شعور ..

صار الزعل يا وليف الروح عاداتك وأنا الصبر صار لي عاده وحبيته وانت على الراس والزلات ما جاتك وما جازلك يا وليف الروح سويته بكره تندم على وقت مضى فاتك يوم الندم ما يفيدك والخطا اخطيته

يحز في خاطري جداً ويؤسفني اني ماعاد اشتحن من بعده وقربه ماعاد اكلف عليه ولا يكلفني الا قصيداً عليه الناس منطربه محتاج افضفض لأحد ماهوب يعرفني اقابله في وطن ثاني وفي غربه مابيه من ماحصل فالوقت ينصفني ابيه يسمع فقط و يروح في دربه

القلب فاضي بس ماني ب فاضي افتح لكم باب الهوى والمحبه مستانس ، ورايق ، وقانع وراضي وما أشوف أحد يستاهل أني احبه

أحذر إنك تحداني على عزة النفس و أحذر تذلني وتحدني على القطاعه ترى الكرامه مغروسةٍ بصدري غرس ترد قلبي عنك لو إنه بكامل إندفاعه كانك ناوي تعطيني بالمحبه درس بعطيك درسٍ عن الكرامه بكل براعه إن بعدت بخليك ذكرى ليلة الأمس وبغلي قلبي لأنه ماهوب لك بضاعه

اضحك ترى عوج الليالي مدابير وما للخلايق في قضا الرب حيله ترى الشـدايد قافيـتها التياسير يالــلي تـشيل الــهم ربك يزيله

أنت مدهال الأماني وميزان الشعور مَعك أواجه سُود الأيام و أغني لها .

احبك يوم اناديك و تقول عيوني جعل عيونك غير عيوني ماتحب

ماني على درب المقفين مجبور لا حبهم سُنه ولا وصلَهم فَرض .

من ينطح الاشواق يقفي به السيل لو كان امير و خاله من السدارى.

خذ راحتك ماني بـ راعّي عتاب ولوم ان جيتني حياك ، وان غبت لا ترجع