қўшини бу шаҳарни ололмаган) ва Херсонни (улар бу шаҳарни ташлаб чиқишган) беришни сўраган. Иштаҳа ёмонмас... @AdolatFarzandi

Яқинда Россия мактабларида ижтимоий тадқиқот ўтказишган ва унинг натижаларига кўра ўқувчиларнинг аксар кўпчилиги келажакда ким бўласиз, деган саволга «блогер», деб жавоб берибди. Шу кунларга ҳам етиб келдик, онасини эмсин... @AdolatFarzandi

Индонезиянинг Ўзбекистондаги 74 ёшли элчиси Тошкентда вафот этди. Сунарио Картадината 2019 йилдан бери Ўзбекистонда дипломатик фаолият олиб бораётганди. Ўзи мамлакатимиздаги хорижий элчиларнинг энг ёшуллисиям шу бўлган шекилли... @AdolatFarzandi